巴別二's Profile

今日同阿女出街，去完準備食午餐，記得d人話呢間自家製瀨粉好食，所以慕名而來試一次。今日可能星期六，下午唔多人，入到即有位。之後叫咗個高明瀨粉加魚蛋（因為阿女鍾意食）同牛腩，同埋韮菜餃。等咗一陣先嚟個瀨粉，見到粗幼不一所以應該唔係機器做。個湯頭唔錯蛋就正常外面買到嘅白魚蛋，牛腩味道唔差，但真係好鬆化，阿女平時對牛肉麻麻哋都叫食，不過就搭咗一舊薑，都算啦。但瀨粉份量唔似其他食評講咁多份量，只係一般而已。至於餃子就耐咗d，食落熱辣辣，應該係新鮮煎，食落真係爆汁，稍為放耐咗（因為餵阿女食粉）都一樣有汁。價錢嚟講算係合理，下次可以再幫襯。…Read More

尋日去考試, 因為試場喺嗰頭, 所以特意搵呢間嘢 - 一直宣傳係傳統口味嘛...入去即叫招牌食物雲吞麵啦. 嚟到, 份量算係差唔多, 雲吞SIZE叫做正常, 第一時間即刻試個湯頭, 第一啖真係食到兒時味道, 佢好似真係用豬油, 份香味真係令我好開心, 但係味道真係淡囉...跟住食個麵, 似乎真係有用油撈過, 夠滑又真係幾彈牙, 蛋味可能因為小弟條脷冇咁叻, 唔多覺有蛋香...再講返食雲吞麵梗係要用浙醋同辣醬或辣油, 但傳統雲吞麵我就喜歡辣醬多D, 但佢唔係用余均益, 而且都因為唔想破壞湯頭, 特意落得少D浙醋, 少辣油同辣醬, 但係結果破壞咗個湯頭, 而且食到鹼水味了...跟住食完俾錢, $32 大元嚟講可能佢出咗名D租貴咗, 但係如果用返余均益同個湯頭濃返D先覺得值囉...可能都係一次起兩次止了...…Read More

今天原本諗住去同一條街既餃子店, 但原來今日休息, 所以即時上網搵到呢間都幾好評, 所以走入去試下.韮菜餃麵: D韮菜味夠濃郁, 而且非常熱辣辣, D麵更正, 十分彈牙, 估佢係自製, 因為出面未食過咁彈牙的白麵條, (唔記得問嗰度D人係咪自製麵添), 但D湯味道唔得囉, 可能北方口味啩....豆苗鮮肉餃: 一口咬落去已有豆苗味走出黎, 真材實料, 肉既份量都唔算多, 都幾好味.大葱羊肉餡餅: 有羊肉味, 但D餡好少囉, 但點解冇北方常備既芥辣油, 醋佢哋都係用浙醋而唔係鎮江醋.佢哋D茶唔係茶樓嗰隻, 老婆話好好味喎....唔知係唔係佢哋都有賣嗰隻磱山綠茶. 飲咗便算了, 冇諗過買.老婆話D味精都幾勁...不過嗰度似乎真係北方人主理, 因為包緊餃子的姐姐們都係用好流利既北方普通話溝通.而嗰度有位服務態度非常好好既嬸嬸, 因為佢既好服務加埋所以值得俾個笑臉.下次計劃試下佢既小菜同埋拔絲山藥.…Read More

因為幾耐之前雜誌話呢間嘢幾好，尋日同老婆去尖沙咀特意試下呢間韓國快餐店。去到都要排隊等點餐同等佢哋安排入座，幸好都唔算等好耐，仲可以睇下揀乜食。牛肉鍋飯：之前仲以為係石鍋，原來係鐵鍋 (可能易洗但又唔易爛啩)，D料同味道都OK, 但老婆覺唔多夠味喎，之但係落咗韓式辣醬後就覺得都幾好食韓式炒年糕：諗住只係有年糕，點知仲有韓式魚蛋同埋一隻雞蛋，D年糕炒得唔夠均勻，有少部份年糕黐埋，軟熟度就覺得如果可以軟DD會更好食。而佢炒年糕既辣醫剛開始食唔多覺辣，但係一路食就發現佢都辣既。韓式壽司 (魷魚餡)：食落真係同日本卷壽司唔同，味道幾好，不過塊紫菜唔脆，脆的話覺得好食D (個人喜好)炒粉絲：覺得最正係呢個，幾大陣蒜蓉味，有中式的味道。玉竹茶：冇乜特別凍梅實茶：初初飲落直情覺得飲川貝批杷膏陣味，不過我LIKE!下次要去試下佢個泡菜煎餅，因為 2 個人食唔得多，點咗幾個韓國食品都唔記得點呢個。。。…Read More

嗰日同老婆同埋個FD聚下舊，見到網上評價唔錯，加上問埋一D鍾意周圍食既朋友都話食物可以，所以管試試。上到去即時有位，OK。避免佢哋漏單同埋出完第一輪要長等第二輪，所以第一輪已叫咗大部份嘢。所以只能講一D印象比較深既食物。三文魚刺身：正! 夠肥美 叫咗3輪共30片以上。(最好食)馬刀貝刺身：OK，夠爽虎蝦刺身：SIZE OK，肉都夠爽，唔錯。炸蝦天婦羅：粉比較多但蝦夠大，又熱辣辣，幾好食燒菠蘿：燒得唔夠, 水汪汪又唔甜燒羊架：羶到冇朋友，食開羊肉既FD都頂唔順吐返出黎 (好彩我冇食...)玉子壽司：玉子比較薄，但勉強OK軟殼蟹手卷：軟殼蟹份量勁少。海膽手卷：海膽好差又係份量少燒牛肉壽司：塊肉又細，粒壽司又細....燒三文魚壽司：同牛肉壽司同樣COMMENT雪糕：有三種口味 (芝麻、綠茶、,紅豆)，只有芝麻比較好，綠茶冇綠茶味，紅豆都有紅豆皮但味唔多似囉...雖然知價錢 168+10% 唔可以預佢高質素囉，所以都 OK。而最差係服務態度，第一輪點既手卷，居然到接近埋單，總共催咗3次先至整俾我哋，人哋遲入場既，都點到囉... 而且我點嗰時，都未滿座，仲有好幾張"吉"枱。到送手卷時，唔係擺上枱，直情係跣過黎 - 冇乜禮貌。我諗唔會再幫襯了。…Read More

老婆近生日，佢特意放假休息。之前成日都想試豚王，所以都安排去一次。12點左右到，真係排晒長龍，等咗個幾鐘先有得食。試咗佢哋既OUT OF MENU - 元氣王同海老王。元氣王 - 點咗濃味，咖哩味濃郁，但係湯唔夠熱，湯都杰D。D麵掛晒汁都OK，但多D湯會更好 (食完成碗麵差唔多冇晒D湯 - 但我唔係飲佢D湯而冇囉)。D叉燒唔係一片圓形咁，有D失望。海老王 - 老婆話覺得有好濃既蝦湯味，但裡面冇蝦。希望佢哋會加蝦就會更加襯海老王個名。叉燒佢話都OK。但D麵普通D喎。D待應姐姐問佢加唔加湯 - 點解冇問我既。。。問我一定要加湯。而老婆都覺得D麵湯唔夠熱。D配菜以芽菜嗰隻好食D，我同我老婆都加咗唔少食咗又唔覺點口渴 - 我老婆對味精比較敏感都覺得好似冇味精咁但我諗下次試下原味先至得。。。同埋要早D去搵位。。。仲要加多D湯。。。…Read More

之前見到食評寫呢間既重慶涼麵好正但踫唔啱時機, 今日老婆話想出街, 所以特意去呢間試下.去到見到原來呢間店以外賣為主, 但即場食又得, 因為佢哋都有膠椅喺店旁, 不過係路邊囉...咁第一時間梗係叫個涼麵先啦, 我食中辣, 我老婆食少辣.原以為佢哋即場煮麵再攤涼, 原來係已經一盒盒整好晒.佢哋D涼麵係攤涼咗既麵, 唔係雪柜雪凍嗰隻...買嗰時店舖位仁兄同我哋講"記得要撈勻D食先" 講下D料:麵: 係幼身既冷麵, 涼涼哋, 但個麵身夠爽. 老婆買嗰時話唔想食凍嘢, 但食咗之後佢都覺得都幾好味, 冇抗拒 (冇叫我幫佢食埋)配料: 我哋食到既有芫荽, 葱, 芝麻, 但食唔到花生.醬汁: 喺碗麵既底部, 應該係鎮江醋, 麻辣醬: 鋪喺麵上面. 少辣少D, 中辣多D. 好似只係用咗麻辣米線嗰隻麻辣醬. 撈麵食的話, 個人感覺稍為多渣 (但個個麻辣醬係咁, 冇計) 撈到D麵勻晒之後食, 整個味道配搭幾好, 之但係麻辣度過輕 - 連我老婆試咗一啖我個中辣, 都覺得佢可以食到, 我就覺得我下次食大辣都唔會有問題. 之但係食完之後約5分鐘左右, 終於感受到舌頭有點麻, 又有D辣味走出黎. 不過呢個麻辣既回馬槍都係覺得唔多夠辣. (與我食過既麻辣米線中辣比較)$7 黎講份量OK, 比起成日食街邊魚蛋, 多咗個又平又幾正既選擇.而佢哋又有重慶雲吞, 見到都有唔少人幫襯. 下次再黎要試試, 睇下會唔會有另一個驚喜. (不過就唔會考慮喺街邊食了, 門口所謂既枱太細, 仲係得一張, 外賣返屋企慢慢歎妳好過...)…Read More

今日下午出完街, 忽然想食佢哋既麵, 所以走咗入去叫咗碗牛雜麵 (走肺, 因個人覺得比較污糟).之前都想寫架嘞, 但係時時都唔記得(開始老人痴呆症了)講返個麵先:湯: 廣東雲吞湯味, 仲要係自家煲既 (佢煮麵個位有個長身大鋼桶, 原來用黎煲湯架) 呢個真係比較唔易搵, 因好多都係潮州湯底, 魚湯底, D湯可能係交黎....加埋五香汁, 味道豐富咗好多. 之但係可能個五香汁既問題, 個湯稍稍有苦味.牛膀(3件): 稍嫌表層個膜好似厚咗少少 (上次食都係咁), 但味道OK.牛腸(2件): OK啦, 唔會過稔.金錢肚(好似3-4件): 夠軟身, 好味而食食下個口感覺到有陳皮既味道, 同埋食到有少少薑塊, 相信係來自五香汁...麵: 夠彈同爽口.整體黎講都唔錯, 只不過煮麵位老兄要舀湯(從大鋼桶舀到細水桶), 唔知乜原因, 之但係因為咁就要多等少少時問先有得食, 加上佢舀完湯見唔到佢有洗手就攞碗淥麵了, 所以扣D分啦...順帶一提, 佢哋近排又加價了, 盛惠15大元, 不過在同區內仍算最便宜, 不過冇以前咁便宜了...…Read More

尋晚去慶祝朋友生日, 其中有個朋友話呢間嘢都幾平幾抵食, 所以走去食下啦...但真係失望囉.叫咗個炸腐竹胡椒豬肚湯底, 湯黎咗但係D火鍋料差唔多成半個鐘, 仲要催佢哋先開始黎. 所以我哋都食咗腐竹同豬肚先 但味道又真係幾好既多汁韮菜餃: 裡面唔覺有汁, 所謂多汁係浸完火鍋湯之後啩可能:( 但味道都唔差既, 夠多韮菜)魚片頭: 冰格攞出黎咁囉, 隱約見到D雪仲係面...肥牛: 做緊$10/碟, 每碟得4-5片, 但都好薄...但$10貨仔就唔要求得多了...炸手捲腐皮: 俾埋酸甜汁, 就咁食都得, 但係黎食火鍋架喎...不過索咗火鍋湯汁後都幾正三文魚生: 送咗2小碟, 但唔夠新鮮, WASABI得少少又冇辣味:(羊肉: 唔羶, 都叫OK蝦: 都見到係生猛既, 不過又係到佢醒起先俾我哋(嗰時已經係食到後半部份, 但我哋係一開始已經點咗...)仲有叫埋其他火鍋料, 大部份都係普通貨仔啦...隊咗十幾支大啤但係我哋都冇乜叫貴嘢, 最後埋單要成千有多....早知去幫襯D一人百零任食嗰D啦, 叫埋啤酒我估都冇咁貴囉...不過個阿姐笑容都夠, 但係可能員工比較少, 要搵佢哋都要等佢哋有時間先招呼得到我哋囉...我諗個人唔會再幫襯了...…Read More

今晚朋友聚舊, 約咗喺呢間食(我住附近都唔知,,,)泰式墨魚: 墨魚份量少, 但味道酸甜度非常好.沙薑雞腳 x 2: 我老婆話非常好味喎.啫啫雞煲: 老婆話雞只係OK, 豬潤俾其他人夾晒, 冇得試:(油浸笋殼魚: 外表炸得夠香口, 魚肉夠滑沙拉骨: 唔得, 覺得稍為過鹹, 沙律醬唔夠均勻:(椒鹽鮮魷: 炸份啱啱好包住, 唔會太多或太少, 肉非常嫩滑椒鹽九肚魚: 同椒鹽九肚魚一樣, 魚又唔老, 細骨食唔到, 只係食到脊骨但都夠軟身, 食埋落肚都冇問題炒通菜: 唔知係馬拉盞定蝦醬炒, 味道都係OK既豆豉鯪魚炒油麥菜: 味道都都幾好咁啦白灼蝦 x 2: 有D唔夠新鮮囉, 有部份稍稍發霉, 但都勉強食得既生蝦刺身: 非常正, 肉夠滑, 尤其點咗D泰式醋汁, 味道好夾揚州炒飯: 夠爽身, 味道都唔錯, 不過蝦就少咗D仲有10幾支大啤計埋都係一人一百左右, 非常抵食!! 最重要係大部份都好味道!!!不過D位好迫囉, 仲會撞到後面枱既人:(…Read More

之前見到報章報導呢間舖頭D嘢好食, 上黎食評又話正, 尋日同太太特意過去試下啦.我哋去呢間新舖黎, (食飽行返去舊舖, 見到只係賣外賣糕點了)入去咁啱有人埋單, 所以即刻有位坐低:1. 南瓜糕: 老婆食咗之後話勁正, 必食2. 杏仁糕: 佢話只係麻麻地, 好似用咗杏仁油. 只我覺得味道都OK, 幾有杏仁味.3. 雪耳紅棗糕: 雪耳都幾多, 又有紅棗味. 清而唔過甜, 正.4. 桂花糕: 幾清香, 不過我覺有少少過甜.5. 薑汁番薯糕: 有番著同薑味既, 不過味道好似都幾淡, 我老婆都話好麻麻.6. 芋頭糕: 佢哋煎返熱俾我哋, 食落都幾好味, 有粒粒芋頭喺入面, 老婆話新年買D返屋企煎.7. 芝麻砵仔糕: 芝麻糕黎既, 不過用砵仔糕個碗做定型, 但係味道好正, 芝麻味夠香, 紅豆都唔太少.8. 墨魚卷攦粉: 叫咗中麻辣, 同其他食評講既一樣, 唔夠麻, 而且墨魚卷有少少過鹹.9. 豬頸肉攦粉: 豬頸肉夠厚, 老婆話D肉有D"o鞋".10. 豆漿: 味道唔錯, 老婆都滿意.最後食飽都買咗老婆都要買D南瓜糕同芝麻砵仔糕, 俾佢嫲嫲試下喎.今日變咗食糕餐多過食攦粉但係冇咗之前食評講既食夠$30有糕點送... :(最後一提就係有位阿叔服務非常好, 唔知仲以為佢係老細 (因為佢埋單時叫我去收銀處俾老細埋單先至知道, HAHAHA)…Read More

嗰日同老婆同佢契姐, 契姐夫去行南丫島, 先諗住只留榕樹灣, 點知行下行下行到去索罟灣, 咁啱到午餐時間, 所以周圍睇下邊度食, 咁啱間舖頭個副經經介紹話係抵食套餐, 仲送啤酒, 鮑魚同生果盤, 4人都係$398(仲有冇加一同雜費), 行多幾間唔係人多就係貴, 所以即管試下. (唔試唔知好唔好)白灼蝦: 碟頭都夠, 不過只係有幾隻新鮮度差少少.油菜: 油偏多, 味道OK扇貝: 蒜蓉夠多, 加少少點蝦豉油, 非常正蒸魚: 條鱸魚成尺長, 4人餐算係好好架嘞, 不過我覺得少少過火, 但有做廚既老公既契姐話D肉係咁架, 不過味道都好好, 成條清咗炒飯: 可能用新鮮飯炒, 唔夠乾爽.豉椒炒蜆: 味道唔錯, 唔辣, 碟頭都夠.清蒸鮑魚: 新鮮又加咗少少陳皮, 味道OK食到飽飽又味道唔錯, 抵食之選! (連做廚既契姐夫都係咁話架)而且職員既服務又好好, 又望住碼頭海景, 係非常正既 (但係嗰日因為落雨, 睇風景的興緻扣少少分)第二時再去南丫島再試其他店再比較下…Read More

之前咁啱睇咗個電視節目介紹, 又聽個FD曾經提過嗰邊有間腸粉幾多人食, 老婆又話行下廟街, 順便行埋去試下啦咁. 冇咗炸両同腸粉, 試唔到真味...鴨腎菜乾豬骨粥: 有少少稀囉, 味道覺得只叫做合格...皮蛋瘦肉粥: 粥夠綿, 都幾重麻油味, 算唔錯.豬潤+蝦腸: 老婆話腸粉皮同埋豬潤都幾好, 我就覺得豬潤幾好啦, 但D皮個人覺得薄咗D, 靭度一般啦.整體, 可以得閒再試多次既...…Read More

今日同太太諗住同外母大人餞行, 上黎OPENRICE睇下邊間好, 見到間嘢食評都算幾好, 水車屋個名以前又夠響, 所以諗住開開心心食返餐....見到刺身, 嘩! 正呀! 三文魚刺身又厚又夠肥, 吞拿魚刺身又無筋同渣, 天婦羅都熱辣辣又幾新鮮, 開頭都覺得冇黎錯...之但係後期呢, 開始漏單....不過好彩佢哋用電腦落單, 追都追得返之前未到既...但係後期D嘢越黎越差, 首先個所謂雞腎串燒, 黎到時我外母第一啖未咬晒落去, 就發現串燒凍冰冰, 而且有陣陣餿味 叫咗個侍應, 佢收走咗, 跟住返黎問我哋仲要唔要, 但係SORRY都冇句之後甜品燒菠蘿, 凍冰冰既, 而且有2件仲要係D釘起唔晒....炸香蕉, 外皮唔脆, 只係暖暖哋:(日X布甸, 味道似係芒菓布甸, 但味道都幾假囉.....整體選擇都算少, 但諗住好食既話少D都冇所謂, 結果食到成肚氣....虎頭蛇尾扣晒分以後都唔駛再幫襯了....…Read More

今日老婆話想食粥, 咁上黎CHECK下有邊間好食. 見到話價錢大眾化, 評價又高, 所以行成20分鐘都試下...點咗個出名既肉丸牛肉粥, 老婆原本叫皮蛋瘦肉粥, 但係冇鹹瘦肉, 結果叫咗皮蛋肉片粥.睇個煲係用銅造既, 傳熱夠快. 而感覺比較傳統, GOOD.肉丸牛肉粥 - 粥底夠綿, 肉丸勁彈牙, 好似都有4-5粒, 細粒D但都好正. 牛肉仲有微量血水滲出, 唔係全熟 - 全熟就過硬唔好食, 所以都幾好!皮蛋瘦肉粥 - 老婆話冇乜味.但係用師傅係一敗筆... (因為光顧完之後冇耐就口渴...)…Read More