SarinaWong4575's Profile

原本想食崩沙腩同埋金牌牛三寶，我地兩點未夠就去到，點知都話賣晒，都真係估佢唔到咁好賣！唯有叫其他試下啦～五香牛腩河加凍檸蜜五香牛腩就算外賣拎到返去食都幾夠味，河粉索晒啲汁，有香濃牛腩汁味，而且河粉都出奇地幾滑，又唔會碎濕濕咁好難夾，比一般啲河粉店都好食；而牛腩就幾香，無崩沙腩但都唔會太瘦或者好柴，肥瘦度都唔錯，亦都幾軟稔同有一絲絲感覺，整體來講係幾香又幾好食～秋風起就打算叫杯凍檸蜜，貪佢可以假假地都潤下哭，杯野有三片檸檬，蜜糖味都唔會太假，亦都唔算好甜，飲落都幾爽！樂園圓寶丸河有魚蛋、魚片頭、墨丸、豬肉丸同魚皮餃。見到佢啲丸嘅形狀都係不規則，都覺得唔似係機制； 魚蛋專家果然魚蛋最好食，有咬口夠彈牙，又唔會太無魚味；魚皮餃皮都唔會太厚，魚肉味都夠，整體來講都幾滿意！…Read More

lunch time打算食韓國野，行行下見到好多人食，就想入去試下啦，好彩唔洗等姐，一陣就入到去啦~五花腩炒粉絲好彩叫左小辣，唔食得太辣嘅我連小辣都覺得辣辣地，但又幾惹味！五花腩係薄切，但都好多片，而且肥瘦適中，小小辣咁，味道幾好；粉絲就比教稔身，份量都好多，蔬菜類都有好多款，菇、翠玉瓜及椰菜咁，整體都口感都豐富，仲好似有肉又有菜，幾健康咁～韓式小魚餅set lunch可以追加小食，想念韓國嘅味道就叫左韓式小魚餅。佢有兩舊，入面係D雜菜咁，食落都算幾豐富，同時又有D煙銀度。炸紫菜粉絲卷最愛就係呢個，每次食韓國嘢我都要叫炸紫菜粉絲卷！脆脆薄薄紫菜包住粉絲，一咬落去好熱好脆，好中意佢又稔又脆嘅口感，好夾又好岩送酒～Cass啤酒成日見人係韓劇到飲呢款牌子嘅酒，搞到我都好好奇係咩味。原來佢比較淡味，好易入口，唔怪得韓國人咁中意飲啦！…Read More

覺得雞翼山簡直無開party必備！今次我開party就係旺角外賣自取左，3款12隻雞翼加一杯野飲同埋一人餐。港式鹹檸七＋文青風玫瑰＋港式避風塘蒜香雞翼＋冷泡凍檸茶主打嘅招牌文青風玫瑰味點都要試下，其實就係蜜糖雞翼加玫瑰味，甜甜地又脆，玫瑰花味都幾特別；港式鹹檸七真係好創新，但食落又幾好味，估唔到用鹹檸七醃過，鹹檸味好突出，成件事好有泰國雞翼啲味feel；港式避風塘蒜香係最好味！覺得呢款最惹味，有濃濃蒜香，又辣辣地，最緊要係我拎到返去都暖暖地都仲脆個下勁！可常而知，熱辣辣食嘅話一定好正！一人餐：溫泉蛋洋蔥雞翼don＋甜芥辣雞軟骨＋唐揚蝦甜芥辣雞軟骨脆炸過後又有啲啲椒鹽味，少少鹹脆脆地，好岩送酒食；唐揚蝦係脆炸又細細隻嘅炸蝦，又係好岩送酒食。溫泉蛋洋蔥雞翼don都幾大碗飯，溫泉蛋好香再加洋蔥同茨汁都幾日本feel…Read More

每次行旺中，我一定會飲返杯nuttea，感覺好似健康D，就算飲奶蓋都無咁大罪惡感！因為佢係用左堅果奶去取代一般高糖嘅奶蓋，所以飲個陣都唔怕，會放心咁飲。今次就叫左菠蘿堅果奶蓋茶，因為食太多膩嘅食物，就覺菠蘿會清新同消滯。果然菠蘿底又幾清新～微微甜菠蘿味，味道唔係假，亦唔會死甜，成件事好解渴； 再加上堅果奶蓋，真係一D都唔會覺得「漏」，仲要好好味！唔係話有香濃奶味，但就有堅果香，感覺食落又唔會好滯，仲要面頭有D nuts，咬咬下好正!!我朋友就叫左杯烏龍堅果奶蓋茶，香港人好中意飲烏龍茶，果然我fd都唔例外，一睇就即刻叫左烏龍茶haha  我又覺得佢茶味幾濃，起碼唔係紙包裝烏龍茶個D味，清清地又唔係澀，再加埋堅果奶蓋係上面，味道平衡又幾夾。如果下次再飲我仲好想試草莓同蜜瓜味，蜜瓜好似係期間限定架！…Read More

去完探朋友又唔知食咩好，經過呢間餐廳又覺得環境幾靚，就入左去食啦～我地就叫左個 lunch set，包餐湯同前菜。紫色嘅菜湯非常吸睛，加左香草同橄欖油，令湯味道更加香～青蘋果沙律開胃，伴碟嘅牛角包都出奇地好鬆脆，係令人有驚喜嘅前菜！之後就叫左一豬一牛試下啦～炭燒美國豬肉眼扒 伴蜜糖烤黃甜薯，烤花椰菜及青豆配露絲瑪利燒汁豬肉薄薄地又易咬，非常軟稔，仲有微微炭燒味； 配菜都唔係hea，甜薯烤至金黃色，甜甜地，外皮又香脆，西蘭花都有被烤過，再加啲黑椒青豆，令成碟食物更多層次。炭燒newzealand牛肉眼扒 伴蜜糖烤黃甜薯，烤花椰菜及青豆配露絲瑪利燒汁牛肉燒至7成熟，比較有咬口，配菜都係同豬肉一樣。餐飲就叫左杯rose hogarden，食肉配啤酒就緊係最爽啦！朋友就叫左杯瑪奇耳咖啡，甜甜苦苦嘅感覺，令人提起左精神啊～…Read More

放假緊係去搵好西食啦，呢間小隱世飲酒吹水地方，岩晒weekend去chill下～我地就一人叫左一個weekend lunch前菜叫左胡麻波菜蟹肉沙律同埋䩆漬水母沙律叫得好好，因為串燒全部都食肉，叫沙律可以得閒清新下，加埋蟹籽同蟹肉又幾開胃同解膩！水母就好似海哲咁，好爽又有咬口，加埋醋去調味，超refreshing燒物方面叫左：荔枝豬肉卷- 呢個真係1 pick，估唔到荔枝同豬肉咁夾！香烤薄豬肉調得好味，再加荔枝嘅清甜，balance到豬肉油膩感。蔥豬腩肉- 厚厚豬腩肉，燒得岩岩好，又唔會太難咬開，完全唔洗加鹽都夠味自家制免治雞肉軟骨- 燒雞肉棒咁，軟骨稔到唔覺得有骨係到，再沾半生熟蛋食，唔錯！厚切牛脷- 3塊大牛脷，有經鹽調味，夠厚切有咬口！汁燒牛肋- 燒得好惹味，個汁帶出左牛肉味，牛又唔係燒得過火，好正！之後仲加左個 Sakeh free flow 有4枝大吟釀，酒精濃度應該唔算太勁，但就飲到好香醇米味，串燒送酒，一路佐酒食，一路飲，成件事好嘆～…Read More

越光米 6 sidesBrunch set 我叫左6個唔同小菜，有選擇困難症下，最後揀左叉燒，黑松露炒蛋，菇類沙律，味噌茄子，調味過嘅包kale，同蟹膏醬。發現份量比想像中多，開頭以為會唔飽，點知全部一份加埋就超級飽！黑松露炒蛋有香濃黑松露味，食食下覺得想refresh就加菇沙律；味噌茄子醃得好濃味，好有日本味道，而最特別又一定蟹膏醬，估唔到佢係有蟹味之餘，又有薯泥係下面，係非常綿滑！Bakery 5 Sides呢份揀到好似係酒店食早餐buffet咁，可以食晒想食嘅野～朱古力丹麥包做到一絲絲感，烘熱左脆脆地又有朱古力咬下，感覺特別，再搽D橙味Jam，酸球甜甜，食落幾夾！半隻燒春雞超大份，烤到好香香草味，皮薄又脆，加埋成份雞，食雞都飽了。然後叫左Granola Greek Yoghurt，yoghurt上面有脆脆米，令成件事唔會太單調～焗薯仔粒，唔係就咁焗完就算，食得出加過調味，剛焗完都有脆口感，加少少鹽調味已經好夠！…Read More

踩單車前諗住去搵食，但見將軍澳海旁D餐廳都貴貴地，又得西餐咁，但發現有間裝修好「香港」特色嘅餐廳，入面掛住好多特色招牌，而且價錢又唔貴又多人食，就即刻入去試下啦～蕃茄湯＋滑蛋米線＋招牌瑞士汁雞髀午餐去食，見間鋪叫蕃茄18， 就打算點都叫蕃茄湯！一上菜見米線份量好多，食落好彈牙，而且都好大碗；炒蛋炒得好滑又香，加埋米線食同飲啖蕃茄湯就覺得幾好味，招牌蕃茄湯果然唔同，食得出係新鮮蕃茄整成嘅湯，唔係用罐頭蕃茄嘅假味～之後又加左隻瑞士雞髀～食落去終於明白點解瑞士雞髀係招牌啦！首先隻雞髀有成隻手掌咁大，而且好夠味，應該唔係最後先林D瑞士汁落去！開頭以為咁大隻D肉一定好鞋，點知皮薄，雞肉又嫩，加埋瑞士汁甜甜地，好正！華田脆脆平時飲開凍華田，今次再加埋D華田脆脆係上面，又脆又好飲！…Read More

雞髀班蘭飯大大隻炸雞髀配以黃豆餅同炸豆腐，全部都係新鮮熱辣！炸雞髀夠大隻又脆；班蘭飯整成尖塔型，賣相靚又夠大份，而且食落啖啖都係清香班蘭味，食食下仲會見到D班蘭葉片，可見你貨真價實╴呢個飯真係食到停唔到口！印尼炒飯炒飯好夠味，香濃又有微辣，本身炒飯又會有D雞絲，豆菜咁，再配埋雞串燒，蝦片，整體好正宗又好食；如果覺唔夠辣，仲可以加埋旁邊嘅辣椒仔醬，食少少都辣到飛起！椰青餐廳入手嘅椰青夠清甜，椰肉都好薄好滑，好內未飲過椰青嘅我飲得好開心！！班蘭沙冰超級大杯！飲極都飲唔晒！夠凍而且好香班蘭味，飲完真係透心涼小食拼盤有炸雞、雞翼、黃豆餅、炸豆腐同炸秋葵。黃豆餅係第一次試，好有印尼特色，而且味道好特別，咬落粒粒豆，再沾埋泰醬食，都唔錯～其他食物就好岩印尼姐姐口味，都係煎炸野多！…Read More

天氣咁熱就想食凍嘢，行過朗街見到好多人食，又見到有撈檬食，即刻就入左去，諗住食啲涼涼地嘅野解下暑。好彩早啲入去，遲多半個鐘已經要等位！太熱嘅關係我地兩個都叫左撈檬粉食～越萊人氣撈檬呢款餸菜有蝦餅、扎肉同烤豬肉。烤豬肉條就好似腸仔咁，但經過烤烘，就變得更多肉汁同惹味～扎肉都係經過調味，唔怕又淡又無味！蝦餅就炸到好脆同香口，配埋撈檬，簡直係夏天恩物！越萊經典撈檬呢碗就有香茅牛肉、厚切燒豬扒，豬頸肉。厚切豬扒皮薄肉厚，經過烤燒仲微脆，咬落啖啖肉！豬頸肉同樣燒得好乾脆；而牛肉就口感軟稔，加上撈檬同酸酸辣辣汁，成件事同樣都係夾嘅！兩碗都份量超多，食得好飽，全日餐仲會送埋柑桔蜜，幫你消暑同開胃，成件事都幾抵食！…Read More

話梅小山藥前菜酸酸地又幾開胃 白滷水九孔鮑魚好新鮮彈牙鮑魚，煮得入味又易咬，再加底層甜不辣，煙煙銀銀又幾好食蟹肉蛋白泡泡脆米金湯蛋白泡好吸晴，再飲蟹肉湯，飲飲下又有脆米粒，成件事食埋好似分子料理咁！鹽酥波士頓龍蝦脆角豆金瓜龍蝦經炸過之後幾脆，加上米通及脆南瓜，口感全部都脆炸好過癮～黑松露鮮百合花 從未食過百合花，大家見好似幾新奇就決定叫來試下！點知唔伏而且仲幾好味！原來百合花食落有少少似泥泥地感覺，加上黑松露芝士調味，就好似卡邦拿意粉咁，好有趣～鐵板香煎一口鵝肝牛小排 鵝肝鬆化，入口即溶，完全無怪味！加埋調味濃郁既軟稔牛小排，又幾夾！最可愛同驚喜係佢個爐邊蛋，有錯覺似去左韓燒餐廳咁，真係好有創意！八斗子炒飯大蝦鮮味彈牙，炒飯加入帶子粒、蟹肉、蟹籽及肉鬆等材料，令整體層次增加，炒飯亦炒得夠乾身，整體非常可口。氣球小女孩Cocktail西柚加GIN同烏龍茶，唔會太重酒味，清新得來又易入口…Read More

鳥世一位於中環隱世地點，完全係行過都唔會知佢存在LOL入到去就似串燒OMAKASE咁，師傅會一台一台咁呈上食物。既然出名食雞就叫左兩串試下先所有肉類都會保持返食物原鮮味，調味都簡單以鹽同胡椒吊起肉鮮。雞翼及雞軟骨都燒到脆皮，加少少鹽味，新鮮好味。滑蛋雞肉飯一個定食咁，隨飯配miso同漬物;滑蛋煮得岩岩好，再加上燒烤雞粒，都可以令人食多幾啖飯~厚燒牛舌牛舌唔會有難咬感覺，入口即用，加上柚子胡椒，不錯!宮崎和牛和牛係入口即溶，油脂感較重也不失牛肉味，兩啖就食完，好想再食!網燒牛肉成舊RIBEYE油脂同肉分佈平均，經燒烤後帶出甜甜地又有油香既牛味。鰻魚飯原條鰻魚好似就比晒我地，鋪係飯面~鰻魚新鮮，而經燒過既皮更係脆脆地，再送日本飯食，好飽肚…Read More

呢間Café正正我最中意既波希米雅風~環境又靚、服務又好、最緊要係食物質素都好! 仲要超飽! 今次叫左兩個lunch set同甜品，覺得cp值好高!!!脆炸軟殼蟹咸蛋黃蟹籽忌廉意大利麵Lunch set包左南瓜湯，沙律同埋意粉。一黎就見到大大隻炸軟殼蟹係面，咬落好多蟹膏又酥脆，簡直係正啊!意粉雖然話有忌廉汁，但加左蟹籽同豆一齊食又唔會好膩，整體味道都好夾。蒜香香辣鮮蝦意大利麵意粉蒜香味濃，加埋辣椒乾炒，炒得乾身又辣辣地，好惹味!!再有香料同大蝦加乘，真係好飽。焙茶軟心巴斯克烤微焦芝士蛋糕焙茶味非常濃郁但一D都唔苦，蛋糕質感軟滑，而且中間仲有流心效果，有驚喜!Matcha Latte係一杯濃濃抹茶，抹茶味唔會太苦，重點係個拉花超靚!Apple Blueberry Africa Nectar Tea蘋果同藍莓既組合估唔到又幾夾，有D酸又清新，係開胃之選。…Read More

越式蝦米紙卷夏天食清爽米紙卷開下胃先~越式米紙內包住多樣材料，有蘿蔔糸、青瓜絲、生菜、豆苗等，再加上越式蝦米一同沾上酸酸甜甜醬汁，食落非常清新同開胃!馬沙拉咖哩(雞)新鮮整起熱到出煙既咖哩最岩送飯! 馬沙拉咖哩味道唔係好辣，超適合我呢D又怕辣又想食咖哩既人! 入面除左雞粒之外仲有好多蔬菜，好似蕃茄仔、洋蔥、紅青椒，令味道更有鮮味同層次。泰式菠蘿炒飯原個菠蘿送上，份量都好大碗，炒飯有D黃薑粉味道，加入蠟腸、菠蘿同蝦仁食，食落都唔錯，當然配埋D咖哩汁食就更加滿足啦~提提大家應該要book訂位，平日夜晚去都幾多人，仲要等位，好彩我地早到，等一陣就入得!另外，呢間餐廳碟碟既份量都好多，覺得要多D人來食先食得晒同埋試得多D想食既菜。…Read More

以為位置開得有D隱蔽，點知都坐無虛席，好彩唔洗等好內，就入得啦~北海道極濃蟹湯拉麵期間限定拉麵! 拉麵配料有蟹肉、薄叉燒同埋溏心蛋。湯底入口比較濃郁，而且杰身，就有D似食沾麵咁，但配埋拉麵食唔會太膩，反而仲有D蟹既鮮味; 薄叉燒就似慢煮過，非常軟稔又粉嫩，而蟹肉份量都算多，再加流晒心既蛋，唔會太油又岩岩好!金鶴雞白湯拉麵雞白湯底用赤雞熬足6小時，飲落有濃濃雞味，但又唔會好乾同渴，清清地，好岩中意清清地口味既朋友;雞肉就唔會太鞋，都係煮得非常軟身，再加D脆脆食用，增加左屠次感，配多舊叉燒，真係好飽!!五花腩兩串最後仲想食野就加左串燒。五花腩加入胡椒同鹽等調味，如果係重口味如我就岩晒啦! 再經過燒烤令五花腩變得脆口!…Read More