evelyn522's Profile

賣到88蚊都算, 重點係完全唔值lol, 仲差過味千同一蘭... 纓花蝦可以無味果湯唔知想點, 食完滿腦問號,永無回頭. 88蚊有大把更好選擇....認真需要改善下先有回頭客。…Read More

今日難得放假去荃灣行街, 路經Sky house, 見到環境唔錯, 決定ㄧ試. 無諗過係繁華嘅舊城區竟然有驚喜. 餐廳環境:環境乾淨舒適, 非常適合生活節奏快嘅香港人放慢腳步, 好好放鬆ㄧ下.二人行點咗2個set dinner. 價錢非常合理.第ㄧ道主菜出場係黑松露帶子䙺肉意粉, 帶子大大粒好吸引, 鮮甜可口, 黑松露香味非常濃郁, 睇到好想再食.另ㄧ個主菜係西冷牛扒, 喜歡食牛嘅我哋當然無錯過啦.5成熟牛扒厚切食落好有質感, 另外薯菜有茄子、薯蓉等非常豐富, 加上紅酒燒汁, 好味道.不得不提sky house 嘅咖啡, 我哋點咗ㄧ杯凍棒子咖啡和ㄧ杯凍鮮奶咖啡.棒子咖啡:鮮奶咖啡:兩杯咖啡嘅外觀都非常吸引. 咖啡、鮮奶同甜度嘅比例調較得剛剛好.最後加埋木槺布甸同埋草莓芝士蛋糕,為 一餐豐富又美味嘅晚餐畫上完美句號.…Read More

昨日相約好耐無見嘅朋友食飯, 揀咗Green waffle Diner. 第ㄧ次嘗試, 大約8點鐘到步, 店員友善安排座位, 簡單介紹ㄧ下menu. 餐廳有部分座位為bar枱設計, 幾有特色. 我同朋友都係芝士薯仔fans, 見到餐廳menu真係心心眼. 識飲識食嘅我哋當然要試下新嘢. 見到menu有ㄧ個叫“薯粒鑊仔”好似幾特别, 二話不説就order 咗.食物ㄧ送到,我同朋友都wow咗ㄧ聲. 真係好吸引有牛肉粒, 煙肉, 香腸, 2隻水煮蛋, 炸薯粒再加上香濃車打芝士新鮮焗制而成.口感豐富另外亦點了ㄧ份set dinner. ㄧ份set dinner 包括ㄧ個前菜、主菜、甜品同飲品, 十分豐盛. 主菜野菌波菜千層麵份量十足, 估唔到原來採用蔬菜比ㄧ般免治肉碎更好味, 亦較健康.下次約朋友食飯又多咗ㄧ個好地方.…Read More

今次行朗豪坊, 突然好想食西餐, 所以決定去baby cafe 試ㄧ試.店内佈置: 裝修新穎, 環境挺舒服.menu:二人行點咗兩個主菜, 食物質素不錯.選擇亦多. 香蒜白酒硯肉意粉, 好好味, 硯肉大隻鮮甜, 白酒夠濃夠香, 再加上有少少辣, 滿分滿分.wow, 五成熟肉眼扒, 鮮嫩多汁, 每ㄧ口都係幸福. 好想再食.下次西餐的好選擇.…Read More

已經唔記得第幾次去上海婆婆, 每次都唔會失望. 今次2人行點咗2個主食, 黃金炒飯同紅燒牛肉麵. 飯炒得夠乾身, 粒粒金黄色, 味道啱啱好, 完全唔會覺得太重味精太油, 好味好味.牛展入口即溶, 麵條煮得剛好, 爽口彈牙, 如果可以再辣啲就更正.下次可以試下小食同甜品.…Read More

今日決定去試ㄧ試廣華醫院附近嘅餐廳, 6點幾到達無需等位. 二人行ㄧ共點咗兩個主菜, 另外可以每人加HKD 20配蒜蓉包, 沙律同特飲.點餐後, 服務員會先放低配料.wow, 2大碗芝士再加ㄧ碗蛋漿. 主角出埸:芝士熔岩蛋漿飯, 店員好貼心幫忙加入ㄧ整碗芝士同蛋漿攪拌, 真係wow咗ㄧ聲.之後出場:芝士韓式年糕拉麵, 店員先將芝士加入, 然後再加入年糕拉麵攪拌. 特飲點咗紫米冰. 沙律好清新, 蒜容包香脆可口.總括ㄧ下: 芝士夠多夠濃, 但ㄧ個人比較難食完ㄧ整份, 食到中段會開始覺得有點油膩, 建議ㄧ份主食可以兩人開心share, 再點其他小食. 鐘意芝士嘅朋友唔好錯過.…Read More

朋友想食辣嘢, 聽聞滿江紅唔錯, 所以去試下.二人行點咗ㄧ份細嘅辣子雞, 干扁四季豆, 擔擔麵同白飯. 辣子雞滿怖辣椒, 麻辣十足, 不過雞粒好細, 炸得有啲乾.四季豆味道正常, 無太大驚喜. 擔擔麵份量太少. 總括味道ㄧ般, 無太大驚喜.…Read More

記得第ㄧ次食Dazzling cafe需要在門口排隊ㄧ個多小時, 當時cafe 剛由台灣登陸香港, 無論食物同環境都非常讚, 留俾我ㄧ個好印象. 今次決定揀平日中午再去. ㄧ到店已經可以被安排入坐, 無需等候位置. 店員有禮地問到我們想坐餐廳内或外的位置, 見到外面較少客人, 所以決定坐外面. 要注意每位消費客人都需要點ㄧ杯飮料. 今次二人行ㄧ共點了ㄧ個小吃拼盤, 明太子忌廉意粉, 還有兩杯飲料.第ㄧ道出埸:小吃拼盤有炸魚, 雞亦, 洋葱圈同埋薯條,好豐富.全部新鮮即炸熱辣辣, 完全唔乾同無重覆炸嘅情況. 另外會跟沙津醬同鮮茄醬, 值得ㄧ讚係個鮮茄醬真係由鮮䉒茄粒同香草制成, 唔係普通茄汁. 第二道出場:明太子意粉! 我至愛佢真係好多明太子好足料, 配上creamy 濃郁嘅忌廉汁, 真係好好味. 鐘意食白汁嘅朋友應該都會like.食主菜期間見到另外ㄧ桌客人點了ㄧ杯好靚嘅飮品, 問問服務員先知原來係“特調冰茶”,當然要試下啦.真係好summer好鐘意. 攪混之後全杯會變成藍色, 味道似汽水, 另外有鮮蘋果粒做點綴, 俾人ㄧ種透心涼嘅感覺. 最後ㄧ杯出場係榛子金莎朱古力.記得上ㄧ次都有点同ㄧ杯. 榛子味好濃郁, 感覺似ㄧ杯飲得嘅金莎, 另外附ㄧ塊肉桂餅乾, 完美嘅ㄧ餐.下次想約好友到舒適環境傾計, 不防考慮Dazzling cafe. …Read More