車厘丁's Profile

朋友一早來到，星期六下午茶時間需要等位，但不用站在門外等候，留下電話號碼有位的時候就會通知。大家都有點餓，我們叫了一個 all day breakfast，一個pizza，一個 carbonara，還有最想試的 Signature Dessert Platter All Day Breakfast 樣樣都好味，炒蛋不知是不是有加了忌廉還是甚麼的，味道不錯！還有炒磨菇片，煙三文魚，煙肉、香腸和焗豆都是好味的。多士竟然有四塊之多，幸好我們四人 share，哈哈。喜歡他們獨有的 rose strawberry jam，立即令多士大大加分！這份 all day breakfast 份量真不少，如果一人來吃的話真要看看能不能吃得完才好叫啊。 咖啡選擇：我的是 Oolong Tea Latte，朋友D的是 Earl Grey Latte，朋友R的是Cappucino，朋友M的是 Myers's Caffe Luna，叫 Latte 的都有附上一小塊 Brownie。 坦白說這裡的咖啡不算便宜，但水準實在是差，咖啡淡而無味，亦不夠熱。除了朋友M說她的咖啡OK之外(只是尚可，未算是好)，我們其餘三位都不太滿意咖啡的水準。不知是這分店的問題，還是今天我們不幸，因為倒試過其他分店是完全沒有問題的。 Carbonara 好味又 Creamy，煙肉碎很多！ 黑森林薄餅 Tartufo Pizza，最喜歡薄脆底的 pizza，因為不會過膩。Pizza 上桌時已聞到很香的味道！ Signature Dessert Platter，來這裡都是為了這個拼盤，甜品味道不算很驚喜，但每樣甜品都算不錯。吃到這裡其實是已經很飽，實在有點眼闊肚窄，但基於甜品可以是另一個胃，所以都能全部完成！除了咖啡是這頓飯的污點外，其他都很不錯的。但基於咖啡實在差得太緊要，所以只能給OK了～…Read More

並不是第一次來 Applegreen 但多數都是去旺角分店，第一次來銅鑼灣這一家。由於朋友一早已訂檯，所以不用等就可以入座啦！不過其實餐廳的人也沒有很多，那時大概是七時左右吧，但慢慢就開始多人和有點吵咯～這裡最好吃的是沙律，朋友提議點兩個沙律，當然是舉腳讚成啊！立方生律是我指定要點的！喜歡樣樣都有一點點，沙律菜、青瓜絲很新鮮，Dressing 份量剛好，還有喜歡有一點點的花生碎！之前未試過這個沙律，雖然我對雞的興趣沒很大，但這個沙律我也很喜歡，上面有很多脆脆，也有一點橙肉，整個感覺就是好夾！叫沙律才可享用的香蕉果仁蛋糕，要主動叫服務生拿給你才有的啊！餐牌上有寫著，為免浪費食物，客人要求才會送上的。這個蛋糕很香，也軟熟～蘑菇真的好大隻啊，但重點是黑松露醬，夾！這個真的是過鹹了！而且完全吃不出有柚子味…… 喜歡用上薄脆餅底～pizza 上的蝦很爽口，pizza 的香料惹味！這個香腸拼盤，腸的肉質不夠嫩，實在是很一般。但伴碟有很多的薯蓉好好吃！本人愛carbonara，這裡的做得不錯！煙肉加忌廉蛋汁，簡單又美味！但配上的包硬到像石頭一樣，完全咬不開席中幾位朋友都是第一次來這餐廳，都認為這裡不錯。當中有一位朋友後幾天就帶了她仔仔再到訪這裡呢。我自己也很推介這家餐廳，這裡的食物實在不俗，而且份量又不是超級大的size，幾個朋友可以試很多款，又不會太膩，各款沙律都真的很美味！…Read More

之前朋友send左張雜誌報導o既圖片黎係介紹呢一間屋子咖啡架！睇完之後覺得好似好有台灣感覺咁。搞到我一直好想黎試。終於有機會黎啦。好在同行朋友住大圍，所以好快就搵到啦！一黎到門口有好多人，同職員拎張飛先，一問之下發覺原來要等十三張檯 但一場黎到，無理由走架…所以都選擇繼續等。o係門口左影影右影影，朋友o係隔離寵物店玩狗，D時間都過得好快。同埋中間有好多張飛d人都走左無等。肚餓指數唔算好高，同朋友 share 一個七味雞塊餐＄49，跟餐飲品要左凍抹綠奶茶，另散叫左一杯熱摩卡咖啡。因為主要係想食甜品 由於朋友唔食沙律，所以我可以一人獨享個餐o既沙律啦！沙律菜同蕃茄好新鮮，鐘意沙律裡面有西芹（還是芹菜？）！芝麻汁亦好好味！七味雞好野味，感覺亦唔油膩。而跟餐的抹綠奶茶幾清新o既味道，但如果綠茶味再濃d會更好。我同朋友都好滿意～散叫摩卡咖啡價值＄33，但係勁細杯，感覺有D唔係好抵。依家回想番，個七味雞塊餐先＄49，即係俾多＄16就有埋野食兼飲品。不過跟餐飲品係無得揀摩卡咖啡o既，只可以揀抹綠奶茶、杏桃茶同蘋果茶。所以都無得咁計。如果杯咖啡好飲的話我會原諒佢係＄33的 好彩杯咖啡真係好飲，都好濃，所以ok啦～甜品時間。選擇有好多啊！！樣樣都想試，但我地最後只揀左兩個，分別係綜合鮮果窩夫同芒果千層塔。窩夫上面係柚子雪芭，但窩夫唔係熱o既，不過口感都不錯。我地開初以為芒果千層塔會係類似拿破倫的東東，點知原來係一個一層層由pancake皮而成的 cream cake 而已。其實味道都ok的，芒果亦好甜只不過同我地想像中有出入o者。其實又係我地無睇清楚加無問清楚o既～哈哈見到隔離檯個小倉抹茶窩夫好似好正咁，下次要再黎試試其他甜品～ 店入面有賣一D postcard，tote bag，衫之類的。我地齋睇無買…Read More

o係上環返左咁耐工，成日都經過呢度，今次先第一次試呢間 Soft aroma！大概朝早八點十分黎到，入面一個客人都無，可能係星期六而且仲係好早啦。o係吧台後面o既staff好似都唔係好見到有人入左黎咁。睇好左食乜就自己走過去 order 啦！我發覺呢度o既咖啡選擇都幾多。揀左早餐E 牛角包加炒蛋，配 house coffee 係不用加錢的，但我就加左六蚊要杯 hot mocha今日肚餓指數唔係好高，所以揀左呢個。炒蛋好滑，牛角包很鬆化，有一層層的。見到隔離檯o個位女士點o既 all day breakfast 好似好好味咁，其實本來都好想試，但驚好飽，等下次肚餓指數高Do既時候一定要試試！咖啡來了！拉花好可愛啊！！！見到都即刻令個人開心左 不過咖啡味淡左D，同埋甜左少少。不過ok的，唔算差，個賣相夠搭救番！哈哈～好鐘意店入面吧台上o既黑板餐牌，店入面o既環境都好舒服！下次一定要再黎試 all day breakfast，同其他咖啡！…Read More

又係一間平日都多人都爆o既餐廳。朋友訂左位，但黎到都係一樣要等，不過有好野食所以ok啦！其實我自己就唔係好食雞o既，但朋友猛話呢度d雞好滑好好味，所以我都有食左少少，都唔錯的！但我比較鍾意食附送o既腎片椒鹽賴尿蝦，椒鹽好香口沾滿曬隻賴尿蝦，連個殼都好野味！隻賴尿蝦都算大隻有肉的！排骨有咬口，同埋我自己好鐘意食沙拉骨的！個炸大腸好肥美啊，脆卜卜！正啊！又係炸野哈哈哈，但個多士真係好好味啊，是鬆化的，上面o既蝦膠亦好足料！我食左3件，但真係有少少肥膩 琵琶豆腐，因為我地4個人中，有1個唔食得海鮮，所以有叫左個琵琶豆腐！朋友話做琵琶豆腐工夫多，已經好少有食到咁好味咁喎。我就唔係好識啦，我只係識用好味同唔好味黎分，呢個係好味o既，下面d生菜索哂d汁仲有瑤柱碎，正！ 帶子西蘭花，覺得西蘭花有少少苦… 其實有叫左個湯的。不過唔記得左個名啦，個名鬼死咁長 但係一個清甜o既湯，不是味精湯今次食左勁多炸野，熱氣到爆了，不過好滿足！一餐半餐就算啦～…Read More

o係附近o既九展看呼叫音樂節，中途走左出去megabox搵食醫肚。想食拉面，行上一樓就搵到呢間啦。o係音樂節企左成日累到死，見呢間又唔駛等位﹐所以毫不考慮就衝入去坐底啦。入到去見無乜客人，但明明係食飯時間，的確有少少擔心會中伏。打開menu花多眼亂～選擇困難症又黎啦，拉麵仲有好幾款湯底揀！明明想食拉麵，但見到烏冬賣相又幾好所以又想食。朋友話不如一人一碗拉麵再叫多個冷烏冬四個 share，滿足曬大家o既慾望。因為我地個個肚餓指數都幾高，所以絕對無問題！我的拉麵配菜有筍和木耳，還有一塊大紫菜，正！叉燒肥瘦適中幾好味。加左8蚊要粟米，份量都好多，多到分左d俾朋友，甜的。但拉麵麵質一般，食到尾時覺得個湯有D咸。我試左一啖個湯，我覺得好咸，但朋友R話可能佢個人重口味所以覺得ok佢地都話個豬扒麻麻地朋友S話豬骨湯實無死～個牛肉都幾靚咁o係拉麵店食到最好味o既竟然係烏冬。其實價錢唔算平，但味道就只屬一般。就算會再黎食都只會食鳥冬啦～…Read More

4個人黎呢度BBQ，依家天氣唔算係太熱，所以都OK！如果大熱天時就真係咪搞我啦！自助形式，有一間房俾你入去拎食物，而只能拎一次o既食物好似蝦、蜆、金菇／西蘭花、菠蘿、香蕉、同飲品就要counter拎。但BBQ都只係包一個飲品實在唔係好夠，所以我地都有自備左飲品，同埋要樽裝飲品係要加兩蚊的。拎食物o既房都算幾乾淨同refill 得幾快的，但間房都幾細，多人去拎野食就要排隊等等啦。一入去就係各式各樣肉類，好似香腸、司華力腸、紅腸、牛扒、牛仔骨、牛肉串、牛利、豬扒、豬頸肉、雞扒、雞翼、雞肉串、雞軟骨、羊肉串、羊架都有啊～。亦都有d魚柳、多春魚、魷魚等等，同埋不同種類o既丸。跟住就有好多蔬菜，菇，瓜類～脆肉瓜、豆角、蕃茄、大蔥、洋蔥、南瓜、冬菇、雞脾菇、茄子、粟米、豆卜等等等等～～～全部都用竹籤吉好哂非常方便！不過只提供一個碟俾你裝野食，可能怕d人一次拎好多浪費食物啦無影到個蒜蓉多士，仲有香蕉，同埋個羊架都好好味！朋友將個菜心燒到塊葉乾哂，塊葉係脆o既，好搞笑！懶人唔鐘意拎住支叉燒野食，又要吉落個燒烤叉度咁麻煩，呢度就真係好good啦！不過的士司機話weekend都一定好 full，一定一定要book左先好入黎，如果唔係要等3粒鍾先有得食都唔出奇喎～…Read More

第二次黎呢到食野！家姐一早已經訂好位啦，但佢話訂位時已淨門口那張檯～平日都咁鬼 full 真係好誇張！不過店裡燈光好暗，坐門口位唯一好處就係光線充足。先來餐前面包其實係很一般的質素，包也不是熱的，但點面包o既黑醋好好味。在Special Menu上選了焗意大利菇帶子沙律。其實本來好想食牛油果魷魚沙律，但因為有人唔鐘意食牛油果，所以都係無揀到。呢個焗意大利菇帶子沙律o既沙律菜我自己就唔係咁鐘意，係有d苦澀味那種（唔知o個隻菜叫咩名）。但D菇同帶子都好好味。另外有叫了一個意大利前菜拼盤(Antipasto)呢個 overall 都不錯，樣樣都幾好味，除左我唔鐘意食o既橄欖之外～主菜叫左上次都有叫o既Wild Mushroom Risotto！水準依然！D菇味好香，同埋我又好鐘意食意大利飯仲有叫左個 classic pizza，都好味！但我地5個人根本係無可能食得完的～最終都係要打包。想食甜品都食唔落啦下次真係要多D人一齊食飯先再黎食，因為每樣野o既分量都太多啦！幾個人點少少野都已經可以飽到上心口了～…Read More

第一篇食評！希望之後都可以 keep 住寫啦！星期六返工通常都會約同事去茶餐廳食個早餐先返工。但心情麻麻唔知點解想一個人靜靜地食個早餐，今日又唔想食茶餐廳又想食好少少，但又唔想食咁貴 (麻煩的女人，哈哈哈)，去左信德搵食。o係 Super sandwiches 和 Deli-O 之間諗來諗去，最後揀左 Deli-O! 因為價錢實惠D 入到去俾我o既感覺係好似 Deli and wine！後來先知道原來都係同 deli and wine 一樣係美心旗下的！唔記得影一張清楚o既早餐 menu，但我記憶中選擇係好多o既，對於我呢個有少少選擇困難o既人黎講，我諗左好耐先諗好食咩 最後揀左炸魚炒蛋配熱奶茶。點好餐，收銀姐姐就俾個號碼牌俾我叫我隨便坐。個形式同 deli and wine 一樣~首先送上o既係熱奶茶，用紙杯上，感覺有少少唔環保，但另一方面諗又覺得衛生Do既 我o既早餐亦都隨之送上，都幾快手！多士好脆，上面牛油分量剛剛好，最重要係熱o既！我最怕o個D已經擺左好耐凍哂o既多士。炒蛋好滑分量都算多。茄汁豆同薯餅一定唔會唔好食啦～本人好鍾意薯餅！揀呢個餐某程度上都係因為佢有薯餅 好～到個魚柳啦，呢個係成份早餐入面最推介的！本來一開波係想食魚柳先的，但一切開發覺仲好熱，我諗真係剛剛炸起的，所以先食左其他野先。個魚柳好好味，絕對唔係快餐店食到乾爭爭o個D，而沙律醬亦俾得一D都唔孤寒！一個好味早餐開始一日o既工作，又唔太貴，令我心情都好番少少！我一定會再 encore的！…Read More