carolau78's Profile

食物味道過咸，收費混亂！不會再去！！用了Openrice上減$150蚊嘅優惠券叫咗個二人餐！碌咗卡埋單後個侍應話俾現金有再多九折😑問佢點解一開始叫埋單又唔講😑有個經理話馬上void單！結果再等多十分鍾後個經理又話原來頭先講錯咗🤬咩事啊呢間餐廳！全晚得兩張枱都會會錯完再錯？！浪費客人嘅時間！最叫人莫名奇妙嘅係個經理塞咗幾張喺餐廳門口都派緊嘅十蚊券俾客人話下次用番嚟補數？！哈......呢個安排真係好笑到呢！完‼️…Read More

大家好!尋日同男友加表弟3人一齊去太古稻穗亭食Dinner Buffet.我之前已經食過一次啦..不過係年幾前啦.佢\\\地2個就第一次去食..我之前果次食已經覺得好好..以188蚊既價錢黎講算多選擇架啦.5種魚生.串燒.火鍋.天婦羅.卷物.燒物.5.6種氣水加啤酒任飲,又有好味既雪糕5種等等.加埋一都係收206一個人..仲想點啊.我睇過之前好多食評話d侍應態度好差.又成日漏單..咦.我地尋日所見又唔係想像中甘既情況哦..上菜超快,d人又有禮貌.全場食客都好似好滿意甘..我地就更加唔使講啦.所以話呢..如果以二百蚊既價錢黎定呢餐\\\日本自助餐\\\,係抵食啦..比咩一生x食.郎X.松X果d好得多啦..…Read More

金杯可以話係香港數一數二地道既泰菜之一.係深水步長沙灣一帶都係好有名架.雖然佢地鋪仔細細,堂食只係坐到30個人.但係都無減我地呢d愛食泰國菜既人..特別推介佢地既冬陰宮湯(如果嫌太大碗可以叫冬陰宮河,超好味28蚊only).小食拼盤同埋燒魚..嘩...簡直一絕.同我地去泰國食既係一樣味架..Yeah!!!食完飯之後,再叫多個椰汁芒果Lor米飯做甜品.真係滿足晒.…Read More

住係東區,時不時都會去西灣河食野. 以前都有幫襯過呢間係街市尾要上半山既悅興酒樓,不過openrice無人寫咪無留過言囉.上星期六晚同屋企人一共7個人上左去食晚飯叫左個6人歡聚餐\.個餐\有6個餸.包括蝦半斤.好似去飲有得食既乳豬拼盆.花膠海味四寶羹(好好味).鴨掌鮑片.鑊仔霸王雞.同一絛石斑仔.味道全道都唔錯.爸爸媽媽食得好開心.因為佢\地話有雞有魚哦.哈哈.最後食埋佢\地好出名既甜品,藍瓜西米露.掂!P.S.酒樓d員工個個都好勤快.值得讚賞.…Read More

好耐無上"開飯"寫下食評啦.因為近期食d餐廳都無勿特別想寫低,所以都懶得動筆.上次係度睇到食家"貓仔"既評語,話富滿樓有中午自助餐,我地一向都有去幫襯呢間酒樓,都唔知點解今次甘遲先知道佢地有呢個甘"數"既餐\攪.今日一問先知原來佢地逢星期六.日同紅假都會係3樓攪自助餐.全包係58蚊一位.同"貓仔"講既一樣,真係有三四十款野食.燒味同沙律好正.仲包酒水.有鑵裝同支裝氣水.幾驚喜啊.我地會繼績支持.多謝介紹啦.…Read More

尋晚4個朋友仔一齊黎試呢間餐\廳.因為聽講要等位,所以我地一早就打電話去book左先.個侍應問我地想坐咩區,我就話想食下西式野,又想食中式野.哈哈..甘結果我地坐左係東南亞區域囉.嘩..地方原來甘大既.裝修得好靚啊.我地叫左4樣野.分別係\"碧咸Pizza\"78蚊.好味.脆卜卜. \"Cream魚翅湯\"68蚊.\"虞家媽媽炒米粉\"58蚊.呢個真係幾好味\"Casser Salad\"68蚊.甜品就有\"朱古力XX\"(唔記得左個名.餐\牌第一個)48蚊-超好味.\"香蕉拿破崙\"38蚊.呢個就麻麻啦.食飽飽埋單都係400蚊有找.好抵呢.…Read More

終於去試左啦..嘻嘻..係銅鑼灣出入廿幾年,成日都會經過,居然都走漏眼.唉..失敗!好彩,終於去試左啦.嘩,佢\\\地d牛肋骨點解可以炆到甘琳既?d蘿蔔點會甘入味既?我同媽媽2個人,食到勁開心.再叫左個石頭飯.飽到呢.嘻嘻.莊園真係無得頂啊.(前菜都好好味啊)…Read More

好開心啊.又再一次去迪士尼玩啦.上次總彩排入黎食野有7折.今次就要full pay啦.不過40蚊-50蚊一個餐.好抵啦.佢地有咖哩餐.點心餐.壽司餐.麵餐同扒餐.都幾多選擇啊.分量又足哦.可能驚d遊客玩都餓啊.樣樣都大大碟.Services又好.我個friend甘橋生日,d侍應仲同我地一齊唱生日歌,又送個米奇樣既布甸我地食添.嘩.你話幾開心啊.嗯..佢地d食物質數就一般啦.不過出到樂園玩,食咩都無所謂啦.因為主角係米奇老鼠嘛.…Read More

好耐無黎呢度食野啦.因為地點唔係太就腳(晚上好少會係天后食).去趁都係中午多.真係無得彈.佢地既食生飯.45蚊.大大碗.d魚生多到食完d飯都仲未食完d魚生.足夠2個人食.不過每日中午都限量供應.(如果遲過12點45分去多數都無晒)佢地其他lunch set都好抵食.燒汁牛扒.雞扒都好好.唉.又唔加一.又好味過"笑笑",你話去邊度搵啊.不過間鋪就細d,有多人等位,唔可以坐得耐囉.但大家一定要試魚生飯啊.…Read More

好耐無去過Ruby食野啦.係沙田呢一間都係第一次去.因為佢地d食物份量太大既關係.我地如果2個人食飯,多數都唔會去幫襯佢架啦.再加上價錢又唔平呢..不過今次撞0岩有friend生日.我地9個人咪一齊去食番餐囉.哈哈,我又有半價哦,咪叫左好多平時無食過既野囉.有四合一拼盤228蚊,16oz T-Bone228蚊,Colssal Burger108蚊,Chicken Quesadilla148蚊,NewOrleansSeafood Rice178蚊and Potato Skins68蚊.嘻嘻..每人再一杯野飲.都係6百幾蚊.唉.超抵.…Read More

突然間中午想食韓燒.唔知係咪呢排天氣開始涼涼地呢.我地唔想食漢X園,梨X園果d啊.但如果去阿里郎or新羅寶又會好貴.哈,不如就去呢間啦.又好食,感覺又親切.我同男友叫左2樣肉.羊同豬.肉味好夠啊.唔太咸.肉既份量同阿里郎一樣,不過就價錢平一半都唔止.2個人有4碟前菜.Kimchee唔係好辣,味道一般.大豆牙菜就最正.豆腐又入味.白菜仔都唔錯.蘿蔔湯無味精,幾清甜.每人跟一碗好大既飯同甜品.嘻嘻.其實呢間韓國野係禮頓道都有十五年以上既歷史架啦.我地時不時都會去幫襯.雖然d侍應個個都面無表情,同你講多句都好似唔想甘.點解?唔憂做囉.…Read More

星期四去左笑笑食晚飯.今次係第5次黎啦.貪佢地點方便,又唔使等位囉.(因為有得book位)和民成日等餐死.我地2個人叫左5樣野.石頭飯58蚊.好味道,最衰無飯焦.串燒拼盤,要左鹽燒.都唔錯有4串.48蚊.牛肉燒,好得意啊有個爐仔俾你燒.每人有4片.幾好味.38蚊.明太子雞亦28蚊.不過不失.炸豆腐.男友激讚.28蚊.好飽啊.唯一要鬧就係除左門口果個帶位之外,個個侍應都面黑既.…Read More

尋日媽媽又想去飲早茶,又話要試下d新野哦.哈哈,我就帶左佢去呢間野啦.甘橋我有張係條街派到既7折coupon免茶介.不過都知會唔平架啦..一上到去,人唔係太多.十台八台啦,所以好安靜.好啊,我地鐘意.睇下張點心紙,小點18.中點23.大點28.特點38.哈,唔平.好似西苑甘.我地叫左4樣.馬拉糕.咦,幾好味哦.最好味呢個.佢地台台都有食.蝦腸,d蝦大隻新鮮,不過腸就略為厚d.排骨,普通啦.芝麻手撕雞,嗯呢個就差d啦.雞肉莓莓地.太油啦.侍應服務好好,勤沖茶.埋單仲主動問我地係邊度拎到張coupon.又再送多張.叫我地下次多d幫襯.唉.真係生意難做啊.全單80蚊.又唔係貴哦.有下次.…Read More

今朝俾媽媽一早叫左起身.甘既然訓唔到啦.咪同佢去Times鴻星飲下茶囉.早茶12點9前埋單有得平.大中小點都係12.8.仲有d健康點心6.8添.都幾抵架.比起稻香,呢度坐得又舒服.又唔嘈.樣樣點心都幾好味啊.雖然貴過佢少.但係都值啦..如果人多,可以一試佢地既炸鯪魚球.有6粒.28蚊.好味.嘻嘻.見到隔離台有人叫左燒脯仔,好似好好味甘.嗯..下次一定要試下先.…Read More

前2日同媽媽黎左呢度食中午.媽媽係第一次黎,覺得呢度d裝修好有特色.侍應又好招呼. 所以未食.佢已經對呢間野有好感啦.我地2個人叫有一個點心拼盤餐40蚊.有2粒羊肉餃子.2粒豬肉燒買.1個菜肉包同一個南瓜餅..嗯.味道一般啦南瓜餅最好味.男士應該唔夠飽架啦.(我地當時都唔知點解會食果個既..唉)再叫左個燒羊腿手爪飯.45蚊.哈哈.呢個就似d樣.一碗湯,跟個飯.都幾大碗.羊腿真係燒得好好味啊.有2件.真係唔夠喉啊.下次一定要再叫一碟羊腿先得啊.我地都食得好開心!有king parrot card.有85折.…Read More