shanlau503's Profile

成日唔知大圍有咩好野食，今日約左朋友食晚飯，就想試試呢間酒樓。入到去已經晚市，我們3個人叫左個套餐，晚市套餐好多都好抵食。我哋叫左芝士龍蝦伊面，燒鵝例牌，加碟金銀蛋白菜，三個人食已經夠曬數，性價比都好高。芝士龍蝦伊面係好食，但我個人覺得有點heavy，不過朋友食得好開心，燒鵝係我最愛，酒樓同出面食始終有唔同，起碼唔怕影相好睇裡面全部肥膏。疫情之後都冇試過飲茶，估唔到第一次試呢間就冇中伏，食得幾開心，慢慢食仲可以一邊吹水，下次試試佢d點心先。…Read More

今日去九龍城買野，順便黎試試呢間鋪頭，下午茶時間人少少唔洗逼，叫左個牛角包黑松露炒蛋配沙律。沙律好新鮮，醬汁岩岩好，牛角包配左煙肉芝士，實在太過份，黑松露唔係俾少少，突然好感動，口感好配合，食咁多好東西返去要好好減減。慢慢食完再聽小小直播，過左一個悠閑下午茶，係香港都幾難得，推介大家黎九龍城要黎呢間朝聖。附近交通又方便，性價比都好高，唔洗排隊，舒舒服服仲可以聽周董的歌，慢慢嘆埋杯熱奶茶就起程返屋企。…Read More

午間空閑，黎到雲魅食個下午茶，見到有蟲草雞湯泡飯，一於試試🤣由於係下午茶時段，餐廳唔太逼，可以舒服地慢慢食飯，睇睇書，睇睇街景，泡飯叫人有驚喜，值得推薦。如果想有個安靜地方食下安樂茶飯，呢度一定係首選。…Read More

聽朋友介紹話好食，咁岩係銅鑼灣做完野，就散步行去灣仔覓食。鋪面易搵，餐牌已經擺係門口，方便客人願者上釣。驚食唔曬就叫左個主食加越南咖啡，掙扎下揀左海南雞河粉，然後自己搵位等野食。好快老闆娘就上菜，先黎咖啡，再上主食，老闆娘俾左辣椒同檸檬自由加。河粉齋睇平平無奇，但試第一口湯就好驚喜，好好味，雞肉亦夠淋唔硬身，美中不足係河粉有極少數未夠淋，但影響不大，忍唔住食完海南雞河粉仲飲曬d湯。咖啡都幾地道，少少苦唔會好甜，係越南咖啡的味道。就食物黎講，係好值得推介。…Read More

突然想食越南野，又去左呢間隱世小越店，每次去親都見生意唔錯，位置唔就腳都咁好生意，可想而知味道好。今次試試火車頭，升級左食安格斯牛肩肉，再加杯凍咖啡，上次試完凍咖啡就愛上左，所以再加碼。牛肩肉有啲生，可能係我食唔慣，如果湯再熱啲，應該就岩岩好，但牛腩真係比較無敵，強烈建議大家一定要試牛腩，無論叫飯定麵定法包。牛腩夠淋又易咬，入口即化的感覺好正，我覺得仲好食過安格斯牛肩肉，等我下次試試咖哩牛腩配法包先。…Read More

路組荃灣，先醫醫肚，個人較愛茶記，搵左呢間荃灣情懷，適逢午市已經好多食客，多謝服務員姐姐幫忙搵左個幾好的自閉位俾我食飯用。睇餐牌太花多眼亂，最後叫左個咖哩雞扒飯配紅豆冰，服務員姐姐黎問飲唔飲湯，我話好呀。先上湯，唔會太油，幾好喎。然後係主菜咖哩雞扒飯，好在飯量適中，如果唔係怕食唔曬會浪費，咖哩同雞扒都好正，咖哩唔會太辣，濃味，雞扒鬆軟，唔硬身，食到好感動，份量又足。食完主菜試紅豆冰，紅豆粒粒都夠淋，入口即溶。埋單前再加杯熱奶茶行街，正，我決定強烈同朋友推薦呢間茶記。…Read More

約左朋友下午捐血，捐之前去填下五臟廟先，之前成日係銅鑼灣幫襯，今日終於黎返觀塘店。好在今日星期一，唔洗排飛就有位。入去時已經見到人地個叉燒滑蛋好正，當我們係光榮快餐猶豫時，終於狠心捨棄蔥油雞扒飯，決定要兩份叉光滑蛋飯，再加杯凍飲，唔洗加錢肯定叫凍飲過左冇幾耐，飯就黎到，果然冇令我哋失望，上菜快唔等於粗製濫做，蛋好夠滑，叉燒亦夠琳，一啖蛋一啖飯咁食好正。另外，佢飯量又好足，食一餐等於brunch咁制，加埋凍飲就好飽了。…Read More

朋友住石門，同佢講想想一樂，佢又即刻ok，我地就約實了。係OpenRice見到餐牌原來一日前book套餐有9折，一至四仲要免加一，即刻同朋友夾好食粥底海鮮火鍋就打電話訂台。好在星期一去人唔算多，員工好細心咁幫手接待我地，見我哋揀蘿蔔仲話係湯底加蘿蔔，叫我地另外揀多個餸，好正。食物味道唔錯，海蝦打頭陣好正，鮑魚帶子都好好，肉蟹堅多肉，我朋友食開海鮮都話唔錯。服務員哥哥有求必應，我哋要濕紙巾都隨傳隨到。好彩今日星期一，佢應付得黎，朋友走時仲睇定其他餐牌，打算下次再黎幫襯。…Read More

做完野夜晚餓餓地，就去左油塘食十勝牛，以前係石硤尾食過，今次試吓呢間店。本身睇過食評話服務員態度唔好，但我今次唔覺，一切都好舒適。坐低就開始眼花撩亂，因為好多野食揀，仲樣樣都唔算貴，樣樣都想試。掙扎取捨後揀左鰻魚飯，因為我真係幾中意食鰻魚，就試試佢。另外，仲加左串汁燒冬菇，配左檸檬幾特別，成個口感唔會好油，值得一試。鰻魚飯符合預期，係好食嘅，大家可以安心黎試，餐廳仲要場地幾大，四人行都ok，應該唔洗等太耐位，又近地鐵站，散水都方便。…Read More

友人聚會，大家都懷念好耐冇食酸菜魚，所以特登book左呢間店，比起之前黎更加旺場。好彩book左位同埋約得早，如果唔係就望住人哋食。早上係Klook買左張酸菜魚券，服務員姐姐唔太識用，淨係叫我地先點菜，俾錢再用券，咁我哋就照做。本身叫左5道菜，但由於口水雞睇落太生，有點血淋淋，服務員好好人地幫我取消左，本身想試試其他，但由於仲有生日蛋糕，大家都飽飽地，所以冇再加。以前曾經有人試過在場駐唱，個次嘈到傾唔到計，今次冇人唱歌，但勝在旺場，氣氛都好熱鬧，大家去唔到深圳食酸菜魚不妨考慮一下呢間，真的很不錯👍…Read More

放假去旺角行下，先填填肚，見到呢間餐廳外面餐牌好多選擇，就入去試試。店員都好有禮貌，留意到佢哋好細心，隔離台客人漏左財物，佢哋會第一時間叫住客人拎返，好細心。我再三掙扎下，試左烏冬，下次再試丼飯。估唔到湯底咁夾，配烏冬係一流，大家中意烏冬一定要試試辛辣湯嗲呢個湯底。另外，試左忌廉蟹肉餅，趁熱食就好爽，口感好外脆內軟，本身想加碼，但又想試其他，所以加左個紫芋甘粟餅，紫芋控朋友一定要試試，甜而不膩，但由於太飽，所以今餐就係咁先，下次再約。…Read More

適逢限聚令放寬，就約朋友黎食泰國菜，由於新開，都可以坐到10點，等朋友時已經消耗左個蝦餅，冇影到。等朋友到齊就瘋狂點餐，樣樣都好大份，所以真係建議大家多人活動可以黎呢間。味道方面都幾好，又抵食，唯一雞蛋裡面挑骨頭係只收現金，差啲要留低洗碗😂…Read More

第二次來，帶埋朋友食烤魚。好彩早黎，否則滿座要等位。店員都好友善，冇訂座都即刻安排座位，朋友睇到餐牌都流口水🤤。叫左烤魚，魷魚，蓮藕餅，拍青瓜。食得辣的朋友可以大膽嘗試中辣以上，我哋試左小辣發現還可以，或者下次會挑戰下中辣。烤魚好大份，2個人絕對夠食，唔夠可以加個飯😂重點推薦蓮藕餅，我發現係幾好食，冇諗過會咁好食，個汁又幾合我口味，大家不妨試試。…Read More