choisan's Profile

老實講，呢間嘅奶茶真係飲過最難飲嘅一間，直程好似就咁將好濃嘅普洱茶加奶，完全冇西冷紅茶嘅feel，又苦又澀又嚡，完全唔香滑，作為茶餐廳非常失敗！👎🏻👎🏻👎🏻食物質素方面，佢係OK，尤其炸雞髀、雞扒、豬扒呢類都好食嘅👍🏻。早餐同下午茶比較出色，午餐同晚餐就正常至一般啦。服務態度方面，唔使多講，秉承咗xx牛奶公司同紅T冰室一貫作風：不客氣、不友善如果佢嘅奶茶品質同員工態度方面改進一下，生意一定好好多！…Read More

芫荽牛肉腸粉係即拉腸粉，照計新鮮整應該好好味，點知佢啲牛肉味道完全不似牛肉，超重梳打粉味！🤢🤢🤢仲要非常之鹹🥴🥴🥴！搞到成兜腸粉都好難食🤮🤮🤮。食咗一半已經頂唔順要放棄，從來冇食過咁難食嘅即拉腸粉👎🏻👎🏻👎🏻真心講，出面賣點心嘅店整嘅即拉腸粉好食過佢好多倍，呢間仲要話呢個芫荽牛肉腸粉係佢哋嘅推介，唔明點解佢哋將啲牛肉整到咁難食，啲牛肉已經切到好碎，又硬，口感好差！仲要用勁多梳打粉揦到冇晒肉嘅質感，啲梳打粉味重到滲埋入去腸粉度，搞到連腸粉都係梳打粉味🤮🤮🤮…Read More

有日叫咗個下午茶餐吉列豬扒伴沙律外賣。點知打開見到塊豬扒俾人切咗一大忽！！即刻打電話俾佢地，問係咪搞錯咗？係咪有客食過退返俾佢，但佢再攞出嚟當外賣俾我？！佢堅持話唔係，冇人食過。我問咁點解俾人切走咗一大忽？聽電話個女人話可能係廚師覺得塊豬扒太大，所以要切走一忽！！咁嘅解釋仲離譜！！唔通炸咗隻雞髀出嚟覺得佢大隻又會切走一忽？！未見過囉！其實就咁睇塊豬扒冇咗一忽係比一般細塊d，咁又如何解釋？根本就係狡辯！後來個女人同意退款，不過第日當我去退款嘅時候，佢塊面黑到呢…..…Read More

呢間酒樓用$168焗龍蝦加半隻豉油雞既傳單作招徠, 我地兩人坐低後就點左呢個餐, 但係個態度麻麻既部長話一定要點多一個餸 (但我地得兩人可能食唔到三個餸!) 佢話係規定! 好...咁我地就叫左條魚清蒸, 諗住d雞可以打包跟住睇清楚張傳單, 同埋酒樓內既餐牌, 發現都冇寫明要叫多一個餸 先黎碟雞 - 份量好少, 肯定冇半隻, 不過味道正常, 加上有d肚餓, 照要冇出聲 (都知依家好多酒樓係咁, 偷工減料!)再黎龍蝦 - 份量更少, 搵勻晒得四小粒肉, 比細蝦球仲要細! 其餘全部都係殼, 係"全部" - 連蝦頭都係得個外殼 相信係俾人攞左去做第樣餸既材料或餚湯! 呢個餸真係好離譜, 而且傳單上寫明約一斤, 於是叫個部長表達下意見.....點知佢用惡劣既態度話：呢度係一斤架喇, 波士頓龍蝦係咁架, 得四舊肉架咋~ (但係依家係四"小"粒?!) 一隻波士頓龍蝦係得咁多肉 (咁點解會有咁多殼??)......$168有龍蝦有雞, 你想點呀已經一肚火, 原本有d肚餓都搞到食唔落。但係估唔到.....蒸海班仔 - size正常, 但一擺低, 個待應就想整散d肉淋豉油, 我話唔駛, 等我地自己黎, 因我都聽聞過有d酒樓會預先"偷"走魚腩, 然後上菜時假意幫客人淋豉油, 乘機整散d肉掩飾。結果我真係發現魚腩明顯冇左一忽 (呈長方體, 切口整齊) , 於是即時叫另一個部長 (之前果個已經不肯再過黎招呼我地)估唔到呢個部長都係用惡劣既態度狡辯：冇攞走魚腩, 果個位係內臟黎架 (內臟响內腔, 唔係出面, 依家外面冇左忽肉) 呢個位唔係魚腩, 係pat pat (!!!!!!!!! 唔係丫嘛, 係個肚位叫pat pat 就算係都唔應該冇左??) 條魚新鮮先係咁~ 蒸熟左咪爆開.....分開左囉()佢兜到自己都唔知自己响度講咩, 真係不知所謂! 我堅持唔要呢條冇左一忽既魚, 佢開頭唔肯, 仲要我地叫過另一樣餸先可以換真係令人髮指, 咁樣既酒樓加上咁既部長, 簡直中環區既污點!!幾經理論, 最後佢終於向事實、 道理、公義低頭, 攞走條魚又唔再逼我地叫另一樣餸。…Read More