無限斜棟's Profile

好耐之前BASAO係銅鑼灣仲有分店嗰陣，我超級喜歡佢哋嗰款Shaken Ali茶類飲料，可惜店舖轉型冇再賣嗰款嘢飲。⠀正當我諗點算好之際，店員就向我介紹佢哋嘅茶飲係都好唔錯，反正都嚟咗，就一於試吓店員推薦嘅金萱烏龍茶。我自問唔係識品茶嘅人，但飲落甘香清甜，係好舒服嘅味道。而且點茶類飲料會送一件鳳梨酥🍍，食一口鳳梨酥再呷一口茶🍵，都係放鬆心情嘅好選擇。…Read More

餐廳啱啱開張嘅時候已經bookmark好，過咗若干年後先嚟試，同我想像嘅稍有不同🌟⠀今次嗌咗平日午餐set，包括一品+麵食+飲品，一品係不過不失的蔬菜醃物🥬，麵食我揀咗招牌嘅虎蝦濃湯麵🦐，飲品揀咗巨峰冰串梳打🍇⠀巨型炸虎蝦沾滿咗大量櫻花蝦、虎蝦蝦肉彈牙 單食會略嫌唔夠鹹，麵質有啲似天使麵，好掛汁！剛好蝦汁濃厚重蝦味，配合虎蝦一齊食幾唔錯👍🏻。雖然我幾中意食蝦湯嘅麵食，但覺得蝦汁可以稍為加多少少海鮮嘅鹹香味🌊會更為吸引！…Read More

某日碌ig，偶然地發現呢間位於中環嘅咖啡店“Sheer Coffee”。感覺係開業冇耐嘅小店，睇到店家ig發現好似New York Cheesecake嘅甜品，二話不說加入書籤「待去」列🔎⠀當天正午嚟到咖啡店，店舖面積雖小，但係令人感覺舒適放鬆🍂見到有玄米茶拿鐵即嗌！玄米香氣唔錯，有溫和嘅感覺，如果唔太想飲咖啡，呢杯會係唔錯嘅選擇。嗌埋最想試嘅tofu cheesecake，原來有青檸、乳酪同豆腐成份，難怪食起上嚟完全唔膩，話咁快食咗一件，果然冇嚟錯😎🤣！…Read More

Fusion菜一直係我好中意嘅菜式，今次嚟到西式x日式風格嘅Roji，餐廳位於小巷入面，搵路嗰陣仲錯過咗路口🤣⠀嗌咗四道菜，頭盤係Torotaku + Uni，吞拿魚同鮮甜嘅海膽超夾！完全冇腥味！係嚟呢間餐廳必嗌嘅前菜✨⠀主菜嗌咗烏冬、和牛、帶子先講烏冬，食起上嚟有蒜味但唔會好濃，整體嚟講仲有啲fresh，會想一啖接一啖咁食🍜A4和牛配雜菜，用上紫蘇葉同柚子醋混合嘅醬汁，和牛軟腍腍油脂十分香🤩，沾上sauce之後變得清爽而唔油膩，推薦👍🏻帶子有萵荀襯住，仲柚子高湯做sauce，同樣係清新無負擔☺️…Read More

「你生活定生存吖❓」我相信呢句說話有唔少香港人心目中問過自己無數次，正正因為係香港呢個彈丸之地，要生存已經唔容易，更何況要比自己留有一些喘息、放鬆嘅空間咁生活，更加可以話係難。由以前上環伊利近街舊店幫襯到嚟西營盤，一次偶然嘅cafe探訪反而令我成為咗常客，呢間小店令我覺得好放鬆，老闆同咖啡師都好friendly會同客人傾吓計💬，當然蛋糕同飲品都好合我口味啦✨。⠀今日嗌咗caramel egg pudding🍮同我一向嚟到都會點嘅ice genmaicha latte🍵，焦糖好濃味，配上日本極濃蛋製作成嘅布甸，十分香甜令人想一件接一件咁食😋。而玄米茶latte，對比坊間好多cafe嚟講都係少見嘅，呢個都係我每次嚟會點嘅其中一個原因，主要原因係玄米味真係好香(˶‾᷄ ⁻̫ ‾᷅˵)，配奶底令到杯嘢飲更加柔和舒服☺️。無論係大甲芋頭蛋卷、日茶鴛鴦卷、伯爵茶牛奶凍卷、抹茶吉士撻、伯爵茶無花果卷、香印提子柚子卷、抹茶士多啤梨卷、tiramisu、玄米茶忌廉焙茶奶凍戚風定係焙茶巴斯克蛋糕，全部都好出色👍🏻。希望將來仲會有機會食到呢間cafe嘅出品啦🫶🏻。…Read More

有次打算搵拉麵食，朋友推薦咗呢間麵店，話好過食拉麵，咁我緊係帶住expectations去食啦💭。週六夜晚8點幾嚟食個場都唔full，唔知係咪因為定價偏高呢？老實講一碗海鮮湯底嘅陽春麵值唔值$140以上呢？大家心中自有分數啦😌。⠀嗌咗個被推薦嘅“海龍皇湯”🍜，材料都幾豐富架，有藍蟹肉(好碎好少😅)、兩隻海蝦尾(幾大隻幾彈牙嘅👍🏻)、北海道魷魚(唔韌但冇味)、北海道刺身帶子(幾甜唔韌)、廣島蠔(幾鮮)、蝦頭油、皇湯同陽春麵。講吓湯底，係有新鮮嘅蝦油味，但你話係咪令你想飲晒成碗嗰種，似乎又唔係🤔，不過湯底都算唔錯嘅。講吓個陽春麵，煮得偏腍，份量多，細食嘅女士未必食得晒成碗，不過呢個價錢唔比返咁上吓真材實料你就唔抵食啦，所以份量嚟講絕對合格👍🏻。個人口味嚟講唔算好中意，但對於喜歡陽春麵或者喜歡海鮮蝦湯嘅你應該都會欣賞呢碗精緻嘅麵✨。…Read More

呢個價錢本身我都冇expect啲咩好濃嘅開心果味、雪糕會好綿密等等，但出乎意料有驚喜🎉。⠀當日去到只係得牛奶軟雪糕同開心果軟雪糕，冇咗兩溝嗰款，所以決定試開心果🥜💚，雪糕都算綿密、唔會好快就溶晒，淺綠色唔係好重好濃、但至少食得出係開心果味，覺得呢個價錢都值嘅👍🏻。…Read More

記得有youtuber拍過啲回憶系列嘅影片，其中一間就係仙跡岩👣。⠀以前細個都中意去仙跡岩食嘢，滷肉飯🍛、麵線🍜、珍珠奶茶🧋，為咗一探究竟仲係咪以前嗰陣味，我就嗌咗豬頸肉闊條拉麵$42(轉麵線+$4)同凍茉香珍珠奶茶(原價$30，點粉麵飯可半價$15)。湯底偏淡、不過都食到有啲蒜味，豬頸肉唔錯唔會好鹹，配麵線味道適中，另外有幾片椰菜點綴🥬。⠀碗麵嘅份量算少，如果唔嗌飲品應該女士們未必夠飽😅，不過都唔太追求味道嘅質素啦，話晒都係香港嘅台灣料理鼻祖🤣，食個回憶咁啦🤣。…Read More

下午茶時間嚟到呢間充滿法國風情嘅cafe🇫🇷🍽️，淨係睇menu揀食咩都諗咗陣，因為好多都好吸引😆⠀最尾嗌咗“Full French Breakfast”🍳🥓，用鐵鑊裝住食物十分精緻可愛🍅🫙，令我印象最深刻係個窩夫，又脆又香，加埋cream嘅微甜唔會膩🧈🧇。另外嗌咗杯“Iced Mocha”☕️🧊同“35% AZÉLIA Hazelnut & Chocolatey炭烤榛子朱古力”🍫🌰。Iced Mocha好普通，但杯熱朱古力帶有濃烈嘅nutty味，雖然係35%嘅朱古力但飲起上嚟唔會好甜，不過呢杯店家寫期間限定～…Read More

二訪“攝時間”⏳⠀記得兩三年前已經食過士多啤梨蛋糕，杯裝十分精緻，超級愛cream嘅我食得好滋味，本來今次都想encore，但店主話暫時停售(應該係水果不合時宜)，所以轉咗試吓新甜品 - 五十鈴抹茶歌劇院蛋糕(12層)🍰🍵，店家使用小山圓五十鈴抹茶粉作為主調💚，配上Cacao Barry嘅64% cho ganache(朱古力蓉)🍫，口感順滑而帶有濃厚抹茶味，個人十分欣賞👍🏻。另外我嗌咗杯Matcha Latte(soy milk ver.)，抹茶同豆乳十分夾，可以飲出豆乳香味同抹茶嘅茶味，推薦比喜歡飲matcha latte嘅朋友👍🏻。…Read More

之前留意到呢間日式餐廳有蟹味噌拉麵，點知去到原來完咗promotion，心諗反正一場嚟到咪嗌個拉麵試吓囉，只可以講，冇下次👋🏻。⠀嗌咗“五行焦香味噌”同“黑”兩款拉麵。首先講“五行焦香味噌拉麵”，上網搵過資料係店家自製嘅黑味噌，本應係焦香味，但焦香同燶有分別架喎，我同同行者只係食到大量燶味😒，湯底太濃稠又重鹹、湯面上嘅油份令麵條一夾起全部掛晒啲黑味噌，燶味重就連食麵都食到一粒粒嘅味噌，真係攞我命😒，加咗半杯水落湯底依然係鹹😒，歡迎挑戰腎者之石☄️💥“黑”拉麵，豬骨湯底面頭有黑蒜油，都係油淋淋架啦，不過冇“五行焦香”咁鹹，相對嚟講叫正常啲但都係冇下次😌。⠀唔知咩原因十篇有九篇都係讚好食，但以身試過就知伏到應一應😖。…Read More

呢間連續四年獲得米芝蓮一星嘅拉麵店，係香港都開咗好幾年，(說來慚愧🤣)直到今時今日先去試，銅鑼灣有間姊妹店叫“牡蠣不如帰”，我一直諗試咗邊間先好呢，最後揀咗先試貝汁拉麵🍜！⠀拉麵款式選擇唔算多，貝汁主題最signature一定係貝汁鹽味/醬油拉麵，當日我就選擇咗“貝汁鹽味拉麵”。雖然望落黃金色嘅湯頭唔算太令人curious，但叉燒上嘅牛肝菌醬撈匀成個由蜆貝、豚骨同魚熬成嘅湯底，令當中嘅貝味更加鮮，絕對生色不少👍🏻。同行嘅另一半嗌咗“貝汁醬油拉麵”，我試過個湯底可能加咗醬油嘅關係，相對嚟講貝汁嘅鮮味冇咁出，亦因為加多咗牛肝菌油嘅關係，牛肝菌味比貝汁鮮味更搶眼。如果喜歡食到最鮮嘅貝類味道，建議嗌鹽味；相反唔係特別喜歡鮮味嘅，可以選擇醬油或者其他款式拉麵。另外我地仲嗌咗“自家製豚肉煎餃”🥟，雖然佢係煎嘅，但比起坊間嘅煎餃子唔算油膩，當中餡料豐富，點少量醋可以增加豚肉香氣，呢款小食都係可推薦。⠀對佢嘅印象都幾好，如果下次食拉麵會想試吓牡蠣不如帰，蠔嘅鮮味應該更加明顯🤣。…Read More

呢間主打咖啡茶飲同輕盈沙律嘅cafe，坐落係中上環之間，target係附近嘅上班族，所以營業時間亦只會係office hour⏰，唔好星期六日去摸門釘啊！⠀難得有日weekday放假，之前亦見到有人討論佢地杯咖啡係超級抵飲，所以特地去睇試吓，但見到menu有杯“山嵐茉香輕乳茶”，大杯凍飲都只係$28，所以就嗌咗🤣。雖然全杯都白色好似冇乜特別吸引(本來我基於佢價錢都冇乜expectations)，但一飲就覺得同出面嘅茉香奶茶/奶綠有好大分別！一入口好似飲緊低糖豆乳🍼，但嗒真啲就會有強烈嘅清新茉莉味🌿，甜度對於飲開半糖微糖嘅朋友會好啱心水👍🏻，而且價錢絕對對得住飲品質素😉，推薦比中意飲茉奶嘅朋友🍵🫶🏻。…Read More

個個都讚佢嘅珍珠奶茶出色，雖然我都覺得唔錯，但最近幾次嚟我都係嗌以下推介呢款茶飲。⠀同樣都係店家推薦嘅“水仙桂花蜜🌼”，有次食飽飯想飲杯廢水滿足吓口腹之慾，想飲啲清清地嘅，於是揀咗呢款配少甜(50%糖)少冰，飲落係好清新嘅桂花蜜味，少甜對飲開半糖/微甜嘅朋友亦十分啱飲，最主要係其他茶飲店比較少可以搵到咁fresh嘅花茶手搖飲。…Read More

位於葵廣一處唔算當眼，但人流絡繹不絕嘅小店，充滿住各種人情味同回憶。⠀每次嚟到都係“魔法烏冬系列”，而今次嗌咗“魔法豬頸肉烏冬”🍜，係一貫嘅辣肉碎、粟米、螺旋藻、蟹柳做伴菜，辣肉碎其實係整碗烏冬嘅精粹，配上有咬口嘅豬頸肉，香辣味十足🌶️。雖然環境衛生真係麻麻地，但食物至少冇衛生問題存在，食嘅so far都係回憶。…Read More