歌地亞's Profile

好耐都冇寫食評，估唔到晌咁o既情況下寫番！呢次係最可怕o既經歷！呢間野咁多年黎，偶然都會去下，不嬲都一般咁，冇乜特別！點知尋晚竟然發生左呢件事！尋晚同兩個fd入黎呢間野度，我其中一個fd淨係飲凍奶茶，另外個fd要西多士+凍檸茶，我就要炸醬撈麵。我淋左d湯落麵度，食左幾舊肉粒時，竟然見到有隻曱甴仔!!!拿拿臨叫人黎睇，佢好快咁收左，話換過碟俾我，但係一句道歉都冇!!!!!我話唔使喇！係都換其他野啦，仲敢食你d麵咩！最衰我果時有帶相機，不過冇拎出黎影佢！諗住叫其他野，睇下佢俾唔俾免費，點知飲一杯野都唔得，佢係打死都唔俾免費果種，咁算囉，又唔係好肚餓，咪乜都唔食！原來收銀果個人就係老細，d伙計一句唔好意思都冇都算，個老細仲衰，道歉冇句不特止，仲有d串咀話我地好似想呃飲呃食咁！真係火都黎!!!呢間野d人自己有問題仲反過黎話番人地轉頭，依家最火滾o既唔係有曱甴，而係d人由頭到尾，一句sorry或者唔好意思都冇講過，離晒譜!!!!!最後我淨係講左句"你地注意下衛生先啦！"今日，我打左去食環署度投訴，佢地話會派人去睇下。呢間野真係請都唔去啦！各位住馬鞍山o既朋友，以後大家出去食飯，都係唔好再去呢度好d！…Read More

去過呢度兩次，第一次去係上個月24號晚，叫左個牛肉豆腐鍋，好多料，第二次去係上兩個星期六晚，叫左吉列豬排定食。平安夜果晚，大約8點去到，企門口個阿姐好落力咁介紹，我地兩個晌出面等左陣就有位。果度環境迫左d，與之間冇乜空間，不過佢地服務都唔錯！兩次都有叫三文魚刺身，由於假期關係，平安夜果晚要$40，上兩個星期六晚照番原價$25。三文魚刺身幾新鮮，厚薄適中。…Read More

巴黎咖啡開左咁多間，我都係第一次去，上個月24號o黎呢度食tea。我叫藍莓窩夫，個fd要熱狗，我地兩個都要榛子朱古力。飲落一d朱古力味都冇，飲得出係咖啡味，佢果杯都係，諗住叫人o黎換左佢啦，諗諗下都係唔好，點知個waitress好似好緊張咁！服務麻麻，環境一般，又有人晌隔離煲煙，絕對唔適宜久留，所以飲埋杯野即走！…Read More

23號夜晚第一次o黎呢度食，見食評好多人讚，加上都鍾意食台灣野！同朋友兩個人入去，我地張本身留座，店員見冇位就拎開"留座"個牌俾我地坐。有好多麵可以揀，仲有d小食，我地兩個唔知食乜好，於是問店員，佢幾nice，d服務唔錯，晌果邊o黎講，簡直難得一見！我叫左四寶擔擔麵，飲品就要蜜桃紅茶。個四寶擔擔麵唔算大碗，但係好夠料，湯底好"杰"，好香花生醬味，未食過咁好食o既擔擔麵！杯蜜桃紅茶好有蜜桃味，甜左少少。朋友叫左個香酥豬排擔擔麵，我試過一塊都唔錯。呢餐晚餐十分之豐富，令人一試難忘，一定會再去！…Read More

23號下晝o黎呢度食，果日遲左出去，d fd搵野食先，可能佢地去過一次食晚飯，想試下d茶餐。去到各人都差唔多食完野，我叫左咖哩海鮮飯，配蜂蜜綠茶。咖哩味唔夠濃，碟飯都夠食，杯綠茶就淡味左d，整體都ok，以廿幾蚊呢個價錢o黎講，算係咁，下次會再去。…Read More

上個月中有一晚呢度食，晌出面等緊o既時候，見個menu d野好似幾好，睇中左帶子火鍋，於是入到去就叫呢個。間舖頭好細，我地4個人坐一張都有少少迫。個火鍋唔錯喎，有5、6隻帶子，都幾多配料，不過跟白飯好似唔知點咁，湯底比較淡，所以d火鍋配料要點豉油同七味粉一齊食。…Read More

去過呢度一次食tea，食物質素一般，份量唔多。果次去到唔多人，又唔係滿座，d waiter掛住晌度吹水，到我地食完野，飲緊野時，佢地企晒晌附近，好似要趕住收野，俾人望住晒，好唔自然，諗住坐多陣都費事！下次唔會再去，橫掂果邊大把下午茶可以選擇！…Read More

上星期六夜晚去呢間食，今次係第二次去譚仔。呢度地方細又迫，坐得唔係咁舒服！我見同果兩位碗米線超大碗，諗住叫呢個同朋友share食，後尾都係冇咁叫。我叫左竹笙、炸醬、牛丸配酸辣米線，點知d炸醬凍凍地，湯底唔係咁夠味！講真，都係長沙灣果間好食d！…Read More

第一次去譚仔係幾個月之前，記得果日係7月1號o既下晝，當時都幾多人去食野。朋友話食過，覺得好食就介紹我o黎試下。好少食米線o既地方有得叫竹笙，o黎到梗係要叫啦！叫左炸醬、竹笙、墨丸配酸辣米線，果然唔錯，酸辣適中，又夠大碗，飲埋野都係$27，好抵呀！仲有，就係個收銀阿姐幾nice！下次會再去！…Read More

朋友話呢度好食，於是尋晚同佢o黎下試。去到唔使等，諗住上樓上坐，不過佢地話就o黎收，跟住落返去。果度環境幾擠迫，衛生麻麻，有d油漬晌地！叫左炸醬、雲吞、腩肉配小辣米線，冇野飲，得罐裝同樽裝飲品另叫。碗米線幾大碗，幾夠料，但係d雲吞唔好食，唔知雲吞皮厚定係唔熟，唯一讚o既係d腩肉唔錯！食食下野，見到地下有灘漬，以為有人倒瀉野，原來係其中一格地板滲水！我諗下次唔會再去，去譚仔好過！…Read More

去過呢度好多次，差唔多所有下午茶餐都食過晒！全部都係$18-20，最正係唔使加一！次次o黎起碼坐兩個鐘先走，不過果度不設吸煙同非吸煙區，如果遇到煲煙o既人，都會早d走！以為呢個價錢唔慌夠食，又唔係喎！d下午茶餐o既份量都幾大，飲埋野夠晒飽！我比較鍾意佢地o既意粉同拉麵。但係佢要改善o既地方就係，d野唔夠熱，好似整完擺出o黎一陣先上咁！我地都算係熟客，d waiter幾友善，有時會聊佢地傾計，個manager都認得我地！…Read More

1號果晩食完野，行左陣，個fd話想食糖水，就去左呢度。我叫左個合桃芝麻糊，個fd要芝麻糊。今次d野好唔掂！又淡又稀！好少晌呢度食糊類o既糖水，之前都係食果d比較特別，其他地方冇得食o既，估唔到今次咁，有d失望！…Read More

前日下晝諗住去大盛，點知3點半要截單，於是去左呢度！聽講要排隊，好多人幫襯，之前都見過有10幾20人排隊！去到唔使點等，前面得兩個人，一陣就有位。3個人叫左以下野食：1.3x熱烏冬(大)2.1x冷烏冬(細)3.牛肉薯餅4.魷魚天婦羅5.煎腸除左熱烏冬，其餘4樣share食。熱烏冬麻麻地，湯底好淡，冇乜味，我地係咁加d調味粉！冷烏冬好食d，夠凍，加d烏冬豉油同點d芥辣仲正！本來想要炸雞粒，冇晒就轉煎腸。小食份量比較細，o岩一個人份量，不過飲埋罐野都幾飽，下次會再去！…Read More

尋晚嚟呢度之前諗住去食pizza，但係要等好耐，想搵個地方可以坐耐d，大家傾下計，於是轉去呢度。星期六都唔需要等，一入去就有位。9點半後入座，都有幾多野食，而且質素都唔錯！最正就係d甜品，好多選擇，除咗蛋糕、布甸、雪糕呢d之外，仲有pancake食。我吔食咗足足兩個鐘，好飽！呢度環境夠大，最啱一大班人聚會，下次可能會再去。…Read More

星期六晚上完堂嚟呢度食，叫咗個小鍋米線，只係$18，加$1有豆漿，都幾抵。呢個米線幾大碗，有小小辣，配料有芽菜、腐皮、韭菜等。不過呢度嘅環境唔係咁好，有些少迫，仲有d水漬喺地下，萬一滑到就唔好啦，同埋等個米線都幾耐下，佢哋應該改善下d服務先得！…Read More