落車直行就到廣場，見呢間餐廳都有啲人食，午餐又唔係好貴，所以就去食下。入面環境幾好幾大，裝修幾特別，冷氣唔會好凍，不焗不熱，啱啱好。我哋叫左兩杯跟餐沙冰（芒果&椰子）以及豬手飯和黃咖哩手腩飯叫完坐冇耐就有餐湯飲，係清白蘿蔔湯，每碗上面仲有塊芫荽，飲落幾清甜。又過無耐兩杯沙冰就到，雖然叫沙冰，但飲落好smooth，無乜冰粒感，但幾搞笑，因為入面放有幾舊冰。成杯野飲都fresh好Original。又過左無耐，主食就到。等餐時間唔耐算快，大約二十分鐘左右。食物黎到都熱辣辣。豬手有咬口，底汁又特別，拌飯食不錯，另外仲另送一碟汁，酸酸甜甜有啲辣，好解膩，可以拌飯又可以點豬手食。而咖哩手腩飯，咖哩汁偏甜，唔辣，幾香，濃度適當，汁多好夠同飯食，牛腩牛味足，冧得黎保持口感，入面仲有三色蕉同洋蔥。兩個主食整體唔錯，食完唔會後悔先。可以去食下。
…Read More
…Read More
