pigpigsdiary's Profile

唔想去太多人既地方，所以揀呢間係衫鋪入面既餐廳，有點難搵。裝修係雲石花紋，幾有格調。Lunch Set $138起, 有埋前菜/湯(每日唔同), 飲品就要加錢。價錢轉得幾快，見佢個menu今年都轉左兩次🙈✨香煎西班牙紅蝦扁意粉 $138意粉好入味，好濃蕃茄同蝦咸鮮味。餐湯:紅蔔葡火雞肉野菜湯，火雞肉好彈牙。跟餐揀玫瑰花茶+$10，味道清清地既茶包一個。✨帶子石斑魚柳配飯 $148帶子同魚柳煎得好滑，唔會過火。伴碟薯仔好幼滑，配開胃酸豆牛油汁。大蝦蘆薈沙律就有水果，酸酸甜甜。🍓士多啤梨奶昔 $68打卡able，粉紅色milk shake加雪糕，杯邊仲有彩虹糖針，好粉嫩好可愛，一見到真係少女心爆發😍奶昔係用意大利雪糕製作，口感幼滑😋…Read More

小伊甸出名抵食，今日去開觀塘終於可以試到。下午茶時段3點黎到，都幾多人。餐廳係暖色系裝修，感覺舒適。✨All Day Breakfast $46 (下午茶)作為英式早餐控，見到咁平，毫不猶豫揀左佢。$46有咁多料，真係好豐富: 炒雙蛋、煙肉、薯餅、香腸、焗豆、蕃茄、牛油厚多士。煎到熱辣辣，好香脆。最正係呢度台式飲品係賞茶出品，揀左胚芽奶茶，小麥胚芽同奶茶底好夾，但胚芽可以再重味D。除左指定飲品，仲可以加$5-10升級轉其他。平茶餐都可以食飽，再加埋賞茶真係覺得賺哂，咁佛心既餐廳真係要多多支持😆😆…Read More

高氏大廈呢間有幾間Cafe，我覺得雞蛋屋價錢最實惠，疫情下冇之前咁多人，大家多d黎支持下。✨蒲燒鰻魚飯我呢碗好似係鰻魚尾，尚算大舊😆廚師有心機，切左好多雞蛋絲拌飯，令個飯冇咁單調。睇個碗唔係好滿，其實個碗又闊又深，底下超多飯，食完飽到上心口🙈✨日式魚餅湯烏冬湯底清清地，幾好味。有兩塊魚餅、獅子狗，半熟溫泉蛋恰到岩岩好，有少少流心效果。旁邊有些少彩色"蔬菜粒"?? 顏色幾清新。✨燒一口甜薯仔最尾加個燒甜蕃薯做甜品😬可惜食飽左，唔係就叫芋圓或仙草，應該都好食。…Read More

第二次食村爺爺燉湯，因為屋企長期都係煲紅蘿蔔粟米老火湯，想轉口味飲滋補養身燉湯，唯有黎呢度。✨花膠螺片雞煲翅好足料，有半隻雞，食到幾塊花膠同螺片，湯底好濃郁，冬天飲暖身一流。雖然有餐刀切雞，但隻雞真係好熱，拎住用刀切都有難度，如果提供剪刀應該易剪D.✨川芎白芷魚頭湯特登揀呢個湯，川芎白芷行氣活血、祛風驅寒，好岩長頭髮、成日夜晚洗頭既女仔，可以袪頭風。好多年前酒樓都有賣呢個湯，宜加好少有。我呀媽都嫌麻煩唔會煲比我……好彩仲可以黎村爺爺食😌套餐+$10有油菜、白飯、熱飲，細食女仔可以一個餐加、另一個唔加，好易食唔哂🙈…Read More

行完誠品好肚餓，就去連卡佛入面既Sensory Zero，夠近同好易搵。平日2點半黎到，大把位😆望到Menu有個牛角包系列，好多選擇、價錢不貴。✨鰻魚牛角包 $78真身同Menu一樣，賣相好吸引。牛角包餡料大份，要撐大個口先可以原隻塞入口，切開先可以輕鬆食😌牛角包烘到金黃色，好鬆軟。餡料有兩塊又肥美又厚既蒲燒鰻魚，加雙份日本滑蛋，配埋牛油果芥末醬，味道好rich😋✨痴_線朱古力呢個真係好痴線，勁吸引，可以話係招牌。我諗好多人為左佢黎打卡。朱古力奶再灑上朱古力碎，溶埋一齊好香好滑，又有少少黑朱古力既苦澀味，唔會過甜👍海港城黎講，呢度價錢抵食，加上食物真係好味，可以黎食多幾次。不過要留意返，有d食物只係指定時段先有，午市係沒有All Day Breakfast同牛角包系列😅…Read More

Cafe放左好多小盆栽、木裝飾物、枱凳都係木做，入到黎有種悠閒既感覺😌呢個Lunch Set都係$5x-$7x 連飲品。仲有All Day Breakfrast系列，由普通Size $5x到大大份 $9x都有，岩哂英式早餐控😋✨"是旦" $52有法蘭克福腸、滑蛋、薯餅、多士、茄汁焗豆、沙律。薯餅同多士都好脆，個蛋炒得好滑。呢個價錢食到咁多料，夠飽，仲好抵。✨黑松露忌廉野菌闊條麵一擺上枱就聞到好香"菇"味，麵條好煙韌。跟餐飲品有得揀紅棗茶，好健康。呢度週末Lunch Time人多，早少少或者下午茶先黎較好。…Read More

高氏大廈呢度都有幾間Cafe, 揀左4樓呢間 Double Cafe, 嗌左兩個Lunch Set, 用Openrice預訂仲有小食送。見價錢都平，又可以坐好耐，諗住食物質素應該都好頹，冇咩期望，估唔到賣相好正，好驚喜👏👏😚✨煙三文魚烘包 $74個包烘到勁脆，咬落有聲，一咬就碎到落左d包碎黎，食到成枱都有微粒麵包碎😆煙三文魚、生菜、蕃茄拌上醬汁，味道豐富。伴碟仲有沙律、炸薯條，睇落細細兜，其實份量都幾多下，特別係薯條，食極都食唔完咁😋✨卡邦尼意粉 $70唔膩，好多汁，仲有煙肉粒，唔怕食到一半唔夠汁或者冇味。唔加錢的話，跟餐飲品就係幾款水果綠茶/紅茶/梳打。呢個價錢包埋飲品算好啦。下次再試All day breakfast😝…Read More

行經呢間鋪頭被疑似黑糖珍珠香味吸引，好多飲品都改左好funny既名，但買飲品讀出黎有點尷尬🙈🧀法蘭西芝士奶蓋四季春茶 $26$26都好大杯，對比其餘飲品可以話相當抵飲。茶味淡香，溝混芝士奶蓋後甜甜地。叫左少冰，茶味和奶蓋唔會溝淡哂，但已經唔係好飲唔出芝士既咸香味。🍓好馬不吃回頭草莓拿鐵 $29顏色好粉紅，岩打卡，飲落冇咩果肉，有點失望。🍵皇后大道冬瓜茶 $20熱冬瓜茶健康些少，冇咩特別，冇減糖就甜左少少。🍓乳酸士多啤梨四季春茶 $36呢個屬於期間限定，味道清爽解渴，顏色都好繽紛。店員很有禮貌，問到有冇得坐低飲都講返坐入面要比服務費，由於冇客等外賣，唔介意既可以旁邊外賣區坐。…Read More

💜東京食堂小店係一條小巷內、由地鐵站行過去好近。店內好細，雖然門外都有擺枱，但坐唔到好多人，想坐入面就揀非繁忙時間或者等得。Menu選擇唔多，有幾款定食、大板燒、幾款小食同一堆飲品。見好多人揀鰻魚飯，但不想食飯就叫左大板燒同朋友share😬✨大板燒好大個，兩個人食都好夠飽。麵粉同椰菜絲的比例岩岩好，唔會好濟好膩。有D既大板燒會落好多粉，食幾啖就好濟、唔想食。但呢個可以輕鬆食哂👍✨蟹肉忌廉薯餅新鮮炸起，食果陣要小心辣親嘴。外脆內軟，蟹肉同忌廉味道好夾。推薦推薦😋✨明太子雞翼外皮好香脆，而且拆骨雞翼對要保持儀態女仔黎講好方便👏店員好友善，見我地差不多食完仲送了紅豆餅，用甜點結束一餐，十分美滿☺…Read More

✨Rimi Cafe2個女生的午餐，朋友竟然出門前食左個麵先黎，結果兩個人食到勁飽，好彩食得哂🙈Lunch Set最平$79起，仲包一杯烏龍茶/四季春茶系列飲品，或者補差價轉其他飲品，呢度有14類飲品系列任君選擇。-卡邦尼意粉 (Set選擇之一)落左好多碎煙肉，咬落幾煙韌，仲有好多黑椒調味，唔會太膩。我地再係零食menu揀左兩款食物😬-煙三文魚薄餅(10吋)10吋都幾大個，我覺得唔算零食😅呢個好味呀，薄餅烘得脆卜卜，鋪滿咸香煙三文魚。而且三文魚有Omage-3，可以抗發炎，對皮膚有益。-芝士焗風琴薯仔薯仔淋上溶左的芝士，第一啖食到有點酸，之後再食就唔覺酸。薯仔底下仲有芝士焦，又香又脆，不自不覺愈食愈多。😋🍹特飲兩款特飲都好靚😍-紫上談冰❄香芋奶昔配紅豆，忌廉。濃郁香芋味，最底仲有紅豆，有d似飲紅豆冰咁。-藍天白雲☁賣相好清新，舊☁係雲尼拿雪糕，最好一開始就食左佢，唔係溶埋落飲品度就好甜。呢間cafe幾抵食，見仲有好多game玩，但食左好耐，無拎野玩🙈…Read More

尖沙咀美食，鋪頭細細間，所以位就唔多，午飯時間去確定等幾個字。-魯肉飯 (大)肉碎好好味，可以撈哂成碗飯。呢個份量女仔食就夠飽。價錢仲好抵，如果加多幾塊醃黃瓜就好啦。-皮蛋豆腐有點過咸，而且成磚豆腐都幾大件，可以撈白飯或素麵，如果一個人就唔好輕易嘗試。-葱油拌麵 味道ok，不過成碗麵得葱油醬味，食到飽飽地果陣就會覺得dry.-川味紅燒三寶牛肉麵 好大碗，有牛腱、牛筋、牛筋條，湯味好濃郁。-百頁豆腐呢個好味，食完仲想食多兜👍…Read More

今日終於食到Beans，一入餐廳就聞到好香，似乎係spaghetti同pizza味😋💜班尼蛋 黑魚子 煙三文魚呢個蛋的擺盤好似哈哈笑，好歡樂的feel。上面有黑魚子，然後切開個蛋有蛋漿爆出黎，最底係煙三文魚同脆包。半生熟蛋同煙三文魚好正，但包有點硬要大力鋸開。💜是拉差香辣煙燻三文魚意粉雖然話香辣意粉，但只係好微的辣。我平時食麥記脆香雞翼都話辣，但呢個完全冇問題。意粉仲有爽口的菇。💜白桃慕絲 白桃啫哩 雲尼拿蛋糕+$25試自家製蛋糕，細細的一個球，味道似士多啤梨蛋糕。💜皇后大道冬瓜茶、乳酸士多啤梨四季春茶、好馬不吃回頭草莓拿鐵Beans內有間茶飲店叫"我想和你無所事事"，轉飲可以-$8。叫左"熱冬瓜茶"，好似健康少少。"乳酸士多啤梨"同"好馬不吃草"都好飲，感覺係用士多啤梨醬做，沒有食到很多果粒。…Read More

距離晚上的課堂仲有2個半小時空檔，於是用eatigo搵左間cafe可以坐耐少少。第一次eatigo訂位，叫單點食物有50%off，但最低消費1杯飲品。飲品竟然有7頁咁多，連我最中意既芝士奶蓋都有。🍵芝士奶蓋桂花烏龍 $58正價奶蓋夠咸香，可以再厚一點，覺得有點少(太中意芝士奶蓋😰)茶味可以，飲得出有烏龍，但可以再濃一些(可能我太重口味😅)✨芝士白汁煙肉意粉 $58正價(eatigo 4pm 50%off)應該係即時焗的，所以要等一陣，店員特別叫我小心碟邊會好熱。意粉上的芝士焗到有少少焦，意粉汁夠多，所以都夠味，可以撈哂成碟粉。平日下午茶時間冇咩人，好多位揀，但今日天色黑，加上呢度燈光較暗，只係食飯傾計都可以，做功課溫習就唔係好岩。…Read More