火鍋怪客's Profile

今晚試左剛剛開張的MARS法國餐廳,無論係食物質素,環境,以至服務都非常專業,值得推介一下.餐廳設計:環境高貴優雅,中間設有一個20世紀的歐洲古典式酒吧,非常浪漫。菜式:西班牙48個月黑毛豬風乾火腿，平日36個月火腿就食得多，48個月都是第一次品嚐，火腿厚身肉味濃,有咬口,最中意甘香既味停留系喉嚨,再配上一杯法國香檳真是PERFECT MATCH 。法國白珍珠蠔--白珍珠蠔肉質潔白，有濃郁的海水鹹鮮味，咬破蠔肚後清甜爽口，裙邊和蠔身爽滑彈牙，回味甘甜，充滿礦物質的味道,本人覺得比起GILLEADUA 更有蠔味。主菜:日本的水治豬斧頭扒，牛斧頭扒就食得多豬斧頭扒可謂比較少見，豬斧頭扒肉甘甜軟嫩，油脂分布均勻且滑口不膩，如果不食牛既朋友，可一試豬斧頭扒，不錯選擇。最後便是甜品--自家製的TIRAMISU，光是睇賣相已經非常吸引，不用多說，相機先食，呢杯TIRAMISU由 Mascarpone Cheese、雞蛋、砂糖及蘸咖啡酒的手指餅組成的Layered Dessert，入口十分香滑不膩口，蛋糕鬆軟，口感分明，很喜歡這個Tiramisu。除了食物質素外,服務更值得一讚，職員主動性強，差不多每轉一道菜前都會主動替客人換碟，而且有禮貌，此服務態度加上美食很有一種專業的感覺，怪不得餐廳不論閒日還是週末都是爆滿，值得的推薦。…Read More

今晚跟女朋友去了位於北角明苑西街的「La Kaffa」，此店裝潢佈置像法國小店。我們點了一個二個人套餐,頭盤是周打魚湯，湯加了很多大大隻蝦，令湯更加鮮味，再配上麵包美味非常。第二道菜是深海鮮蝦凱撒沙律,用上傳統材料包括羅文生菜、新鮮大蝦、蛋、車厘茄等伴以沙律汁，酸酸的很清新開胃.主菜我點了有8安士頂級西冷牛扒配黑椒汁及香煎法式鴨腿配辣肉腸及薯角。餐廳選用頂級紐西蘭安格斯，牛味香濃、肉質綿密、口感細緻，個人就比較喜歡6成熟就可以，因為可充份體會到牛味。另一款主菜香煎鴨腿就比較有點失望，因為鴨腿肉肉質比較乾，不夠軟嫩。整體來說，食物質素還好，餐廳環境很舒適，是拍拖和三五知己一個很好的聚腳點！…Read More

今日經過太子明棧，見到佢地燒味幾靚，於是就入去一試，之前都聽聞過佢地燒肉同x燒幾正，於是就叫左個雙拼，一食之下果然名虛傳，dx燒肉質嫩滑，燒肉皮脆肉嫩多汁，最怕就係乾，食落得個咸味。另外仲叫左個小炒皇，飲番2杯，簡直非常滿足。…Read More

今次去左西營盤高街食意大利菜，呢間餐廳地方唔大，座位約30人個左右，是傳統小店，價錢都唔係太貴，平均100蚊1個菜式，我同太太就點左個意式併盤，有Parma ham,mortadella,cheese,傳統冷盤，味食材都算新鮮，d ham有火腿咸香味，跟住點左個意粉同意大利飯，味道一般，份量就比較少，於是再點多個素菜pizza,同rib eye,要讚讚既係rib eye,時間控制得好好，5成熟，好正，最後點左個trimisu,比較甜左點同埋唔夠凍。總括來說，一般，抵食。…Read More

今日去左新裝修既太子小廚樂翠園食晚飯,試左個招牌麻辣雞煲同椒鹽鮮魷!麻辣雞煲夠晒辣,麻味就比較少D,香料都好多,都算OK.椒鹽鮮魷就比較偏咸左少少.2個小菜加支啤酒埋單$260,貴左D.…Read More

自從轉左工之後都好耐無黎灣仔食駒記大排檔，今日約左個朋友仔一齊去食，懷念下以前既日子，駒記最出名就係炒蜆，今日黎到當然要即時點黎食啦，炒蜆除左d蜆要新鮮外，當然就係講鑊氣，炒出既蜆熱，但係d肉仲好多汁，好嫩，正。第2道菜係椒鹽豆腐拼海蝦，豆腐就炒得比較硬身左d，不過海蝦都算新鮮，最鍾意用佢地椒鹽撈飯，夠香，惹味。第3道就係鹵水併盤，我最like食佢地鵝腸，佢地用新鮮鵝腸做唔係急凍，所以食落有口感。…Read More

今日去左太子既心煱打邊爐呢間，先講環境,心煱環境不錯，有沙發位有電視看，不過只是通風需要改善一下吧，有點焗促的感覺。心煱係任食火鍋，會先以蒸籠蒸新鮮生蠔作為第一道菜，每隻生蠔都非常肥美鮮甜，真是不錯，之後就會上炸乳鴿，每位都有半隻，乳鴿炸得皮脆肉嫩非常惹味，第3道就是麻辣雞煲,用上好多唔同香料做,有辣椒乾,洋蔥,大蒜,花椒,一打開蓋就感覺一種辣味湧出黎,雞味夠濃，即使與辛辣香味濃的醬汁同煮，也吃到雞鮮味；而且鮮雞肉質有彈性，烹煮時間剛剛好，啖啖嫩滑。最後便到火鍋,有好多款湯底選擇，今次選擇豬骨湯底，以任食火鍋來說,食材種類都非常多，超過80款，有手切牛,美國牛,海蝦,大蜆,鱔片,鵝腸等非常新鮮，而本人最喜歡的流心芝士丸，一口咬下去,內裡的芝士混着蟹子都一併漏出來，夠惹味又有口感,另外餐廳還提供雪糕，飲品，而且仲有黑啤提供，本人都是第一次見到的,還有自助醬汁區，非常多元化及方便。…Read More

昨晚收工收得夜，於是就同老婆去左屋企附近個間正斗火鍋食邊邊，見佢地做緊推廣，有宵夜特價湯底28蚊同8折優惠，於是就上左去食，環境都好寬寬闊，卡位好大，幾好坐，食材都好多選擇，可惜宵夜湯底無晒，得8折，不過坐底左，又唔想轉場，照食，我地叫左個正斗豬骨煲，d豬骨應該用新鮮豬骨做，幾好食，不過配料就少d,另外就叫左個豬翅根，第1次食，肉質比較彈牙，有牛筋。花雕浸牛肋條，肉質比較韌，不過幾好咬口，埋單250蚊，都算低食。…Read More

今晚探完阿婆就同阿媽諗住係屋企附近求其搵d野食下，經過見到呢間餐廳就入去試下，見到佢門口大大張海報寫住牛排之家，所以就試下佢地既皇牌~大蝦西冷牛排，估唔到上時候係用鐵板上，令我回憶起細個老豆帶我去食牛排時候，隻蝦都算大隻新鮮，牛排應該係用安格斯，食落肉唔老而且好大塊，時間控制得幾好，而阿媽就點左個西蘭花炒帶子同炒蜆，食落都ok，蜆夠新鮮又無沙，而且多肉唔係得個殼，試過有d餐廳成碟都係殼，得幾粒肉，呢碟都算ok,有肉可以食下，整體上都ok。，下次可以再食.…Read More

今晚約左班friend去九龍城食泰菜，未夠鐘就係附近行下，經過見到醉名廚，於是就入去望望，之前都聽過好多名星名人都有幫襯呢間店，所以就入去望望，入到見到有好唔同種類食品，由意大利到自家品牌都有，今次我就買左佢地皇牌產品溏心鮑魚同醉雞食。鮑魚一罐有5隻，隻隻都好大隻，彈牙，勁鮮，sales講佢地鮑汁用老雞火腿十幾種材料烹製而成，所以非常入味，果然係正。至於醉雞，花鵰味好香，應該係靚野，雞肉都好嫩滑，正。…Read More

上星期睇左本雜誌介紹左一間旺角食韓國料理既餐廳,最特別地方係佢地用左一種叫COOKING AIR技術,即係望住張枱見唔到個爐,但係放D野食上去又可以煮得熟,好神奇,所以就帶埋女朋友仔一齊去睇睇係咩黎!入到餐廳,裝修都一般韓國餐廳無咩分別,入面D侍應全部係韓國人,感覺好似去左韓國,坐底後果然張枱面係完全無野,跟住侍應就開始上餐,我地點左個AIR COOK套餐,咩都有D可以食,有鮑魚,肉,蔬菜,麵.先上湯底,我見佢個湯窩完全接觸唔到張枱都可以煮得滾,覺得好神奇,發現枱底安裝左一個黑色物體,跟住問侍應咩黎,佢話就係靠呢舊用黎煮食,不過唔肯講咩原理,話係秘密.講番D野食先,食材都新鮮,蝦好大隻,鮑魚都好新鮮,個麵係韓國麵,夠晒彈牙,埋單3百零蚊.低食.…Read More

今日下午去左屯門v city行街，餓餓地又想食海南雞，於是同女朋友去左紅椒力量度食，之前都聽朋友介紹過話佢地海南雞好正，一直都想試，今次終於左。佢地海南雞好夠份量，雞滑肉嫩，佢地自家製既雞汁好正，點雞真係好夾，油飯都好香，聽侍應講，佢地廚係正宗海南人，唔怪得之咁好食，果然名不虛傳。女朋友就點左個鹵豬脾飯，味道都ok,串燒拼盤d肉好新鮮，一點都唔乾，食落仲好juicy，泰式鳳爪就比較港式，唔似泰國菜中既鳳爪咁辣，佢地比較帶甜酸，辣就不多。…Read More

聽聞築地番本有新野推出就係磯燒放題，於是約埋班朋友一齊去試試。原來磯燒係指一部機 ，外形有d似韓燒機，不過火力無咁大，無咁油煙，主要應該係燒海鮮為主，因為無咁易燒乾d海鮮，火喉可以易控制d,磯燒海鮮種類都算多而且新鮮，有蜆，海蝦，帶子，象拔蚌等，比多58蚊仲可以升級，有巨型日本元貝，虎蝦，鮑魚，低食，再配6款唔同調味鹽，更令鮮味突出，本人就鍾意用玫瑰岩鹽，正。除左磯燒外，當然食埋刺身，質素無變，仍然咁新鮮，最愛食冰山貝，真係好鮮甜，好少放題店有得食架。…Read More

今日要去紅磡必嘉街搵個朋友吹水，朋友就提議不如一齊去食泰國菜，見到有間紅椒力量，門口大大隻字寫住“正宗泰廚”，心諗就去試下，環境乾淨，入面有個木樹，幾得意，我地1行4人就點左，春卷，豬頸肉，冬陰功，鹽燒鰂魚，香葉炒牛柳粒同生蝦刺身，春卷炸得香脆，食時候要有生菜包住黎食，幾特別，豬頸肉有肉汁，唔乾，幾食，冬陰功有大大隻大頭蝦，蝦新鮮應該唔係死蝦，魚亦新鮮，肉質滑，最正係牛柳粒，每粒牛粒都大大粒，而且好juicy,超淋。生蝦用新鮮海蝦，唔係出面食個d急凍越南蝦，正！老闆好好人仲每人送杯飲品比我地。…Read More

聞名已久既九宮格麻辣火鍋，一路想試，今次終於月機會試到，原本以為係9格都有唔同辣味，原本係一樣的，只係分左9格，先講下麻辣湯底，夠辣，不過無咩麻味，起初食時候比較油，不過加左普洱茶後就好點，材料尚算新算，長沙灣新店做優惠，配料有5.8折底食，牛頸肉新鮮，夠牛味，飛魚子魚蛋腸仔夠特別，咬落口有魚籽，牛雙脆（黃喉，柏葉）爽，八爪魚刺身都好好食。整體來說，可以再食。…Read More