為食無要求's Profile

好吧，這次不再是為了送別同事， 而是為了吃好東西而來，因為難得同事竟然真的找來一間食評大讚的店子，所以“我也準備好了!”首先地理位置就腳，旺角信和正對面，坐車步行都方便。本身6點半起2個半小時任食刺身＆火鍋＆任飲Bear+汽水，常人一睇就（超!有邊度火鍋放題唔係咁姐?）無錯，好多地方都係咁，但好多地方都令你去完一次就總會有理由唔再去，呢度?你會走果刻已經plan定下次搵邊個陪你再去，why?好似賣廣告但請繼續睇落去。第一，食物選擇相當多，而且有個別特別食材在一般任食吃不到，就算有也未必包括於任食名單內，附上餐單一張自己CC。第二，也就是最最最重要一點，就是。。。d野真心好食，係真係食唔停既好食，大家明日約會悶就會玩手機，圍埋食野悶會多影相&玩手機，我沒多影相來解釋就是因為食物太好吃我沒時間影隨機講d 不得不提係果度店員既服務態度，見你隻碟多食物殘渣主動收碟，仲會先問你，仲會講唔該晒麻煩晒，仲會問你要唔要wasabi, 仲要有耐性咁講解點食最好，仲會主動加湯唔洗叫，天丫，出面果d?個個當你殺父仇人，唔叫都唔做，bear到你實，走單多過鬼，呢度完全無發生，店員都好nice，原來香港仲有咁既地方。最後要講既係落樓只需238，十分滿足，會推薦比朋友既店子。你也應決定了吧~…Read More

半年內第N次歡送同事。。我還有同事嗎……回正題，今次其實是第二次來到這間大瀛喜，第一次也是歡送同事但沒心機寫，所以這次就動動筆好了。先說缺點，就是。太。窄。了。空間十分不足，一入去就一種食野會手肘撞手肘，攞野會撞到其他食客的頭，同女生去就多d身體接觸，例如佢既手掌同你塊面。。再來就是當日突然出現女洗手間沒水沖廁的恐怖事故，同事還指因沒水沖廁而看到馬桶內有大量A（笑）哈，缺點就這些，基本上食物品質方面很不錯，款式也多，不會像一般放題般來來去去都那些下價貨，也不會多點幾次就出現售罄的情況。還有放題最氣人的走單機率也很低，不會吃到一肚火，再加上女店員竟然都很年輕貌美，爽♡…Read More

每個故事開頭，總有原因，這次飯局單單是為了天氣凍，加上無肚痛，所以同事們就搵左間所謂平靚正既任食打邊爐暖胃。。。其實一睇食評就發現。。都真係無咩食評。。而且有都係有彈冇讚，其中仲有d咩小生物小強強伴食，講出黎同事都笑言話無野既。。畢竟d食評都幾舊。。。去吧。。1830開始食，全場可以話係清幽，因為根本全場加起來不夠十圍人。不過好處就係侍應反應相對快d，一圍兩爐隨即上檯，成個蓉蓉爛爛，條邊爆開晒，爐面黑媽媽既燒焦漬，反正不是吃個爐，算了，但最恐怖的一刻出現了，一放低個爐，成隻小強跌出黎嚇到立即叫丫姐，佢竟然話“無事既，等我黎”之後一手捽死佢，仲要只用手指。。。當我地驚魂未定時旁邊的檯也聽到女士的叫聲，情況也是小強出現，小強被消滅。算了，反正不是吃小強，開始落單，但望住剛剛圖手殺死數小強的丫姐運送食物過來，心情和食慾同時受影響。單論食物其實不差，特別好味既原隻八爪魚，爽脆既生腸，軟滑豬頸肉，都算幾新鮮既蔬菜類，異常大份既炸魚皮等。可惜肥牛太肥又黑黑地，滚兩下都勁韌扣了一點分。如果閣下/閣下同伴不怕小強，可以心無旁逸地吃，可以來試試，只需128任食任飲。ps:9時30分離場依然十圍人都沒有，而且見到（吳剛師傅），查油吞炭果個呢，唔知？去問下你爺爺吧。…Read More

本身一早預早約好晒同事們7/12去呢間大獲好評既自助晚餐食餐飽，點知忽然前二日就發燒胃腸炎，點知同事一句（我生日喎），咁就命都唔要lu~出發~一入酒店上條樓梯就到，方便非常。6點開始時都係水靜河飛，咁Q撞正樓下聖誕樹亮燈儀式，有表現唱歌跳舞但擋住睇唔見，雖然得聲但都幾有氣氛，不過應該唔係日日有。啊~回正題，食3粒藥後立即去狩獵美食。。。總括而言好壞參半，好吃賣座的就真的非常好吃，但非主角就非常一般了（但怎可能全程只吃龍蝦花膠丫。。），推薦給愛任吃高級食物又同時無視膽固醇的您~…Read More

同事們番工壓力大，放工想圍埋吹下水，見到呢度有個抵食晚餐，即刻早日落訂，本身已經唔貴竟然仲可以減多100！！爽！因為我地得十人所以夠食有餘。晚上人很多但侍應都不會無視你，仲有野食都黎得幾快，唔會有食晒吹到口乾都未到下碟既情況。。。一個字，ok囉，呢個價錢你想食到識飛咩~…Read More

十月下旬為了補祝同事牛一，特意book了這間大獲好評的晚市自助餐試試看。本身分開兩段時段，為了吃最新鮮的所以選了1830 ~ 2130，任食三小時，爽。萬想不到當晚突然肚瀉而擔心浪費了美食的我竟然可以照樣吃得那麼開懷，因為實在太好吃了！整體而言十分滿足，有機會會再去，味道很好換碟很快，服務態度良好而且時間充足。Nice Nice地咁啦…Read More

由於腸胃問題平時都不太吃辛辣的食物，但同事們大推下只好捨命陪君子吧。。現場環境與一般泰式餐廳差不多，都是一堆象頭鷹頭泰女像，而且冷氣有點不足，晚上7點幾都仲有少少熱。由於有識途老馬，所以不用花太多時間選擇立馬一個set dinner加2個小菜先。落單唔洗5分鐘即上滾熱辣冬陰功湯，勁開胃，好香夠料同酸辣味剛剛好，連我呢d食完辣會死既人都唔覺太刺激，仲想添飲呢。炒酸辣河炒都幾惹味，炒唔會痴埋一舊又唔覺油，用黎當飯食，不錯，不過沒驚喜。抄泰式通菜？餐桌上鮮有的菜類，用作清腸胃功用來說有點過油，但還是轉頭清晒。呢隻切雞簡直係當晚的一流清泉，肉滑皮香有雞味仲要唔會咬開一舊黃色脂肪，正正（雞脾被搶了）雞豬串燒加蝦丸上層一碟“沙田油”沙律，幾清新，串燒本身上碟有d凍凍地味道沒特別但蝦丸幾好味唔油膩，酸甜味正啦。嘩，全晚第二好味晚既蟹黃大蝦，膽固醇應該超越天際但真係好香，蝦殼都做到軟綿綿就咁食唔洗吐蝦殼（頭尾例外）d肉吸收晒d蟹膏香味，冇得頂。呢個咖哩蟹真係全場總冠軍，可惜在本人唔食蟹，但d汁真係超級正，好多蟹膏加蛋白，十級香濃，立即叫法包點汁食，3大塊法包都仲想食。。望住人地食蟹真係打開可以啖啖肉，真心推薦。打字打到手殘。。但呢味波羅羊架都唔講唔得，羊架肉多味香唔（蘇），d波羅食得出唔食can food果d，羊架仲要有骨髓，仲要比我搶到（得一隻），於人前吮骨髓，失禮，但好味，骨膠原呀~食到最後酸辣烏頭一條配肉丸秀珍菇，秘製酸辣湯一面煮面落，酸香傳千里，魚肉冇泥味唔腥又滑，菇菇吸收左d酸辣湯特別好味，肉丸就。。沒特別。最後黎一杯冰凍泰式奶茶，人地話勁甜，我覺剛剛好幾順口，仲有其他多珍冰，椰青etc任君選擇。叫set 送既甜品。。嗯。。有涼粉，豆糕，蛋味糕，全部都有點淡，最好味係知椰汁黑白（non）米，熱熱的米，凍凍的汁，兩重口感，份量不多，可惜但好味，芒果十分淡冇味。。。總括而言6人190蚊位有找，冇理由唔去，90分。…Read More

經過一日不知所謂的辛勞工作後，放工後相約幾位同事一齊去打個邊爐輕鬆一下。其中一位自稱食左十幾年既同事話呢間野幾好。。。立即去試。到左晚市時段，正常百幾蚊邊爐仔好食極都有限，但呢間裝飾豪華的“十多年”老店更令人意外！一行人一上樓，天公做美，晚市都可以做到大半樓面也空空如也，侍應比客人多的佳景，不錯。坐下來填完食材，筆還未放下，“忙碌”的侍應急不及待收走order紙，還好由於食客數量不多，食材很快上檯。當大家像餓鬼投胎般搶夾完第一轉的食物準備放第二輪食材時，侍應以9秒9的速度倒了大半壺湯底到爐中，只吃了一隻蝦卻餓到半死的我只好暗笑侍應哥的風趣。。。ps.那裡最出名的任食生海蝦只上了十多隻就（賣晒），好不可惜。當然，百幾蚊貸仔不要有要求，其實這餐也算還可以，一般茶樓邊爐有的都有，像筋牛肉，爛邊生菜，苦味蘿蔔，在客人背後說經理隨時炒他而回家吊頸的侍應一，指客人未食完檯上食物不能再order而隨手丟掉order紙的侍應二。想想真是很平常，但還是想寫下來。令一眾喜歡看千奇百趣的人去試試看，發掘更多有趣事~…Read More