Yvonneklf's Profile

之前兩次到張公子晚飯，雖然價錢略貴，但食物質素同服務都不錯，所以今午想去試午茶點心，順便爲4月有2次同朋友飯局，睇下菜單。二人坐低落左幾樣點心，就碰到熟朋友又剛到飲茶，所以立即想加位，或轉枱一齊坐，但帶位女侍應即時斷言拒絕，態度非常差，話我地落左點心order, 轉厨房好麻煩，當時成間酒樓衹有一半枱有客，我地得5碟點心，又坐近出菜，幾個侍應企係度無野做，衹要交待一聲，有幾麻煩？？我唸佢係可能唔想再執枱。就算我地再提出要求，佢都say no.其實合併枱同轉枱係其他酒樓係好普通事，點解呢位侍應咁嘅服務態度？？？？就算張公子出品幾好，同朋友飯局就打住先，如果再遇上服務態度如此咁樣，食到一肚氣就無謂。…Read More

今日有事做要到北角, 同老公搵地方食lunch, 聽朋友講話附近開左間餐廳, 食意粉唔錯, 即管試試, 去到剛有位,.落左單, 先來個 Roast Chicken Salad, 好爽, 雞肉好入味, 唔係一般無味雪雞, 好快清晒, 跟住果汁來到, 飲落竟然係全生果, 無溝糖水, 好好飲. 要讚.主食我要左, 夠熱又好似無味精, 味道好好, 好足料, 食到一半已經好飽, 俾埋我老公食, 佢 order鴨胸長通粉, 唔聲唔聲食晒, 仲清埋我個碟.整体上樣樣都好有Heart做, 以食物味道出發點, 無添加, 以65蚊一份set lunch , 意粉, 沙律加果汁, 好抵.有時間會再去炮台山要再試餐廳其它食物款式.…Read More