lck036026's Profile

呢間人氣高質自助餐！無論係生日、紀念日定係同朋友聚餐，呢度絕對係首選！即刻睇下有幾多回本美食先！🦞 瘋狂回本海鮮陣：►即開生蠔：新鮮肥美，無限追加！►原隻龍蝦：肉質彈牙爆膏，鮮味十足！►長腳蟹腳：輕鬆拆肉，蟹鮮味濃，食多幾轉已經回本！🥩 頂級肉食之選：►焦點！佐賀和牛三食：燒牛肉，鐵板燒，炙燒油脂分布均勻，入口即溶，真心有驚喜！🎨 神級甜品體驗：►甜品師傅簡直係藝術家！只要畀張相/圖片，師傅即場為你畫喺甜品上，再寫上「生日快樂」或者你想要嘅祝賀語，儀式感滿分！為成晚飯局畫上最完美句號。…Read More

同事極力推薦，特登山長水遠走到樂富開餐！地鐵站一出過條馬路就見到，超級就腳～我哋專登早少少到避開人潮，果然明智！呢度紮根多年做熟客生意，唔夠水準點撐到今日？食物絕對有驚喜！即叫即炒鑊氣爆燈🌟韭菜豬紅入味到震，豬紅滑溜冇腥味；椒鹽九肚魚外脆內嫩，蠔餅煎得金黃香口！胡椒豬肚湯真材實料，飲完成個身暖笠笠～最正係夠晒地道風味，價格又抵食，真正街坊價，同班fd鋤啤吹水一流，食完即刻bookmark做飯堂！#樂富隱世打冷 #街坊秘店 #鑊氣小炒 #抵食大排檔…Read More

穿過馬灣舊漁村，三月新開嘅1868彩色屋仔真係令人眼前一亮～今次發現呢間坐擁無敵海景嘅餐廳，主打慢活節奏，最正係無限時用餐！對住汲水門大橋同蔚藍海景，吹住海風同朋友吹水，真係可以由午後坐到日落，完全唔使趕頭趕命🌉食物方面老實講一般，但都過得去，不過出菜速度真係偏慢㗎～建議大家抱住「食環境」嘅心態嚟，啱晒鍾意慢活、想逃離市區喧囂嘅朋友。嚟呢度記得揀戶外位，帶定部相機，彩色牆壁同海景真係隨便影都呃到like📸…Read More

馬灣1868都係啱啱三月份先開，難得而家天氣涼d過嚟行下，呢度嘅建築全部舊有翻新，變成彩色屋仔， 好似依間餐廳裝飾都好有異國風情雖然叫i love Paris ，但係土耳其菜式多，佢最出名係土耳其咖啡，留意到佢整咖啡時，特意欣賞一下， 整咖啡個職員都好好客，講下有關土耳其咖啡嘅資訊畀我哋聽，仲同我哋講可以嘗試飲完之後玩下咖啡占卜，運用想像力睇下搵唔搵到答案， 好特別的一個餐飲體驗。食物方面，菜式融合咗香港人口味，所以包唔會好硬，肉唔會又乾又柴， 味道唔錯， 另外係呢一度食嘢係冇限時，可以慢慢坐喺度chill下。…Read More

依間餐廳係韓國人主理，主要食韓式食品醬油蝦蟹任食。地方很大座位不會太迫，取食品位置寬闊，食物選擇超級多。畀個攻略大家 ，依間餐廳不定時會在車仔檔即開最新鮮嘅醬油蟹， 記得嗰陣時要拎多幾轉，因為自助取餐區位置都有醬油蟹，但係不及那些新鮮， 我覺得係有超大分別， 所以大家要留意！ 另外回本位有醬油蝦，生牛肉，泡菜魷魚， 除咗呢啲之外， 好多地道韓式小食都超級美味， 包括五花肉，年糕，魚糕， 韓式炒粉絲等。。。 味道真係有神還原喺韓國食嘅感覺…Read More

呢間餐廳推出咗北海道和牛套餐火鍋任食， 人均三百幾蚊就食到，性價比都幾高。雖然北海道和牛係定量供應二人半公斤， 但質量超高，雪花紋一望見都已經會令你流曬口水一入口簡直係感受到嗰份嘅油脂豐富，咬落軟滑，牛肉香味勁出， 其他款嘅牛肉就任食，質量都一啲唔差， 我自己最鍾意食牛肩胛肉及特選牛肉， 食返幾碟已經輕易回本； 除咗牛肉之外，呢間餐廳主打台式火鍋所以湯底都係台式口味，今次我哋食咗酸菜白肉鍋，酸菜味好出，有多款台式特色小食，台灣產嘅海鮮， 食完好似去咗轉台灣掃街咁，樣樣有啲。…Read More

喺尖沙咀鬧市中竟然搵到個傾偈聖地！iSquare3樓呢間餐廳地段超方便，搭𨋢一上到去即刻有種脫離煩囂嘅感覺，環境寧靜得嚟又夠舒適，同朋友慢慢食飯吹水就最啱～晚市有套餐，包餐湯+主食+飲品。老實講個餐湯確實有點味道偏淡要扣少少分。不過主菜即刻扳回一城！煙三文魚意粉鹹香惹味，每條意粉都掛滿醬汁；帶子燴飯更加係心機之作，飯粒creamy得嚟帶子仲保持到鮮甜，絕對交足功課！我哋仲加咗個蟹肉餅味道唔錯， 食到飽飽嘅時候見到隔離枱個甜品都好似幾好，有機會下次再黎試下。…Read More

唐宮小聚是一間新派中菜, 餐廳環境不似傳統酒樓，廚房採用開放式見到食物新鮮熱辣整出嚟即時胃口大開。今次試咗兩款招牌，「招牌乳鴿」 皮脆，肉汁多到咬落爆出嚟！至於「冰鎮咕嚕肉」 就外層冰涼脆口，內裡熱辣軟嫩，酸甜汁掛得勻循，一冷一熱口感勁複雜，同普通咕嚕肉完全係兩個世界！連點心都絕不馬虎，精緻到唔捨得食！簡單如炒四季豆都鑊氣沖天，至於個蔥油拌麵直頭係靈魂所在！師傅用新鮮蔥段爆香，唔係求其用現成蔥油，每條麵都掛滿焦香蔥油，為咗呢個麵絕對可以翻兜十次！…Read More

冇諗過海洋公園旁邊的五星級萬豪酒店食自助午餐係咁平，話曬係遊客區，宜家做緊優惠星期一至日都係同一樣價錢，65歲以上長者更優惠$288.8( 記得前往之前記得打去訂位，同埋問下仲有冇做呢個優惠) 。食物水準方面一啲都唔馬虎，呢個價錢絕對唔係將就，有多款凍海鮮！長腳蟹爆肉鮮甜，麵包蟹膏多，最誇張係刺身檔有手掌咁大隻嘅赤蝦，鮮甜彈牙， 食返幾隻已經輕易回本！熟食區更加係臥虎藏龍，燒牛肉粉嫩透紅，港式叉燒焦香蜜甜，好有水準。甜品控更加要注意⚠️ 成排精緻甜點陣容強大。唯一有點美中不足係汽水，酒要額外付費，免費有咖啡，茶。…Read More

屯門市廣場隱藏咗一間以「濟州島柑橘」為主題嘅橙色系Cafe，成間舖頭都係小清新風格！餐廳以鮮明橙色同木系設計為主，光猛舒服，打卡位處處。🏆 必食推介：超出色窩夫！講真，佢嘅窩夫真心做得出色！無論你係鍾意食鹹點當Lunch，定係食甜點當Afternoon Tea，呢度都能滿足你。賣相仲要靚到不得了，隨便用手機影都呃到Like，絕對係呃like神器！#屯門美食 #窩夫 #打卡cafe #濟州風 #terraceinseaside #屯門好去處 #韓風cafe…Read More

今次去咗中環一間食黎巴嫰菜嘅餐廳，香港真係好少有，餐廳環境超有中東feel。我先點了前菜，聽聞出名食鷹嘴豆，我哋嗌咗兩款，一個系鷹嘴豆豆泥，佢溝咗橄欖油同小小調味，口感綿滑，配上熱烘烘的Pita Bread，餅身煙韌有咬口，兩樣夾埋食美味度加倍提升；另外利用鷹嘴豆泥炸成球，配上中東醬汁非常惹味；主菜點咗烤肉串，最正係肉質唔柴唔鞋，烤得乾身又juicy；連平凡嘅烤椰菜花都整得好出色，烤到恰到好處，簡單的食材烤一烤就已經化身成美食。想試新口味嘅朋友，呢間真係可以mark低～…Read More

觀塘依間中午可以食足三小時，長者仲有88折，超抵食仲可以慢慢嘆！ 入到去食物種類多到嚇親！招牌刺身夠吸引，厚切夠誠意，重點係超新鮮，近期仲新加入藍鰭吞拿，油脂均勻，仲有藍鰭吞拿周邊菜式，鐘意食刺身嘅朋友實要狂掃！今期主打嘅甘雕立鱗燒都好出色，鳞超香脆，肉質又嫩又多汁，食完仲想再食多件。依度唔淨得日式嘢食，仲有中式點心，可自家製黑松露蝦饺，咬開滿滿蝦肉彈牙，自由加黑松露，香氣夠晒突出；蒸聖子王每隻都超大隻，鮮甜到冇得頂，乳鸽亦烤得皮脆肉嫩，汁鎖得好。呢餐真係食得大滿足！…Read More

隱藏喺富山邨呢間酒樓，簡直係鬧市入面難得一見嘅懷舊寶地，見到一種歷史嘅印證， 一磚一瓦一木都保留著，好似坐穿梭機回到七八十年代氣息，最難得係保留住龍鳳大禮堂，感受到昔日喜宴嘅熱鬧聲同人情味。 菜單更加係少見嘅驚喜，係用毛筆手寫嘅菜單，墨跡帶住溫度，每一筆都滲住老食肆嘅心思。 食物更加不負所望，款款都係地道風味，熱餸捧上台，鑊氣十足，入口滿是熟悉嘅家常濃情，呢種味道係流水線餐廳做唔到 而家保留住老香港韻味嘅酒樓越嚟越少，如果大家鐘意舊時光嘅溫度，真係要嚟試下。亦都真心希望呢份懷舊feel可以一直維持落去。…Read More

依間餐廳嘅裝潢好有特色，主打日本主題，仲以東京富士山為核心，店內仲有富士山周邊產品可以買，坐低就感受到滿滿嘅和式咖啡廳風格，氛圍好舒服。 食嘅菜式亦都好精緻，全部係小碟裝，但調配得好別出心裁，唔係周圍都食到嘅款式，我最印象深刻系梅酒冷蕃茄，完全冇諗過有這樣配搭，蕃茄唔會好淋，帶有少少咬口，加上淡淡梅味，正丫！香菇昆布釀南瓜貝貝，入口味道好出色，層次好豐富。 整體嚟講，呢間咖啡屋無論環境定食物都好有驚喜，尤其鍾意日式風格同精緻美食嘅朋友。…Read More

周末下午茶餐抵到爛！星馬小食三拼先 $49 ！重點係味道超接近係馬來西亞，星加坡食嘅味道。 🔥 必食推介：海南雞飯$48油香味夠晒足，雞肉嫩滑 🍛 紅茄參巴醬鴨腿摻摻$48湯底濃郁，鴨腿超腍嫩，仲好入味！ 星馬小食$49三拼：🥯 椰香咖央南洋包同斑蘭咖央多士一定要試馬來西亞直送，搽埋厚厚牛油，超正！🦐 鳳尾蝦春卷外層脆到「咔哧」聲，入面鮮☕️斑蘭咖啡香滑濃郁，夠地道經常都長長人龍排隊，星馬菜 fans 要留意！…Read More