WinnieBarbie's Profile

人氣梳乎厘Pancake 🥞 知道圍方有分店，今次專登約朋友去試試 😋 食完晚餐可以食埋甜品 🍝 明太子蟹肉意粉每一條意粉都掛滿醬汁，明太子醬汁濃郁又Creamy，配埋鮮甜蟹肉少少鹹香味，意粉煮得剛剛好彈牙，鍾意食明太子一定唔可以錯過限定新品 - 送餐湯 + 飲品🥗 原條鰻魚滑蛋牛角包窩夫伴沙律原條鰻魚賣相已經相當吸引，牛角包窩夫外酥內軟又有奶油香，配上滑蛋加厚肉鰻魚，口感層次豐富超驚喜 🤩🍄‍🟫 蘑菇湯濃郁忌廉配合蘑菇香味，香滑又食到蘑菇粒粒尼間梳乎厘款式好多，對於選擇困難既我真係好難揀...每一款都好想試 ～ 最後揀外面比較少有的伯爵茶口味 🍵 🥞 伯爵茶梳乎厘班戟伯爵茶忌廉好多慢慢向下流，同朋友打完卡就立即搶食，啖啖濃茶味配埋口感綿綿班戟，質地厚有口感，另外有煙靭麻糬粒粒伴碟 ～ 超滿足🫖 養生花茶 - 洋甘菊花果茶食飽飲杯暖暖的熱茶幫助消化，淡淡洋甘菊帶有甜果香味，一大茶壺上茶可以慢慢斟慢慢飲日系裝修環境夠闊落，好適合同朋友慢慢嘆 ~ …Read More

朋友預訂高質日本餐廳，位於上環《SUSHI MASA鮨政》由日本人師傅主理，特別喜歡坐木系格局壽司吧，一邊食一邊欣賞日本師傅手握壽司 🇯🇵 環境氣氛好舒服，靜靜享受美食 🥢 款式選擇多，有壽司、刺身、熱食、鍋物、小食等等🥚 茶碗蒸蛋前菜就立即叫碗暖暖身，熱辣辣好嫩滑有香菇配料 🍱 壽司拼盤 (上) 拼盤種類好多元化，有齊多款壽司：吞拿魚腩、油甘魚腩、吞拿魚、玉子、三文魚腩、醋鯖點、池魚、左口魚、熟蝦、三文魚子、深海池魚、蔥吞拿魚腩、三文魚細卷6件壽司用料新鮮，質素好似係日本食咁鮮味，厚切又肥美，拼盤可以一次過滿足曬 😌 天氣凍一定要試下冬日期間限定 ☃️🍲 豚肉泡菜鍋上台已經聞到香噴噴，泡菜湯底酸酸甜甜好開胃，豚肉好嫩滑配上鮮甜蔬菜，食完全個人暖笠笠 店員好細心 不停為我哋加熱茶 🍵 🌟 每月有限定優惠 記得Follow IG 有甜品送📍SUSHI MASA 鮨政地址：上環蘇杭街105號地舖…Read More

灣仔橫街好多隱世美食，今日俾我發現到一間日式拉麵店《黑龍》原來開業接近十年，由日本人開既拉麵店，餐廳門面同裏邊充滿傳統日式風格 🏮 我超愛食拉麵就同朋友要試下 🤗🍜 黑龍豬骨拉麵豬骨湯頭好香濃配幼拉麵非常掛汁，麵質比較幼身爽口，豚肉肉質好嫩口，另外有碎碎地紫菜味更濃，麵質可自己揀軟、硬適合唔同人🍜 白雞鹽味拉麵湯底濃厚白雞湯，好似濃縮成隻雞落個湯度，清甜湯汁配正常粗度拉麵恰到好處，雞肉帶少許雞皮口感嫩滑，配有溏心蛋煮得剛剛好 另外叫三款小食：🥩 胡椒鹽味叉燒日式义燒稍稍煎烤，用胡椒調味更喜出望外，同配湯麵义燒滋味不同，帶點嫩滑豬扒感覺，味道更香口🦑 燒魷魚一夜干一夜干製法魷魚超驚喜，肉身軟淋帶咬口，無乾燒咁乾爭爭硬崩崩，燒香味濃郁，必定要試下🥟 餃子煎得夠香口包住裏邊油脂豐富嘅肉餡 好好味真係人氣拉麵店Keep住全埸爆滿，我同朋友都超滿足，下次必定會再去 🙌 …Read More

朋友今日話帶我去櫻花樹下食日本野 🌸 原來就係太子《餓居》⛩️ 門口已經好有日本風格，店內外都掛滿燈籠 🏮 餐廳有榻榻米座位又有木屐為客人準備好，真係好似去咗日本居酒屋 🍱 最特別之處真係有一大棵櫻花樹，櫻花樹下食好有氣氛 🥗 海膽醬拌豆腐凍豆腐香滑配埋好濃郁海膽醬，超好味嘅前菜 🍘 吉列帶子炸得剛剛好保留裏邊帶子軟口感🍠 紫薯甘粟薯餅每一啖都有好濃嘅紫薯味道，份量適合食 🐟 蒲燒原條鰻魚 + 貓貓動物造型飯糰貓貓飯糰造型超得意，飯糰上邊有大大條鰻魚，好似冚住張被，可愛到唔捨得食，鰻魚夠厚身配埋醬汁，啖啖可愛又好味 🐱🍲 壽喜燒牛肉鍋 - 小盛冬天食鍋物特別幸福，湯底好香濃又多配料，食完可以飲啖湯暖身，牛肉配壽喜燒醬汁絕對係完美嘅配搭，食完一鍋都飽飽食物質素高 👍 座位闊落舒服，啱曬同朋友一邊食邊傾，可以慢慢坐 …Read More

經過尖沙咀高質bar and cafe主題餐廳，餐廳大門用鮮橙色字《Awesome》一眼就吸引我同朋友入去食野 😍 沿住樓梯行上去已經有打卡位，全店以Bearbick公仔做裝飾，揀咗窗邊半圓形卡座望到尖東靚靚噴水池，Awesome 熊仔餐廳主打西餐，靚景配美食感覺好Chill 🍷🍝 甲羅燒蟹肉蟹膏意粉蟹肉蟹膏同蛋黃放係蟹殼上面，賣相吸引 先係蟹殼上邊撈好再放落意粉食一流，醬汁好creamy加埋好多好多蟹，味道超香濃🐟 香煎比目魚柳伴醬燒鮑魚比目魚肉質嫩滑有鮮味，魚皮煎帶點香脆，醬汁鮑魚煮得好霖好入味🍮 法式焦糖布甸非一般布甸，帶點硬身更有口感，好香濃焦糖味配埋蛋香，布甸好嫩滑甜度剛剛好 🍵抹茶鮮奶抹茶味夠濃郁配埋牛奶互相平衡，入口好綿滑食物超高質又可以打卡既餐廳，價錢十分親民，真係要推介比大家同朋友慢慢Chill 👯 …Read More

銅鑼灣揾到一間樓上日本居酒屋【心之食堂】🍶 店外已經充滿日式風格裝修 ⛩️裡面環境闊落有卡坐，用QR Code自助落單又夠方便🥗 油甘魚蓉柚子沙律油甘魚蓉一入口，獨特嘅魚味隨即充滿口腔，配合柚子汁令沙律更覺清新，一口接一口🍲 胡椒豬骨湯煮蜆有別於一般用清酒煮蜆，用豬骨湯清甜帶出蜆味鮮甜，仲有好香既胡椒味。可以飲埋個湯好鮮甜 🐟 鹽燒三文魚頭好喜歡燒三文魚頭果份油脂香，魚頭肉比魚身肉又滑又嫩🍚 原條鰻魚石鍋飯鰻魚原條上真係好霸氣，魚肉油脂濃厚，鰻魚汁慢慢滲落下面嘅飯，每一口都好滿足。如果鍾意食飯焦嘅人，建議稍放一陣，等鍋熱燙出飯焦更香脆🍸 海膽蟹子杯用長腳雞尾酒杯盛載已經好吸晴，一羹海膽+蟹子+飯，海膽夠新鮮口感，份量夠一個人食剛剛好🍆 蒜香烤焗茄子蒜蓉舖滿原隻茄子烤，蒜香好遠就聞到香噴噴，烤過嘅茄子吾會乾，食落口仲好滑有好多汁🍱 脆脆吞拿魚腩卷卷物包住天婦羅青瓜，上面放左吞拿魚腩同蟹子，食落去有天婦羅脆口感，青瓜嘅清爽同吞拿魚肉油脂，口感豐富味道又好🌈 彩虹卷內裡有炸蝦，肉質彈牙飯卷四面都灑上唔同食材🍣 劍魚腩好新鮮既劍魚腩食落好有質感，好鮮甜食材方面好新鮮而且價錢又唔貴，我同朋友一邊傾一邊慢慢食…不知不覺就食咗好多 😁…Read More

終於約朋友黎打卡✌尖沙咀 K11 Musea 充滿藝術感嘅主題餐廳【CURATOR Art & Cafe】門外已經被色彩繽紛吸引住，裡面放滿 村上隆、草間彌生、KAWS 既作品，有好多小精品可以買返屋企 朝聖打卡必點 ☕ 藝術打印咖啡 之前見好多人打卡印上梵高 夜星🌌 、村上隆 太陽花 🌼 原來可以自選相片/圖案打印，基底揀朱古力或咖啡，效果真係好靚 💖 咖啡香味濃，上面放一層厚厚忌廉，圖案靚到唔捨得飲…瘋狂打卡影相 🍵 丸久小山園 抹茶拿鐵香濃抹茶味同牛奶比例剛剛好，口感幼滑🥗 火炙尼斯吞拿魚沙律粉嫩吞拿魚外層微微火炙帶有焦香，保持住吞拿魚肉嫩口，食落去有半生熟兩重口感好特別。有沙律菜、火箭菜、薯仔片、洽蛋、醃製過嘅橄欖，酸酸咸咸開胃又清新🍕 意式火腿配水牛芝士薄餅Pizza皮薄香脆，用水牛芝士粒配上咸香Pama ham，加埋火箭菜味道好夾，口感清新無油膩，可以一口氣食好多好多 🍝 卡邦尼培根意粉卡邦尼遇上長通粉又係另一種味覺感受，原來長通粉口感較煙韌更加喜歡，煙肉粒帶點咸味剛剛好食物高質同擺盤好有心機，享受充滿藝術色彩嘅晚餐 💕 …Read More

之前經過都好想試既Cafe《EASY JOE》人氣高所以太多人排隊，今次專登訂位同朋友食 🍽 門口位置有落地玻璃高台位，如果日間坐喺度有自然光影相一定超靚，環境走工業風路線牆上有塗鴉，有各種得意玩具做擺設 🤖🥗 蟹肉蜜桃中東米芝麻汁沙律沙律份量超大，日式芝麻汁配上蜜桃味道好夾，沙律菜上有蟹肉絲加入中東米令口感豐富🍕 薯蓉黑松露雜菇薄餅薄餅有好香濃黑松味，係鍾意嘅薄底款餅邊烤得香脆，配上薯蓉、雜菇加埋芝士，非常足料又大份，好好味🍝 明太子櫻花蝦配青瓜絲扁意粉明太子醬汁包住每條幼身扁意粉，每一啖口感都好Creamy，櫻花蝦帶點有咸香味，加入青瓜絲非常清爽，建議先一口意粉，之後再混倉青瓜絲一齊食，味覺二重奏 🍹蝶豆花蜜糖青檸梳打又靚又夢幻嘅蝶豆花，顏色賣相已經超吸引，蜜糖同青檸味啱啱好，炎炎夏日最啱飲，每一啖都透心涼 🍵 特濃宇治抹茶白朱古力奶玻璃樽賣相好有特色，尼支係Easy Joe首創自家人手每日製作飲品，以明治4.3鮮奶沖製而成，配埋日本宇治抹茶粉，倒出嚟已經感覺到好濃厚，抹茶味真好香濃又滑 😌 玻璃樽分量好多，抹茶控必定要試 💕 因為要保持飲品品質，所以尼支只限堂食，不設外賣 每一樣分量都好大又足料，好抵食 👍 本來想食埋特色甜品，今次同朋友已經食到好飽，等下次必定再去食 ❤️…Read More

朋友介紹先知銀城廣場樓上有間西式餐廳，唔係Friday都可以去《Mini Friday》😌 🎶 餐廳燈光浪漫好有情調，有大量卡座好闊落又舒服入座時每一枱會免費提供墨西哥薄脆片，香脆唔會油膩🍕 黑松露啡茹什菌薄餅Pizza餅底好薄，新鮮出爐餅邊烤得好香脆，滿滿芝士配埋大大啡茹非常足料又大份，啖啖黑松露香味 🍝 明太子忌廉帶子長通粉帶子大大粒煎得好香口，保持到內裡好鮮味，明太子忌廉包住每一條長通粉，口感好Creamy，值得推介 💕 🥗 蒜香炒雜菜好香嘅蒜蓉味，雜菜分量好多食埋甜品就夠滿足 💕 記得要預早落單製作需要時間 🍮 梳乎厘Pancake (原味)梳乎厘有濃濃的蛋味夠鬆軟，配有雲呢拿Cream，有雪糕同窩夫好豐富，好好味 …Read More

今日又去上海街618號活化唐樓文青商場行街，經過3樓呢間Lucky Ristorante意大利菜西餐，被餐廳門口吸引住就同朋友入去試試 😌餐廳好有歐陸小鎮感覺，門外和天花放滿精緻乾花做佈置，環境好有氣氛有室內和室外座位可以選擇，外面可以望住旺角街景好舒服，可惜當日天氣有毛毛雨 🌧 唯有等下次 經過門口已經見到透明玻璃，可以望到製作手工Pizza過程，當然要試試特色手工Pizza 🍕 松露鮮野菌薄餅 Pizza每一個都係即叫即做，薄餅底以純手工揉成，用傳統歐洲式薄餅火山石爐烤焗而成，我最鍾意嘅薄底款，餅邊烤得好香脆，滿滿芝士上面有大量香濃黑松露，非常足料又大份，兩個人已經食好滿足，口感味道都好出色，會一件接住一件狂食🍝 煙肉卡邦尼配日式溫泉蛋意大利粉意粉上有半熟流心溫泉蛋，一片片煙肉同蘑菇，每一啖意粉都有溫泉蛋汁包住，口感好Creamy 下次一定要再約朋友 享受下室外唔同既感覺 🥂…Read More

朗豪坊【Tamago EN】一間用日本雞蛋做主題嘅日本料理店內以橙黃色做主題，環境舒服又可愛😍餐牌款式好多，大部分都係用雞蛋為主題好有特色。雞蛋來自日本沖繩，色澤好靚味道又香濃 🍛明太子三文魚忌廉蛋包飯忌廉醬汁好香濃配埋菠菜送飯，食到蛋嘅香滑，每一啖飯都有滿滿醬汁+15麵豉湯同迷你沙律套餐 🥗🍳 終極TKG生雞蛋拌飯將蛋白打成好似棉花糖軟綿綿，蛋白霜上邊放蛋黃，望到已經超可愛 ☁ 好似一嚿白雲，另外有配埋豉油同者飯素，隨自己喜歡加幾多一齊食，雞蛋食到好新鮮，蛋味香濃撈飯真係原汁原味，每一啖飯沾滿蛋汁好香滑，真係超好味，價錢重要超抵 🥚 三文魚親子玉子燒 玉子有非常香嘅蛋味，蛋好滑燒到啱啱好配埋三文魚，味道好夾🥞 Tamago-EN原味梳乎厘班戟入口即融梳乎厘，空氣感重有好香蛋味又鬆軟，有雪白鮮忌廉，食唔停口非常好味 😌 超推介整體全部都好好味 下次必定再食…Read More

經過豉油街見到一間台灣菜，時間早又唔使等位，就立即入去【台食館】試下 QR Code自助落餐好方便，餐牌好豐富都有齊曬台灣好多地道美食🌯 起司玉米蛋餅軟糯蛋餅皮夾住鮮甜嘅粟米，裡面有好香嘅芝士，估唔到香港都有咁正宗嘅台灣蛋餅，超推介🍝 麻醬雞絲拌麵雞絲、木瓜絲拌麵加埋麻醬汁，好好味麵條煙韌又唔會太凍 剛剛好🍜 大腸麵線台灣菜都一會食大腸麵線，大腸好大件煮得夠淋，會配埋支醋畀按照自己需要加，湯底好香濃，麵線又唔會煮得太爛 🍮 白玉肉鬆山冰凍大豆腐上面有好多好多肉鬆，配埋皮蛋好消暑，夏天食清涼好舒服跟餐可以配埋飲品🥤仙草奶茶茶香奶滑可以按照自己喜好少甜少冰 …Read More

唔使飛台灣都可以感受到台灣嘅味道 😌【春水堂】來自台灣嘅台式餐廳，鍾意食台灣美食一直都好想試下，同朋友行都攰想坐低飲杯嘢，之後可以食埋晚飯 🍴環境好寬敞 有卡座玻璃可以望到外邊幾舒服 🍜 麻香烏骨雞麵線湯底用雞骨熬成，有好香麻油同雞味，入口冇味精幾清甜，雞肉又嫩滑🍜 功夫麵肉燥味道好香配有喜歡嘅芽菜，撈勻每一條面都有肉汁，分量不算太多但女仔會就剛剛好🍲 滷香大腸滷水煮得好入味，口感軟嫩Q彈🥤珍珠鐵觀音奶茶🥤 珍珠奶茶+愛玉春水堂奶茶出名好飲，喜歡茶味香濃一定要試，一杯點了奶茶加愛玉，口感似啫哩，珍珠比較細Q彈好彈牙，有三種甜度可以根據自己喜好選擇…Read More

今日行旺角發現上海街商場天台有間靚靚Cafe 🏜 【 蟲二Poachh 】由百年唐樓活化商場頂樓天台全層，室外空中花園周圍有好多植物包圍住 🌵 室內有精美壁畫 裝修非常有心思，環境舒服好適合同朋友慢慢坐Chill下下午時間搵地方坐下食少少野，我同朋友就叫沙律同甜品試一試 😋 🥗 自家製黑啤農夫包配沙律挪威煙熏三文魚 x 薯蓉 x 煎日本蛋自家製黑啤乳酪紅莓農夫包，農夫包外皮香脆，包身好軟熟帶有淡淡紅莓味甜甜地，三文魚砌成一朵花大大塊 🐟 配埋薯蓉同煙熏三文魚一齊食，口感好有層次，沙律用上自製杏脯醬沙律醋，感覺好清新，另外有流心蛋全個好豐富 超推介 - 甜品🥞 伯爵茶麻糬傳統班戟Pancakes有伯爵茶味之餘有煎茶嘅回甘，茶味好香濃，班戟中間有煙韌嘅麻糬，配埋上面焦糖海鹽醬，鹹鹹甜甜超好味 ❤️ 有雲呢拿雪糕同水果，好想再食多一個 🙌上甜品嘅時候，有張小卡仔教你點樣品嚐個Pancakes，我真係有跟住一口一口試 😆🌟 班戟記得要預早落單，因為即時新鮮人手製作，需時20-30分鐘 🍹 柚肉檸檬蜜梳打 (凍)飲到好新鮮柚肉加埋檸檬味，酸酸甜甜好清新解渴☕ 桂花烏龍 (熱)聞到好清香嘅桂花味，隨時間慢慢滲出紅茶嘅味道，好適合女仔暖飲養身，配有茶壺保溫好貼心…Read More

旺角T.O.P This Is Our Place 3樓扶手電梯隔離，次次行過都有人排隊，今次見人不多就試下餐廳用QR Code落單好方便，Menu食物選擇好多，對我有選擇困難症嘅人真係揀咗好耐，每樣都想食…🙊🍲 和牛壽喜燒定食牛肉份量好多食極都有，牛味好濃郁肥瘦啱啱好，日式醬油湯底入邊另有好多料，菜、冬菇、豆腐、菇類，連埋醬汁送飯一流，加埋隻溫泉蛋全個Set好豐富🍛 藍鰭吞拿魚&三文魚刺身茶漬飯刺身好新鮮，藍鯨吞拿魚入口即溶，一次過滿足到想食刺身但又怕食生冷嘢既人，配上陶瓷茶壺的溫熱茶漬，暖暖地嘅鰹魚昆布湯，鰹魚味好清香加飯同刺身一齊食好夾🍵 抹茶拿鐵 又滑又軟綿綿嘅忌廉Cream，下邊有好香濃抹茶味道，好邪惡但超開心 甜品都有好多選擇，因為全個餐都好豐富已經食飽飽，唯有下次再試甜品 💕…Read More