AmyLui804's Profile

旺角山東街KFC職員服務勁差，冇禮貌不特止， 仲求其兼敷衍客人， 每次去到都一肚氣， 我發誓以後唔去！ 話說今日去到買餐， 前面一個客要scan 優惠QR code， scan左好多次都唔得，收銀一味叫客人scan唔到就快d比錢啦！ 客人問點解用唔到， 收銀話scan唔到即係用唔到囉， 直到經理出現， 先解釋用左yuu就用唔到QR code優惠。。。。 吓！ 係真唔係呀！下個客要無糖可樂， 收銀好粗魯咁話無呀， 要佢飲普通可樂， 客人想要無糖飲品， 問有咩揀， 收銀答奶茶檸茶， 頂！ 咩料呀！！到我啦,，我最簡單， 一個茶餐加奶茶堂食，好快搞掂， 一個人拎住個餐搵位， 點知全場都無按隔板， 雖然有隔板個扣位，但 就係無安放隔板， 當時每張4人枱都坐咗一個人，吧枱都間住間住有人坐， 個個都三九唔識七， 係每日都仲過萬宗新冠確診嘅時候， 想堂食都咁難，我返櫃枱問職員可唔可以加返隔板， 收銀答「我地一路都係咁架, 好耐啦！」 即係咩意思？你地店一直都係咁做，所以客人唔慣就唔好黎？直至經理又出黎（經理真辛苦，有班咁廢既下屬） 同我講「而家可以4人一枱嘛，所以無隔板啦。」我話唔識既人坐埋一枱係唔係應該加隔板呢？ 經理都唔做野， 我唯有改外賣拎走， 結果行出馬路邊快快食完， 點解香港人咁慘㗎？！ 點解呢間KFC咁垃圾仲可以做到今時今日？係咁多，聽日打去投訴！…Read More

煎饟三寶吾掂，不過一蚊件冇野好期望，但麵完全吾合格，panda嗌左個餐蛋米同回鍋肉麵，餐蛋米啲湯粉就咁落水，連攪都吾攪，上面完全冇味，下面鹹到死，回鍋肉得竹筍冇肉咁齌，個湯直程就滾水開，成碗野淡到死，吾知自己食緊乜，話係出前一丁，都吾好話係咪丁，食落福字麵仲好食過佢，已經分左湯，但佢好似食糊仔咁，一碗仲要30蚊，兩碗都mark左分湯，但佢就分一碗吾分一碗，好心一係分，一係就兩碗都分左佢啦！就比人當左次水魚一定冇下次…Read More