kkk0102's Profile

行完山嚟食晚餐，嗌咗焗豬餐廳空間闊落，仲有對窗嘅類似吧檯位置，啱曬一個人食飯，又唔洗同人搭枱，又唔會阻住鋪頭做生意，呢點要讚👍🏿店員服務態度都幾好，而且仲冇加一，已經好少見焗豬上到嚟仲熱辣辣，會咕嚕咕嚕冒泡，睇得出係新鮮焗好啲飯唔係炒底，似係普通白飯溝蛋絲，但係夠乾身，搭埋汁醬已經夠味。豬扒jaam過粉再炸，所以唔脆，豬扒好腍，炸粉層皮同豬扒肉偶爾會分離，但係問題不大，都好食。豬扒層炸粉應該有胡椒，所以豬扒多咗浸風味。除咗鮮茄，仲有西芹、紅蘿蔔、蘑菇、洋蔥，所以個汁醬有少少似羅宋湯，唔會太酸，層次好豐富。可惜本人唔食紅蘿蔔同洋蔥，不知order前是否可以提前講😂所以進食期間一直要撩啲唔食嘅食材出嚟，否則就可以大啖大啖享受。整體而言，係一次好唔錯嘅用餐體驗，都可能係因為人唔太多🤔…Read More

見到有三款布丁包，分別係原味、香芋同斑蘭。咁我就諗住試下斑蘭，我諗會好香掛。結果一食大失所望🥲我唔知係咪唔應該試呢啲奇形怪狀嘅味，總之呢隻味唔好食，可能原味先係最經典🥲而且隻包係同蛋撻擺同一個櫃，即係暖暖地，食起嚟仲怪🥲對個內餡有啲失望，就轉而去咬個包，一開始覺得okay，係脆嘅，都有烤過嘅香味。但係食到個底就好厚好硬，已經唔係脆，係硬，食到整損嘴角同上顎嘅程度🥲食到後面，內芯嘅包又比啲布丁餡浸濕，變到好似中式包點掂到水咁，成件事變得太嘔心，就冇繼續食落去🥲跟住個芝士包，睇落好吸引，但係好一般，而且好鹹🥲…Read More