AlbaC's Profile

今個星期同朋友仔去觀塘海皮吹海風，便醒起之前朋友的大力推介的餐廳－Moreish & Malt。 我地就諗住去坐下。由於是下午茶時間，不需要等位便可以入坐。內部環境舒適，裝修簡潔。我地一共點了三樣菜色：Steak & eggs｀吞拿魚沙律和MOREISH牛肉漢堡。不消一會兒，野食便續一送上。Steak & eggs炒蛋｀多士配上五成熟肉眼扒。主角肉眼扒啱啱好火候，未有血水又啱啱好粉紅色。廚師只係落左鹽作調味，所以可以食得出牛扒原本濃郁的肉味。加上大火燒焦表面，鎖住肉汁。物超所值。吞拿魚沙律吞拿魚只會微微的辣，菜十分新鮮, 味道較酸，十分開胃。MOREISH牛肉漢堡一如年扒－五成熟。可能最後先食burger，肉有點熟。但依然juicy同芝士味濃郁。配上粗薯， 十分飽肚。但Pickles，我就唔太好。不可不提的是飲品， 我先叫了2杯野飲，分別是Raspberry Mojito 和Montage.Raspberry Mojito 它是用新鮮的raspbery 落去，加上薄荷葉，十分fresh.Montage佢比我嘅感覺有少少似apple cyder加白酒。最後最後， 係我地飲飽食醉之時， 我地突然醒起友人推薦嘅 Monster Shake。我地便問了一問侍應,佢話跟餐加錢可以叫， 一共有四種味： Banana, Stawberry, Blue berry and Chocolate。 但 Banana, Stawberry要明天請早。 我地就叫左一杯fresh d 嘅Blue berry。一上野飲有點喜出望外，因為比我想像中嘅好。Blue berry 新鮮｀cream香不膩同埋D冰blend 得好細。…Read More

重遊舊地係呢度讀書，係呢度長大，長沙灣對我黎講本來就充滿回憶，諗到食咩好，一定係呢間芝士火鍋店—米走雞。呢次翻黎食米走雞一開始都有D猶疑，因為見到最近兩個食評都係負評，以為Ｄ食物質素變差左。呢次翻黎食，好明顯裝修靚左，芝士雞依然咁好食！！！Ｄ芝士好似比以前拉多左絲添，真係好正！我地叫左碟牛頸脊，同一碟手打五寶丸同一D菜，我同男朋友已經食到超滿足！！ D人話通常D廳開左幾年，開多左幾間，會keep唔到D食物質素。呢間米走雞，我見到係有進步囉，個芝士雞火鍋重好好食，火鍋配料比起兩年前仲多左選擇，十分又誠意的一間餐廳。 見到openrice既負評， 本身都有D想轉地方既念頭， 好彩最尾都無，真係要親身食過先知，食物質素有進步,，芝士味道依舊, 難得！！(牛有牛味,，雞有雞味， 哈哈哈哈！！)…Read More

約了班大學同學Dinner, 大家對食咩都冇咩意見。咁岩見到其他人POST 呢間路邊煱既相, 見到有蟹湯火煱提議左試呢間。去到大約7點,都幾多人下。好在住得近既大同力左位先!黎到呢度當然一定要叫最吸引我既花甲蟹煱啦!點知原來有我最憎既芫荽心諗呢餐唔洗食啦 , 點知個湯好香好濃, 完全食唔到D芫荽味!太感動了叫得呢個蟹煱當然要食佢入面個蟹啦, 個蟹煱上左一陣1分鐘都冇, D姐姐就同我地講"食得架啦!"個蟹真係好食到不得了, 好多蟹膏D蟹肉好鮮好嫩, 蟹膏又多又肥美, 正有咁大隻蟹係入邊, 個湯當然係好好味啦!而且好重胡椒味,好香濃!另外叫左D小食:金磚豆腐,手拍青瓜咁, 都整得好好味可以叫黎送,雖然我地冇.... 手打四寶丸,我冇食齊四種, 但食左既都好彈牙!鵝腸睇落都好似好肥美, 雖然我冇食到.....招牌肥牛拼盤, 呢個不得了! 有不同牛部位, 頸脊、胸爽、脷托、和牛粒.....D牛好好食,肉質軟腍,牛味好足,必食 ! 廣島蠔,新鮮好味!基圍蝦好抵$68only!佢放到咁我仲以為我地叫左個甜品蝦好大隻,新鮮!!水餃, 正常!又係大大隻既~依家又開始掛住個花甲蟹煱啦~真係好好好好味! (原諒我是位蟹迷)…Read More

由於朋友家住附近, 應佢推介來到只有三分鐘腳程的菜館一試。可能是平日關係,晚上7時人流不多, 唔洗等位今次完全由朋友爸爸發板, 雖然我地加埋只有6個人, 但都叫左好多菜!首先上既係上湯蝴蝶蚌, D蝴蝶蚌好大隻! 用清清既上湯煮,完全成功帶出蚌本身既鮮味! 之後就上左金磚炸豆腐同滷水豬腳仔兩個小食!原先對炸豆腐都冇咩期望, 食過呢餐先知原來豆腐都可以整得咁好味!呢個豆腐完全係外脆內滑, 外邊應用係有落DD 椒鹽,可口非常!入邊個豆腐相反, 係淡淡的豆腐香, 又軟又滑!好驚喜 個滷水豬腳仔都整得好入味!個人最怕食有骨既野,佢個豬腳仔分開得岩岩好, 容易食到!朋友爸爸話黎親必食既燒鵝王＄228人不多所以叫左半隻, 燒鵝皮燒得好香, 食到我停不到口!名不虛傳呀!燒鵝仲有炭燒腩仔肉 ,炭燒得都好香, 但我掛住食炭燒都忘記左食佢.搞到凍左:(咕嚕黑豚肉,黑豚肉係唔同D既, 肉質細緻軟嫩,好味!蒸蟶子皇,好新鮮好香蒜蓉味!蒜蓉冇得輸!最後呢個叫"玉盤艷素" 個名好好聽!我餐餐都要叫個素食先自我感覺良好!朋友真係冇帶錯我黎,下次探佢地一家都要再食多次先得!…Read More

行開太子花墟,見到間包鋪好多人買出爐芝士蛋糕!於是又買埋一份一個芝士蛋糕只係$23,好抵!唔試唔知, 一試發現真係好好食!好香芝士味!又滑!仲要咁平!抵食!…Read More

可能好多人都唔知MK有個政府既熟食中心.雖然裝修一定同商場food court冇得比,但勝在價錢平又好食由於行行下街好眼訓,想飲咖啡,諗起澳門翠苑餐廳既Ice coffee.所以又黎食喇!今次叫左咖哩牛排農夫包叫完就可以搵位坐,佢會比俾個牌你,整好就會力俾你!10分鐘就焗好,熱騰騰既農夫包送到當然唔可能冇左至愛既咖啡啦真係好好飲,好濃好有咖啡味! 好飲過D coffee shop!打開個包, 入邊有好多牛排呢個時候就可以加咖哩!D牛排好好食,好林!咖哩又香!正! 一定會再食!…Read More

一班朋友放工約食飯. 最常去約既地方一定係大家既中心點 --尖咀!今次就走左去試下近排都好HIT既蒸氣火鍋!間餐廳既位置都好方便,係諾仕佛臺行到尾就見到!食完仲可以順路飲返杯先走!餐廳係一樓, 本身仲以為一定要行上去, 走既時候先發現原來有Lift!由於人多, 可以叫到多D野食!見到d小菜都幾吸引, 所以除左seafood 仲叫左幾樣小菜酥炸墨魚頭質感實的的,幾香墨魚味! 不錯不錯避風塘炸茄子好香! 炸到脆脆地好好味。食唔停口松露蒸水蛋幾Surprise好滑,雖然係係上邊松露唔多,但夠香了!花竹蝦好新鮮!D蝦係咁跳!紐西蘭蟶子,都好正好鮮嫩!!!!南非鮑魚蒸得岩岩好,好好食!梅菜蒸菜, 係習慣黎,餐餐點都要食返D菜最後就係所有野食既精華, 南瓜滑雞粥!!!!其實係一開始就落曬D野落去煲, 食完就岩岩好。個人唔太鍾意食粥,但朋友個個都話正!仲有椰汁紅豆糕(送既!我鍾意!)多人食飯真係好, 食咁多都唔洗三百!正!…Read More

放假諗唔到食咩,見好耐冇食EURO GOGO就求其入左去.男朋友食左野,所以兩個人叫左三樣野.煙肉磨菇薯蓉,OK既!但芝士得個樣,冇咩芝士味!Blue cheese 麥形意粉,口感幾得意,係似飯既意粉個blue cheese 就有芝士味喇！由於鐘意食磨菇，所以煙肉磨菇again...冇咩特別，正常味！CREAM CHOCOLATE個cream唔好味，唔多滑同冇咩奶味個chocolate都唔夠RICH! :(短期內唔會再食…Read More

放工想去試下新野, 搵左呢間以"即磅即切"做賣點既扒房試下可能係平日,人唔多,唔洗等就有位!其實個位置都唔係好易搵到, 我來回行左兩次先見到間餐廳兩個人叫左兩個扒, 完全DEPENDS ON 你想要食幾多先Order!好自由! 有個哥哥好好人, 一入嚟就同我地介紹ORDER既流程!Order 完, 就可以俾張單佢, 佢會當你面按你Order既份量切塊扒!之後就可以搵位坐低,餐廳分上、下兩層, 我地想上上面睇下, 所以簡左坐上面坐低就可以等煮好既扒送上黎係可以按需要決定加唔加$30 轉做SET, 轉SET就會有埋湯,飯同沙拉但個湯係有D咸既!:(依個係PROMO 既COMBO 有隻虎蝦連埋既D扒好好食唔稱得上. 但叫對得住價錢!可以一試既! …Read More

兩個人食飯既壞處,就係叫唔到好多野 其實好多野想試,但兩個都唔肚餓...:(叫左唔係好多野,甜品都冇ORDER西班牙海鮮飯好味,有D似泡菜炒飯味呢個唔記得叫咩 XXX西班牙X蛋都OK,好多蛋汁 野飲都好FRESH!仲有入面都幾靚!:)…Read More

60多年既茶廳,老過唒你同我今日去一嘗老香港既味道,重點係要試下個"奶水蛋"(因為我未飲過)牛奶及雞蛋沖泡既熱飲，係香港久遺了的經典茶記美食。一黎到,隻蛋係入邊, 要自己搞散佢!搞完! 又幾好飲! 最尾隻蛋冇熟晒,好滑!仲叫左蛋牛治有小燶, 但依舊好味!沙嗲牛肉麵略咸!Overall:又平又好味既懷舊老味道!…Read More

放工突然想食日本野,走到荃灣廣場諗起一田呢間魚屋呢間其實唔知可唔可以稱得上叫餐廳, 因為佢係開放式自助既, 有小小似Food court.但係係坐bar枱, 可以望住佢地整你個餐!次次經過都好多人,有d難搵位。注意:冇人mark位架, 所以你只可以企起食緊既人側邊,俾d『壓力』佢!今次都好多人,所以住開左第二邊:由於坐開左, 所以叫完野食佢俾左呢個我地:今次叫左海鮮丼同花魚set!每個set都有個湯跟, 而且好足料(有三文魚架)個花魚燒得好好味,佢跟個好似kimchi既配菜都好正!海鮮丼都好豐富, 咩都有d(但可能係因為晚上食, 今次覺得唔太新鮮)Overall:冇加一,又平!又大件! 性價比高!會再食!…Read More

Happy Friday 約左朋友去食我至愛既黑糖麵包餐廳-OUTBACK.次次嚟食,都其實因為掛住個包.因為係FRIDAY, 朋友都特登BOOK左先!Book 左8:15PM, 但人好多, 都要等到8:30PM 仲要坐BAR枱 .... 點餐前，　個waiter哥哥就率先放低左個我至愛既黑糖麵包（即時　心心眼）完全冇理Ｆriend 子叫左咩可能個waiter哥哥聽到我講我有幾愛個包，一食完就即刻問我地要唔要多個！重點係可以免費無限任加！個包熱熱地，加埋個cream, 真好好正！叫左都幾多野食-慢烤安格斯牛，　一般般（７成都好熟）-蘑菇湯好香-炸蘑菇，出奇好食，好多汁！-甜焗薯都好好味-次次都食既baby back ribs，唔洗多講今次冇飲酒類，叫左個smoothes!好Ｆresh! Overall 都唔錯！…Read More