紅豆綠豆's Profile

同班同事打完羽毛球，因為成班女仔睇左今期TVB週刊介紹，加上我食過話好正，於是帶佢地來近排常食的冰冰甜品....來到又有記者在影相採訪，真係唔明點解在呢區都咁多記者留意都幾爆場，不過好彩唔使等位....冰冰menu唔同左，多左豆腐、荔枝等....不過我都係想食朱古力冰，呢度d冰唔會似d雪花冰咁奶粉味重，味道超濃！同埋d小丸子真係好好煙韌！阿珊食雜誌講的草莓冰，佢話草莓重得無話可說，唔使一陣就食晒，大家見個冰大到有7,8寸高，都笑佢厲害:)…Read More

今日睇到某報章專題介紹，就同屋企人走去試一試，特別係為左食榴槤。唔知係咪上完報紙關係，沒想到新蒲崗區十一點多都坐得滿！坐下來發現原來除左甜品，連芝士撈麵、吐司、蚵仔麵線等好多食品都有，枱枱食的都各有不同~不過記得報紙好似話個老闆來自飲食世家，可能係呢個原因吧...唔理咁多，今次正題當然係甜品啦，我地食左榴槤木糠布甸、pancake同雪葩冰，阿爸話要食埋魷魚鬚、蚵仔麵...呢度d榴槤好香，好適中，熟得來又唔會淋得滯，我好鍾意那個似酒店食那種pancake，個皮超得，好重蛋香同煙韌；木糠同澳門食那些真係好似，好滑又唔濕，d伙計拿過來仲話有硬同軟2種食法，我都唔知今次係咪算軟食；個榴槤雪葩冰更加係無得彈，點解咁冰都仲可以咁重味道，同埋唔會好似刨冰咁大大粒好難咬！其他小食都幾好，所有食物都掃得晒。…Read More

以前成日來這裡食tea，因為好抵！今次打電話問夜晚價錢，佢話預早訂有折，計埋加一$26X，好開心咁話兩位唔該！來到發現壽司刺身算多同靚，長腳蟹簡直一流又添得好密！甜品都夠款兼靚雪糕任食，基本上我地剩係集中食呢幾樣。特別一提好少自助餐會用比目魚做熱盆，可能我本身好鍾意呢隻魚，真係覺得好正同喜出望外！不過唔知係咪次次都用這種魚呢:)…Read More

因為好少到呢頭活動，所以第一次試呢間甜品舖，和老婆點了幾款大路甜品食。豆腐布甸幾好，雖然少了份忌廉味，不過自小食開豆腐花的我感覺味道有感情，而質感改變成小小"彈彈下"咁幾得意丫。::)楊枝甘露以原味足料來做賣點，芒果同西米質素一般，不過要讚的是柚肉夠多同新鮮:)芝麻糊就真係唔係好得喇，米漿太重，只有甜味，芝麻比例好淡，本以為傳統店呢方面會幾好。:(但到出櫃檯結賬時，看到廚房整腐竹糖水就咁"座熱"攪下攪下，而唔係用爐煮，加埋d熱糖水唔加蓋，水份蒸發到盆邊"一撻撻"，就對呢度印象大減了…Read More

自己同朋友會食另一間比較多~不過，一個潮州極頑固的阿婆，明明唔鍾意出街食，但係偏偏令呢度成為一家人做節的指定飯堂！！食物選擇好大路，無乜新花款，不過味道好濃、好正宗。推介食品有香葉雞、冬蔭公湯、蝦餅(足料)、菠蘿飯、芒果糯米飯....仲有呢度多熟客街坊生意，招呼好好，老闆娘好熱情。見到咁多食評，明白有好多人月同祖母一樣咁欣賞:)…Read More

時常來這裡吃飯，因為幾抵食，又夠地道！老婆唔係潮州子孫，不過食過之後都鍾意。:)每次有幾樣都必叫1.炒薄殼(細細粒貝殼生物，唔係好多人識，不過超海鮮味！)2.蠔仔肉碎粥，整得入味又夠住家feel。3.水瓜烙，又係唔多年青人識，即是蠔餅瓜肉版，香口又清新。有時多人就食下沙茶牛肉芥蘭、九肚魚、咸雞....一人一百蚊都唔使就飽住走…Read More