calalala's Profile

Before dinner time , 店舖不多人, 有空位，四個人去，每人平均消費都過百元，食食下，貌似家族經營的女人行過嚟，暗示話我地叫食物叫得少，話”下次唔好啦”， 語氣令人十分反感。如果有最低消費就應該寫明，普通食下飲下少少野，人均一百元以上，都不算少啦。好啦，點知仲未完畀錢埋單，仲要又講多次「下次唔好啦」。迫到同行友人問個女店員到底咩意思。待客服務態度差，顧行眼睛是雪亮的，改名叫<Don’t go 咖啡>比較合適。…Read More

今日和朋友去試吓，要齊人先入得，都唔緊要啦，入去前，貌似老闆娘已經問我們吃什麼，都覺得有啲奇怪，都唔緊要啦，在門口落咗單，我叫左巴東牛肉飯，當老闆娘話有位叫我們入去，見到張空枱上已經有一碟巴東牛肉飯，正當我們想問我們應該坐那張枱時，老闆娘竟然向我們說，「呢個飯係你㗎啦！」我當堂嚇咗一跳，然後我笑唔出。 唔係啩，人都未坐低，食物已上枱？去慈善飯堂都唔會咁啦，何況要比成$70食一個飯？食落味道其實同大快活咖喱牛腩飯差唔多，味道都唔係最緊要，但咁嘅服務態度，唔好再標榜自己係五星級酒店名廚出身啦。唔會再幫襯。…Read More