sheungyuentang's Profile

旺角中心一向比我感覺就係女裝集散地，所以都好小會突登去。最近先知旺中二樓開左好多間小食店，所以馬上去睇下有咩野岩食！二樓角落都開左成五至六間小食店，令到原先已經唔係好闊既通道迫滿晒人好熱鬧！行左個圈見到有宇治金時雞蛋仔，即刻吸引左我尼個抹茶控店舖所有雞蛋仔都係即叫即做，先比錢落左柯打後就要係旁邊等，欣賞佢地既做法，因為雞蛋仔緊係要熱辣辣新鮮出爐先好食等左5分鐘左右，我既治金時雞蛋仔就出爐啦，就咁拎上手已經聞到雞蛋仔既香味，新鮮出爐果然係唔同D但係一咬落去就極為失望，我係先咬一啖再影相，但係雞蛋仔冇香脆既口感食落係腍既口感並唔係最致命既地方，但嘗一兩口落只係覺得偏甜有小小抹茶味，但係愈食愈甜到最後只剩紅豆既甜味，連雞蛋仔本身既味道都比紅豆蓋過如果合埋眼食我會認為自己係食緊紅豆味既蛋糕！雖然宇治金時雞蛋仔賣相真係幾好，係尼個流行「相機食先」既年代點都會有受眾，但係一到口邊就知道鋪頭都係賣噱頭，咁既質素索價25蚊係同區食小食都有好多選擇。就算見佢有好多其他口味既雞蛋仔，食過一次覺得佢係華而不實，噱頭依家野試一次就夠了。…Read More

想信石湖墟熟食市場倍伴好多上水人渡過無數的時光，皆因幾10蚊就可以解決一餐所需而且到夜晚既大排檔又係成班友食宵夜既好地方。雖然每日都有好多人幫襯，但係又好似冇咩人分享心得，所以我決定整番個石湖墟熟食市場食記完全版，實行細味每一間！第一間既餐廳當然係自己最成日幫襯既，我已經係佳運解決左無數既午餐，最令我難以忘記就係大大碗又好味既米線。入正題之前緊係要講下佳運係邊啦，熟食市場正門轉左行到盡頭跟住再轉行到角落就係。要點樣分邊張枱係邊間鋪最簡單就係睇餐牌，見到綠色底寫住特價午飯就係佳運啦！雖然1-9號餐都好吸引，但係我最鐘意都係佳運既米線，先睇下佢既米線餐牌先。都有成20幾款配菜同埋3款湯底(麻辣 酸辣 清湯)可以選擇，如果驚唔知有幾辣仲可以辣另上自己加到岩口味為止！我最推介當然係紅燒豬軟骨米線！落單後唔洗5分鐘已經送到枱上，貫徹茶記特有既高效率。同個茶杯做下對比就可以知道碗米線有幾大碗，份量之外賣相同埋味道都唔會差！米線唔會煮得太淋軟硬度適中，湯底濃郁每口米線伴隨酸酸辣辣的湯底完全做到酸辣米線特有既重口味豬軟骨肥瘦岩岩好，唔會炆得太淋而且非常入味一個完美的午餐緊係配埋一杯凍檸茶先得，食完飲番杯凍檸茶夠晒解渴而且個肥都覺得冇咁漲其實佳運仲有好多好野食，好似係佢既炸雞脾味道非常獨特都係必試，但係我對豬軟骨米線情有獨鐘，特別想推介大家試下…Read More

係沙田番工既我放飯時候成日都會去一田食野，最鐘意就係食一田既避風塘雞翼 由8蚊一隻食到依家$12一隻都係覺得好抵食 講番正題先，每次經過一田個陣都會見到8番拉麵，但係一田FOOD COURT個個位實在太熱，搞到我唔係好敢係個度食拉麵 經過一輪爭扎之後都係決定食番次 諗緊食咩既時候，收銀員好有禮咁做番推介，原本諗住剩係食一個拉麵既我都點左個2號餐 可能下午唔係繁忙時段，剩係見到得收銀員一個人，落完ORDER後收銀員要幫手斟埋野飲之後就要繼續收銀 其實整個拉麵快極都要時間，咁早幫我斟定野飲唔係咁鐘意，冰溶左杯汽水會唔夠凍同埋無味 等候時間大概5分鐘左右，拉麵同餃子一齊上，原本以為一齊上就唔驚D麵浸得太耐而變得淋身，點知收銀員落緊ORDER，冇人出餐碗麵就咁放左係出餐窗到成分鐘 最後收銀員落完ORDER之後就即刻出餐，但係收完錢唔洗手就出野食實在唔係太衛生 間鋪旁邊有張高枱比8番拉麵既客人專用，但係個個位太熱啦最後都係去左一田個D位坐。坐低左就即刻食拉麵先，唔想個麵浸得太耐 賣相OK，配菜非常多，再加上豚骨湯既香味慢慢咁滲出，單睇賣相都會增加食慾雖然係用細麵但係掛湯力唔錯，每撮拉麵都會掛到湯底，再配埋紫菜一齊食真係一流 可惜既係個麵浸得太耐已經偏淋，入口唔會有爽口既感覺 叉燒油脂比較多，但係食落又唔會覺得好油膩，最緊要係入口就感受到油脂係口入面慢慢溶化既感覺 所以好食既叉燒唔需要特別多亦唔需要特別大塊，薄薄既一片已經為成個拉麵增添風味 湯底同雖然都係用豚骨湯底，但係偏清淡同埋有入口有甘甜既回味，同平時既濃厚豚骨湯非常唔同。拉麵本身有大量既蔬菜，所以就算用清淡既湯底都唔會破壞左成個拉麵既平衡 食完拉麵先再食餃子，餃子煎至金黃色賣相好吸引餃子皮好脆，入面既豬肉餡唔會乾身，咬落去肉汁係口入面擴散，一粒細細既餃子做得唔錯雖然個餃子真係做得幾好，但係拉麵既味道唔算特別出眾，再加上店內人手不足搞到食物質素下降，所以今次用餐都覺得8番拉面OK，再做好少少既話都會有笑面既，希望下次食個陣會有進步啦…Read More

小弟好鐘意食拉麵，今次就搵到尼間係新世紀FOOD COURT角落既面座拉麵，7點半左右食都唔見有人排隊望一下MENU見大部分都注明係醬油湯底同幼麵，對於想食重口味既我有少少失望 諗左陣決定叫珍寶拉麵！等待期間見到湯碗有預熱值得一讚，同時叫煮麵既姐姐煮麵要硬D唔好咁淋姐姐都好爽快答應，服務真係OK至於衛生就差少少啦見佢全部配料都預先準備好執料位，連叉燒都係...最大問題係D配料冇野遮住，同埋長時間放係室溫環境好容易會有細菌等左5分鐘左右姐姐就煮好碗拉麵啦！緊係要第一時間搵個位開餐食拉麵我慣左先飲一啖湯，湯夠熱但係味道真係一般...雞湯味同醬油味撈唔埋，應該係製作湯頭時後加醬油令到雞湯味蓋過晒醬油味令成個拉麵大大扣分至於麵身不過不失沒咩亮點。成個麵總共有兩塊叉燒、半隻蛋、蔥花、荀、栗米同埋木耳絲，睇落好正常但係一入口就知咩事首先講下個兩塊叉燒，一D油脂都冇仲慘過係燒味鋪食瘦叉...最大鑊既係食落去同港式叉燒一樣味半隻蛋我都唔敢叫佢做溏心蛋，因為蛋黃已經完全凝固，仲要有少少係變左做烚蛋個種蛋黃粟米一入口就知係罐頭野，荀同木耳絲係冇味，要靠個口感同樣先認得出係荀同木耳絲總括尼講兩個字可以搞掂「中伏」，食完先發覺全程冇影過相不過都唔係咩值得一試既拉麵...…Read More