KK_330's Profile

開咗都一段時間，今日見無咩人就入去食。女店員用毫無尾音嘅語調叫我哋揀嘢食先安排入座...揀左2個糖水後，安排坐201枱，因有小朋友問可否轉卡位。佢眼尾都無望我哋就用好悔氣嘅態度應，好彩都可以轉位。當時一啲都唔忙，而該女店員不停同廚房入面傾計，當我舉手示意落單時，佢竟然唔應，直行直過，要再叫先應。問佢嘢時，佢係幾乎用丟嘅方法放落枱。我覺得餐廳嘅食物質素唔錯，但該員工態度令我唔想再光顧。…Read More

3 月第一日，天氣依然係涼浸浸。凍凍地最啱就係打邊爐，當兩個人都想食唔同口味嘅時候，一人一鍋就係最佳選擇。而每一鍋都有指定配料，唔夠可以再追加。沙茶牛肉鍋 $97配料都好豐富。有牛肉，牛肉丸，娃娃菜，雲耳，金針菇，鮮冬菇，豆腐，粟米，炸薯仔，炸夜竹，鳴門卷招牌臭臭鍋 $98配料有臭豆腐，牛肉片，鴨血，滷大腸，台灣貢丸，娃妦菜，雲耳，金針菇，鮮冬菇，豆腐， 粟米，炸薯仔，炸枝竹，鳴門卷。另外再追加炸魚皮 $28麻辣臭豆腐 $44濃香臭豆腐，配上麻辣汁，一流！推介！芋香珍珠奶茶 $28 另外加錢配芝士同仙草 ,芋香味起濃，口感豐富，唔會太甜。宇治鮮奶抹茶 $30一樣追加咗芝士&仙草，淡淡嘅綠茶香配上仙草，估唔到又幾夾播。芝士奶蓋味香濃，份量多啲會開心啲。…Read More

隱世工廈Cafe ，一個以自助型式嘅餐廳。先點餐，再坐低慢慢嘆。一入餐廳就會有個收銀點餐，旁邊有自助嘅調味料同餐具。牛魔王漢堡配蕃薯條 $108蕃薯條無貨，用普通薯條代替。等候嘅時間唔算耐，好快就有得食。漢堡煎得比較乾身，配洋蔥、蕃茄、芝士、生菜加醬汁，口感豐富。薯條係外脆內軟嫁！我同朋友都食完有啲意猶未盡，所以嗌多個小食拼盤。入面有炸蝦、春卷、咖喱角、薯條。全部都係熱氣嘢😋，不得不說，呢到嘅炸物做得真係幾出色！店內仲有啲打咭位，可以影返幾張呃like 照添。…Read More

行街有小小餓，見呢到有鹹食同甜品，所以揀左佢，一次滿足2個願望。意大利大啡菇意粉$68有小小懷疑廚師忘記左調味，成碟意粉係無味。撇除調味，意粉嘅質地係不錯。唔會太淋，亦唔會硬。而啡菇分量都幾多。奶蓋伯爵珍珠心太軟$58奶蓋同伯爵茶係我最愛，見到呢到即刻點。不過有小小失望。感覺奶蓋同心太軟味道唔太夾。而伯爵茶味唔出，最重要係心太軟焗得太熟，一啲都唔夠流心...忘記了名嘅朱古力飲品反而飲品又唔錯，朱古力味濃。…Read More

原味手抓餅 +吞拿魚+芝士基本上以上材料加埋都無得輸。芝士味鹹香加上酥脆嘅手抓餅。如果加埋粟米生菜，口感應該會更好。不過略嫌價錢偏貴。$28 食呢個，可以有更多選擇。…Read More

環境舒適，食物唔錯沙朗牛肉肉燥飯Set lunch 唔啱口味，所以嗌返主餐牌嘅食物。有埋前菜，半熟糖心蛋，青瓜同醃菜。牛肉肉質淋，唔韌。肉燥無咩肥肉，屬於乾身，啱我。大部分員工態度好好，只係有個身型偏肥嘅女侍應黑口黑面，有待改善。…Read More

混珠珍珠奶茶 $21 微糖 大杯等候時間唔算耐，約5分鐘已經有。平時最愛混珠，入面有大小嘅珍珠，口感唔錯。茶味唔算突出，始終賣點唔係sell 茶，可接受，中規中矩。21蚊嚟講都算ok …Read More

台式飲品店開到成行成市。今日出開旺角見到呢間老虎堂，就試吓佢嘅虎虎生威厚鮮奶啦。平時其他飲品店會嗌少甜，但今次第一次試呢間，所以就試佢原本嘅味道。鮮奶口感真係比起出面厚滑，黑糖味濃，珍珠亦算煙韌。下次會再試下其他飲品…Read More

比以前失準以前諗起中式火鍋一定係呢間，價錢平，食物質素亦不錯。隔左一排無去，點菜紙比之前嘅少左啲。無左最愛鵝腸。肥牛質素尚可接受。雞件麻麻，好似人地斬頭斬尾淨返個d。蟹柳好粉，大陸質素以前啲丸都幾好食，而家感覺係平價入貨附近有其他價錢差唔多嘅仼食火鍋，下次未必會再食。…Read More

小丸子午飯時間都排長龍，左邊排隊右邊等拎小丸子。嗌左$45 8粒，等緊已經聞到香噴噴。即叫即做，等左15分鐘先有得食。小丸子比出面大粒，d粉唔會好厚。外表微微脆，入面有章魚，口感幾好。…Read More

聖安娜蛋糕最近先留意到聖安娜出左好多款卡通造型蛋糕。男仔同女仔嘅款式都好多。今次小朋友揀左火車造型。蛋糕2磅，用左會員價約$380，價錢都算幾經濟。火車車身係朱古力造，味道比較偏甜。蛋糕係雜果味，面頭有水果之外，裡面都有水果。味道不過不失。以呢個價錢黎講都算ok 。…Read More

雞翼專門店雞翼愛好者嘅我，梗係要試下呢間雞翼山啦。一去就發現好多口味，有啲眼花撩亂。最後揀左呢期大熱嘅鹹蛋黃口味。$48有6隻。排隊買個陣發現大部份人都係買呢隻味，證明我應該無揀錯啦。粉紅色包裝嘅外賣盒好靚呀，有一種錯覺，覺得自己係買左件Cake 咁。隔住個盒都聞到陣陣鹹蛋香味😍。雞翼都幾大隻，多肉。表面舖左鹹蛋黃，比想像中淡味小小。鹹鹹嘅蛋香加埋脆脆嘅雞翼，口感不錯。但食食下發現唔係隻隻雞翼都有鹹蛋醬。…Read More

平時都會成日落食午餐set，今晚朋友約食飯，一於去呢到嘆豬手先。炸德國鹹豬手就食得多，店員介紹我地試下傳統德國白豬手，同一個價錢分量大好多。食肉獸嘅我哋仲嗌多左份法式燒春雞。原隻白豬手分量十足，煮到好淋嘅豬皮包住厚厚嘅肉，一啖有齊雙重口感，好有滿足感！味道亦都好好。鹹鹹地，唔會好漏。另外有薯角同芥末薯仔沙律做配菜。到燒春雞(全隻）啦，醃得幾入味。而雞肉嘅肉質嫩滑。呢間餐廳仲有其他唔同款嘅德國菜，下次再試其他先。…Read More

由細細個有滑梯食到大，充滿住童年回憶。而家佢再裝修唔知會變成點。裝修嘅關係坐得唔係太舒服，叫左新出嘅脆雞精選早餐。脆雞應該係之前推廣嘅包賣淨。炸得偏乾身，味道係不錯。至於炒蛋同熱香餅保持到水準。平時食精選早餐食到厭可以轉下食呢個套餐…Read More

平價之選，又好味又飽肚。自選三餸麵都係$39揀左蜂巢豆腐，麻辣蓮藕，豬腸。沙嗲汁+粗麵。湯底十分惹味，好明顯係味精，不過食車仔麵就係食呢啲味道。豆腐吸收晒湯嘅味道，麻辣蓮藕十分入味。豬腸肥瘦適中。…Read More