fanny_yumcha's Profile

今日行開尖沙咀又好想食下四川野，雖然夏天咁熱都係想食辣野，走左黎呢間辣吧，一開始佢會吸引我既當然係佢地既大大盆既海鮮。但係我地得兩人真係食唔到咁大盆。最後決定叫左個2-3人份量既四川香鍋啦，點知都係一樣咁大盆四川香鍋既材料可以自由配搭，食物款式有好多，仲有四款味道選擇。最後送到黎份量好足。我地選擇左泡椒酸辣味，紅薯幼粉會同香鍋分開上之後再放入香鍋撈埋一齊，紅薯幼粉煮得岩岩好淋淋地。鮑魚大隻又爽口，花甲冇沙又好肉，肥牛大塊好多又切得夠薄，牛柏葉爽口朋友最想食既熱鍋串串我地選擇左獨創蒜茸汁，可以在素菜和肉類選十款。野山椒牛肉薄切既牛肉包住野山椒真係又好食又辣，食完係咁飲水呀。腐皮墨魚丸彈牙。五花肉厚切。黑毛肚夠爽口。串串真係食完都想再食呀…Read More

今日同朋友走左去呢間有得玩又可以食野傾計既餐廳，餐廳既地方好大，環境又舒服，有足球機、桌球枱和飛鏢仲有體育賽事播放岩哂鐘意睇波既朋友啦。安格斯牛肉漢堡，好大個漢堡呀，材料十足。芝士同安格斯牛肉、煙肉融合埋一齊超，牛肉充滿肉汁，加上大量的新鮮蔬菜好味呀薯條炸得香脆。美國極黑毛豬，份量超大份既黑毛豬，可以叫全熟或者7成熟，我地就叫左7成熟啦，朋友話黑毛豬7成熟會好食D。黑毛豬既肉鮮嫩多汁食落岩岩好，加上佢地酸酸甜甜既醬汁食就最岩啦。仲有埋薯菜。朋友既Midnight in Stadium，顏色真係好吸引呀，朋友都話唔錯…Read More

真係好耐都冇食韓燒啦，難得今日可以早收工，可以做D食飯就同朋友走去韓燒下先。餐廳既座位舒服環境又唔錯，一路播住韓文歌感覺去左韓國呢。餐廳分左3種放題，職員會問想選擇邊一款，我地就選擇左中間價位既世子御膳，肉類比較岩食又多款。飲品同雪條都係自己係出面拎既，款式都多架。小菜有四款我最愛既芽菜同泡菜點會少呢 牛肉眼、牛T骨扒、牛前胸腹，牛肉色澤唔錯，肉質好嫩而且油脂分佈平均烤干貝和烤大蜆大大隻又肥美烤牛肋骨肉，呢款真係好好食呀。肉好軟嫩，食完可以再食呀韓國壽司好好食呀牛舌肉質嫩滑，五花肉肥瘦岩岩好，豬頸肉烤到香脆好可口呀~帆立貝鮮甜又大隻又肥美，魷魚爽口將所有肉放哂落去一齊燒呀，旁邊仲有蛋和好甜既蕃薯呀~…Read More

大坑真係越黎越多餐廳啦，選擇真係好多，仲有野岩食既。但最近真係好喜歡食越南野，所以就黎左呢間用火車做為主題既餐廳啦。火車頭招牌湯河，送到上黎見到真係嚇左一跳呀，好大碗呀。材料十足，有牛肉、牛丸、牛筋和蘿蔔。牛肉好多片而且切到好薄，牛丸爽口彈牙，牛筋岩岩好唔會好淋，河粉又滑。春卷撈檬，份量都好多，面層有好多既蔬菜，檬粉加上酸汁一齊食真係好開胃呀。春卷炸得香脆。牛油雞翼，雞翼炸得香脆又有少少既牛油香味。牛油果軟殼蟹紙米凍卷，脆口既軟殼蟹加上越南米粉、牛油果和生菜真係又夾又好食呀。荔枝香蜜好好飲呀~~…Read More

行完街一定要去食返D野醫下個胃先啦。最近真係好想食泰國野，咁岩行完就見到呢間餐廳啦。呢泰國野食真係會令人念起泰國既船麵，依家唔洗去泰國都可以食到啦。朋友最愛食既泰式鳳爪，作為開胃菜就係最岩啦，酸酸辣辣夠哂開胃，而鳳爪又爽口炸雞翼，外層炸得香脆，配埋酸辣一齊食好好美~~聽職員講呢個泰式炸係佢地新出既食物，咁就當然要試下，腩仔肉肥瘦岩岩好加上係炸既好香口呀餐廳既湯麵有三款既湯底可以選擇包括船湯、冬陰公、清湯。而我比較喜歡清既湯底就選擇左雞睥肉清湯配金邊粉，湯底甜甜地好好味，雞睥肉好多又滑，魚蛋彈牙。金邊粉又夠滑頂級美國肥牛冬陰功湯配金邊粉，冬陰功湯底岩岩好，唔會話濃過頭，又唔會太辣，材料除左肥牛外，仲有蝦、青口、蟹柳和秋葵。肥牛既數量都多，牛肉味重泰式蝶豆花特飲，顏色好吸引泰式青檸梳打特飲:)…Read More

好耐都冇入荃灣行街同食野啦，今日難得放假就走去行下同食下野，荃灣真係多左好多野食呀，今日行過千色匯就比呢間餐廳既裝飾吸引左去食啦，入到餐廳真係有D似走左入童話世界呀UFO 小食拼盤，有齊哂想食既小食。雞翼有三種口味，玫瑰口味比較特別，好香既玫瑰味同雞翼都好夾。雞翼炸得香脆嫩滑。紫薯波波夠哂煙韌又唔會話好甜。櫻花蝦明太子意粉，意粉好多汁，食落口又好creamy 好香，而且櫻花蝦岩岩好唔會話好多，不過柴魚片就有好多啦石板街香蕉窩夫，睇見佢個賣相就真係想快D食啦，窩夫焗到軟硬適中，入面軟綿綿加上雪糕一齊就好美味呀薄荷朱古力，濃濃既朱古力味泡沫口感咖啡…Read More

放工走左去旺角砵蘭街搵食，呢條街一直都係有好多餐廳，今日就搵左間食串燒既，呢度既串燒選擇好多，睇見餐牌真係好多都想食呀，而且仲要即叫即整呢。牛油金菇包，金菇加上濃濃既牛油真係好好食呀。芝士墨西哥薄餅，墨西哥薄餅香脆，入面有青椒、黃椒、雞肉和大量既芝士。食落口有少少既辣味。燒魷魚鬚，燒得岩岩好，唔會好韌食唔到~~黑毛豬肋串和安格斯牛助串，燒完肉質都好嫩，好惹味。串燒豆腐，加左燒汁一齊燒，外層香脆，豆腐嫩滑~燒雞翼和燒雞軟骨，雞翼入哂味，外層脆肉質唔乾燒雞脾菇，有口感，又惹味煙肉露筍卷，煙肉燒得岩岩好唔會太乾身，露筍爽口~~泰式炸蝦餅，熱辣辣食係最好食既，蝦餅彈牙~~…Read More

每次放假都會走去行下街搵下好野食，今日去左觀塘搵食，一直觀塘既工廠大廈都有好多既美食。今次去左食日本因為真係好耐冇食日本野好想食呀。上網睇到呢間餐廳既卷物壽司好特別又有創意，所以就決定佢啦。餐廳既環境舒服，岩哂一邊食野一邊傾計。首先叫左個前菜，日式麻醬凍蕃茄，估唔到原來蕃茄配上麻醬係咁夾架，而且蕃茄有凍過食落口涼涼既又有D甜三文魚壽司薄餅，呢個真係好好呀，用左壽司飯做成薄餅底再將佢炸得香脆，面層再加上大量既三文魚，食落口口感好特別蕉魔，呢個真係創意壽司啦，用左香蕉、牛油果、牛肉、芝士製作而成。第一次食加入左香蕉做成既壽司，一開始見到既時候真係估唔到上面既係香蕉呢。食落口甜甜地又有D鹹鹹地，因為裡面有芝士同炸牛肉。日式冷面，岩哂係咁熱既時候食，材料好多份量岩岩好，冷面又彈牙雪糕紅豆冰，用左日本既紅豆整，紅豆比平時食開既甜…Read More

同朋友食飯搵左間西班牙餐廳，呢間餐廳之前就一直想試，但有次去到已經滿座所以食唔到。今次一早就book定位啦~餐廳既環境好舒服，牆上既裝飾又漂亮。餐牌好吸引搞到好多野都想食呀仲夏水果茶，入面有好多既生果。鮮製什果沙冰，岩哂夏天飲，飲完成個人都涼哂呀芝士煎蟹餅，即叫即整既蟹餅，送到上黎仲要熱辣辣， 面層放上大量既芝士同木魚碎，蛋餅混合鮮味蟹肉同蘑菇。熱食真係好美味西班牙豬仔骨，燒得岩岩好，食落口完全唔會覺得肉質乾，而且肉汁鎖住左肉入面，配上醬汁一齊食仲惹味雜果麻糬窩夫，滿滿既新鮮生果，加上雪糕，食前再將糖漿淋係面一齊食，而窩夫用左麻糬製作比平時既窩夫增加左煙韌感…Read More

放左工最好就係去食好野，朋友提議去時代食近近地大熱天唔想行咁遠路。時代廣場食通天既餐廳好多，今日就去左呢間所以食物都會加入蒜既餐廳，睇見都幾特別。上到去時間仲早所以人流唔係咁多，但到左七八點就差唔多滿座啦。餐廳環境唔錯，座得舒服。香橙特飲同檸檬特飲。凱撒沙律伴焗南瓜及脆芝士，沙律好大份，新鮮既蔬菜配上炸得又香又脆既蒜同芝士原來都好夾架。蒜香忌廉汁蟹肉及龍蝦肉意粉，忌廉汁好香濃，蟹肉及龍蝦肉都好多。龍蝦彈牙食落口啖啖肉黑椒、德國煙燻腸、火腿意大利薄餅。pizza餅底又薄又脆，煙燻腸和火腿都好多申請做埋會員仲會有甜品送，奶凍質感似啫喱多D，奶味唔係好係重岩哂我…Read More

大熱天時唔係咁想食熱既，好想食D酸酸地既野就諗起越南既撈檸啦。呢間越南餐廳人流都好多，上到去既時間都差唔多滿座啦。好彩仲有位唔洗等炸椒鹽軟殼蟹米紙卷，最愛食軟殼蟹既得點可以唔點佢呀，材料豐富，配上醬汁一齊食就最岩，口感清新，軟殼蟹炸得金香越式手打炸蝦餅，蝦餅炸得香脆，爽口又彈牙，仲有一隻隻既蝦係入面湯面有另外提供芽菜、辣椒、青檸等，可以自己加入湯到，喜歡加幾多就幾多。湯粉佢地有粉左唔同既size，可以同朋友一齊食，但我今日唔想食熱野所以朋友自己叫左個一人份量。朋友既生牛肉牛坑腩川湯粉，送到黎真係唔覺得係一人既份量好大碗。牛肉十分嫩滑，牛坑腩夠淋，金邊粉滑。湯底又好味。香茅豬扒撈檸，豬扒嫩滑，配酸汁撈埋檸粉一齊食，真係胃口大開，岩哂夏天食呀仲另外加左2件越式牛油雞翼，雞翼炸得香脆，又有牛油既香味真係唔錯~~…Read More

天氣就算比較熱，好多時候諗食咩朋友都會提議去打邊爐，而我就好怕諗食咩，都係由佢地決定。今次叫左個套餐咩都有D又有海鮮食。食之前一定唔會少得既就係醬料啦，9款選擇自由配搭。仲有前菜柚子沙律同麻香拌蟲草花今次既鍋底比較特別，平時多數都係得2款選擇，而今次係3款有火焰清酒煮蜆，養生人蔘藥膳鍋，青花麻辣鍋。火焰清酒煮蜆，店員會將蜆係鍋到炒一炒，之後見場點火燒下D蜆之後再放湯，比較特別。麻辣鍋辣度岩岩好唔會話辣過頭。養生人蔘藥膳鍋，人蔘味唔係好重。焱選手切Prime 肥牛，要另外每位加$38，肥牛油脂平均，色澤夠紅，一睇就知好新鮮啦~~手工火鍋拼盤， 元貝三層墨魚磚，好好食夠爽口彈牙，店員講只要煮1分鐘就食得，因為本身已經煮熟左既。黑松露豚肉餃子，食落口有黑松露味。響鈴新鮮炸起好脆，煮一煮就食得~~海鮮拼盆，海鮮好新鮮，蝦夠大隻爽口彈牙。蟶子大隻爽口鮮甜又冇沙蔬菜都有三款，栗米好甜最後仲有甜品…Read More

行左成日街又係到搵食既時候啦，今日去左打邊爐，就算天氣唔凍都好想打邊爐。而且最近好多朋友都話呢間打邊爐唔錯，就決定去食下。上到去都見到餐廳已經好多人啦~~環境唔錯，中國風既裝飾食物既選擇都好多，叫完野食當然就要去拎醬料，自助式醬料區~~叫左個鴛鴦鍋一紅一白湯料好足。寧神養心鍋，有半隻烏雞 、魚同藥才。中醫味較重，越煮會越濃味。麻辣鍋又香又辣加埋送既鴨血。極上雪花肥牛，新鮮既牛肉，油脂分怖均勻，砌得夠薄，煮一煮就食得響鈴岩岩炸起，夠哂脆蟹籽墨魚滑，彈牙爽口，口感一流，食完又食呀自家製鮮蝦雲吞，皮夠哂薄煮好之後可以見到入面既餡料，蝦彈牙爽口。寬粉條，好似水晶粉咁，煙煙韌韌，仲要有個炸物器皿可以放粉，方便夾返上黎食，好貼心…Read More

放工後最好就係食餐好既，今日又去左澳門逸園中心搵食啦。岩岩病好就想食日本野，當然要捉埋我既朋友仔一齊去啦。想食日本野又想坐得舒服就去左呢間一鳴燒，同事之前講過呢間食物選擇多，又舒服。仲有無限添飲酒精飲品優惠岩哂喜歡飲酒既朋友，可惜今次唔係同一班酒鬼朋友一齊去。菠蘿椰果梳打和荔枝椰果梳打，有好多既椰果，太開心啦~~明太子薯蓉配紫菜，第一次食明太子薯蓉，對一個超愛食明太子既人黎講，明太子薯蓉口感好特別。味道唔錯如果可以再多D明太子就好啦蟹肉玉子燒，熱辣辣既玉子燒入面有滿滿既蟹肉，啖啖蟹肉味，玉子燒又夠滑鹽燒厚切五花肉，將成塊燒好既五花肉再砌到細細塊方便食用，而且五花肉既肉汁仲可以鎮係肉入面，外層又燒得夠香芝麻雞翼，每次見到有芝麻雞翼都一定要叫，雞翼外層炸得香脆，肉質嫩滑璣煮鮑魚冷稻庭烏冬，烏冬好滑又彈牙，鮑魚煙韌，海蜇爽口…Read More

呢排咁凍，緊係去打邊爐啦，之前都聽朋友講話呢間啲火鍋料勁好味，所以今日約埋三五知己去左禾牛薈呢度打個邊爐選擇非常之多，湯底仲唔係非一般咁簡單，我地叫左個「寒天翅瓜滑雞煱」，仲當湯黎飲，𥚃面好足料。又叫左好多野食，有老友鬼鬼，炸響鈴，手切牛，牛肉粒，稻庭烏冬，魚皮。材料夠哂新鮮，牛肉嫩滑，煮一煮就食得~烏冬彈牙我覺得老友鬼鬼呢個好特別，店員教我地就咁食或者放落個火煱度浸一浸嚟食都可以！本身佢已經係熱，所以我就選擇左就咁食！啲蝦釀咗入油炸鬼上面，口感唔錯，但係我覺得個油炸鬼硬左少少~~~仲叫左好多既刺身，三文魚肥美又新鮮。甜蝦又鮮甜…Read More