Tea Tea's Profile

聽人講呢度件拿破侖超好食，所以黎幫襯。諗住睇下仲有咩蛋糕，我一推門，想睇下有咩蛋糕先，個男店員勁唔耐煩，勁惡，對眼瞪到勁大咁對住我 “要咩？“我就問佢有無芒果拿破侖，佢又再次好唔耐煩咁講“有呀，要幾多？“我話“2件呀，唔該“佢好不肖話“出去門口啦!! “咁我咪出去門口等囉，佢好搞笑嫁喎，我係門口係聽唔到聲嫁嗎，佢ready 喇，就喺店內“手指指“ 指住我個方向， 都唔知係咪叫我，企我隔離個男仔話“e? 佢係咪叫你入去呀？“ 嘩，好彩有客幫手叫我。唔通我識千里傳音？ 拎到返屋企品嚐，個芒果超酸，個皮係脆，但食左2啖已經頂唔順。可能唔係當造生果，真係唔掂。anyway, 我覺得嚐試一次就夠喇…Read More

其實已經係第3次幫襯，我好鐘意食酒樓既炸點心，可惜家下疫情我真係寧願幫襯“外賣自取“好過。我鐘意食呢度既“魷魚酥“ 我每次買完返屋企食，都仲脆，嗰下先吸引。同埋就算老闆夾or 姐姐夾，都每次夾到幾滿(希望佢地keep到呢個份量) 另外我有買佢單叫既點心，8蚊一件，21蚊三件。我通常都會買三件，佢地容許可以mix. 我食過炸芋角(最好食)，咸水角(好食)，焗餐包(一般)，合桃酥 (好脆好食 )，菠蘿包(好食)。我第三次去，已經見唔到菠蘿包個影，唔知係咪太好賣 仲有，我買過一次特惠蒸飯，$20蚊，個日無章魚飯，變左雞飯，d 雞有醃過，好食過連鎖店。仲有，收銀個姐姐幾有禮貌，大致上呢間鋪真係ok…Read More

夜晚6:30去到，已經開始有食客已經食緊。可能疫情關係，自助放題取消左，得返套餐 or 散叫。套餐有一人餐(110蚊/170蚊)，二人餐(288蚊起)，四人餐。我影底左個餐牌，有興趣可以自己click 黎睇。我地3個人，叫左4個110蚊餐。有牛肉，羊肉，五花腩(都厚身)，牛脷。1人套餐包，前菜(包3小碟)，湯，飯，肉，甜品(係一片橙黎)注意：茶係免費任refill. 如果前菜唔夠，可以比錢單點購買。不貴，都係12蚊碟食熱氣野，無理由唔叫凍飲既 叫左38蚊Jar 菊花蜜飲。夜晚套餐碟肉比下午大一倍。可能係週末，都多人黎食，7點幾已經好旺，所以最好記得訂位。我一直都有幫襯呢間餐廳，因為呢度韓燒價位真心佛心價，出面食韓燒，下下一碟肉都2,3百蚊了。喺呢度食多2碟，都仲得。 .我覺得牛脷，五花腩，羊肉都好食，反而牛肉就較普通。d 職員姐姐同哥哥幾忙都好，都保持禮貌。 希望呢間鋪，可以捱得住啦…Read More

很耐之前在深圳食過2次，香港第一次食。由於我本身打邊爐係唔鐘意食牛肉，所以我今次係無order 肉類。2人叫鴨腸，毛肚，墨魚滑，同黄喉。好開心食到黄喉，唔係好多地方有得食。個湯底，就係美人鍋配麻辣，鴨血豆腐係無限任加，真佛心。🥰 美人鍋有花膠，鮑魚，可以直接飲。飲品就叫左2杯大既珍珠奶茶，都沖得好好飲。d 職員好好，耐唔耐會過黎問下有無野要幫手，又會主動加鴨血，好有台灣既作風。整個用餐過程都好滿意。…Read More

柴灣咁多年黎，都仲係好好缺乏賣其他款式食品既餐廳，平日夜晚忽然想買份小食都有點困難。:(疫情下，好多餐廳食店都不開，竟然比我搵到柴灣開左間泰式船面，上網睇價錢不貴，所以就去左買外賣。始終都係第一次幫襯，所以我只叫左碗細size 既船麵，36蚊。等候其間，店舖有位姐姐介紹左比我，原來佢地早上都賣早餐，有另外一個manu. 店中2位哥仔都好細心，會問食唔食芽菜，有無d 咩配料唔想加。佢地好好，主動幫我將外賣分碗。返到屋企開住冷氣，慢慢歎個船面，真係好正。d 湯仲好熱，又濃，又有九層塔。有脆豬皮，扎肉，同2粒丸。個湯底真係同泰國既一樣。下次買碗大既先，d 丸好好味。期待…Read More

其實我已經去過pirata 幾次，幾次都係食下午，喺我既印象中，佢啲野係好食又值既。今次就同2個朋友食夜晚，個感覺就真係唔同。咁首先呢度既優點係，佢係無限時交枱。咁我同2個老朋友，大家都係女仔，今晚都唔係自在塞爆個胃。:)起初，落飲品時搵左啲著圍裙職員幫手落單，態度，速度都好滿意。😊咁之後就order 食物，有個束馬尾黑粗膠框，配一身寶藍色西裝既女人幫我地落order。我地叫1左一份牛扒配沙律，一份魷魚圈，同肉丸先。我地嗰張都係small table，真係好細。 我地想食住先，如果食食下想加野咪再order 囉。佢就好誇張既表情，配高8度既聲線，指我地叫得少野食。我地已經解釋左我地想食住先，再order. 佢就再次高8度聲線，話“妳地唔夠食嫁“ “好少野食嫁炸“ “妳認真嗎？“🤨🤨🤨其實，佢令我感到有點討厭，每人食量都唔同。一洗Pirata 一直比我既good image, 好態度。後話：d 野食好食既，但我自己鐘意食下午多d. 下午好多dessert 飲品可以提供…Read More

預先打電話去訂位，已告知坐Bar 枱。去到發現原來Bar 枱張枱都大，唔窄。職員好細心會介紹今晚有咩推薦。我第一次黎呢道食，唔洗諗食乜咁頭痛，我叫了2set Omasake [極] ，每次上菜，職員都好指細介紹，首碟上菜，佢會親自燒一次比你睇先，其實每次上菜，佢都會介紹返點燒法係最好。加每位30蚊，仲有前菜，2小片燒牛。記得要訂位，我今次係平日去，都已經係超級爆。其實Omasake 份量不多，但可能和牛本身多油，食食下已經足夠。…Read More

夜晚去左迫迫廚幫襯小菜，迫迫廚外觀係好新式茶餐廳style，就食下小菜啦，好多款式。叫左半隻“胡椒豬肚雞“ 同 “胡椒油鹽木薯粉浸蜆“胡椒豬肚雞，會比理個爐你，雞就木桶另上。問左老闆，點解d 雞會預先放入鍋度直接上，老闆話“因為可以比客人睇到真係有成隻雞係度“ (幾有心思):)胡椒豬肚湯個湯底有d 芝士，少許香草味，好濃郁。如果唔中意就落單前講聲。呢個鍋會跟生菜。胡椒蜆都係木桶上，個湯底同胡椒豬肚完全不同。啲木薯粉唔係韓國個隻，呢隻好彈牙，d 粉有波浪，唔識講，好好食。小菜會跟一碗湯，一碗白飯。另加8蚊有凍飲。 我食木薯粉都已經覺得好正， 唔想浪費，叫人比一碗飯我好了。 …Read More

好想喺香港搵一間真係比人可以輕鬆咁歎咖啡又有輕食，比妳坐底傾計既小店，真係少之又少。(因我見香港大部分既所謂Cafe，都會有A大量主餐提供) 好少搵到Good Good 咁，哈哈，有小sofa, 小閣位比人坐。一入店舖已經覺得好舒服，好似去左北歐啲cafe 咁，至中意佢前台。啲店員係幾個女仔，個個都勁好笑容同理好有溫文有禮介紹啲食物。甘筍蛋糕勁好食，有肉桂味，有合桃，好足料奶茶有陣烘焙味我同友人都覺得好正，一定會返黎再食真心會encore…Read More

我從來無食過慢煮既食物，今次黎到i kitchen 見到有三文魚食，又係慢煮，價錢合理，咪食下。 雖然扒只係貴過三文魚丁丁咁多，但三文魚好似比健康啲。 等左應該都係20分鐘左右，個三文魚上枱。一切，好軟熟咁。三文魚配左有個黑色既汁，酸酸地，幾夾嫁。 個三文魚既質感好特別，好正。可能我大鄉里未食過“慢煮“ 慢煮既三文魚原來可以咁QQ感，又將三文魚啲香味保留得好好。 一定要食。是日特飲，就唔好飲，好似係蘋果味。但飲落係藥水味 …Read More

太掛念喺日本食魚生，上網見太安樓有新開日本菜，所以就想去食下。先前喺太安樓食過有賣魚生丼既鋪，但有啲伏，所以今次我都係搏下，起初不敢太大期望。入到去小店有三張4人枱，1張雙人枱。雖然店係細細，但無迫餐死既感覺，好乾淨。叫左魚生角切飯，吞拿魚蓉海膽飯，另外散叫左啲壽司。叫丼飯會送面豉湯，會有魚肉喺湯裏，好好飲。可能你睇manu 覺得“e, 太安樓仲有啲更平啦“但其實當你食過，你明點解佢貴過隔離鋪少少，係因為人地比返靚貨你囉。你食過佢d wasabi 你就明…Read More

我記得上一次黎食，起碼三年。堂食同外賣既味道會相差好遠，真心建議堂食先好食呀。好難喺香港搵到呢啲“古早味“ 既地道美食，記得細過食呢啲麵，就在柴灣“屋村十三座“長興先食到，難得柴灣仲有呢啲味道。好懷念。我今次幫襯既，叫“公司麵“ ，慨念就係睇下當時檔口有乜配菜，就夾曬落去。螺肉，尤魚，大腸，豬紅，菜，蘿蔔，乜都有。諗唔到食乜，叫呢個啦。我原本叫不辣，但老闆娘扁咀，話一定要有辣先好食，我話我食唔到辣嫁，佢好強烈推薦，要幫我溝味，包我話正喎。點知食落我接受到…Read More

呢度比我個感覺幾得意，我一入到去，見到餐廳正中間有張大既枱，有職員講解緊點沖咖啡。好似上堂咁，好搞笑呢度manu好多選擇呀。而啲特飲個名好吸引，例如有blue lagoon. 真係一見到個名，真係立即bling bling 眼。但是日用餐係2個人，叫左一份all day 早餐，一份棉花糖多士，一杯阿華田脆脆，一杯cappuccino. 份All day breakfast 既蛋上有少許黑松露，成碟野都超好又好味。棉花糖多士好正，平時bbq 個陣燒棉花糖次次都燒到著火又燶曬又苦。呢度就係火候岩岩好，塊多士又沾左朱古力醬，又脆，好。咁岩呢輪秋風起，坐住窗邊，飲咖啡真係好舒意。好值得去。…Read More

面條有分三種, 我叫左最幼嗰隻。叫左1号仔面，叉燒都好大塊，比平時既拉面店既叉燒大好多。我夜晚七點幾去已經無曬半肥瘦都角粒叉燒。如果要香油，要另外加三蚊。我怕好油，所以無要。黎到個面個樣都好正常，無油淋淋。就算浸得耐，啲面都無林曬。如果飲得曬啲湯，碗底見到隻熊嫁。個面有包糖心蛋，分量都好正常，無話食两下啲面無曬。餃子啲料就包得好足，好大隻，好足料。記住，嗰度只收cash only. 同埋有個箱仔比你放下袋。:):):)…Read More

預早訂枱可以享受7折，折後3百幾蚊一個人。家下香港食個dinner buffet 都要6百蚊，所以呢度真係好平。酒店會送比每人半隻龍蝦，都幾大隻嫁。生蠔任食。食物refill 得好快，大路既野幾本上都有提供，幾多野食，味道又幾好。呢度好大方，飲品係任飲，有不同既咖啡，橙汁，椰青水，lemon tea. 就算啤酒都係任飲。dessert 有驚喜，好多choice! 雪糕仲要用上movenpick 雪糕，加分加分!唯一唔好既，就係9點30左右會開始收野返廚房，所以唔好book 太晚，食早啲。…Read More