為食貓姐姐's Profile

之前食過覺得唔錯， 今次滿心歡喜去，都係食最貴嘅和牛放題，但原來佢改咗落餐menu, 和牛無得選擇自己喜歡的部位，一叫就最6款一晒叫晒，所以我成晚要迫男朋友食晒d好肥嘅和牛，瘦瘦地嘅留比我，因為我哋唔想浪費食物...... 我最討厭呢種困搏式消費，雖然話係任食，但最討厭係無得揀，我唯有係㨂無下次囉！…Read More

其實原本係想食對面的上海菜，可能係星期五晚嘅關係，好多人等位，見呢間越南菜唔駛等位先會試吓，叫完菜唔駛3分鐘就上酸辣鳳爪，一d都唔辣，少少酸，偏甜，好重甜味，跟著就馬拉盞海鮮炒飯同雜錦拼盤一齊上，可能馬拉盞嘅關係，炒飯偏咸，雜錦拼盤嘅香茅豬扒又乾又硬，其他就正常，問個侍應豬扒點解會乾硬成咁，佢話炸過係咁，跟著走咗去，其實乾硬到咁嘅程度，我肯定係翻炸過而且炸到過晒火，先會有咁嘅程度，不過我無爭論下去，而且佢都走開咗無理我，所以d豬扒我地決定唔食，無謂難為自己，其實呢間嘅食物都偏重口味，用餐過程我同男友一人飲咗3杯水，食完之後大家都有同感，唔會再有下次。…Read More

住係附近嘅關係，耐不耐會幫襯，不過其實上次已發生過有點嘔心嘅經歷，已經差不多一年無再來食，上次我食牛筋米，食食吓先發覺d牛筋好多細細短短嘅毛，睇得出應該係牛本身嘅毛，處理得唔好，唔知係無洗過就煮定係點，總之就好嘔心，即時無晒胃口 放低筷子出去埋單走，收錢嘅就係老闆，我同佢講：你今日d牛筋好恐怖好多毛痴住，不過佢好似見怪不怪，無乜反應，我自從果次有陰影，所以好耐都唔敢幫襯，今晚唔想食飯，想食粉，就去食啦，最多唔食牛筋啫⋯⋯ 食牛肚河應該唔會出事卦，今次牛肚正常，無問題，只係用餐過程有點唔高興，街坊生意唔期望會好好招呼，食食吓有幾個人坐咗我隔離，然後伙記要求我坐去隔離檯，咁我同佢講我坐另一邊可以嗎？佢無理我，直接將我碗粉攞咗去佢要求我坐過去果個位，我一肚氣，覺得好委屈咁過咗去，然後已經唔想再食喇，放低筷子比錢走人，我真係受夠喇，我食野要求好低，只係眼見嘅唔好污穢囉，已經是抱著搏一搏嘅心態再去食，但竟然會受伙記嘅氣，真是夠了，更好食都唔會再有下一次！…Read More

約埋同事食飯透過openrice訂座非常方便，原本訂2100，我同另一位同事收工早咗，8:30去到都有位安排，可以食住小食飲住啤酒等埋其他人先打邊爐，小肥牛當然要食牛，手切肥牛一流，軟棉棉，其他配料脆骨腩、9菜餃、松露水餃、手打丸...食材新鮮，唔錯，象拔蚌刺身$138/隻，5個人叫咗兩隻都唔錯，好抵食，聖子都好好食，同同事傾得太開心都忘記影相，聖子上檯好靚才記得要影相整個用餐過程好舒服，服務員會係適當時間出現，唔錯…Read More

之前都有朋友推介過大圍嘅鍋心，但太遠路程遲遲未有動力去試，上次係呢度附近打邊爐發現順寧道都開咗間鍋心，所以一定要試試，下午4點左右打去好好彩book到8:30，早5分鐘去到，離遠已見到好多人等緊入場食，一坐底先來沙律，食住等個粥底煲滾，然後先食海鮮，有鮑魚、蟹、蜆、蝦、魚......共7款唔同嘅海鮮，魚好滑，蟹肉好鮮甜大隻，食完再放南瓜、粟米、香芋落粥度滾，再食自選嘅5款配料，黑毛豬梅頭肉口感爽，好味美國肥牛好有牛味，我再追加兩隻扇貝，一人一隻，$10隻抵食全程d職員好細心，耐唔耐見煲粥太滾會幫我較細火d, 又幫我加返d粥水，食晒d配料就幫我加返d粥落去煲，滾咗食埋個粥真無得頂呀，其實食到尾已經好飽，都忍唔住食咗兩碗粥，好鮮味呀整個用餐過程無論係食材、服務都令我非常滿意，回味無窮！…Read More

上星期三突然想食放題，原本係訂荃灣某間店，但訂位時發現佢加咗價，所以改變主意去葵芳呢間食，其實之前都試過食，今次去食有驚喜wor, 多咗個爐比我玩爐端燒，d蝦仲好大隻，雪藏蝦但好爽口，燒蜆好鮮甜，扇貝就細細隻，仲有什姑、甜薯、尢魚、蠔⋯ 食一轉刺身飽咗肚先慢慢燒都幾過癮，唔駛一味係咁食，有得燒吓玩吓，真係唔錯嘅選擇～…Read More

在金鐘返工的我，收工後來這裡準備食物返家是不錯的選擇，食物種類選擇亦多，還是太多？有時候真的花多眼亂，這裡的調味料、食物多數外國牌子，東南亞的反而沒什麼選擇，奇怪是在香港經營，感覺上不是東南亞市場選擇，最喜歡這裡的沙律種類多，由自己配搭，食材亦算新鮮，今天年30晚收工後來到買食物、日用品準備過年，但竟然找不到紙巾、衛生巾⋯⋯職員說這裡是food hall, not super market! 說得理直氣壯，真是難以估計，但竟然會賣錢箱、兒時的跳大繩、門頂⋯而沒有紙巾，真是摸不著頭腦！…Read More

星期日6點鐘訂位，訂即日7點, 去到發覺原來唔駛訂位都大把位坐咗陣飲一陣啤酒等齊人就落單叫野食打邊爐啦，嚟咗個湯底之後，過咗一陣，個侍應話比我知手切肥牛賣晒，果時係7點半咋, 呢個時間好多人都係剛剛先開始食飯，就已經賣晒，我即刻o晒咀打邊爐無手切肥牛，我駛乜來小肥牛呀？！ 佢早d講我埋單走tim la, 湯底已到，d朋友飲緊就算啦，不過真係唔會再來第二次囉，佢當時都得果3幾檯客，話比我知賣晒，我覺得有d好笑囉終於退而求其次叫咗安格斯肥牛，雪藏野無乜特別，雲吞、竹生...... 食物都ok, 但分量都比較小，唯一可取就是有特價啤酒，藍妹$30/2枝，不過如果唔飲啤酒，又好似我咁，打邊爐無手切肥牛就不歡嘅，就要諗清楚喇！7: 27 已經無手切肥牛食…Read More

朋友試完推介，即日打去訂消夜時段，又比我訂到，可能復活節假期關係，香港人出晒去旅行，我先會訂得咁順利，9:30開始，我早15分鐘到，已有10個人在排隊等入場，餐廳好大好多位，坐得好舒服，朋友極力推介長腳蟹，果然鮮甜，仲有即開生蠔，供應源源不絕，唔駛心急慢慢食～ 熟食亦有好多選擇，我較喜歡鮑魚雞蒸飯，細細盅兩三啖就食左，其他食物睇個樣都不過不失，仲要有哈根大師雪糕食，正當晚有openrice coupon, 35%off, 2個人食，埋單$44x, 食放題嘅價錢，酒店級水準，值得一贊當晚食客香港人多，無乜強國人…Read More

之前一向有食太子金仔嘅烤魚，覺得價錢合道，烤魚味道都唔錯，原來長沙灣都有金仔，因為住得近就轉移陣地經常食，差不多當佢係食堂，老實講，雖然價錢尚算合理，質素已不復當年了，我最愛嘅泡椒雞腳，每次到金仔必食一至兩碟，以前我覺佢係泡椒雞腳中做得最好味嘅店，但近呢半年多次食到d雞腳係起"汕"嘅，雞腳表面有一層滑嘟嘟嘅"汕", 口感好嘔心，諗起都想嘔，雖然都會換過比我，但好多次食都係咁，我已怕怕，而家唔敢食喇，其他食品嘅份量都縮水不少，蓮藕片一碟得8塊，連order一碟芫茜份量比鋪在烤魚上面的更小，以前就貪佢價廉物美，而家就只有價廉，物就⋯將貨就價囉，其實而家食烤魚，雞煲嘅店有好多選擇，款式比佢多好多，佢再唔進步，睇嚟我都要搬飯堂了。…Read More

見佢食評幾好，專登約埋一班朋友，一行11人去試試，大檯近門口，有點熱，叫左兩個鍋底，元西皮蛋鍋，蕃茄鳳梨牛仔粒，鳳梨味似香精味，麻麻地，其他食材一般都算新鮮，但價錢有點貴，特級手切肥牛$338/碟，份量太少，元貝$78/隻，鮮甜好味，不過試過就算，食材新鮮價錢合理同區有太多選擇…Read More

今晚想食串燒，上open rice 見到屋企附近都有得食，就去試吓，最主要想飲杯啤酒吹吓水，叫左茄子，翠肉瓜，雞腎，牛肉串，冬姑，鯖魚，9菜，珍寶腸，雞亦尖呢d大路野食，味道跟一般重慶燒烤無分別，好野味送酒一流，不過沙嗲醬就麻麻地，唔太喜歡個味，怪怪地，好在叫得兩串要沙嗲醬，價錢合理，比我平時去荃灣便宜，不過比起之前睇的食評已經加左價，值得一提係飲啤酒會提供一個雪凍左嘅啤酒杯，幾貼心，但價錢就同荃灣，旺角區無分別，個人應為e個區唔駛收e個價錢囉，不過近近地都值得再試…Read More

兩年前食過感覺係良好的，今次再食完全失望，9點左右去到唔駛等位，order完食物都好快有得食，小籠包多汁都好味，干扁四季豆無乜味，有點失望，再來排骨拉麵湯底又係無乜味，排骨好乾好硬又無味，要叫侍應攞豆板醬食先好d, 最後一味菜係松子唔知咩名，睇英文名先知係有兩個芝麻批夾來食，諗住幾得意就試吓叫啦，松子肉碎味道尚算ok,  但個芝麻批好硬，影響晒，變得唔好食，10點鐘食到一半就開始熄燈執野好似趕客咁，真係唔會再有下次！夠了？！…Read More

離遠已見到有大約10個人排緊隊，心想大概係晚飯時間人比較多，但一看環境格局，覺得係度食野嘅人，食完就走唔會坐得耐，所以照排隊，點知等咗40分鐘先有得坐底，原來等位耐不是因為人客食得耐，而係落單呀姐經常落錯落漏單，結果我等咗15分鐘先開始有野食，唔催都無汽水飲，初時真的有點後悔浪費咗咁多時間食埋d咁嘅野，不過試過碗粉仔後又開心返，味道唔錯，好多冬姑，菜甫夠辣，鴨下脾好香滑，皮不會好肥，正！唯獨有豬肚，豬腸，蘿蔔，豬皮的大雜會無乜味，汁都無乜味，不值$30，早知要多隻鴨脾好過，總括來講野食係ok, 不過唔值得等咁耐，有機會去佐敦又唔駛排隊的話，可能再試…Read More