1031yan's Profile

見到優惠平日玩樂區清潔費$11元，平時是$99，訂座前同入座時都問清楚like post 同tag朋友就可以享有優惠，我仲喺佢面前打開社交平台整，但夠鐘離場時問都無問就送上一張原價收費單，差點碌卡才發現。既然做緊promotion，點解員工唔會主動問下「有冇like我哋個社交平台呀？」先至結算？好取巧！ 坐低又無人黎落單，成班員工堆在廚房傾計，我地三大兩細但枱上的餐具係唔夠數，要自己出去拎。大人最低消費係120，但每樣主食都過200所以一啲都唔平，無做優惠唔會黎。至於兒童玩樂區，見到網上照片覺得呢個play house也很大很靚，來到一眼望哂，小朋友都覺得悶。最大問題係間野想賺到盡而提早趕客！一般playhouse cafe每節時間都留15-30分鐘清潔，佢係無嘅。12-15:00一節，15:00即刻開始另一節，今日14:52就叫大家走話清場，離開時見到15:00個批已經排定隊，即係每節都偷客人時間去預備下一場。咁悶嘅場，提早少少走都唔係咩損失，不過真係覺得呢個係作業態度問題，不會再來也不推介。…Read More

lunch揾食發現左呢間有齊我喜愛嘅食物嘅地方，清湯腩同靚餃子。餃子有好多款式架，仲有湯底揀，個人認為湯的比煎的好味，餃子好大隻，可揀6隻或9隻。招牌牛腩河睇落唔大碗，但次次食都好飽，夠哂牛腩送麵，唔會得幾舊，跟湯嘅白蘿蔔仲好淋好甜，最重要係個湯底，真係做到清甜。成日想試貴啲嘅緣份牛腩，但中午時間多數都無，遲下要試埋佢。至於餃和腩以外的食品的確差少少，有改善空間。已經返左去幾次食餃腩喇，價錢都好合理，希望繼續keep 住個水準啦！…Read More

黎之前都知唔平，但見有好多好評，週年紀念食好少少，點知好後悔，用同樣嘅價錢喺好多地方絕對食到好的日本料理。一入到去地方原來係咁細，似居酒屋多啲。餐牌上的海鮮盤要再加錢先係活海鮮，如果唔加係急凍，我地將帶子upgrade左，都唔可以話特別鮮甜大隻，如果係急凍唔敢想像。至於蟹腳更加係無蟹味，完全對唔住我俾嘅價錢。所有食物份量亦都好細，我和老公二人食左1400蚊係唔飽，即刻出去再食過。服務方面也是非常普通，係唔會推介亦唔會返轉頭的餐廳。…Read More

午餐時間黎，唔算多人，點左個午餐同散點燒海鮮，等左好耐先上菜，但所有磯燒海鮮都無鮮味，肉質唔新鮮，鰻魚飯又腥又多骨，燒美國蠔無味，燒鮑魚無味又淋，燒帆立貝都無味，仲漏單。仲食左349，真係無下次!…Read More