bestalrich's Profile

經朋友介紹泥到呢個地方食飯，地方小小所有嘢好精緻，朋友推介這裡鮑魚飯， 那位待應生就推介taylor menu，平時留畀熟客食， 就係一個超大嘅鮑魚飯，好啦就膽粗粗試下啦一千五百八十八，包個甜品都ok. 上菜時那個侍應生介紹這是南非鮑魚，同我喺街市買既真系好有分別，見都未見過咁大隻真係從來都未見過， 之後佢再介紹第二重點先系鮑魚， 第一重點系鮑汁。我抱住懷疑的眼光去試下，因為我系屋企整嘅鮑魚都係買李錦記汁整上去， 有咩廿特別呢？試一試，嘩！原來真的好大分別咁大隻鮑魚切開就連中間都係有味道糖溏心鮑魚，食完無口乾無味精。一流汁真系好好味，我仲叫加多一個飯畀我，撈埋d汁食。 我系出面食飯，我都好少叫加飯。 我真係覺得好味所以肥就肥啦，唔理咁多啦食完先減，嗌多個飯撈埋d汁食左佢。…Read More

星期五晚出去食飯到到都好多人見到呢度有位就坐低試下， 反正我見到佢有我最鍾意食的鴨肝，就坐低試下啦。聽聞食魚子醬係有好多嘅維他命B雜，但我好怕食魚子醬因為我之前食過又鹹又腥，但侍應介紹這裡只賣俄羅斯魚子醬，我哋就即管試下啦，專登嗌咗一個魚子醬tasting 試下食俄羅斯魚子醬，又真係冇咁鹹味同埋好鮮味㗎喎。首先食咗魚仔醬，再配合食鴨肝，點呀旁邊啲黑醋，正。鴨腿攞出嚟嘅時候有淡淡嘅烤香，近距離聞到好香好香，可能呢一度環境大，所以香味要個鼻埋去先至真正聞到，之後再食佢呢個秘製天使麵我覺得最好味，我老公都話正。…Read More