黑暗豬扒首領的個人專頁

麵麵麵麵麵...食我煮既麵...仲有豬手麵!!豬扒首領又再自相殘殺,食敵豬的手來到麵麵棧,應該七-八成人客都食南乳豬手,我亦不例外,獨沽一味豬手米($26),南乳入味得來唔會太漏,豬手唔太爽又唔太淋(兩者太極端都唔好食,本豬首領太了解!!)最最最重要係...d毛算去得好乾淨(經常試過一太撮毛,未食都已經好反胃)    就係呢隻豬手就體現左老闆既心機同誠意!!!…查看更多

    一直只鐘情於澳洲牛奶公司既食物,好討厭個環境同氣氛,但而家如果掛住佢既炒蛋,厚多少,有第二個選擇啦!!    環境:    新開聯發茶餐廳打著澳牛第二代之名進駐九龍城侯王道,位置唔難搵,簡約裝修同佢地既食物一樣簡簡單單,最大好處就係有澳牛既食物但坐得舒服,唔會被迫要在10分鐘內完成用餐   食物:    炒蛋,厚油多,熱奶茶係常識吧?!!所以叫個茶餐($40)就一次過滿足哂3個願望!炒蛋,究竟簡單如一隻炒蛋,究竟要用咩國家既新鮮靚蛋?落D咩配合?時間點控制?先做到呢個creamy又不失蛋味既美味魔法?有冇教學?豬扒首領唯有甘拜下風來幫襯呢度!!    厚多士,人稱豬扒首領,但都怕肥膩野,係咪好矛盾?!但為左一嚐美味油多,豁出去啦!!實在太好味啦,只係將普通方面切到厚厚的(約2cm厚度)焗熱,搽上牛油,就令我著迷!!!點解?!我咁易被擊倒??    熱奶茶,奶有奶味,茶有茶味,完!    同行豬食煎蛋,但本豬首領覺我炒蛋先係王道!!…查看更多

    位於荃灣街市街附近民豐,開業多年,一提呢間舖,腦海除左人頭湧湧畫面外,就係門面擺滿美食!!!    呢個所謂"接近神級的韮菜豬肉餅"($10),可能有少少誇張,但我相信除左"唯一麵家"韮菜饀餅(同類對手)可以配敵,同埋九龍城清真牛肉館(類似對手)可以一較高下外,坊間幾乎無店能及!!(有的話,其他食家請指教!!!)由民豐姐姐手上接過來,幾乎熱到辣親(不是誇大!)一咬開真係要小心熨口!!外皮脆但又不失應有咬口同麵粉香,韮菜粒和豬肉粒比例大概7:3,熱度十足,外脆內軟,唯一雞蛋中挑骨頭既批評就係油左少少,但好食要有取捨吧!!…查看更多

如果TEA TIME想輕食/刺激一下味蕾,小辣椒-不錯的選擇!食物 :1. 叫左個下午茶MENU內的擔擔麵($15)份量不少,辛辣中帶少少麻,麵質帶咬勁,配上少許花生及蔥花,單看賣相已經吞口水,食一啖,辣中帶麻令人胃口大增,不錯!!2. 開胃後,想來個重澱粉質食物,叫了蔥油餅($12),可惜,可能豬扒首領對上海餅食要求頗高(可參考首領強烈推介的另一篇有關上海韮菜豬肉餅食評!),今次呢個質素一般!店員上桌時已預先剪碎,賣相不吸引,食落實實的,好在是即製,熱辣辣3. 豬扒首領友豬叫了京蔥炒牛肉客飯($37配百事可樂),試食後覺得鑊氣十足,京蔥JUICY,牛肉還可以(首領經常投訢現今好多餐廳既肉片.牛肉片只得肉既樣,完全冇味,質感死實,閉眼試食以為食香口膠果種,陰公!!)小辣椒小炒應該不錯,有機會想晚市再來!…查看更多

久聞大名, 行經多次都未見有件裝蛋糕出售, 終於有機會一試, 點知係一場惡夢今次我唔打算多講蛋糕既味道, 因為當你食蛋糕食到最尾幾啖, 發現入面竟然有隻烏蠅屍體, 我諗正常人都唔會理佢好唔好味卦?而家諗返起都想作嘔, 好彩最後冇肚痾, 不過呢間野真係冇下次, 突然有少少後悔當日冇返轉頭同佢理論......…查看更多

食物:     團購以海鮮生蠔做招徠,當日海鮮有魚(間唔中出一條),蝦,蟹(數款),龍蝦,瀨尿蝦,蠔(係有一款蒜茸燒),螺,青口,刺身有(三文魚,八爪魚),串燒(墨魚丸,雞翼,腸仔,雞肉串,蠔),另外竟然見到其他BUFFET難見到既: 以粟米配上牛油就可以做其中一款食物?!(粟米果然被男女老幼喜歡),仲有沙律BAR,飲品(溝水利賓納,溝水橙汁),甜品(四款蛋糕,啫喔杯,布甸杯,泡芙,維記雪糕數款口味)另加兩款自選扒類    蟹的種類多,可惜既係唔知新鮮度或煮法出左問題,大部份都霉,瀨尿蝦更甚 !!最後掉左同放棄D蟹多過食落肚,而龍蝦同三文魚刺身都新鮮既,而且REFILL得算快,蠔只有一款蒜茸燒,並冇生蠔!食物種類唔算多,飲品方面簡直離譜,溝既橙汁有怪味,算啦,飲水!甜品方面,多幾款就好啦.....可以讚下既係沙津BAR入面既蔬果都算多款式,仲有自選扒類(五選一)既扒煎得幾好環境及服務:觀塘工廠區西餐廳格局,酒店價錢,D碟其實可以換下姐?!服務唔錯,有禮貌,快手快腳,應該讚!!價錢:西餐廳格局,酒店價錢,如果一百蚊一位都勉強可以,但而家係$238+38(每位服務費),就真係冇下次!!講真,呢間D食物又唔係難食到入唔到口,但豬扒首領第一原則係性價比,咁既價錢絕對可以享受到喺旺區地點,酒店質素同食物!!比劣評代表唔會推介呢間餐廳比朋友同其他食家,亦希望餐廳改善下質素啦!…查看更多

對於小店,用心製作同歷史悠久既舖頭,特別有好感同加分!!丹麥餅店就係其中一間,黎開附近,一定幫襯,相信對於附近讀書既朋友,呢間舖更加係集體回憶同一種情意結食物:今日揀左芝士漢堡($13),包預先烘熱,微溫,一邊搽茄汁,另一邊搽上薄薄一層沙律醫OR美乃滋的物體?!漢堡扒應該係手刴牛肉,鬆鬆軟軟,最後夾上半塊卡夫芝士,材料簡單且普通,但大口咬一啖,神奇既事發生左!!點解咁好食既,個包特別鬆軟?!牛肉味特別濃?!醬汁特別好味?!應該全部唔係,但係就係唔明點解咁好食,可能幾者配合得好,食完仲覺得唔夠喉!!…查看更多

能夠在招牌沙膽地寫出粉麵專家,就會一會睇下係咪浪得虛名!!地點:來到紅磡呢個地方食榮發大約可分為3類人!1.睇演唱會前食個快飯2.與白事有關3.理工大學學生.三類人共通點就係匆匆忙忙,要食個快飯的話,魚旦粉麵呢類岩哂!!唔怪得呢間榮發知客似雲來食物:比一般粉麵店質素好,點了,牛丸河(各$19)同埋芥蘭($12),牛腩米一放上枱,有D驚喜喎!!份量足,肉同筋比例一半半,準備放入口之際已經聞到陣陣藥材的香味同少許陳皮味(好感UP!!!),肉質方面,好淋,但又不失牛應有的質感,三個字:好味!!至於牛丸河,豬扒首領就覺我冇特別,但$19叫做大碗,女仔絕對夠飽,男仔的話,可考慮$25(大)環境:唔好預特別好坐,始終人來人往,但如果要食個快飯,榮發係唔錯選擇…查看更多

過了PEAK HOUR,2:30到達,唔使等位!!目標清晰,鎖定麵包類甜品,但正餐未食,點都要食D咸野先!!食物:1. 紅燒牛肉麵($55)一直大愛台灣牛肉麵,帶少少藥材味既湯底,加筋多淋滑牛肉,配小彈性麵質的麵,諗起都流口水!!茶木牛肉麵有牛三大件,牛肉淋滑,麵質偏硬身,所以較彈牙,略賺麵的份量太少!若果突然牛肉麵癮起,去茶木都可以一解對牛肉麵既思念掛?!2.脆皮草莓蜜糖磚($62)重點來了,微溫厚厚既蜜糖吐司上加上士多啤梨雪糕(有粒粒士多啤梨在內!!誠意呀!!),配上手打忌廉,士多啤梨醬同埋新鮮士多啤梨及藍莓,呢個價錢,我要來多幾次!!食完呢個甜品,食法都已經可以出教學(!!)建議食法係,可以先將吐司上既配料及雪糕等移開,方便刀切開麵包,豬扒首領就趁微暖時品嚐脆皮外層,配合雪糕,幸福的味道啊!!再來係最甜既蜜糖麵包磚,一咬落去好juicy既蜜糖,正!!最後當然係清哂隻碟環境方面:佈置舒適(可能係2:30的關係),有多張二人枱,適合情侶…查看更多

韓風襲港!k-pop,韓劇,韓食都受到大家熱捧!舊區都搵到一間似樣既韓國餐廳!!據地頭蟲朋友既線報,偉恆昌呢個舖位都可算係開咩執咩,上一手曾經係四海遊龍都要敗走,直至呢間仁沙洞既出現!!!中午時份經常爆滿,係咩原因呢?!1. 夠地道 : 未開始食,老闆行埋來已經知道佢係"阿側c"典型韓國大叔,店內餐具,擺設,餐枱都好有韓國feel(雖然唔係好華麗,但係係一種乾淨企理既韓國家庭式既"味道"),老闆仲唔理會客人感受煲冇字幕既韓劇?!2.份量足,材料新鮮食過幾次,可惜都只係午飯時間(有機會一定要晚餐時間來!!),今次個set$34(有泡菜,燜薯仔,牛骨蘿白湯,烤豬肉燴飯)詞窮,唔識形容果種有韓國家庭式既感覺,樣樣野都唔係咩特別材料,但係感受到呢間舖頭用心去煮,新鮮,比時間,比心機,就係咁多!…查看更多

曾經睇街坊廚神介紹過,第一次光顧抱著即管一試的心態,直到而家已食過不下十次,每次去荃灣開飯都將呢間列入考慮之列!食物:     顧名思義,刀削麵係主打,但拉麵都唔差,秘訣應該係廚師即製,眼見師傅拎住一大舊粉團削呀削呀,要單手拎住已經好唔簡單,仲要條條均一,準確無誤落入滾水中煮熟,果然唔簡單!!    最常食既有麻辣豬扒刀削麵(單點$32),麻辣金錢肚刀削麵(單點$32)!由於豬扒首領喜歡重口味,炸得香口的豬扒/金錢肚上淋上麻辣醬汁同大蒜,正!(不過食完唔好同人講野)    刀削麵好食,有咬口,好鍾意麵食有呢種質感啊!拉麵都唔錯,不過我始終愛刀削麵多d!    可惜既係,試過呢間既擔擔拉麵,我覺得麻麻,下次都係麻辣豬扒刀削麵穩陣,可能個人口味,我覺得食麵帶甜味有d怪掛?!環境及價錢: 光顧呢間野唔好預左好好坐,因為好食既野自然多人!建議店主加裝一部強力d既抽氣扇,可能open kitchen既關係,店內空氣有d唔流通,食完野件衫有陣炸豬扒味,不過整體可以接受,野食唔貴,單點一餸刀削麵$32,跟餐多杯野飲$35,咁既價錢,食到咁既質數,算係好ok啦!!…查看更多

豬扒首領終於下定決心開始寫食評,寫返之前一直有影相做記錄既餐廳同食物,一定有不足之處,但希望越寫越好啦!!開飯前總會參考參考各位食家意見,亦希望我有d貢獻,比少少意見人地參考參考返!今次來到百樂酒店食tea buffet, 因為呢間酒店少少舊,對於佢既餐廳食物質素冇太大期望,純粹聽豬扒同伴意見一試,點知,有少少驚喜喎!大概3點到達,已經可以入座啦,人唔太多,始終閒日嘛環境地方: 唔好expect 新式式豪華裝修,但有乾淨闊落幾好坐!!食物: 款式多算多沙律吧(4-5款沙律),日式冷麵,迷你吞拿魚法包,三文魚刺身熱野食(冇咩特別)炒粉麵飯類,焗意粉,生滾粥:(,叉燒包,燒賣,腸仔,竟然有豆沙梘水棕?!甜品:最欣賞今次buffet既甜品,有各款蛋糕(榴槤蛋糕?!),甜品杯,生果撻,乳酪雪糕,朱古力噴泉,即製梳乎厘,pancake多款之餘,仲係好新鮮!!…查看更多

豬扒首領第一篇食評,多多指教!要追溯到4月,見到D食評已經流哂口水,終於的起心肝跟大隊!不出所料,排隊由餐廳門口排到大廈大堂,但"好彩"地只排了個半鐘,終於到啦!入到門口,成個感覺似去左台灣,裝修,擺設,待應都台灣feel(有操台灣口音國語既帥哥和美媚啊)!食物:1)指定: 草莓冰淇淋鬆餅$58吉士醬同草莓冰淇淋好正呀!!如果要挑剔的話,就是鬆餅反而成為配角,因為嫌佢有少少硬身,唔夠鬆軟,但熱辣辣,整體上好好味呀!!!首領認為甜度適中,相信每枱一定會點呢款!!2)咖哩牛腩（$68）:(因為原先想食既里肌起士可頌竟然賣哂!?迫住揀第二樣,咖哩牛腩,但揀錯左,唔係唔好食,而係冇特別,咖哩弱辣味道唔錯,汁多肉少,肉質稍硬加上4片凍凍地,質地唔軟唔硬既法包,簡直扣分!3)熱鮮果茶（$58）:)一大壺,簡直係3-4人份量,生果頗多(有蘋果,橙,熱情果核等等),當中放有茶包,首領雖然嗜甜,但亦略嫌太甜吧,若稍稍減甜就好啦!4) 冰美式MOCHA咖啡:)呢杯味道濃郁,關鍵應該在於毫不吝惜加左好多好多好似唔使錢既忌廉吧!飲到底都仲有大把,實在Creamy,但配合咖啡又不太膩,首領我好滿意啊!!讚!!!…查看更多