PinkCheung's Profile

放假諗住行吓裕民坊上網搵有咩工廈美食見呢間咁多好評，諗住OK啦環境可以，招呼唔錯，但食物就......首先上枱嘅係呢個所謂海南雞飯雞冇雞味，只有一朕雪味而且完全唔滑，快餐店都好過佢既然隻雞都冇味，個油飯自然只能用個咸字來彌補餐牌寫住拌蝦片及菠蘿，件事好似好抵咁Well，菠蘿有一件咁大把，仲要係罐頭嘢大佬，唔係事必要你送，送得嘅可唔可以唔好咁Hea蝦片正常，全碟最好味係佢跟住豬手飯上枱，份量非常足如果體力勞動者應該食得好滿足但食物嘅嘢貴精不貴多個味道算正常啦，食開西貢金雞，係冇得比嘅所謂迷你生菜包，理論上入面應該係打拋豬佢呢個.....我真係唔知點形容跟餐送嘅例湯落咗好多師傅嘢飲泰式奶茶正常總結：連埋加一近300 隔離APM有更多好味嘅選擇全餐飯最好味係杯奶茶同炸蝦片，你話死唔死！…Read More

位置一流，裝修靚，有現場彈奏嘅鋼琴，員工服務亦親切我哋坐喺窗邊，望住個無敵維港景，自然光照入嚟感覺係好chill嘅兩個女仔吹吓水食下野，咁就兩個鐘但講到個high tea本身，自己就覺得性價比麻麻始終唔夠精緻，鹹點係五件三文治！飽到上心口，如果有啲批/酥感覺會好好多甜點都好味嘅，但個人覺得實在太甜......而佢最出名嗰個scones，聞落真係好香，食落就乾咗少少講食物唔夠仙后好味，講杯茶又唔夠WG好飲總括而言我覺得試一次打吓卡就夠，唔會再幫襯佢個high tea lor順帶一提，成間店得一格廁所，去洗手間要等好耐…Read More

Weekend瞓醒，老公揀咗去呢度食brunch 套餐已經包左任飲香檳🍾️Rose 🥂同埋其他幾款酒望住無敵靚景，食物西日合壁，款款都好好味飲飽食醉，咁嘅假期真係冇得頂😙…Read More

餐廳裝修雅緻，係慢慢坐傾計嘅好地方咁朋友每人點左兩杯嘢飲食咗ham & cheese，加多個蝦同海鮮飯傾吓傾吓咁就三個鐘服務好好，個waiter成日過嚟同我哋傾偈10pm後燈光轉暗，變身夜場如果食物有更多選擇就更好…Read More

大埔中心美食多不勝數，可惜旁邊的太和站卻.......偏偏公司就在太和，這天忙碌過後，來到「澄」店如其名，一室澄明，簡約雅緻百餘元起跳的lunch set 不算便宜，鮮美的壽司卻也對得住這個價錢。初次造訪，想寫的不是食物。撥開簾子走進洗手間，日式座廁已叫人歡喜，還有棉花棒、牙線、JM香薰，洗手盆下甚至還有衛生巾！這份細心，不枉為一間日式食店。食物雖不至於驚為天人，但因着這抹恬靜，這份細心，還是樂於在午間再次光顧。…Read More

環境裝修簡單整潔，感覺舒服。開舖小故事更為「小麻吉」添上一份人情味。午市餐三丶四十蚊連熱飲，價錢合理，勁多學生幫趁。訂製碟子雖未見精緻但有誠意。試落滷肉對辦但冇驚喜，珍珠米飽滿索汁，配菜亦中規中距。至於主角「秘製香酥排骨」呢......食得出調味係正宗台灣味，不過排骨實在太薄，炸漿乾身但未夠脆，問題出現喺股酸味度。可能大廚為應付午市人流，一早解凍醃定但冇擺雪櫃。作為食店，始終味道行先。中學麻甩仔可能有肉食有炸嘢就收貨。但如果對食物有要求，咁就真係僅僅合格喇！…Read More

朋友介紹呢間心機食肆，話係飲嘢傾計嘅好地方。今日一於黎試試。六點幾入座，我係第一個客。登上木樓梯到二樓，環境雖小但整潔雅緻，有居酒屋的親切感。叫咗炸物丶燒物及丼後，叧外兩張枱亦陸續坐滿。鰻魚丼先上，味道不過不失。因為鰻丼較濃味，個人認為跟啲日本蘿蔔或子薑會更佳。跟住係明太子燒淮山，內裏保持爽脆濕潤口感，外面燒得乾身，明太子都比得好大方，不俗。自己鍾意食天婦羅，叫咗個考牌。其實個脆漿都OK嘅，可惜實在太油啦！成張吸油紙都係一達達嘅油漬，尤其係茄子、冬茹，更加係油淋淋！幾支炸秋葵中有一支好老，完全唔想食。總體而言，間舖環境幾warm，招呼唔錯，老闆亦都親切，但都係香港人扮日本野，有形無神，普通食嘢都可以嘅，但係大圍同樣價錢有好多更好味嘅選擇。而且作為一間和食居酒屋，老細你知唔知喺日本對筷子打直擺係好大吉利是架......…Read More

大埔雖然食店林立，但近太和呢邊就好難講，仲要係日本野喎！呢度嘅嘢食ok，燒比目魚調味剛剛好，外脆內juice，而且擺盤不俗。朋友嘅魚生飯就話唔夠新鮮，普普通通合格咁啦。環境亦坐得幾舒服，如果用埋日本米就更加good，加油！…Read More

年卅晚去北京樓叫咗個四人餐，10個餸埋單一千六百幾，每人五舊唔到就食到高質素中菜，物超所值！新年最怕啲餸好「漏」，食完滿囗肥膩，呢度完全冇呢個問題。菜式做得地道，配搭得宜，好味之餘仲食得好舒服。津白丶素千層丶素餃唔係一味清淡，做到鮮丶清丶甜；蝦同魚都配上蔬菜或菇類中和；而烤鴨就滿足食肉獸；仲送埋四杯果汁，可謂啱哂一家大細老人家小朋友。建議自備埋環保餐盒打包，因為份量真係好足。（仲有個甜品唔記得影）難得的是歲晚爆場人頭湧湧，招呼依然周到，效率仲好高添！…Read More

今日兩口子齊齊去滾，海鮮果然又靚又鮮味，早知訂位時order多啲。最欣賞是小小一間火鍋店，侍應卻都非常細心有禮，定時定候過黎幫手烚海鮮，包唔會過火。尾段煮粥之前，又將南瓜粒等壓碎，融入粥底之中。全程斯文又有笑容，讚！上枱唔單止個粉紅㷛靚，個勺同夾都係新潮矽膠款，比不銹鋼高一班。鍾意個㷛嘅話，仲可以托舖頭訂返個添！…Read More