浩明's Profile

今日首試這間日式食店，評分十分高，因為是結婚周年，所以都十分期待。正題。首先來個飛驒牛薯餅，香脆熱辣，薯味有但無牛味，係見到牛肉，不過唔會多到食到味。軟殼蟹溫泉蛋沙律，份量十足，軟殼蟹有調味配上蛋液沙律，十分好味。柚子胡椒牛舌，十分驚喜，厚切，夠淋。可以話見到魚已經知回本，夾落仲有肉汁，十分厚身，調味適中。吉列廣島蠔一樣大大隻，炸皮厚度適中，外脆內軟，唔錯。和牛漢堡溫泉蛋定食，和牛漢堡一樣十分厚身，但唔會過熟，牛味夠。最後蘋果雪葩，雪得好冰，但味道可以。今餐真係十分十分滿足，我們縱使細食但都食得八八九九，份量十足，味道幾好，上菜速度剛剛好，而且樣樣都熱度夠，環境清潔，侍應十分有禮，而且細心，見我們叫得多都提我們可以少飯。今餐可以話十分滿意。…Read More

嘉湖銀座新店終於有時間來試下，午市就算成點幾都滿座，睇來都幾受街坊歡迎。費話完畢，正題。午餐選擇唔算多，正正常常。牛油果軟殼蟹手捲，軟殼蟹比較細隻，而且不是即炸，一般。壽司定食點了多飯都係比較少飯，唔知係無多到還是已經多咗，魚生都切得正常厚，但新鮮程度一般，無咩原本食材味道。定食配的烏冬都係一般，海苔比較硬身。芝士年糕是即炸，熱辣辣幾好食。比目魚定食，個比目魚醃製過，蓋過曬個魚味，配白飯係好，但個白飯就完全無飯味冇黏性，怪怪的，唔似用日本米。雞軟骨餃子一樣熱辣辣，唔錯。無錯，又係妹仔大過主人婆，小食做得唔錯，但個主食就好一般，價錢正常，但如果質素可以高點我又唔介意貴點的程度。店員有禮，環境清潔，上菜速度正常，希望食材上可以改進。…Read More

今次母親大人自選餐廳，選了這間屯門的鐵板餐，二人998未計加一。二人計算平民價。坐位唔多，得十個位。相機食先。無得衰的茶碗蒸。廣島蠔煎至少少香脆，配上櫻花蝦和蔥，十分惹味。帆立貝比較熟了點，味道一般。牛柳粒叫了五成，所以有點咬口。黃金炒飯唔錯，粒粒分明，分量足，尾段飽肚一流。黃金炒飯味淡，配上有味雜菜一整食剛剛好。今餐母親節餐十分滿足，整體味道唔錯，分量充足，價格合理，環境乾淨，職員健談，值得再光顧。…Read More

已經三點幾四點，餓到死，諗住冇乜可能食到日式店，點知上openrice找到這間無休的，當然要光顧啦。店員給我們晚飯套餐$158menu，我們兩口子 諗住叫個套餐加小食。加30蚊的磯煮鮑魚，十分入味，易入口。加20蚊的鰻魚飯，比較細碗，但鰻魚香口，唔錯。選秋葵因為另外兩款（香菇，京蔥）麻麻地興趣，不過都燒得唔差。加20蚊的鹽燒牛舌，十分香口肉嫩，必點。套餐後是另點小食，燒鱈魚缸，十分香脆。燒日本雞皮，十分邪惡，但不二之選。燒油甘魚鮫和燒蠔，正常。食到這裏我們兩個都略嫌未飽，所以叫多個套餐。前菜選了冰菜沙律，十分清爽。大阪牛肉飯，入味肉嫩，不過一樣比較細碗。跟餐豬腩和加單牛肉串都唔錯。今餐下午茶十分滿足，可以一餐頂三餐，整體味道唔錯，燒功一流（雖然第二碟秋葵失手），串燒店價錢一向偏貴，但食材唔差，值回票價，有機會可以再光顧。…Read More

今晚專程約朋友來食泰國餐，上openrice尋找最高分的泰國店，相信無死，點知必點之一，冬陰功，唔錯。（雖然我唔係好食辣）蜆夠大隻，仲有魚仔伴碟，味道唔差。正常。肉嫩，燒得唔錯。感覺唔夠嫩，雖然熟成正常。雖然小弟食唔到辣，但都食了兩件。各位，睇到現在都覺無咩問題，但這只是美麗的表面，我們坐在最近廚房的座位，全程熱到趴街，頭頂兩部冷氣只開一部:(，加風扇都冇用，坐唔夠一陣就俾小小強襲擊，最後這個蟹煲等了大半個鐘才上菜（貴店仲要有限時兩個鐘）（當然我們為了等蟹煲，被吹走，又吹單，我們都超時），結帳離開仲要感覺室外仲涼點。…Read More

今晚朋友聚餐，無食泰國菜，反而食潮州野，不過潮州菜是耐唔耐想食的。廢話少說去相。胡椒豬肚湯正常，夠胡椒味，豬肚一般。鹵水鵝片必點的，唔差，反而個豆腐又幾好食喎。香脆蠔烙十分好食，蠔夠大隻，炸得唔錯，蠔仔十分新鮮。炸大腸夠肥，唔靭。椒鹽九肚魚，正常。正常啦，無咩評分。糖醋麵比較麻麻，主要是個麵唔夠香脆。整體食物正常，炸物是唔錯的，價格正常，環境比較舊式，周圍都有唔少物品，尤其飲品會放在腳踏到的地方。…Read More

唔好諗多咗，小弟來到葵涌廣場原本是食下炸魚柳薯條，飲杯野就走，點知隔離店的哥哥仔一輪嘴係咁講，又話咩韓國最新，又話咩新方法令外脆內軟，又話。。。我識條鐵咩，我一句回應外賣回家得唔得，哥哥仔話個幾兩個鐘都無問題。好！就憑這句我決定食飽轉頭來買，哥哥仔仲叫我留肚，心諗，您有幾大件呀。。。以上兩件都是我第二日專登再出葵芳買回家孝敬老婆的，前一日是點了榛子朱古力，回家獨食完發覺真·好食，所以第二日翻頭再點其他款。外賣回家都成個鐘，脆就一定唔會好脆，但的確無淋到，香口又帶點煙韌（有選焦糖會脆點），甜度適中，有種食唔停口的感覺。三十幾蚊，雖然份量偏細，但質量補足，有緣要即食一次，相信會更好食。…Read More

今日難得來到黃埔，便來一試這間幾出名的拉麵店。未開店已到，可以睇定食咩，不過一個人食就試基本野先。點餐紙有幾款選擇（ 最重要有得揀），麵類，硬度，走蔥走辣，另有加料。特上原味豬骨拉麵，賣相唔錯，湯底濃厚，叉燒幾好夠嫩，麵質適中。以為是什麼，其實同波子汽水差唔多。一樣冇得輸的炸軟殼蟹，新鮮即炸夠香脆。價格正常，因為一開店即入，唔駛排（轉眼已座滿），服務一讚，細心詳盡，環境正常，可能是頭輪，上菜速度算中上，今日試食十分滿意，希望有緣下次再來。…Read More

今日來到搵食，選擇無想像咁多，所以食日本野頂一頂癮。前菜正常。牛舌份量夠多，夠嫩，湯底唔錯夠濃厚，不過d蔥同菜有點格格不入（配菜就算）雞心，個人十分喜歡的食物，燒得唔錯。黃花魚定食，睇落唔錯，但一食先知得半邊（有點被騙的感覺），不過一樣燒得幾好。雞皮，老婆選，無得輸，夠脆夠香，唔怕咪叫。天水圍這兩隻鳥（千葉鳥、天鳥），兩間都食過了，一樣唔錯的，中上水準，價錢合理，份量足，上菜速度正常，服務ok，是天水圍日食之選。…Read More

山旯旮，只是個名已經有吸引力，話明山旯旮，當然有一定距離，但不減光顧的慾望，預早book枱，平日滿場，仲要是推介店。去片。雖然是和牛粒，但口感是普通牛柳粒，有點失望，但味道唔錯。泰式併盤的蝦餅唔錯，串燒野味，其他正常。墨魚咀十分大粒，如果炸漿可以調點味會更好。飲品正常。十分脆皮，肉嫩，味道唔錯，夠大隻，必食。整體唔錯，份量多，上菜快，中價，侍應有禮，適合朋友聚餐，但有唔少進步空間。食品種類唔少，可以再光顧。…Read More

也都一段時間無外出食餐了＞＜，今次想食一食 懷舊西餐，搜尋到了這一間比較高級的。正題。侍應推介生蠔新鮮，叫了半打，夠肥的，淡海水，的確唔差。小弟必食之一，焗田螺，正常（越來越少地方有得食了）。十分有菇味，幾好。老婆的海鮮白湯，轉酥皮要加50蚊服務十分細緻，先是薄荷啫喱，之後是焗薯的蔥、煙肉、忌廉的選擇，再加上芥末，羊架十分嫩滑，配薄荷啫喱十分夾。魚扒正常。老婆一直猴住的甜品，火炎雪山，表演一番後，先食面頭的cream，中間有雪糕和雜果，底層有蛋糕（建議不好食，因為索滿火酒)。中上價，服務好，食物是順序一份一份上，想感受舊式西餐的好地方。…Read More

疫情關係，實在無咩出街食飯，所以外賣回家是食美食的好選擇。今次是半隻海南雞同豬手，因為外餸推介而來，所以有所期待。份量十足，賣相正常。少量啫喱，肉質少粉嫩滑，去晒骨安心食，睇得出十分有心機整豬手十分出色，鹵水味十足，十分淋，皮脂口感好正好有骨膠原感覺。 兩款食物配上醬料有另一番野味。今次感覺良好，但美中不足有兩處，海南雞味略嫌不足偏淡，第二是很多斬雞的地方都有的問題，雞翼斜斬起角，其實以前斬雞都是斬關節位，不明近代的師傅都貪快，手起刀落，仲要斜斬，自己食一次自己斬的雞便清楚問題。…Read More

今次試食第二間漢堡店，配合不可堂食，選擇外賣漢堡是一個好選擇。提一提大家，今次食評是兩次光顧合成的。第一次試食是黑松露牛肉漢堡加細薯角（香蒜粉），完全冇黑松露味，薯角因為外賣而焗淋，見意有氣炸鍋的朋友可以先氣炸後再食會好好多。所以第一次感覺一般。不過因為手打牛肉漢堡，所以漢堡是十分好食而且十分厚身。第二次光顧選了軟殼蟹牛肉芝士漢堡，豐富的口感和味道，而且出奇地夾，份量十足，食唔停口熔岩芝士肉醬熱狗，一樣份量十足，豐富的口感，但可惜主菜的熱狗腸唔夠腸味（雖然脆皮），扣了唔少分。兩次光顧後，總評分算中上，不過有唔少地方要改善。而加分位有:薯角可以揀不同口味的味粉(原味/芝士粉/紫菜粉/香蒜粉/椒鹽粉/香辣粉/蜂蜜芥未籽醬/芝士肉醬/黑松露沙律醬)，whatsapp落單,用料十足同新鮮等。現時疫情嚴峻，而且沒有晚市堂食，這類外賣店是唔錯的選擇。…Read More

有印像上次嚟元朗食漢堡包，最後唔打誤撞幫襯咗第二間店舖，今次終於來到本店一試。今次叫了檸檬魚堡（左）和 黑松露蛋牛角包（右）1+2+3漢堡套餐，小食選了炸薯條和煙肉洋蔥餅，所有食品新鮮即做，製作需時，賣相ok，熱辣香口，檸檬魚堡正常，松露蛋略嫌唔夠松露味，牛角包唔夠牛油香，煙肉洋蔥餅好食過薯條，必食整體價錢合理，主打外賣，堂食得兩個位，而且下午4，5點曬到正，有點辛苦，不過叫外賣或外賣自取還是可以的。…Read More

今日來到荃灣踩場，細佬一早已經定好食咖哩，兩人一早就來到免排隊。十分多的配搭選擇。怕唔食得辣，叫了白咖哩羊（套餐），味道唔錯，唔辣，油酥餅好香，羊肉夠淋。細佬叫的黃咖哩魚（套餐），微辣，唔食得辣都接受到，魚正常。胡椒脆餅脆口，味道一般，零食類。後加的雜菜咖哩角，新鮮熱辣，比較齋，味道還可。下次會叫番黃咖哩，有一點點辣才似咖哩，想挑戰辣可以選擇其他咖哩，套餐咖哩份量會少左，但會多左油酥餅，飯和沙律，要有所取捨。價錢中等，份量一般，服務細心，有機會會再番食咖哩和其他小食。…Read More