餓底黑洞的個人專頁

上網都有聽過吞POT，去到先知依間餐廳一啲都冇吞POT，環境好好，可以望到好靚嘅景啊，講返食嘢方面先，打邊爐最緊要係湯底，佢嘅湯底有好多種選擇今次我揀咗，我最鍾意花膠雞湯，個火鍋一上我就試吓佢個湯底先， 哇同屋企媽咪煲嘅惱火靚湯一樣咁正呀，你會唔會諗到用屋企煲嘅靚湯去打邊爐啊，濃濃嘅雞味，飲上癮，試完個湯底啊咁我就叫咗佢嘅牛肉套餐啊，一個價錢食晒咁多個牛嘅部位真係好抵食，肉質有唔同嘅口感啊，牛味都相當之重呀！另外食完咁多肉梗係要食返啲菜啦，個菜一嚟到嘩好大碗好抵食呀，價錢亦都好抵食，仲有唔同嘅種類啊，響鈴當然唔少得啦，仲有佢哋嘅丸啦都一定要食啊一個價錢幾種丸呀，叫咗少少野都爭啲食唔晒呀！食到一半加湯嘅時候話發現佢唔係加水架仲要係加返個湯啊，搞到我忍唔住又想再飲多碗呀，飲完一碗又一碗，差啲唔記得，打邊爐梗係要飲嘢架喇， 佢嘅檸茶亦都非常之出色啊亦都好大杯底飲呀！睇返價錢啦非常之抵呀無論環境定係食材同埋湯底都非常之好啊，下次一定會再返嚟試吓佢嘅雞煲或者係其他嘅湯底例如胡椒豬肚湯啊，推介大家去試吓。…查看更多

其實知道有呢間泰菜一段時間，那晚特登嚟食，價錢係中上，但食物水準非常好，是泰國廚師做的菜喎!我好鐘意呢度D彩色天花燈，兩個人對坐，望住高高樓底，有D大彩燈，好鬼浪漫，而且又有吧檯的燈光，成個view 好靚。先來是咖喱軟殼蟹，我覺得呢個泰國咖喱做得好正，夠辣，夠香亦濃郁，食落香料味好重，特別係檸檬葉的味道，無椰味，我鐘意，而D蟹炸得好香脆，無帶太厚的粉漿味和油益味，混埋D咖喱汁一齊食，好好食，我特意叫了碗泰國絲苗飯來撈埋D咖喱汁食，好正呀。重有係個菠籮炒飯，用木桶上，重有棵香草，D賣相幾吸引，炒飯好香口，材料多，都好食。至於D蝦餅，好有蝦味，用蝦膠比例高，而有埋D麵包糠炸，無咁油，好食。…查看更多

同屋企親朋聚餐，親戚訂咗呢間放題，唔貴係原因，重有係有好多嘢啱食，因為我同細佬都唔食刺身架!有自助區的，可以夾下D沙律食下，先清凊腸胃，原求重有炸雞同日式小丸子同味附螺肉食下，睇下個飲品櫃，好大好多野飲，唔係大陸野，有陽光，維他，玉泉同道地，起碼好多都啱飲。其實小弟同細佬唔like刺身，所以專攻係D熟食野，一開始就先叫D串燒，燒牛舌，牛軟骨，海蝦，翠肉瓜，蕃薯仔，蒲燒鰻魚，統統好食，小弟刷得，勁叫，一路食一路飲咗唔同飲品，好鬼正。另一狂食係天婦羅，虎蝦天婦羅超好味，D蝦蝦炸完好爽，食落鮮美，又夠脆身，蟹棒，南瓜，番薯，炸鮮奶天婦羅也好吃，又係狂叫，D親戚都係天婦羅fans。但我唔食刺身，但親戚話貴嘢嚟，唔食係白痴，而且超鐘意食，結果嚇到我同細佬O嘴，係咁叫剌身，完全用驚嚇嚟形容! 總之係咁話正! 另外有D炸點，係我地共同目標，炸點有芝麻雞翼，一口芝士，榴槤炸蛋，紫心香竽丸，炸蠔，好食呀，我最覺得最好味係炸蠔，蠔味濃。因壽司係班親友至愛，我反而麻麻，但係佢地勁叫，話OK食得過，另外D蒜片牛柳粒，XO醬魷魚，黃金焗帶子，蟹粥…有D嘢食都唔鬼記得啦，臨尾留肚食甜點，有個藍梅奶凍同D酥皮Tat，幾正，重有食埋雪糕，好飽呀。…查看更多

元朗要任飲任食放題，真係無好多選擇，如果要揀呢間算唔錯。嗰日糧尾，真係好耐都無盡情大食，因為怕肥，成日緊住肚皮，見些監好耐，呢鋪勁食放題一番，肥咗咪跑多幾圈再減! 嗰日有D飲品我飛佛，楊協成清涼爽，重有D黑糖薑茶，檸檬CC，可口可樂，巢汁先生，道地巨峰…太好，我同阿珍就係鍾意放題有咁多飲品揀，重有D熟飲，好似綠茶包咁，可以比你食壽司飽得滯解下膩。當日真係要讚下D炸物同天婦羅，好食，而且佢有用油紙吸過D油，唔會一層油咁痴住表面，蠔，南瓜，蕃薯仔，蟹棒，虎蝦天婦羅，都好食，真係食多幾Round都唔厭。至於D炸物，我最愛係芝士年糕同芝麻雞翼，好食，特別係芝士年糕，食落Q彈又煙韌，芝味濃。出去D熟食，會有D菜類揀，其實味道OK，其實D甜甜的魚仔和海草，我幾鍾意食。至於串燒，燒汁BB豬仔骨好食，勁叫。別忘記有鮑汁花膠，D花膠好入味。另外甜品有雪糕，雪條，重要D紅豆餡糕和朱古力糕餅，勁好味，有甜品食下好滿足。…查看更多

今日來到屯門碼頭找早餐食，小桃園好耐冇去過見不用等就入去食，我地三個一人一早餐，都差不多33-38元偏貴少少，食物都好快來到，午餐肉蛋三文治配咖啡，午餐肉有點乾身，蛋好薄身，麵包正常有少許牛油都可以，而咖啡味幾濃郁味又吾太苦。叫了另一個早餐 : 炸菜肉絲麵配檸檬茶，來到竟然麵如一個麵餅咁，好硬身而且冇味，勁難食，熱檸檬茶檸檬味都濃同茶味都可以。最後我叫的皮蛋瘦肉粥配腸粉就幾滿意，皮蛋都多而且瘦肉有味咸咸地，份量都大碗，腸粉皮少厚但可接受，份量多有驚喜，豉油多少少更好。…查看更多

又出動去食好野，今晚同朋友食韓燒。我們叫咗個豬拼盤和豬護心肉，想食下豬護心肉，我見到D雜誌介紹好似好正，今次嚟試下。先講下個豬護心肉先，食落唔係好腍嗰D，有咬勁，但唔係好肥，有一種好特別肉香味，我覺得好食，而D五花肉又另一種滋味，油份好重，食落肉貨腍帶甘香，其實入口會有很多豬油，單食會好快膩，夾生菜同D泡菜，白籮蔔食會好正，無咁肥。而D蝦真係大大隻，虎蝦，好鮮甜，其他配料OK。部隊鍋我覺得勁惹味，特別係個勁辛辣湯底，好刺激，個麵爽彈，同D韓國午餐肉幾好味，佢無咁咸，D肉實D! D配菜無限添，幾好!…查看更多

近日有心煩事，正在發愁之際，心想化悲憤為食量! 行經這間車仔麵店，門口大大個Smile 吸引我停下腳步，是的，要smile，很好啊，我禁不住入去幫襯醫肚。店內天花很多大波燈，牆上的笑臉公仔吸引，整店很有陽光的氣息。湯底選擇分，有瑤柱，麻辣，酸辣，日式咖喱，還有黑松露啊，我揀了黑松露湯配手打烏冬，配了些輕食，鳥冬好滑，湯底很清，有淡淡的黑松露清香，真是沒有味精，台式蒜香腸，外表都好似中式臘腸，但食落帶甜，有蒜香，更惹味。口水雞翼，也不錯，都幾辣，佐麵很正。估不到紅燒花膠也吃到，好軟腍入味，配車仔麵夠晒上等。那土匪雞球也十分好吃，食到有五香粉和孜然粉的味道，也有些香口芝麻。至於墨丸和牛肉也十分彈牙好吃，一口五餐肉，咸香惹味，配了一杯冰凍柚子蜜，煩氣全消。我望著牆上笑哈哈公仔，很飽很滿足!…查看更多

我曾經有段時間常吃英國菜，那時愛上了英式的炸魚薯條，現在仍舊掛住它的滋味。那晩友人駕車帶我來呢間酒吧餐廳聚舊，說要找回我的英國的回憶。酒吧很幽暗，喺小巷內，設計好英式，真有那時在英國酒吧的感覺，先來是英式的炸魚薯條，魚柳大塊，很鬆軟雪白，英國佬多用魚手指，但這店用魚塊，而表面有點脆漿，好香脆，入面D魚好鬆軟好食，唔會有腥味，相信係尚好的鱈魚肉，加埋D千島汁，重有D薯條，我覺得好好味! 我地都無叫酒，怕駕車飲大咗又出事，我杯香蕉奶昔打得唔錯，唔係好甜但好有蕉味。至於個龍蝦汁海鮮天使麵，個龍蝦好唔錯，帶稠又濃，但我覺得多D汁更好更掛麵，麵好吃，海鮮也新鮮。個12安士安格斯，好好食，牛味正。仲有一味小食炸馬蘇利拉芝士棒，D意大利水牛芝士咸香又濃味，炸起超超惹味。…查看更多

今天，同朋友行街，突然心血來潮想食放題，同朋友左選擇右選擇最後選擇了大滿喜日本料理，入到去剛好有2人位，我們立即下決定坐下來了。地方大夠寬闊也，侍應很用心介紹所有食物.我地一坐下來就柯打了卷物，點了海膽手卷,啲海膽已經佔了飯團一大半了。不吃海膽的我，都覺得好味,一點都不腥,我已經忍不住再柯打多兩次。重頭戲來了 ，就係花膠冬菇，平時屋企好少機會食到, 大滿喜竟然有食得,緊係要點一份啦, 花膠夠林, 夠入味,同埋骨膠原「張」住個咀,對美顔正好呀,女仔記得食叫一份.另外我地叫咗匪雞翼呀⋯⋯您無睇錯，係土匪雞翼。最愛呀。好多汁，吾會乾曾曾，岩曬我重口味既人.刺生盤嚟啦。全部都好新鮮，北寄貝食落去鮮甜，份量比到好足。鐘意食甜蝦的我,眼見甜蝦大大隻，就忍吾住大啖大啖咁食洛肚。忍吾住柯打左3次，覺得有小小誇張. 另外直得一提，如果有朋友吾食得生冷野，餐廳亦有火鍋比您選擇㗎！仲有不同湯底比你選擇,岩晒吾食生冷野的朋友們啊.炸物方面， 炸榴連 不得不提，當我食佢d榴連蓉，個陣榴連蓉既味都幾濃郁，鐘意食榴連ga您一定要柯打,再點了蒜片牛柳粒,好重蒜味,肉質滑.飲品方面，有茶有汽水。我選了飲茶類方便消化，可以食多轉呀嗎.到甜品啦，有我最鐘意ga韓國品牌蜜瓜味雪條，食過都知，這款雪條帶有超濃郁蜜瓜味，您叫我如何不食它呀最後，侍應送了一杯煲左好耐的老火湯,係超超超超超正,飲洛去係無味精既,飲得出係真材實料既老火湯,黎到要記得飲番杯呀另外直得1讚，無漏單情況。份量比份。d侍應吾會直行直過吾接單，吾落柯打㗎👍👍…查看更多

今日收工興起要同班三五知己食餐飯， 諗到頭痛都唔知搵咩野食， 然後聽到有朋友佢介紹呢間野”三門仔點心火鍋”好似幾好食，於是就去試下。一入到去見到環境都吾錯，牆上有掛上一大幅油畫，好壯觀！入面大多數係一大班親朋戚友聚餐，仲有一啲三五知己。正呀 事不宜遲 即刻拎餐牌叫餸食飯啦！咁岩就見到有職員就問下有啲咩係必食推薦 ！職員都好熱心推薦 ，介紹完一輪之後就決定叫杏汁豬肺湯，干炒豬頸肉河 ，杏汁菜膽豬肺湯 ，花雕蛋白蒸蟹 ，南瓜疏乎厘，食住電視等食飯啦！上菜既速度都幾快 唔洗幾耐就可以開始食啦 以下就逐一介紹下每一道菜啦首先第一款出場既就係杏汁豬肺湯 我一打開個蓋啲杏仁味就撲鼻而來 奶白色既湯包含住大大舊嘅豬肺同小白菜，飲落去非常鮮甜，滿滿既杏汁味同個渴好夾，味道岩岩好，完全無味精味，非常好飲，補肺又滋潤！第二款呢就係粉絲浸蜆，一黎到就見到大大粒既蜆肉，大大粒肉食落去非常鮮甜，好新鮮，而且d粉絲同d汁既味道好夾！再黎第三款係花雕蛋白蒸蟹，上到台後見比紅卜卜蒸熟好嘅蟹喺下面呢係一層厚厚嘅蒸蛋白，為左方便我哋食蟹佢預先整好開左個蟹蓋， 等我地唔洗開得咁辛苦 。一打開個蟹 ，有淡淡既花雕酒味傳入我個鼻度 ，仲有好多蟹膏架 ！令我再三回味齒峽留香，蟹肉鮮甜， 必點！食到中段時間 ，係時候要食翻啲飽肚既野啦 ！所以叫左個豬頸肉炒河黎食 ，食得出廚師真係有番幾下省手 ，河粉條條分明 ，唔會痴埋一舊嫁？正！ 配料方面又好多豬頸肉同韭黃真係錦上添花 ，色香味俱全！食飽正餐係時候發揮女人第二個胃啦 ！冇甜品嘅一餐唔等於係一個滿足既餐 ，所以最後點左南瓜疏乎厘 ，入面除左有南瓜蓉之外 ，仲有啖啖西米露 ，以為會好甜 原來呢個甜品 ，係低糖低脂低卡路理 係十分之健康嫁 ！岩晒想食甜品又吾想肥既女士啦！食完餐晚飯，真係好滿足，因為好耐都無食過咁好食既野，每道菜色都真材實料，睇得出廚夫十分用心烹調比客人食！所以係必食之選…查看更多

今日行吓行吓就去到旺角信和附近見到有間叫鐵牛嘅牛肉麵，就行落去睇一睇，見到有下午茶餐，有一個面三個小食仲有杯飲品都係$36，價錢都唔貴，就叫咗一個外賣返公司吃。由餐廳到公司買外賣大約十分鐘不用就到手，返到去見到辣嘅擔擔面竟然係冇水，有點奇怪，失望。食落去面質好普通，因為冇湯關係所以十分好淡，之後三個小食，台灣香腸味道正常，豆腐表面太硬身，入邊豆腐還可以。鹽酥雞有三舊，但係可能炸得偏耐，所以偏淋同凍，而且冇乜味。台灣奶茶好淡，只有奶味，沒有茶味。整體來講係有失望，因為之前食個晚餐覺得不錯，所以再來下次應該唔會再幫襯下午茶餐。…查看更多

聽朋友講元朗有間春風撞奶 佢地既招牌金蛋好出名 我就專登黎試一試有幾好飲一去到已經見到好多人拎住金蛋 佢地既招牌好特別 令人一見到金蛋就會知到係春風撞奶既飲品 同埋會吸引到人想買黎試下同打卡 呢間idea唔錯 值得一讚事不宜遲 講番最重要既部分 就係金蛋既餡喇 首先佢個面係焦糖燒過既 鹹鹹地 裏面就係黑糖珍珠奶茶 奶茶好香好滑 珍珠就好好咬 每一啖都陣陣黑糖味 呢個味道出面真係飲唔到 好好味 大家要把握機會喇 因為呢個金蛋黑砂布蕾撞奶係限定架 所以要試就要快d黎喇…查看更多

今日同朋友經過世宙，見到有韓牛食，我地就俾佢吸引左入去食lu，一入到去坐底，店員就馬上為我地細心介紹湯底，韓牛，同食用方法黎到呢到必點當然係韓牛啦，仲有唔少得既豬豚肉同雞，最後揀左個泡菜湯底，係等緊既同時，我地就出左去拎d小食，有泡菜，薯條，餃子等等......可以食D沙律，冇咁濟，而飲品櫃都有好多選擇拎完小食，野飲，番去，野食話咁快已經到齊曬，唔理三七廿一，放曬韓牛，豬豚肉同雞落去個泡菜湯底到，等到差唔多，韓牛食得喇，首先韓牛既味道好重牛味，好香，一入口即溶，，豬豚肉薄得黎，味道都好濃郁既豬味，而雞都好滑唔會好老，各有千秋之後見到menu有生牛肉就叫黎試下，味道不錯，麻油味好香，加埋蛋點綴，整體味道提升左，值得一試仲有其他海鮮架，有蝴蝶蝦、魷魚仔，食落都好爽口，幾新鮮仲有個叫黑糖水正果，有D紅棗等等，幾有黑糖味，應該都係韓式打邊爐必備既飲品，都算解渴最後出去拎埋個yoga，唔太酸，自助式，又好挽又好味，very good，下次會再黎食…查看更多

不嬲都喜歡吃拉面的我常常找一些拉麵店，今次就來了這間拉麵店，之前在其他地方食過都不錯， 不用等位就可以入去食啦，款式都多選擇，最後叫了三個小食和一個拉麵，大約十分鐘都不用食物就來到了。首先是小食雞翼和雞肉，燒得都幾靚有少少焦香但沒有燶，雞皮都帶微脆雞肉都不錯， 和檸檬一起吃就更好。餃子煎得剛好，皮有口感而入面材料都不少， 二口就食完一隻，份量剛好。終於來到主菜的豬軟骨拉麵啦，拉面份量都可以夠飽，配菜都不少和有隻流心蛋，但豬軟骨實在分量的確比較少， 幸好味道都幾好夠惹味和夠淋身，流心蛋蛋味都幾香同滑。最後來的小食我喜歡的魷魚來到，但有失望， 因為份量不太多，食落去味道偏淡， 而且口感有點難咬，有點失望。…查看更多

今個星期日休息日，一家大細走出新界，到九龍行街，早上列牌菜番餐西式早餐。早餐做到11時半，對星期六日要睡晏些的家庭照顧到，來個豐富早餐(可加$追加多士，麥皮，通粉)那可以在早餐吃過飽飽，不用吃午餐了! 而且店員很好，我曾經試過11:32分了，她仍然給我柯打早餐。那天叫了沙嗲牛香菌通餐，流心蛋餐肉即食麵餐， 番茄蛋三文治餐，沙嗲牛好吃，菇有炒過很香口，但湯底有D肥，通粉Q彈牙，都OK。餐肉流心蛋即食麵，流心蛋好有蛋味，但餐肉份量較少，茄蛋三文治烘底不用加錢，份量足，好好吃，但奶茶的茶味和濃滑度都是傳統茶餐廳較好。P.S 這店環境舒適， 侍應很有禮貌。…查看更多