ba_si_lo's Profile

一向都好喜歡拱照嘅豬紅夠入味同酸梅湯，今日難得入香港仔食晏，都唔使諗就幫襯拱照。點咗五樣餸，之後姐姐話冇豬紅，咁算啦。點知隔離枱之後入座嘅食客叫大雜麵竟然有豬紅。咁就問老細咩事，點解先來嘅冇得食，遲來嘅反而有得叫豬紅。老細話今日冇豬紅返，要留返俾叫大雜嘅客。咁即係話我碗麵唔係生意啦？阿老細又話唔係碗麵嘅價錢嘅問題，仲話「咁你要打橫嚟講冇得講。」哦，咁得啦，即係唔叫大雜就唔係生意，仲要係，打橫黎講嘅添，咁以後可以慳返嘞。…Read More

2018年3月29日。午餐時間13:34未行埋位已經叫咗要干炒牛河。13:45你仲問多次我叫咗咩，我再指指玻璃門張A4紙要D. 干炒牛河。等到13:54你先話剛剛落單，仲要等你炒埋人地圍餸先，仲話一係我俾個兩餸飯你食好唔好。等得你炒出黎，我劏開個肚擺落去都趕唔切啦。人地叫咗D兩餸飯又送到亂哂龍。出咗坐我隔離位女士嘅飯俾第二個人之後，問返佢要咩，跟住話冇哂嘞要第二樣好唔好。即是如果你當我地D散客唔係客，就唔好做午餐散餐。或者你一係做返大陸客啦。…Read More

晚餐唔知食咩，行到呢間店，見價錢合理，就入去叫個西炒飯，隨餐附送中湯或白湯或紅湯及咖啡或茶。先黎個湯，再黎埋杯檸水，坐多大約五分鐘已經有人走埋黎問，「先生你個飯係咪仲未黎？」答左佢之後，兩分鐘已經送上西炒飯。雖然飯粒不太夠乾，但整體味道不錯。邊吃邊聽著其他枱鐵板扒餐淋汁料的「沙沙聲」，再嗅嗅汁料因遇到熱鐵板而蒸發的香氣，實在後悔沒有多付廿元吃個鐵板餐。下次來的時候一定要試試！…Read More

13:25坐低，兩分鐘唔夠已經落左單，仲要成個樓面計埋收銀得三個人，終於要收銀果個出黎落單，叫左個燜湯肥牛腐皮米線、凍啡少奶少冰、蒜泥白肉。等到13:45都未有野到，係連筷子都冇！ 。凍咖啡都唔係咁難沖啫。我隔離枱果個13:43坐低，又係兩分鐘叫野食，13：50都有杯檸茶到啦。我杯咖啡仲係影都冇 ！再等落去我實遲到。同阿姐講我唔要D野嘞，換黎係「啊唔好意思呀吓」。幾年冇黎食，間川居亂到不知所謂。搞到我午餐都冇得食。…Read More

聽說順興晌大坑好出名, 趁有少少時間, 特意過黎一趟.大約時間係13:30, 唔駛等, 有6-7個位剩, 無人得閒招呼你坐邊, 我見有人自己坐低, 咁就照樣隨便坐.13:45都未有人得閒理你想叫咩食, 檯又無人得閒執, 阿姐剩係得閒包外賣. 我已經有幾次想起身走等到13:50先終於叫到野食. 13:55黎左杯凍檸水先. 阿姐話"俾埋包糖你o丫" 喂凍檸水比包砂糖我做咩鬼!??! (杯野明明係有糖水ga wor)然後再等到14:00先到, 癡線o架, 煮個車仔麵要10分鐘?!?!好在, 豬紅好入味, 我可以話係我食過車仔麵o既豬紅最好食果三間o既其中一間; 而魚蛋o既質地, 咬落脆脆地, 好香魚味. 湯底又算係濃.你問我會唔會返頭食, 可能會, 不過盡量唔好晌lunch time啦…Read More

話說一行四人昨晚想食日式晚餐, 可以選擇o既係 活一鮮 同 御X後者上次試過, 今次試下活一鮮另外仲叫左1. 海膽三文魚飯, 海膽份量仲少過一件海膽軍艦入面o既海膽量2. 串燒冬菇, 味道搭夠, 不過略嫌唔夠乾身, 攪到唔知當係汁燒定鹽燒3. 牛肉烏冬. 值得一提o既係侍應姐姐(姨姨)好有禮貌. 埋單$814…Read More

平時坐小巴經過呢個位, 跟住就諗搵日要黎食, 點知日日lunch都無左回事.尋日返工經過旺角想食, 點知星期日休息, 難怪o既, 呢個位星期日都無舖頭開門.今日終於行過去, 嘩, 十二點八九個字已經排緊隊同好多車仔麵檔一樣先叫麵後叫送我就叫左河粉 + 魚蛋、豬紅、豆卜..... (突然醒起openrice網友話牛腩好味) o丫.... 仲要牛腩, 加罐可樂 唔該魚蛋... 咦比其他舖o既魚蛋大粒o番?豆卜, 索左湯底之後好正豬紅, 有少少腥, 可能因為牛腩味濃, 所以蓋過左豬紅牛腩就不得不提o勒, 好鬆腍好入味! 同網友所講o既一樣, 而且飲得到腩汁落左湯底之後有膠質, 即係煲左好耐啦.…Read More

是日一年七個月紀念日, 女友一做話要食好D橫掂有COUPON, 就試下SML啦., 貪可以小份量試多D款嘛去到, 見都幾滿下, 擔心緊無位啦, 門口侍應姐姐問, 如果9點交台O唔OK, 時為19:45, 無所謂啦.... 入到去..... 咦? 並排坐, 唔似其他餐廳打對面坐o既? 無所謂啦..... 睇下menu... 用簡體字同英文組成 (drinks果part, 抱歉簡體欠奉)叫左下列small size地中海魚湯拼多士 - 有D似龍蝦湯feel, 係好飲o既. 配蛋黃醬搽多士, 唔吃酸o既女友都話正西班牙凍湯 - 第一次飲, 成壺杰撻撻晌你面前倒落碗, hm, 辣味稍重. 好茄膏feel驚唔夠飽同所以叫多個牛油薯蓉 - 因為D意粉未辣完, 食唔出牛油味, 正當以為係開粉o既時候... 又比我咬到舊薯仔 =.=以下兩個medium size大蜆扁意粉 - 蜆肉咬到海水味, 好鮮, 不過加左辣椒... 搶左D味道白菌黑松露意大利燴飯 - 白菌好鮮... 個汁好濃, 好食兩杯飲品 one sizeVanilla Milkshake -香濃Kiss Me - 算o勒,少去bar叫cocktail都係唔多識品嚐服務呢, 我真係幾滿意, waiter哥哥(佢叫siu lung)對D唔純正o既英語人士到lark lark聲. 而另外走果陣, 張comment card唔知比邊個o既時候, 遞返比門口o既姐姐, 佢係雙手接過... 呢個禮貌而家仲有多少人記得?…Read More