Evan Cheung的個人專頁

第一，店員黑口黑面，不過算食物先係重點。手撕雞腸粉，腸粉有d暖唔係熱，一早切好一兜兜麻醬稀到好似水咁，甜醬都係，整冇誠意雞肉霉到湯渣咁仲勁少，大量青瓜絲都算d青瓜仲要係大量皮，好有纖維冇下次…查看更多

第二次食, 食9點場落單掃QR CODE, 服務供應商係大陸的, 個網勁廢, LOAD入去又失敗左幾次, 落單又JAM死左要登出登入重新落落ROUND刺身極速送到, 三文魚OK, 吞拿魚OK, 但甜蝦有陣味唔新鮮, 帆立貝霉霉地但都入到口, 最離譜係油甘魚, 得5蚊銀咁大塊, 仲要瘀瘀地咁, 完全唔新鮮手卷係大大件果種, 不合時宜, 間間有良心放題都係少飯, 不過紫菜係仲脆既小食飲品呢D都係極速送到但熟食熱食真係極度驚人般差, 等得耐唔在講, 千呼萬喚出到黎既雞軟骨竟然係又淡又唔熱, 一串五粒得中間三粒叫做係熟, 頭尾兩粒仲生生地, 重燒過先叫正常返少少, 但都係冇味芝麻雞翼好食過大字頭專用果隻, 隻味冇咁化學, 算係熱食全晚最滿意墨丸食落係同魚蛋一樣, 唔知佢係黎錯定真係咁既口感一口牛串又係冇味, 又鞋口, 粒車厘茄仲好食過粒牛...炸榴槤波中間係凍既, 即場吐返出黎炸牛奶第一次黎OK, 暖暖地, 第二次黎兩舊都係凍, 又要退回, 重做過先整返熱既黎真心問一問, 炸野果位師兄你係咪唔想撈? 唔想撈都唔好搵我地黎較非呀原本都覺得呢間野幾好, 今次之後真係永無下次…查看更多

門面光鮮圖片只供欺詐d雲吞實物連圖片一半大都冇仲衰過灣仔碼頭D小雲吞煎餃優點係真係熱同脆但勁油但佢油得黎係得個皮油入面既餡係完全乾到好似紙皮咁請自行睇實物圖判斷我就永不再臨…查看更多

金船長接任人，鬼佬睇場的IL CIBO鋪面，係8成5同金船長一樣檯凳無變，鋪左紙檯布係感覺好D但冇cover到檯角，搞到揩到檯角其實仲有d痴立立餐牌方面，冇圖可以話賭博一樣雖然有圖都可能伏不過價錢尚算可接受甚至比金船長好似仲抵dd?侍應用英文所以我地都冇嘗試用廣東話落單叫左一個set煙三文魚沙律，西冷扒散叫凍盤，意式餛飩，海鮮pizza三個人share食餐包係似蛋糕咁，texture麻麻地，有少少soggy再點埋醋同橄欖油，整體不太好食沙律同冷盤都好快上菜，約5-8分鐘就有得食沙律普通貨色啦，冷盤雖然有輕微對唔住價錢(ard100蚊)但整體黎講除左隻碟唔係好夠風味，都叫可接受主菜打頭陣既係餛飩，賣相我覺得幾好都算新鮮挺身唔會太一pat野，餡料係似菠菜碎+芝士粉+薯蓉咁，唔太記得點寫，味道可以但偏鹹，但完全缺乏松露味(揀左松露菇汁)跟住上既係pizza，穩陣冇伏，薄批，脆邊，芝士味重，海鮮料就尚可，量唔多但冇雪味，收貨。牛扒最遲上，幾驚佢overdone但好彩係冇既，叫左mid-rare黎既都係mid-rare而且扒面煎得相當靚，條邊既油同筋膜有煎過但可以再煎多少少。略為失望既係佢冇落粗鹽煎塊扒，亦好少好少黑椒味，可能預我地淋汁食。雖然英國食Jamie's Italian都係咁(係咪意式牛扒特色？) ，但問佢佢可以俾手磨已鹽胡椒你。呢間就只有一支手磨胡椒，佢磨完就會拎走，而鹽只有下價餐桌鹽。碟係冇預熱再放扒，不過冷氣唔算太凍而且200蚊套餐價，可以接受冇做呢一點。肉質未到細嫩，係有D缺乏油脂既，煎果陣都冇落牛油所以食落都係比較廉價少少。冇記錯佢係澳洲牛黎，唔太識個分級，但對換返美國牛個Grade食落都有US Choice級數既，未算最曳。食完上甜品，其實原本只有一個餐，理應得一個甜品(蛋糕+雪糕) 但佢俾左3個我地。可能見我地叫其他野既量同金額都交到差掛。蛋糕基本上同餐前麵包好似，係甜d多左d提子乾咁。雪糕就幾好，有少少糯糯地唔係維記果d貨色。然後再上一個Panna Cotta係呢度訂座兩位就會送一份。奶凍做得幾好，唔太意碎但又唔會好結實，偏向有黏性。莓醬係熱既，所以會同奶凍有少少融和左，幾好唔錯。總結頂讓返黎所以傢俱同牆同水吧都似金船長，其實無所謂不過如果佢抹好少少，唔會黏黏地會舒服d吧。值得讚既係燈光改善左好多，食物影出黎唔會好似恐怖餐廳咁。服務方面都幾好，因為食完頭盤收一次餐具，食完主菜又收一次，街坊地段，中價，做到標準西餐服務，算係咁啦。食完都有循例問下D野O唔OK，咁我都循例落左佢Ravioli太鹹，可惜我地自己都唔記得叫左松露味...所以完全忘記同返佢講。賣相方面，除左冷盤Hea底左少少，其他都算唔錯啦，值得讚既係佢每樣野上菜都抹到隻碟冇多餘且影響觀感既醬汁同污垢，雖然見到少少抹布痕但算係有花心思。味道方面其實可以接受，金船長係食過唔會想返兜，但呢間雖然同檯人士都覺得唔特別想再食，但我自己就覺得可以再去的。…查看更多

食完飯想搵個地方坐低飲杯野, 順便切蛋糕慶生去到赫德道好多都係好嘈,播緊DISCO歌既BAR印象中記得有間成地花生殼既係附近, 果然行左陣就搵到呢間野門面雖然好UP DUP, 仲成地花生殼但換個角度睇, 都係一種特色黎入到去, 冷氣都幾涼, 冇卡位冇乜特別位, 四個人就隨便搵個地方坐見到餐牌都幾SHOCKED平時星期六日係旺角飲一杯COCKTAIL, 加埋一都要8,90蚊今次見到佢一杯都係40幾蚊叫完野飲之後就叫佢幫我地切蛋糕, 餅費承惠50蚊但佢突然問我個蛋糕FOR邊個, 叫咩名, 我咪照講本來以為佢有想插個牌仔係個蛋糕度啦點知過左陣, 老闆娘同幾個伙記一齊唱住生日歌, 擺低個點左蠟燭既蛋糕比我地講真, 50蚊切餅費, 只係FOR佢地既SERVICE額外有咁既人情味, 係而家既香港, 真係唔係咁易體會到了飲野方面, 我覺得都好抵飲,生啤就一定唔會唔夠味啦COCKTAIL方面都算幾足料, 仲每杯都有粒CHERRY 唔似得太子旺角有D BAR, 根本飲唔到酒味埋單先$183, 4杯野飲, 一兜花生扣左$50餅費, 每人先30幾蚊我懷疑有冇計錯總之真係好抵啦!!…查看更多

我明白, 我真係明白, 尖沙咀係一個旺區, 人流非常多但係今日我再去食尖沙咀爭鮮, 一行三人, 坐低見到張單計一計個用餐時間, 竟然得四十分鐘!!!即使去麵檔食個魚蛋河, 都尚且要廿分鐘啦更莫講去放題, 最差勁既, 都會畀客人食個半鐘頭而家我坐低食壽司逐碟計錢, 竟然同我講我只可以食四十分鐘?見到咁既情況, 我已經立即進入戰鬥狀態搶先拎左碟劍魚腩(好似係), 呢隻魚腩真係唔係度度有得食之前係TW爭鮮食過一次後, KLB同MK都食唔到, 算係好彩其實食物質素方面真係唔洗點講話好好, 佢又絕對稱唔上但8.8一件, 絕對對得住食客喇最滿意既係吞拿魚壽司同劍魚腩壽司D吞拿魚係幾新鮮, 不過有好多碟都係同希靈魚孖住上變左我淨係想食吞拿魚, 唔想食希靈魚, 都夾硬食埋D希靈魚好唔好食真係見仁見智我自己就接受唔到喇!!呢間仲有我最最最中意食既油甘魚不過可能係成本比較貴啦所以切得勁薄, 師傅刀功真係唔講得笑:(我最唔明白係, 點解食個壽司坐已經坐得唔太舒服,仲要好似食到打仗咁D侍應係我背後不亂騰黎騰去不在話下,又要故住右手邊D野食過黎又要驚拎慢半步左手邊果條友開始伸手過黎拎再加上佢好似根本出唔切咁係幾間其他分店食都未試過運輸帶上有咁多空位係冇擺到壽司我地成班客人係度乾等之餘, 又要形住形住好快夠鐘, 壓力真係無比之大冇野食之下我只好食左三碟定唔知四碟阿根廷赤海老啖啖肉好鮮甜, 不過食果陣一定要不斷提醒佢係蝦, 因為實在太似食緊蟲蟲啦喂大佬, 我真係想食餐飯咋最離譜既係, 班壽司師傅好似連氣功咁, 成日失驚無神勁大聲係度叫歡迎果D十萬火急, 加上面前咁有氣勢既叫聲我真係唔知自己係去左爬龍舟, 抑或打仗 :( 總之食物非常唔錯, 但服務唔太好之餘仲咁樣限時發原則上我真係唔會再去 :(…查看更多

說是平價的野心根本只是一個噱頭的確, 價錢是不貴, 但問題是物沒有所值,吃完不但不足以充飢, 甚至好像根本沒有任何東西進肚子姑且不講正宗不正宗在香港如果要賣正宗也不一定合香港人口味但試過這間店的撈米線感覺只有兩個字, 一般味道而言, 與任何一間米線相比, 頂多只有平排, 並無任何超越, 更別說是新鮮感了, 豆腐花撈米線早已不是什麼新鮮的東西只是沒有被廣泛報導過擺了跟新蒲崗一家堂食的豆腐花撈米線相比, 根本天淵之別而且這家的豆腐花, 根本不嫩滑再者,差兩三元, 就能輕易在區內找到一家能飽肚,又惹味的堂食米線了為何要用一個堂食又飽肚又美味的價錢, 去買一碗不飽肚,味道又一般的街頭小食呢?米線不夠風味, 豆腐花不夠滑, 完全找不到吸引人之處…查看更多

話說都同女朋友黎呢間食左大大話話有十次大部份都係揀5PM至7PM呢個時段最早期係118+1最近一次食加左十蚊一如以往, 去到都係食下刺身, 食下韓燒, 掃下甜品咁記得幾個月前, 都仲有吞拿魚刺身, 而家就要等到7PM打後先出不過收128+1呢個價, 仲有三文魚, 希靈魚, 雕魚同蟹棒都算過得去加上冷盤有青口, 有蝦, 有螺, 叫做值回票價啦用黎燒既肉類同其他任食韓燒無大差別, 唔多提喇熟食方面真係好悶, 食左十次幾乎都係果D野薯蓉, 蕃茄杯, 咖哩, 炒飯, 豬腳薑, 湯, 糖水, 雜菜:(甜品其實都係果D, 但間中都有一兩款新既蛋糕啦唔明佢擺幾筒假既MACARON係度, 又冇真既畀人食, 有乜為?其實食野果方面都算係不過不失啦但講到服務, 最近一次去真係差左好多老早就埋黎收錢夠鐘前五分鐘就走埋黎狂收野頭一小時廿五分又唔見你地咁熱心張檯有豉油叫佢唔該抹一抹要叫三次先聽到, 原因係掛住吹水搞到我要大聲叫, 叫完仲要好似我好冇禮貌咁掘住我叫畀兩杯熱茶, 第一次黎既係熱水, FINE再叫啦, 竟然係倒凍水一直都有熱茶供應, 如果取消左係咪應該講聲而唔係是但倒D水畀我?最離譜係, 岩岩夠鐘, 真係岩岩過左十零秒到, 檯上淨返一杯木糠布丁同一件兩隻手指頭咁大既CAKE仔佢講左句, 夠鐘架喇要交檯, 就連埋D食物清走FINE, 你要清走, 你要浪費, 唔通我求你唔好浪費咩但係就算我食埋, 都唔洗三十秒啦, 交檯時出面一個人都冇, 再加上早五分鐘前你已經清走大部分野就算要SET台, 有咁趕? 有咁逼切?而家我唔係賴死食多幾碟, 坐多幾個字, 而係淨返兩件野, 三十秒, 為左三十秒而得失客人? 好明顯呢批人未TRAIN夠就落場囉我即場冇發老脾呀, 事實我係過左時, 過左十幾秒咁多, 冇理由嘈你既不過你地既制度咁搞法, 服務質素咁搞法自己趕客自己負責, 客人眼睛係雪亮既…查看更多

出到旺角最頭痕就係見到一大堆好同胞第二大頭痕就係唔知食乜好事關而家D餐廳間間都差不多貴之餘冇新意後來同女朋友搵左輪OPENRICE之後諗住食韓燒本身想去漢和,因為佢D雞湯都唔錯,但一問之下竟然要$168+1,仲限得個半鐘就算吧啦之後見到呢間韓舍打去問話五點有位,$138+1,一至三人都係得個半鐘,但見幾抵咪BOOK黎試下上到去見到環境都幾唔錯,有酒店格局但偏向平民店員安排左窗邊卡位比我地, 個卡位足足坐得落六個人! 感覺非常良好店裡食物分成幾部份 最入面係韓燒食材,一般豬,牛,雞,魚,墨魚,蔬菜等走唔甩不過我唔太欣賞肉類,用鬆肉粉用得太勁,搞到燒完之後好似有層蠟咁最大問題係食落口好大陣鹼味!! 好在佢雞翼,墨魚,多春魚都冇呢D問題!!跟住係海鮮,有凍青口同凍蝦都係煮熟左,尚算安全穩陣跟住係熟食,我諗一湯一糖水一飯係例牌走唔甩當日仲有豬腳薑,炒雜菜,忌廉焗魚,蔬菜炸牛肉之類的跟住係刺身,當日有三文魚,吞拿魚,鯛魚,希靈魚,同蟹棒即叫即切,每人限四件,可選兩款,次數不限刺身旁邊有沙律吧,之後有刨冰可以自己揀料,跟住有迷你西餅蛋糕三四款,跟住有奶凍,海底椰凍等等甜品,再返返去刺身隔離另一邊有壽司幾款但不吸引,以上就係正門一入黎見到最大既一圈食物台甜食方面仲有DIY雪條, 佢有部凍機,不過需時4分鐘有DIY棉花糖機,開著加糖粉自己玩仲有爆谷機,同朱古力噴泉飲品方面,呢個價錢係唔包飲品,要另加$20先有任飲,亦唔會主動提供熱茶,要問先有佢有汽水機,有凍奶茶凍啡,有生啤至於生啤係咪都係+$20我就唔記得了!值得一提既係呢間野係用電爐加易潔煎板唔洗落油自然好少煙加上佢爐面對上唔夠一尺,已經有一個抽風機令到整個用餐過程都冇比煙熏過,只係呢點,再加埋兩間處理生食物既安排對比都已經令我覺得比168+1去漢和食係搵笨到冇人有總括黎講呢餐我覺得抵! 如果一至四去好似再平D,但唔記得幾錢了!只希望用餐時間可以長多少少咁就perfect!…查看更多

話說今日十一點幾冇咩地方買野飲,就去左Comebuy叫左杯大既宇治末茶,去冰,半糖,加胚芽等左兩分鐘後拎,一飲出事顏色係夠喇,但味道完全同水一樣淡,半糖唔知去左邊,根本成杯無糖簡單黎講,連去元氣壽司畢兩羹茶粉沖熱水,都濃味過佢咁我就拎返杯茶返去同店員講,"err唔該,杯茶完全冇茶味,唔該沖過杯比我啦"跟住有個廿幾歲冇著制服既旺角男士,就拎左我杯野問我有咩問題我就話杯茶好淡好似水咁,完全冇茶味佢竟然答我,末茶唔係茶黎,緊係冇茶味啦我就反問返佢,末茶唔係茶咁係乜野?佢答唔出,就同我講,拿你呢杯就去冰既,咁平時你買野飲,就400ml係飲品,300ml係冰,而家去冰,當然會淡左啦我完全比佢呢個反智既思維嚇疾左,係人都知買野飲走冰除左怕凍之外另一點就係怕溝淡,佢竟然話走冰當然會淡左,咁我就問佢,冰融化會變水,而家我走冰反而會淡左?我都未講完,佢就打斷我,fine~呢d人,會無禮貌同極差服務態度我都唔會覺得意外,不過都多謝佢踢穿左comebuy一個秘密比我知,等我唔洗再去幫襯,就係原來我地係comebuy買既飲品如果係700ml,只有400ml係飲品,其餘係冰,如果少冰,或者去冰,係並不會裝返多d原本order果隻飲料,而係會用清水黎代替既然佢都踢爆左呢點,我就廢事再爭論,我只係同佢講,你地既做生意方法真係好奇怪,咁唔該你幫我加返d糖啦,本身我仲想叫佢得閒不如去試下新之城happy lemon轉營之後既茶店Freshtea Happy Lemon ,佢地d末茶先有資格叫末茶,不過對住呢d人,不思進取,算了…查看更多

話說琴晚趕住開工,是但搵間野食,朋友話呢間海南雞好正就去試下我地全部都叫左海南雞飯另外再有碟馬拉棧炒通菜個菜先上,偏辣,但咸味完全唔夠:(火候都可以接受跟住一人一個雞飯上菜先唔講味道,淨係份量都好有問題!有乜理由四碟飯,有兩碟係明顯少左起碼三舊雞!仲要我上黎睇返食評,見到人地張相勁多雞,我地好似係將兩碟既份量勉強分比四點咁!極唔專業!然後食雞,勁多肥膏,如果唔食D皮,基本上D雞得返一半:(然後仲要係半生熟...冇流血,但咬落去基本上係FEEL到佢生生地(係嫩口,但亦都係生既感覺)咁都不特只...連D飯都係未熟...硬到好似糙米咁!!!太過份了,不過趕住做野拿拿聲食完就要走,就冇媽叉佢:(而且係BOSS比錢,廢事搞事 不過如果同FD一定唔會再去…查看更多

難得同家人一齊食餐飯,諗住搵間好D打左去訂台,明明係間類似菜餐廳既食店,居然好似食放題咁限幾點入座,然後幾點交台去到坐低,個侍應立即推銷老火湯比我地,就要左煲青紅蘿蔔豬骨跟住又係咁游說我地蒸條百幾蚊既魚一話唔要就黑面走開我冇比意見話食乜,佢地點左咕嚕肉豆腐斑腩煲豉汁蒸魚雲梅菜蒸肉餅蒜蓉炒菜心咕嚕肉最好食,炸到脆哂再落汁,食果陣仲脆,仲有好多唔同生果,反而冇左青椒洋蔥等濃味野,不足之處係肉既份量都算少豆腐斑腩唔係斑就緊係唔洗講,但又比稔魚肉質好少少,唔太肯定係乜魚,其餘就係幾毫子唐芹同芫茜,仲有兩蚊豆腐,同兩匙豆瓣豉汁蒸魚雲係終極呃錢之作,半個大魚頭價值15-20蚊,由於唔想比人發現佢得半個所以琢到勁細件碎哂黎蒸然後64蚊賣比客人食梅菜肉餅算係合格,因為D肉唔係機攪,但15蚊半肥瘦同幾毫子梅菜賣到55蚊又係暴利(最慘係仲要唔夠自己煮好食)蒜蓉炒菜心又係合格,猛火炒所以一分鐘都唔洗已經熟,爽口又唔會太生,再埋個芡6兩菜心盛惠36定42蚊(唔太記得)白飯每碗十蚊:( 如果6個人去食,已經可以買5KG金象 我地4個人叫左4碗環境方面真係差到絕頂出面已經30度,係尖嘴行入尖東成半個鐘熱都熱死,坐低飲左湯後更熱但成間野D冷氣差到好似冇開咁,佢竟然話商場冷氣係咁細所以冇同一層有韓燒,都自己裝冷氣同抽風樓上又有酒樓,我唔信會同佢一樣咁熱囉,搵鬼幫襯?一句講哂就係佢間野縮骨,唔裝多兩三部分體比D客人食得舒服D仲要要求7點入座8點半交台,懷疑熱到人早D走都係其中一個策略服務可以話兩睇佢地有服務效率,但0服務態度已經做到好似機械人咁,特別係一位短髮女侍應,就係我剛剛講唔蒸百幾蚊魚就黑面走人果個:(總評:比樓下菜記不如,卻是酒家價錢,永不光顧,列入黑名單…查看更多

好食的店當然要再度幫襯話說中午同女朋友唔知去邊度食好就打去1000円問下下晝有冇放題佢話有而且只係$58+1任燒一小時反正早餐只食左少少,中午未食,兩點去食任燒真係最佳選擇去到即刻有位,又再見到之前提到既"部長"竟然咁岩又安排上次個卡位我坐其實成個場都只得三台客左右坐低後二話不說當然去拎野食,食物方面其實都少左一部份依稀記得冇魷魚鬚、墨魚仔、全蝦、蝦仁、去骨雞翼、瀨尿蝦、豬頸肉etc最正既一口牛柳粒就仲係度，仲多左蛋餅燒完第一ROUND都係決定左+15蚊任飲雖然最後兩人加埋只飲左六罐,即係平均五蚊罐並無賺,但我覺得都冇蝕啦最後埋單都係一人$80左右 依然覺得好抵呀:)最緊要係食得開心,唔洗同人逼,又唔洗受氣…查看更多

既然呢間餐廳係我提OPENRICE UPDATE，又未有人寫第一篇食評就等我寫第一篇啦話說，星期日同朋友由旺角一路行，經過由麻地都冇咩好食終於行到佐敦，見到1000円同2000円招牌，就諗住上去問下價錢同有冇位啦一問之下先知道原來原本既2000円(佐敦分店)已經冇左，裝修後重開成呢間1000円門口果位應該係經理或部門級既先生(下稱部長)好好人，主動邀請我地入去參觀一下有咩食先入到去見到地方唔算大，但全新裝修，而且坐位都幾鬆動同舒適食物一字排開，放既地方唔算大，但款式可能都接近50款了每款食物放出黎既量唔多，但時不時有人REFILL，呢點幾值得欣賞:)部長話加埋一就$136一位，限食兩個鐘，另外任飲飲品就$15一位，任食甜品就再$15一位本身都覺得任飲另加唔太抵，但睇一睇飲品櫃，除左百事、七喜等汽水外，仲有道地無糖綠茶同烏龍等甜品就唔考慮喇，我地一行三人就決定叫任燒+任飲食物方面有牛肉、肥牛卷、牛利、牛柳粒、肥牛串雞柳、有骨雞翼、無骨雞翼、雞皮、雞心、雞腎、雞軟骨豬柳、豬頸肉、豬肉卷(即係肥牛卷既豬肉版)秋刀魚、魚柳、多春魚、鯖魚原隻蝦、蝦仁、魷魚鬚、墨魚仔包心丸、腸仔、雞尾腸、墨魚餅仔(圖中白雪雪上面有舊黑色紫菜果件就係)錫紙兜有金菇、冬菇、粟米、蜆菜蔬類有冬菇、青椒、菠蘿配菜有大蔥、蒜另外可以自製沙律調味料有鐵板燒醬、柚子醋、粗醬、黑椒、芥辣沙律醬同芝麻沙律醬太多了不能盡錄(因為我唔太記得服務方面我覺得唔錯，部長經常走黎走去幫客人又有人專責檢查食物剩餘量同補充我同朋友都跌左幾次筷子佢地都冇黑面(話時話點解D筷子咁易跌另外就係夠鐘時部長冇即時拎張單埋黎，而係埋黎問左我地想唔想加野先，見我地話唔需要先問幫我地埋左張單先好唔好，食咁多間放題都得一兩間係咁好有D二百幾蚊既放題 LAST ORDER完過左半個鐘就拎張單埋黎，同佢講有好多野未到佢就即刻話"你地夠鐘喇喎"係都強調好多次佢野食唔黎係佢錯佢先黑面然後去拎D野食黎要求五分鐘內食哂…查看更多

星期日難搵食就預左喇落到福榮街,間間都爆哂棚娘親話想食呢間就排呢間喇不過等位時間真係有點耐,入正題店舖設計就真係麻麻地,樓面好細,側邊得少許四人台中間反面放D大台搞到行都行得唔太通順仲有張二人台係通入水吧既走廊位不過好彩,佢地都安排左個四人位比我同娘親坐,如果唔係係大台同人搭台仲慘點野食方面有D麻煩,全部都畫紙,圖片太少我地就叫左一份鱈魚套餐(有沙律或湯+飯+燒鱈魚+綠豆沙) $36一碗熏蹄撈朦 $22一份炸魷魚圈 $14一份越南春卷 $14一份牛肉蝦片 $14一份燒茄子 $14一份保寧雞 $22一杯咸檸梳打 跟餐+$5小食大概係14蚊份啦,記得唔太清楚小食做得細細碟,每碟十幾蚊我覺得幾好可以試多D唔同款式主食唔算貴,份量都足,賣相亦唔失禮最奇怪係燒茄子居然係吉列因為娘親唔想再食炸就叫佢換返碟燒(即係煎)既黎但竟然薄到得返原本一半雖然不滿意但都算數了叫到成台野,埋單都係都係百五蚊,而且星期日去其他地方食好多都唔抵總括而言相滿意…查看更多