ssssssssssssssssiu's Profile

今日黎到尖沙咀呢間的沾麵專門店，點左一碗特製赤蝦沾麵同海膽沾麵。沾麵的湯係同石頭煱裝住的，所以黎到我地面前仲係熱熱的。我覺得赤蝦沾麵的味道都唔錯，涼涼又爽口的沾麵加上熱熱的濃湯，味道好好，再加上濃湯理面的精華-肥豬肉，咬塊肥豬肉的時候，佢的油再加上濃湯的味道簡直係又好味又邪惡呀！就連平日唔食肥肉的我忍唔住食哂佢。但對於細食的我黎講，份量太多，可以兩人食一碗。由於沾麵係新野整的關係，所以一般都要等15-20分鐘，入坐的時間就係75分鐘。店內都有圖示教你點食沾麵，好貼心呀！唯一店內的空間細坐得唔太舒適！…Read More

樂華村係一個舊屋村，大多數都係年長的公公婆婆居住，所以村裡面有的食店都比較少。難得，係呢度都搵到有水準的茶餐廳，泰華係樂華村開業多年，多數都係做街坊同附近的學校生意今日我點左個清湯公仔麵做早餐，另外配上太陽蛋同牛油方包，加上一杯凍鴛鴦。佢的公仔麵唔會煮得太淋，有咬口，加上太陽蛋一齊食就更好。另外，凍鴛鴦 好夠味道，咖啡同奶茶的比例岩岩好，又唔會太甜。近排餐廳仲要裝修左，同隔離的粥店打通左，可以一次過食到粥品同港式茶餐。…Read More

Lady M 出名千層蛋榚，當然要試一試啦！近排推出左一種新的口味，係開心果千層蛋糕，一聽到就好想去試啦！今次，我點左兩個蛋糕，一個淨係開心果千層蛋糕，另外一個係伯爵茶千層蛋糕，兩張蛋糕之前，都獲得好評的。首先，我試咗開心果千層蛋糕，lady M 的千層蛋榚出名令層皮都好薄，而上面的cream 就好滑，食多少少都唔會膩。今日一試，果然名不虛傳，淡淡的開心果味加上千層蛋榚，口感很好。然後，我再試伯爵茶千層蛋糕，伯爵茶嘅味道滲入我嘅口腔，香滑的蛋糕，令我食唔停口。加埋店內的裝修，係一個好好的打卡聖地。…Read More

喺坑口新開咗一間專賣牛角酥嘅專門店，平日好多人慕名而來，每次經過都有一大班人排隊，我諗真系有咁好食值得排咁耐隊？今日經過聞到牛角酥香氣，忍唔住買黎食。而家做緊買五送一嘅優惠，所以我都買咗幾個試吓，外表已經好吸引，好想每個都試吓。結果我買咗幾個甜的。我試左雪花檸檬，佢的味道酸酸甜甜的，加上香脆嘅牛角酥，好開胃，若然加上一杯熱茶就好啦。值得一試！…Read More

我從來冇食過芝士火鍋，因為我覺得要食，就一定要食正宗的芝士火鍋。偶然的機會下，聽聞瑞士餐廳可以試到正宗的瑞士菜，所以滿心期待的去試。去到原來要先book 位，好彩果個時段仲有一個位，所以等左一陣就有得入。我叫左無酒精系列，波菜芝士火鍋配雞肉法包。個火鍋係用細火微微溫住芝士，一上菜已經聞到濃烈的芝士味，除左雞肉同法包，佢仲配上左一碟蔬菜同黎點芝士的。有濃濃的芝士味，但味道偏咸，不過配上淡味的蔬菜味道不錯，唯獨芝士冇滑溜的口感。加上芝士易滯，食左一半就唔想再食。如果人多可以一試。…Read More