Jessieee Wongxx's Profile

係OpenRice見到呢間好多好評嘅餐廳心諗應該唔伏，點知一試就知咩科，極度失望，完全同倒錢落海冇分別。個晚餐廳有個testing menu，五樣菜連前菜$688加一，真係唔貴，以為好抵食，點知黎到冇樣野好食，完全都冇味，冇調味，真心唔知個廚師做緊咩smoke duck salad - 得個鴨肉好食，salad dressing 唔知點解可以好酸又有啲苦味，而且鴨肉得三小塊☺️Prawn paella - 冇任何調味（係真係連鹽都冇落），份量又細，蝦冇咩肉，不過叫做有鮮味Lamb tomahawk - 又係一個冇味嘅菜式，又係鹽同胡椒粉都冇落，而且肥肉係超多，好肥膩，食到好唔舒服Rib-eye (7成熟) - 朋友叫嘅，佢表示又係冇任何調味，好韌比較難咬，佢一向都唔浪費食物都冇食哂個rib-eye Smoothies - 得yogurt 味，冇其他味道，$88一杯我地真係expect more 另外，當晚嘅侍應反應比較慢，攞餐具可以行咗三次先攞得足；而且女廁個廁所板可以爛咗都唔換🤷🏻‍♀️總括: 唔會再黎呢間餐廳，好失望，唔知當晚嘅廚師係發生咩事，$950兩個人可以食到其他更有質素同好食嘅餐廳，好後悔黎咗呢間餐廳。…Read More

一早就聽講過呢間米芝連推薦嘅餐廳，所以一個半月前就訂咗枱，都好期待。黎到餐廳第一形象就係：比想像中細，不過有鬧市中的寧靜嘅感覺~食物方面：餐牌選擇唔算多（主菜同前菜選擇都唔多）Snow crab meat with avocado salad：呢個有驚喜，幾好食，佢應該有用少少wasabi，個人覺得味道唔會好奇怪，而且雪蟹同三文魚子都新鮮，推薦~Handmade Tagliolini Carbonara：越食越覺得淨係得芝士味，所以變咗好似一味死咸，食唔到有其他層次，有啲失望Handmade Tagliolini with Carabineros Red Prawn：比起carbonara呢個意粉就真係好啲，蝦有鮮味，意粉硬度同味道適中，不過唔會話好驚喜而且三樣菜嘅分量都偏細，尤其係意粉分量真係唔多，變相性價比都頗低。食完之後同朋友都一致認為食物質素屬於中上，未到好驚嘆，亦未至於非食不可。由於性價比真係相對上低，所以都未必會再黎第二次。價錢：兩個人食咗~$780…Read More

某個星期六夜晚同朋友嚟食，OpenRice訂枱仲有折！食物：食物選擇都算適中。不得不讚佢啲食物質素唔錯！有驚喜！調味適中，而且份量算多嘢食都算大份，CP值高！而且上菜速度好完美，唔會食到張枱冇野食/張枱太多野食～私心推薦：黑毛豬五花肉，好好食！肥瘦均勻，唔會成口油環境：雖然一入到餐廳覺得餐廳有啲細，但整體氣氛幾好，環境舒適，唔會話超級嘈，所以同朋友傾計唔洗大嗌🤣 其他：侍應服務態度好好，好友善😆 而且餐廳會用熱石板上菜，保持住食物個溫度，加分🥳…Read More

食物：食物種類算多，但係基本上所有嘢食都係同一種調味，味道偏鹹，有啲重口味。食物份量適中，但等候時間偏長。今次主要叫肉類食品，但味道一般冇咩驚喜，因為差唔多款款肉都係同一隻味🤥（今次冇叫到海鮮所以唔清楚海鮮類食品表現如何）環境：餐廳唔算大，同隔離枱距離較近，所以如果有朋友介意要留意返。而且現場音樂聲量頗大，同朋友傾計可能有少少辛苦，要講大聲少少。其他：現場未見有水供應，所以都要自己嗌嘢飲，飲品選擇唔算多。服務態度不錯，侍應都好友善:)…Read More

星期六中午同朋友黎食，唔使等位，唔使排隊。一入去就覺得間餐廳裝修得好靚，環境都幾舒服。食物：牛油果軟殼蟹漢堡連薯條- 薯條冇咩味，之後落返啲鹽先好返少少（不過都麻麻地）而且茄汁佢比得勁少-_-- 成個漢堡嘅重點就係軟殼蟹，但係好失望：完全唔脆，炸得差，味道天黑，食落有好重嘅油膩味，唔會再試霹靂雞堡- 店員話會少少辣，但係一啲辣味都冇-_-- 正常味道，普通漢堡咁黑糖冬瓜茶-正常飲品，都唔錯應該唔會再黎食😅…Read More

想食片皮鴨好耐，終於有日OT嗌咗古琴雅苑，第一次食～ （之後自己都有去堂食，集合兩次食評一齊寫～）食物：- 北京填鴨：（外賣+堂食）外賣黎到意外地都幾好食；鴨唔老，醬料好食，配料都好夾～- 金腿濃湯津白：（外賣+堂食）好食！唔會好咸，菜煮得啱啱好，推薦！- 上海炒年糕：（外賣+堂食）好好食，年糕夠滑夠入味，唔會死咸，推薦！- 瑤柱蛋白炒飯：（堂食）唔錯！會再食～- 螞蟻上樹：（外賣）還好，得過且過啦，不過下次未必會再嗌哈哈- 雞絲粉皮：第一次食個陣好驚艷，覺得好好食（堂食個次去食就覺得一般，冇第一次食個陣咁好食，不過我覺得都可以一試）- 京醬大蝦：（堂食）唔錯，夠入味～- 腰果露：（外賣+堂食）我就覺得一般，不過有其他人覺得好好食，所以都係睇自己喜好+取向～總結：食物大致都唔錯，幾好食，會再食！…Read More

中午同同事嗌外賣拎返office食，大家都覺得咖喱同蛋包飯都幾好食。照燒雞排蛋包飯：雞排夠滑、入味；咖哩唔錯，夠味，我覺得有少少偏甜；外賣黎講蛋都算滑同軟熟（不過堂食應該會更滑，外賣有少少扣咗分）不過唔知係個日餐廳同事問題定係一向都係咁，外賣拎到返office發現份量頗少，一個正常外賣盒啱啱裝到一半，唔太飽肚，所以性價比不高，因為都$70一個飯。不過因為味道唔錯都可能會再食，但如果份量都係咁就未必會再食，下次試完再睇下個份量係點。…Read More

餐牌幾多選擇，同同事嗌外賣拎返 office 食（office離餐廳8分鐘，全程行室內）食物：- 慢煮叉燒 + 貴妃雞髀飯：以為慢煮叉燒啲叉燒會軟啲好食啲，點知係冇味又唔滑；雞髀一般；啲飯好林好難食唔記得其他同事嗌咗咩，但係全部一致都覺得好難食，而且全部人啲飯都係勁林勁難食，結果最後要嗌下午茶。其他：- 幫手落單嘅職員係咁落錯單，重覆講幾次先得。總結：- 唔叫做對得住個價錢，唔會再食第二次，希望以後會有改善（雖然期望不大）…Read More

同同事嗌外賣自取，嗌咗泰式肉碎湯金邊粉、青咖喱炒飯、炒海鮮金邊粉、泰式豬頸肉、泰式通菜。全部一致好評！- 泰式肉碎湯金邊粉：湯底幾清談，飲落冇味精味，份量頗多，冇咩可以挑剔～- 青咖喱炒飯：同事好鍾意佢個辣度，話比起平時個啲青咖喱要辣少少，佢好滿意！- 泰式豬頸肉：好食！- 泰式通菜：唔會食落一堆油味，比起平時啲泰式通菜要辣少少，不過都好食！總結：可能係正宗嘅泰國餐廳所以味道偏辣，其他食物都好有質素，係難得全體同事都一致認同好食同埋會再食～…Read More

星期六夜晚唔知食咩，上網見到呢間好似唔錯，就即日book咗夜晚黎食。晚市menu唔算超多選擇，有選擇困難症嘅朋友會減少好多煩惱，同埋價錢唔算貴。食物：溫泉蛋和風燒牛肉丼，自選丼飯，同石燒霜降牛小排價錢：兩個人合共$460左右味道：- 牛小排同餐牌張相完全唔似，餐牌係一塊塊厚片正方形，實物係一片片薄牛肉，不過味道都ok（不過燒牛真係好難可以難食）- 牛肉丼不可一不可再，一開始黎到啲牛肉仲熱熱地都還可以接受，凍咗之後又韌又好少嘅腥味，而且每塊牛肉都有筋實在唔多吸引；溫泉蛋唔係流心；飯頗林。總括：唔好食- 自選丼飯一般，冇咩特別，不過唔會再返黎食其他：- 服務ok，同都幾乾淨，環境都唔錯，唔會好多人同好嘈，不過都係個句，唔會再食第二次…Read More

啲肉質都ok嘅 燒肉係可以的 不過 重點黎啦 我從來都未食過啲咁難食嘅冷麵 首先 啲麵質好奇怪 一pat咁 完全唔知自己食緊咩咩 都算 哇個麵係真係冇味架喎 好似食緊浸係凍水嘅麵嘅 加完啲醋同芥末仲衰 極望失望 最後 令我更加嬲同不解嘅係 唔知點解係咁有客埋單走人 但唔放人入去 平日收工去食 8點拎飛 個門口個店員長期唔係到 等到830pm 先話要等多半個鐘 但9點last order🤷🏻‍♀️ 完全唔知做緊啲咩 管理差 真心以後唔會再食 冇必要 囇我時間…Read More

某個星期五晚同朋友去食，食物都ok，氣氛都唔錯，我覺得係中環嚟講性價比都算唔錯。環境都唔錯，啲裝飾都幾靚。不過個音樂大聲咗啲，講嘢比較辛苦😂同埋都幾多外國人嚟食，都幾chill幾推薦大家食grilled octopus 同 fried chicken ~不過重點嚟啦：1. 門口會有客人食煙，有時啲煙味會飄到入餐廳2. 一入去諗住填紙登記返啲資料，個店員話淨係可以用「安心出行」個app🤷🏻‍♀️ 感覺不太良好，唔flexible …Read More

價錢唔算貴 但味道十分一般 所以唔值得食 🤷🏻‍♀️🤷🏻‍♀️🤷🏻‍♀️🤷🏻‍♀️生煎包：少湯汁，底部唔夠香脆，肉質可以，一般，有啲失望🙁🙁🙁🙁🙁🙁🙁🙁🙁🙁⠀⠀蔥油拌麵： 麵質可以，遺憾嘅係唔知加咗咩材料搞到味道有啲奇怪，唔好食☹️☹️☹️☹️☹️☹️☹️☹️☹️酸辣土豆絲： 味道可以 但薯仔可以再切幼啲 😛😛😛😛😛😛😛😛😛奶茶：OK 😂😂😂😂😂😂…Read More

中伏中到傻88蚊話就話任食 其實咩都要計錢 連水都要錢😨服務態度惡劣！永遠唔會再食！味道真係好一般好普通 以為自己去左kfc冇咩事真係唔好去食 難食到冇人有！唔好再去中伏…Read More