natfoodiary_'s Profile

最愛韓式炸雞店之一，亦都係焗雞控gathering必去餐廳🍗🤣 熱辣辣嘅天氣，坐低第一件事嗌杯【蜜糖西柚紅茶】 同 【Highball】降降溫先🥵【甜辣 + 蜜糖蒜香烤雞🐔】HK$248比起食炸雞，烤雞健康得多，罪惡感無咁重😈 一上菜出晒煙，堅係即中即整👍🏻 雞肉好香口好嫩滑，咬落去肉汁湧出嚟💦 話就話係甜辣，其實唔辣㗎只係甜甜地🤭，調味啱啱好，食完更開胃🤤 蜜蜂蒜香都好食🧄，同樣都係外脆內軟而且充滿肉汁，仲有蒜香片可以增加口感！仲會提供手套好貼心，加分🧤【韓式香辣海鮮湯🦐🌶️】HK178韓式香辣湯加入青口、大蝦、魷魚等海鮮同蔬菜等食材，十分足料食極都仲有🤫 帶有少少辣味之餘又有海鮮鮮味，令你味蕾逐漸升溫！【地中海檸檬沙律🥗】HK$128用上新鮮蔬菜、西柚、橙、蝦、葡萄乾、杏仁等配搭檸檬醬，好refreshing🌱 而且食落相當解膩，同炸雞係完全嘅配搭！啱晒熱辣辣嘅天氣食🥵…Read More

將軍澳海旁越嚟越多新餐廳🎉近日試咗間主打簡約而悠閒嘅法式西餐廳 —— Le Marché Steak & Frites 🍴 團隊嚟自法國餐廳及高級西式扒房，仲邀請咗喺前洲際酒店同尖沙咀1881公館嘅廚師擔任顧問添👨🏻‍🍳前菜【生牛肉他他🐮 HK$138】牛肉口感嫩滑，軟嫩無渣，甜爽嘅洋葱分布平均，調味恰到好處，配上脆口多士食就最好啦！餐湯【鮮龍蝦湯🦞 HK$98】 真材實料，入面有啖啖龍蝦肉，湯頭質感濃稠，啖啖充滿鮮味👍🏻餐廳只提供4款主菜，每款都係大廚精心泡製～ 我哋最愛【原隻招牌鐵板烤雞🐔 HK$338/隻】用上法式鐵盤上菜加上旁邊嘅菜蔬，非常壯觀同吸睛😍 經燒烤後雞皮變得香香脆脆，雞肉多汁滑溜，相當滋味，真係睇得又食得📸 食肉獸必試【炭燒安格斯黑牛肉眼扒🥩 HK$298/10oz】！上菜時已經聞到陣陣炭香味，肉眼肉味香濃、鮮嫩多汁，加上自家製荷蘭蛋黃醬好match啵～ 每日限量發售嘅【波士頓龍蝦🦞 HK$398】都不俗！有3種食法可選，包括燒烤/芝士同牛油～ 龍蝦肉爽嫩彈牙，加上芝士好惹味呀。不得不提係每款主菜都有無限量幼薯條供應，熱辣辣香脆十足，啱晒薯條控嘅朋友仔🍟 最後當然要食埋甜品先圓滿啦🍮 大廚推薦【爺爺西班牙油條配提拉米蘇】同【嫲嫲芝士蛋糕🍰】。前者一試即上癮，Tiramisu嘅苦味調和西班牙油條嘅油膩感，估唔到原來可以咁夾😋…Read More

近期試過最高質晚市omekase($1680)🍣🍶，加$500配埋sake pairing簡直係雙重享受✨餐前小菜有雞泡魚干，烘至金黃色香脆可口，配酒一流😏 先嚟5款刺身，包括有海藁燒鰹魚、肝醬鮑魚刺身等，個人覺得自家製海膽醬拌北海道牡丹蝦刺身最正，蝦身口感彈牙，膠質重夠黏口，加上帶淡淡酒香嘅海膽醬係絕配😆食完刺身就到廚師料理👨🏻‍🍳，推薦天婦羅白子🤩 刺身白子就食得多啦，天婦羅大家又食過未😛 外脆內軟，好滑溜，加上中間嘅紫蘇葉多咗份香氣～ 之後就到最喜愛嘅壽司啦！有雙層日本海膽壽司、香箱蟹壽司、富山白蝦壽司、秋刀魚壽司同埋醬油筋子壽司等總共有8件🍣 最愛香箱蟹，以蟹肉蟹膏同蟹子合成，有齊軟滑同彈牙口感，真係好滿足🤤——————————————————酒鬼要注意啦，呢個sake pairing 可以配7款清酒，第1款【森嶋 美山錦 65%】帶淡淡嘅苦澀味同清爽嘅後勁，配上食前菜同刺身非常合襯〜第2款【江戶開城 純米吟釀原酒】以稀有酒米「愛山」釀造而成，入口帶有陣陣花果香氣，幾refreshing㗎，同樣配上刺身不錯喔〜第3款【花陽浴 八反錦 純米大吟釀】帶有梨同完熟菠蘿嘅香味；第4款【磯自慢 純米吟醸 山田錦】，兩款都係第一次試，呢兩款酒配搭別出心裁，與食物淡濃而變化，恰到好處～第5款【寫樂 純米吟釀 火入】來自日本福島縣嘅人氣清酒品牌，有豐富的花果香氣，而且餘韻悠長，完好帶出食材鮮味，相當不錯。Sake Pairing以【玉旭 SILVER 純米吟釀】及【榮光富士】作結，整體用餐體驗增色不少，性價比相當高，絕對真心推薦👏🏻…Read More

又有新餐廳進駐K11 MUSEA✨今次係強勢回歸嘅 @cobohousehk😇 全新餐廳完美地將藝術🎨與美食🥂融合，而且坐擁180度無死角維港景色😍，邊欣賞邊嘆美酒簡直係人生樂事🥰 餐廳兩位大廚 @chef_devh 及 @chef_raychoi 均極具經驗👍🏻，更為新餐廳打造全新Unspoken Menu──餐刀與湯匙系列👉🏻 每個章節以單一食材作為主題，各位可選六道菜或八道菜，而且玩法新鮮，每份菜單只會供應六個星期，實行玩轉你味蕾😋.首個菜單嘅開胃菜係Chef Ray心機力作，日本鯛魚刺身以昆布醃製，配上以車厘茄秘製醬汁，再加酸味獨特的指橙和日本酸薑作為點綴，係再適合不過嘅開胃菜😇 另一道令人讚不絕口嘅係Chef Devon及Chef Ray傾力之作— 奶油北海道厚岸拌希靈魚籽及三文魚籽 👏🏻 入口層次十足且充滿活力，味道濃郁同時不失鮮味👍🏻 甜品以時令的山梨縣白桃甜點作結🍑 用上新鮮白桃、白米味泡芙配上紫蘇雪糕，酸甜解膩✨…Read More

@honbo.hk 被列入「全球最佳漢堡2020」42間嘅其中一間🌟，亦都係香港唯一一個代表🇭🇰 亦都係國際旅遊網Big 7 Travel發佈嘅「亞洲50間最佳漢堡包店」中排13🌟【Honbo 2.0🍔】HKD160必試Honbo2.0🥰 有4塊2oz牛肉🐮、三層芝士🧀、洋蔥🧅同青瓜🥒，好足料好豐富！牛肉非常juicy，牛味香濃，肉汁多到一咬湧晒出嚟💦 唔想食得咁飽咁濟嘅，可以試Double Cheese Burger🍔 🧀 (HKD148)，有兩塊2oz牛肉、芝士🧀、椰菜、洋蔥🧅同絲瓜，同樣豐富，無Honbo咁油膩！…Read More

深水埗3月新開養生館🌱 非常時期真係要食得健康啲養生啲比較好🦠 將雞同豬肉熬過夜，加入藥材或者糯米酒等熬成唔同嘅養生湯底～.【醉雞配藥膳湯底米線🍜】HKD58醉雞雞肉嫩滑，酒味香濃，浸得入味👍🏻，鍾意醉雞嘅你唔好錯過😋 藥膳湯底就一般啦，味道太淡無乜藥材味，濃啲會更好，米線普通貨色。【口水豬手配足料濃湯雞飯🌶】HKD58口水雞醬料調製不錯，用上花椒、八角、蒜等多款材料，集麻辣於一身。豬手大大件，爽口彈牙，充滿骨膠原，係女士們嘅恩物呀☺️【醉牛舌👅】HKD48推薦✨ 一上菜已經聞到好濃烈嘅酒香味🤤牛舌厚身有咬口，浸得入味，值得一試！…Read More

隱藏於傢俬店內嘅文青cafe💛【明太子忌廉意粉配烤烏魚籽🍝】HKD168保證每啖食到粒粒嘅明太子😋，咸咸地辣辣地🌶，口感就好似蟹籽咁。好少係cafe食到落得重手之餘，味道又唔差嘅明太子意粉🍝。【煎肉眼扒配日式青蔥牛肉汁🥩】HKD198食落軟腍，配上甜甜地嘅牛肉汁，同加重香味嘅青蔥，配搭完美👍🏻。如果肉眼扒🥩可以生少少，內裡呈粉紅色會更好。【炸單骨雞翼配日本芥末蛋黃醬🍗】HKD78雞翼🐥係唔少人嘅最好，亦係好多時去cafe🍴經常會嗌嘅小食。炸雞翼通常都冇得輸，當然加左芥末蛋黃醬🥡嗰陣甜甜地嘅味道就更出色。…Read More

【泰北肉碎生菜包🐷】 HKD118先嚟個地道小食！豬肉碎🐷唔會太鞋，同平時食開嘅分別就係香料🎍落得比較重手，特別係酸味都頗重。假如唔連埋生菜🥬食，咸嘅程度未必人人接受到。【招牌泰式和牛濃湯河】 HKD138接住落黎係招牌和牛湯河🐮，一如既往都係有和牛、牛腩、丸同泰式豬皮。和牛同牛腩又淋又索汁💦，唔似某啲聲稱和牛，但質素參差鞋颯颯。而湯底帶有微微椰汁香🥥，整體黎講偏甜偏濃。【泰式炒闊河粉(雞)】 HKD128到雞肉炒河粉🐔，同係泰國🇹🇭食到嘅有得揮，係我超迷同推薦嘅餸😍 雞肉嫩口又多蛋花🥚，加上獨特嘅汁炒出黎嘅河粉甜甜地，寧舍香👍🏻，而且炒得乾身夠火喉。.同樣推薦嘅緊係唔少得幼滑嘅泰式奶茶，奶味🥛茶味☕️一樣重，唔會其中一方蓋過另一隻味。…Read More

呢間招牌菜式係三色井，好可惜當日售罄試唔到🥺 唯有試住其他先啦！.【火炙魚生飯🐠】HKD138有三文魚、吞拿魚、帶子、左口魚、三文魚子、穴子，同大蝦，好豐富呀👅 最出色嘅係左口魚，油脂豐富🥰，入口即溶、甘香滋味！.【海膽蒸蛋🥚】HKD38普通蒸蛋就食得多，海膽蒸蛋你食過未？蒸蛋軟滑，海膽鮮甜，蒸過後海膽汁同蒸蛋混合，每一啖都有淡淡海膽味🤤，味道幾特別👌🏻 除咗海膽，仲有日式魚蛋、蟹柳同白果，口感豐富。…Read More

餐廳放滿古舊陳設，有舊式電視櫃、收音機、舊式舊式吊燈、木窗花、乾花等，充滿懷舊味道，打卡好地方📸.【烏龍茶香燻雞🐔】HKD80雞肉嫩滑多汁，雞皮微脆唔少地方都食到。但要講到雞肉充斥住濃郁且獨特嘅燻香味🤩，就要黎試！.【酥炸肥腸🐷】HKD68開半嘅肥腸，能夠去除多餘嘅脂肪。肥腸同豆經油炸後落啲椒鹽🧂，香脆惹美。.【麻醬麵🍜】HKD45同預期中有落差嘅麻醬麵🍝，配料有青瓜絲🥒、炸蒜🧄，甜醬同麻醬。甜醬好搶味，相反麻醬應該落重手啲。.【魯肉飯🐷🍚】HKD30同平時食開無異，魯肉香淋，汁醬夠多，特色之處係多左重胡椒粉味…Read More

香港🇭🇰普遍嘅章魚燒🐙都係好厚麵粉，而且入面嘅章魚粒有時細到食唔出。不過呢間嘅章魚燒比較薄身，冇咁厚麵粉👍🏻章魚粒雖然未至於誇張到好似日本🇯🇵咁用原隻章魚，不過size一啲都唔細架，起碼咬落係食得出有彈牙嘅感覺。【雙拼章魚燒🐙】HKD40/8粒佢唔係普通嘅章魚燒咁簡單，勝在滿瀉嘅醬汁，又重黑松露味又creamy😲食每一粒都沾滿曬醬汁，感覺一啲都唔乾，黑松露味香濃👍🏻 蟹膏味都唔差㗎，醬汁份量同樣多，蟹膏味香濃🤩…Read More

位於銅鑼灣登龍街嘅丼飯專門店🏮【三つの国雲丹丼🍱】HKD298海膽迷必試😈 賣相100分💯，見到都流晒口水🤤 用上原板韓國海膽、日本海膽、加拿大海膽，份量都多㗎一啲都唔孤寒😆日本海膽濃郁甘甜，加拿大海膽肥美嫩滑，韓國海膽鮮甜無比，一次過滿足三個願望🤤 美中不足係白飯偏硬身🍚【四菱海鮮丼🍱】HKD198呢個丼有齊大家喜愛嘅海膽及刺身，令人難以拒絕🤩 海膽用上加拿大海膽，口感夠黏稠；刺身則挑選咗港人熱愛嘅三文魚、赤蝦及真鯛，三文魚肥美不在話下，值得一提嘅係真調，入口味道淡雅，味道吾會太濃不會喧賓奪主，但又不失其鮮味，正👍🏻…Read More

【黑糖波波鮮奶🐮】HKD30日日都30幾度🌞，飲杯凍飲降溫就最好不過🧊 呢間主打黑糖珍珠鮮奶🐮，大大粒珍珠咬落煙靭，黑糖味香濃，幾好飲😋 唔鍾意太甜嘅記住嗌少甜啦😉…Read More

認唔認得呢度呢？多港產片都係呢間餐廳取景📽 走入窄巷，加上店內殘舊環境，好有味道～ 呢度最出名係特色炭爐BBQ🍢 ，除咗BBQ仲可以揀打邊爐，兩樣要曬都得🥳.我哋一共試咗8款，有美國肥牛肉($108)、白膳圈($78)、魷魚($68)、牛脷($58)、雞軟骨串($48)、雞腎($38)、扇貝($88時價)同生蠔($68時價)。最值得推介嘅係白膳圈， 燒到皮脆肉嫩，沾少少蜜糖再燒一燒，再落少少椒鹽， 十分惹味！.燒之前記得全部都要先沾滿豉油，熟左之後先再加辣蒜醬🌶或者溝稀左嘅蜜糖🍯，會好食好多😋…Read More

長期爆滿台式養生火鍋‼️係咪真係值得一試呢⁉️·我哋長期都尋覓緊高質嘅火鍋放題😇呢期係眾多選擇中算高價，加埋服務費都過HK$300，但勝在不限時，想食到幾時就幾時。火鍋湯底選擇繁多，以養生🧚🏻及麻辣🌶為主。想試多款嘅可加錢選擇雙拼，我地推薦【藥膳沙茶牛肉涮涮鍋🐮】及【台灣麻辣牛肉涮涮鍋🔥】，可辣可吾辣又夠重口味，爽！-食物方面選擇同樣多不勝數😆 必試嘅包括鴨血、手打牛丸，以及精選牛肉🤓，食物質素的確較其實任食火鍋突出👍🏻 值得一提飲品方面有多款自家樽仔涼茶及冷泡茶🧃，提出汽水之外另一選擇，不錯！…Read More