lepolo's Profile

嗌左個燒豬肉撈檬，本身睇其他人嘅食評好似都唔錯，但係我嗰碗啲豬肉勁乾勁柴有啲失望 🥲 味道就好正宗，另外嗌左個凍越南滴漏咖啡都算幾濃味，我都會想俾多次機會佢，因為味道係唔錯，希望下次個豬肉會好食🙃…Read More

畀過四次機會呢間嘢，第一次係嗌魚湯米線，個魚湯勁淡無乜魚湯味，我要自己加鹽，第二次係嗌酸辣粉，中小辣都已經好辣，第三次都係嗌酸辣粉，但係就係畀錯咗小鍋米線，湯底唔算好濃，得個辣字，第四次都係嗌酸辣粉，啲粉有陣怪味，另外，試過佢哋唔同嘅肉類，豬扒柴到完全食唔到，雞翼肉質好一般，豬頸肉都係又硬又乾，但係勉強食到，唔知點解佢哋全部肉類產品都係又柴又乾又冇味，都試過佢哋嘅夫妻肺片，啲牛展都係好乾🤪 我好少食雲桂香，唔知其他分店係咪都一樣，但係有其他選擇都唔會揀佢。…Read More

最鐘意呢度d椰菜雲耳冬菇餃同唔係度度有的菜心餃，餡料好多夠爽口有口感，皮唔會太厚，煎餃好香口，湯餃有自家制雞湯同seasonal的蕃茄薯仔魚湯健康又鮮甜！每粒都好多餡，菜心好甜好靚必加佢地秘製蝦米辣菜脯，好咸香惹味每啖都要加😆湯餃$38/8隻可以雙拼算係好抵食而且食物質素好好，性價比高👍🏻坐位比較窄但係店舖算新同埋乾淨，一個人食可以坐則邊的長檯，裝修都有別於一般餃子店幾有特式，係近期好興嘅石屎牆加霓虹燈。…Read More

因為我好鐘意食船麵，無論喺泰國同香港船麵都試過好多間，所以見openrice d人寫到幾好食咁就黎試下，點知一入黎見到隔離檯碗船麵已經心諗賴野，湯好淺色好似好淡咁，粉夾上黎都無乜顏色。最後都係點船麵黎試仲嗌左凍泰式咖啡，咖啡都幾濃不過帶少少酸，因為用鍊奶所以都甜不過唔過份。呢個係船麵要左米粉，湯唔夠深色唔夠濃唔夠香無乜味咁，就好似本身湯底溝多左水再加返d鹽同糖咁... 連船麵靈魂豬/牛紅血餚湯底有無都唔係好覺🙁 成碗野最好食係d豬皮，如果會再去可能係試其他野而唔會再點船麵。…Read More

偶然同朋友去開油麻地所以睇下附近有咩食，見到呢間d環境幾靚野食相又好似幾吸引所以黎試下，其實之前試過好多次睇相但中伏ge餐廳所以都無乜好大期望純粹係見環境靚又喺開果頭就去試下。黎到睇到個場d裝修佈置都係香港比較少有ge小清新外國風格，睇得出d decoration details都好有心思，原來佢地係有做埋wedding venue的，都好適合小型cocktail。之後睇menu覺得都幾多野啱食，好似我怕肥唔食澱粉都有好多選擇，最後我地揀左魚，牛油果蝦沙律，雞翼，蟹肉多士，啤酒薯條（朋友話好想試😅）同ribs！個蟹肉多士係撈左沙律加埋d蟹子口感好清新最啱夏天食，最鐘意個toast夠薄夠脆！個魚皮脆肉嫩一d都唔鞋口，下面仲有波菜同磨菇加埋個汁味道啱啱好！仲有上面d脆脆金菇然後我地掛住食野同傾計其他野都唔記得左影😩😩😩 個雞翼好夠味又脆，不過個人覺得比較似bbq多過buffalo味因為醬汁偏甜。另外個辣椒牛油果蝦沙律都好推薦，牛油果好新鮮熟度啱啱好！蝦都好爽口！不過沙律本身係無咩醬跟的。最後！我忍唔住食炸幾條薯條因為望落實在太吸引而朋友又係咁話好味🙄 個薯條好脆同埋本身已經有味，果然真係食到停唔到🙊好surprise喺廟街附近竟然有d咁有質數ge西餐，而且入面環境氣氛都好好，唔會好似好迫好多人好嘈咁，成餐飯都食得好舒服，服務都好友善，價錢亦都好affordable，會再來的🙂 …Read More