yojaixp's Profile

位於駱駝漆工廈三期2樓嗰間人氣烏冬「鰹烏冬」，依家搬咗上11樓仍然人氣鼎盛，自家製烏冬超彈牙，鰹魚湯底夠鮮味，骨付雞醃得入味，外皮卜卜脆內𥚃肉質嫩滑多汁，整體好食。美中不足我覺得就貴咗少少，如果平啲就好啦，不過我呢啲忠實fans都係會繼續幫襯。…Read More

今日假期，家人去晒旅行，我就需要返工😢今日晚餐孤獨食，去咗（啟德零售館1）這家JMT食韓國嘢，選了期間限定烤五花肉流心蛋飯送韓國檸七。大大碗飯，$68抵食。五花肉肥瘦均勻，都有好多件但係隻蛋係唔夠流心，飯面鋪上生菜絲紫菜絲同沙律醬都幾好食，一個人都係唔錯的選擇😋…Read More

我和同事在午飯時間選擇了他們的午市一人餐，午市套餐的價格為$75，包含一碗白飯和例湯，性價比相當高。前菜點了：江肴肉和雞絲粉皮。膠質口感與琥珀凍層，蘸上鎮江香醋，超正😋而雞絲粉皮則清爽可口，搭配的芝麻醬恰到好處，為我們的餐前小食增添了不少風味。接下來的小菜選擇了銀芽炒鱔糊和回鍋肉。銀芽炒鱔糊清脆爽口，鱔魚的鮮味與銀芽的清新相得益彰，讓人食慾大增。回鍋肉則是一道經典的上海菜，肉質鮮美，肥而不膩，色澤透亮，十分下飯。整體而言，千歲擔擔麪的午市一人餐不僅味道出色，而且價格合理，必回訪。…Read More

呢間係會一去再去嘅壽司鋪！今日難得唔洗等位，一坐低就即刻嗌個好抵壽拼盤先，再慢慢睇餐牌點其他！呢個拼盤有哂我地必點嘅壽司，一盤有哂唔洗分開點咁煩！最中意呢度最主要嘅原因係多選擇！爸爸媽媽食飯點都要有啲熱食！我地就嗌咗個鍋物同炒麵。牛肉鍋都幾足料，炒面啲面就比較淋身，如果硬返少少就好喇！…Read More

中式、快餐式的素食都常吃，今日試西式有機素食。叫咗個松露腰果汁扁意粉，作為一個食肉獸，本沒有太大期望，但吃得飽之餘質素也十分唔錯。松露味好香但就食唔出腰果味，蘆筍、西椒、車厘茄都十分鮮甜。健康又美味，賣相也很吸引。餐跟一小杯南瓜湯，佢加咗咖哩蓋過咗南瓜味，好似飲緊咖哩汁咁。至於餐品只有三個選擇，豆漿、汽水和花茶，都不是我杯茶，不予置評。…Read More

因為係附近返夜校嘅關係，每星期總會去呢間譚仔一兩次，貪佢地米線嘅速度快，但係等小食就通常都比較耐少少。呢間譚仔啲米線煮得特別淋，啱曬我呢啲鍾意食淋米線嘅人。每次去都會嗌蕃茄湯雞肉魚腐中辣米線，蕃茄湯好濃，雞肉份量都多，總係翻嗌再翻嗌😜…Read More