tristaykk's Profile

今日同朋友過咗嚟葵芳，諗住唔好咁悶去葵廣掃街，所以上網搵咗呢間近街市食日本野嘅餐廳伊賀便當食物好豐富，包括蒜香牛油燒珍寶蟹棒、蒜香牛油燒帆立貝、粒粒蟹籽加州卷、咖喱飯同埋螺肉。朋友話蟹棒有好豐富嘅牛油香味，一咬落去啲蒜香味出咗嚟。而帆立貝嘅肉質好鮮嫩，煮嘅時候應該微微燒香咗出面外層，所以蒜香同牛油嘅味都好散發到。食完前面呢兩個可能比較膩，食返個加州卷，青瓜清新嘅味道可以中和返前面嘅油膩。螺肉都好新鮮，同咖喱飯一齊食好味。阿久更便當食物有名古屋芝麻雞翼、薩摩流心芝士魚餅、日式圓蔥魚餅、咖喱飯同埋螺肉。雞翼煎到外皮酥脆，咬落去仲keep到入面啲肉汁，加埋芝麻落去口感唔錯。而芝士魚餅口感好柔軟，食到好濃郁嘅芝士味。而圓蔥魚餅冇咁油膩，食落去有好清新嘅香氣，螺肉都好新鮮，加埋咖喱飯真係一個好飽肚嘅餐。三色刺身有三文魚、油甘魚、帆立貝。帆立貝肉質鮮嫩，咬落去好清爽，三文魚嘅色澤都幾靚，食落去都有鮮味，油甘魚都彈牙同埋有甜味，整體刺身都好新鮮，唔怕食完唔舒服。最後見食咗咁多生嘢，於是叫咗個日式蒸蛋同朋友share。個蛋蒸得滑捋捋，食落好有蛋香味。遲啲再嚟葵芳唔使淨係食葵廣嘅嘢食，大家可以發掘下啲新嘢啦。…Read More

前排OpenRice見到一間好有特色嘅餐廳，係食中菜，但裝修唔係普通嘅中式餐廳，所以決定試吓入到去侍應比咗碗蜜糖爆谷比我地，爆谷唔會太過甜，啱啱炸好熱辣辣，好好食，呢個飯前小食可以俾我哋等主菜嚟嘅時候填下個肚先～潮式滷水拼盤（三選）野食方面我哋揀咗滷水鵝肉、慢煮鹽香雞、豬仔髀。嘢食嚟到嘅時候個盤仲會有蠟燭喺下面㷫，所以啲嘢食保持暖笠笠。滷水汁唔會過鹹，肉質同滷水豆腐都嫩滑。店員另外都拎咗蒜蓉白醋同埋辣油俾我哋點，兩個汁都好味。蘭王蛋蠔餅蠔餅入面有好多大大粒嘅蠔仔，食落去鮮甜唔腥，成塊蠔餅煎得好香脆，略嫌炸粉多咗啲啲，所以食落會有啲啲油膩。潮式方魚BB西蘭花呢個一上菜好有驚喜，因為印象中嘅西蘭花都係平時食開細細棵，原來呢個BB西蘭花係好長。味道方面都好清甜，炒得好翠綠，用埋潮州方魚嚟炒帶出咗濃郁嘅味道。凍蜜桃香茅烏龍茶侍應一拎嚟嘅時候以為係支酒嚟，個罐包裝得好靚，呢個烏龍茶飲落去唔會太多茶味，因為蜜桃嘅甜味同茶嘅甘味中和咗，飲落去都好清新。荔枝接骨木梳打甜甜地同好清新🤪…Read More

今次去左金子半之助食天丼，係比較高質既天丼👍🏻 知道餐廳用既係日本特製高級胡麻油，胡麻油製成的天婦羅芳香撲鼻及色澤會較深，我同朋友一人點左一份天丼，再加個野菜天婦羅盛合江戶前天丼（穴子、海老、小柱魷魚天婦羅餅、溫泉蛋、海苔、莢豌豆）穴子即係「星鰻」，同一般油脂肥美既鰻魚相比，穴子星鰻既肉質纖細而且脂肪較少，口感緊實，食起黎都比較健康。鋪頭更用長達30公分的大尾穴子做主角，一上枱已經覺得佢好吸睛啦～另外，魷魚天婦羅都好彈牙爽口！上.天丼（白身魚、海老、小柱魷魚天婦羅餅、溫泉蛋、海苔、莢豌豆）白身魚就肉質比較清甜同彈牙，含有豐富蛋白質及鈣、鉀等礦物👍🏻 加埋溫泉蛋啲口感就濕潤啲～野菜天婦羅盛合入面有南瓜、茄子、香菇等等，好豐富！另外餐廳更有黑豆茶提供，黑豆味甘甘地，亦非常解膩👍🏻…Read More

円相地點雖然唔算好近地鐵站，但個人覺得都幾值得行多幾步腳黎幫襯既日式居酒屋🤪唐揚豆腐外面脆脆地，咬開入面豆腐就好滑👍🏻 仲有好大量既蘿蔔蓉、蔥同木魚絲，令到整體唔覺油膩～柚子胡椒雞軟骨雞軟骨炸得好香口，啲醬唔夠可以再添🤩火炙明太子山藥煎本身黎之前都諗住一定要嗌佢，果然味道不負所望🤩 山藥好爽口，加埋一舊舊既明太子口感勁彈牙，同埋山藥本身都係唔重味，加左明太子之後就好惹味！蒜片牛柳粒牛柳粒好軟淋淋同juicy，蒜片都炸得好好，仲有大量既洋蔥，夾埋一齊好好味！明太子玉子燒玉子燒煎得好好，金黃色又軟熟，仲有明太子既少少辣味🤪日式漬茄子茄子煮得好淋同入曬味👍🏻牛油蒜蓉炒雜菜好香牛油味，又有香菇、白菜、蘿蔔絲，份量仲要好大碟！龜泉- 小夏 柑橘酒好易入口，好開心有得就咁叫細細杯過下口癮🤪柚子梳打見到drinks menu好多酒既選擇，下次再黎既時候要再試下😎…Read More

成日都好想飲肥仔水，但又好驚飲得太多搞到自己好唔健康，所以今日去葵廣決定飲Nuttea🤤 Nuttea啲野飲都係行健康啲嘅路線，咁飲落去都冇咁有罪惡感啦🤣舖頭頂頂都有menu，都真係好多款下，諗飲咩都諗咗一陣牆上面都貼咗啲推薦飲品，如果唔知飲咩，跟舖頭推薦嘅應該都係對選擇困難症嘅人一個好好嘅幫助😂 我朋友就決定飲牛油果堅果奶，我就飲烏龍堅果奶茶～等嘢飲嗰陣仲可以望到其實nuttea一杯嘢飲係點樣嚟，由採摘堅果到沖好一杯嘢飲，都有介紹，舖頭仲用咗啲樽裝起堅果令成件事更加透明， feel到好健康。 牛油果堅果奶 微糖平時食牛油果要自己切開，拎開舊核，再拎匙羹慢慢刮返啲肉出嚟，但今次飲呢杯牛油果堅果奶就慳返好多功夫～ 牛油果好新鮮，飲落去啖啖清新嘅味，質感好細膩濃郁，飲落似係已經熟透嘅牛油果，所以味道淡得嚟清新，好似飲緊yogurt，健康嘅味道～烏龍堅果奶茶 微糖 少冰而呢杯烏龍堅果奶茶，我鍾意嘅又係飲落去唔係好甜，堅果打碎咗之後，每啜一啖都有堅果碎同烏龍茶底嘅奶茶一齊入口，個口感好豐富，但如果想飲水果嘅鮮味，牛油果堅果奶我會更加推薦～…Read More

本身由網店嘅時候已經follow緊，最近開埋實體店，可以坐喺餐廳慢慢嘆個Tea～一入到去餐廳已經覺得裝修好靚，啱晒打卡！有好多唔同種類嘅甜品可以揀，有cake, scone, roll, cookie…仲有野飲🥰招牌松露奶油芝士卷味道好特別，上面個cream係法國優質白松露油溶入特調芝士奶蓋而成，再加埋少少鹹蛋黃碎，creamy之餘又有少少鹹鹹地嘅味道，而芝士卷都係採用湯種麵團低溫長時間發酵，外層焦脆內部鬆軟😋😋香烤日本焙茶牛油鬆餅配焦糖朱古力由於鬆餅有焙茶加入，所以即使有焦糖朱古力，都唔會令人食落口嘅時候覺得太甜，而家呢個配搭啱啱好，有甘甜既味道開心果巴斯克芝士蛋糕呢個cheese cake個賣相好吸引，頂上面有不少香烤開心果仁，再有意大利100%純開心果醬鋪滿係cheese cake上，芝士蛋糕由法國優質忌廉奶油製作，既軟滑，又有果仁既咬口Matcha latte 呢度啲嘢飲係用膠樽盛載，所以即使唔係堂食都可以好好enjoy個飲品，抹茶味好濃郁！Roasted London Fog 香烤伯爵鮮奶茶手工烘烤英國進口伯爵茶，配上4.3日本明治牛乳，更加順滑入口～餐廳除咗裝修得好有格調之外，中間個corner仲有得試食曲奇，我覺得呢個設計幾好，等顧客可以真係試咗鍾意嘅味道先買👍🏻👍🏻…Read More

放題選擇種類好多，薄切牛板腱、牛舌、特級牛頸肉、薄切牛板腱等等都有，另外豬肉、羊肉都有，真係滿足曬食肉獸既需要！青口用蒜蓉調味之後都冇遮蓋左青口嘅鮮味😛蔬菜雜錦有翠玉瓜、茄子、菇類等等，不過最鍾意其實係洋蔥，燒完洋蔥可以夾埋啲肉一齊食🤓雞腿肉好嫩滑，燒完仍然保持到肉汁同埋唔會鞋，無諗過牛肉以外既食物都唔錯👍🏻海鮮煎餅煎得好脆口， 而且海鮮味濃，食落唔會覺得好油膩加$38之後升級左可以叫其他選擇，我哋就再點埋prime雪花肥牛、帆立貝同埋紅炆牛肋骨Prime雪花牛（鹽燒）帆立貝帆立貝好大隻，而且用咗蒜蓉來醃製，味道好出｜招牌紅炆牛肋骨牛肋骨炆到好腍，而且好入味，仲有蘿蔔同紅蘿蔔，索曬啲汁👍🏻鴛鴦嗌咗前菜，鴛鴦即係有菠菜同芽菜，可以令到一路食肉嘅時候食吓啲菜平衡一下另外除咗啤酒之外，仲有最基本嘅汽水可以揀～…Read More

今日夜晚嚟咗尖沙咀一間隱世少少嘅居酒屋嚟食下日本野🤪麻醬牛油果豆腐沙律一開始緊係開開胃先，呢排天氣仲係好熱所以食返啲涼浸浸嘅沙律就最好不過，沙律菜淋上麻醬好開胃，雖然係沙律，不過牛油果同豆腐都大大份😋特大生牡蠣 (1只)生蠔好大隻～ 上到嚟嘅時候keep到凍冰冰去保存個新鮮味道，肉好厚實，仲有檸檬同埋餐廳調嘅汁做調味，新鮮得嚟又唔腥迷之刀 五雕刺身盛合本身呢款刺身有生蝦，不過朋友對生蝦敏感所以餐廳職員都好好幫我地轉咗，我地呢到有吞拿魚、三文魚、海膽、鱸魚、油甘魚，三文魚擺到好似一朵花，全部刺身都有鮮味同埋好足料關東煮拼盤超多蘿蔔😂 好大舊，見到都嚇一嚇🤣 關東煮有好多料好飽肚，除咗蘿蔔仲有竹輪、秋葵、日本蛋、雞肉、豆卜、麻糬福袋，醬汁清甜暖胃巨峰燒酎想享受下酒精嘅味道而又易入口啲，飲呢個巨峰燒酎啱啱好，甜甜地好好飲美女青瓜特飲 (含維他命K)呢杯酒就係一個好清新嘅味道，造型都已經搶晒鏡，有好薄嘅青瓜團住酒杯邊，而酒杯都係好特別，會微微地斜出去而又唔會倒瀉，飲住酒都有維他命吸收到好推薦呀🤪…Read More

平時甚少去北角，上次去到書局街見到好多餐廳，同朋友入左左villa villa食個dinner~當晚簡左季節限定二人套餐，套餐已經包左Starter+steak+entree+desert，都只係$550😯黑松露蘑菇忌廉湯+鵝肝多士忌廉湯味道好濃郁，而且入面既料都好豐富，真係有好多蘑菇👍🏻 至於鵝肝多士都好特別，鵝肝好厚身，但佢香口得黎唔會好油膩，多士亦好鬆軟，本身有啲擔心呢個前菜會唔會搞到好飽，但又無呢個問題🤪蜜糖春雞肉質好嫩滑同埋keep到水份，雞皮充滿蜜糖好惹味！仲有蜜糖芥末醬可以點😋 側邊亦有燒帶子！雙重芝士薄餅∞墨魚汁餅底同朋友簡左煙三文魚做餡料，煙三文魚唔會好鹹，仲要每塊pizza都有一大塊煙三文魚😎 pizza餅底薄薄地，所以即使係雙重芝士都唔會食到好濟，不過整體既份量可以3-4個人share都得🤪法式燉蛋芝士餅平時鍾意食法式燉蛋，但好少食到mix cheese cake, 個口感係實淨啲既法式燉蛋😋士多啤梨雪糕沙冰呢杯沙冰好靚，仲有滿天星裝飾，雪糕係曲奇味，仲有滿滿既士多啤梨果肉👍🏻荔枝玫瑰茶整體份量都好大份好抵食，味道又好味，而且餐廳既staffs都好有禮貌同友善👍🏻…Read More

今次去左觀塘駱駝漆覓食，簡左add some Thai 食下泰菜，餐廳環境都幾舒適，而且職員都好友善同有禮黄咖喱鹹蛋軟殼蟹（三隻）配蒜蓉包一上菜發現有六碟有啲驚訝，無諗過份量咁大！黃咖喱煮得好香，擺盤都好吸引，每一碟都有半隻軟殼蟹同多士，即使黃咖喱味道濃郁，但都無掩蓋到軟殼蟹既味道，而且軟殼蟹炸得唔厚粉，唔會heavy香燒豬腩仔 黄咖哩附送既手抓餅超級大份量，差唔多有7-8塊，不過好surprised係平時出面啲手抓餅油淋淋，呢間係乾身啲無咁濟，個人覺得幾好，咁先可以好好享受到豬腩仔同黃咖喱，豬腩仔燒得剛好仍保留到佢既油份～蒜蓉炒通菜通菜新鮮，炒完之後仍然係爽口，而且蒜香味濃👍🏻曼谷經典手打蝦餅（2件）蝦餅味道一啲都唔假，真係啖啖鮮蝦味，口感彈牙，有沙律醬點，中和番炸粉既油分泰 •椰青椰青果肉好軟熟，啖啖肉之餘，肉汁清甜👍🏻👍🏻荔枝冰外表好靚仲有朵花插住，味道好清新同有荔枝肉食去廁所時發現呢度原來有party room房，問左職員了解下原來入面有得唱k、打牌、玩switch、掟鏢等等，下次如果約一大班朋友可以再黎add some Thai包房玩👍🏻…Read More

早幾日去左荃灣，同朋友去左Ann Mamma Tai kitchen by張秀玲食番個晚飯～泰式炸墨魚餅墨魚餅嘅料加咗香茅，味道比較特別，炸得好金黃靚靚而且墨魚爽口彈牙，配埋個甜酸醬更加開胃炒泰國椰菜苗椰茶苗炒得好有鑊氣，上到枱時熱辣辣，椰菜苗都好新鮮唔會苦，同埋加咗啲炸蒜，每棵都好入味泰式蟹肉炒飯成碟野嚟到嘅時候色水好靚，都見到好多蟹肉好足料，炒飯落埋蛋落去炒，令到碟飯添加咗蛋香，想重口味少少，點埋佢隔離嘅魚露同少少辣椒都得😋泰式奶茶嚟泰國餐廳最鍾意就係飲佢地啲泰式奶茶，呢杯都真係幾一杯，飲落都順滑有泰茶味，唔會死甜凍柚子蜜不過美中不足係用餐時間只有60分鐘，所以時間比較趕急😮‍💨…Read More

之前鋪頭仲喺黃埔做立食同外賣店時已經幫襯過，而家轉左做居酒屋，本身仲諗係咪轉左手，點知原來仲係同一個老闆，而且食物味道都仲係keep到！皮蛋豆腐呢個涼拌小菜好開胃，豆腐好嫩滑，上面仲有個大皮蛋，側邊仲有啲肉鬆，令到個味道冇咁單調～櫻花蝦滷肉飯櫻花蝦份量不少，令到簡單既滷肉飯多左鮮味同口感，仲有流心蛋係面，可以漿住啲飯，啖啖滿足～黑松露牛舌滷肉飯牛舌好香！仲有黑松露既香味，佢仲有啲滷肉、蛋同香蔥配搭，整體味道好夾～花枝排厚切牛腱滷水味濃郁，但都無蓋過本身牛肉既味道，口感實在唔會好鬆散滷豬腳豬腳味道濃郁，不過如果煮得再淋啲會更好～檸檬冬瓜茶、荔枝爽爽好清涼，夏天岩曬，同埋唔會好甜👍🏻👍🏻下次黎到想試埋呢個$188 90分鐘任飲台灣清酒/highball🤓…Read More

今次去左觀塘覓食，搵左nata呢間西餐廳，地點好近地鐵站👍🏻 一入去已經覺得好有格調，燈光暗暗地，枱與枱之間距離又好足夠，覺得幾岩同三五知己飯局🤓 呢到係用手機睇餐牌同落單既～蒜香蟹肉意粉簡左小辣，好惹味👍🏻 但都無蓋過主角蟹肉既鮮味，而且蟹肉超級足料！本身落單有提醒可能有碎殼進食時要小心，不過過程中我地都食唔到有殼👍🏻黑松露忌廉雜菌意粉呢個意粉有樣優點係佢唔會好多醬汁，但已經煮得好入味，所以creamy得黎無好油膩既感覺，仲可以有空間叫埋個甜品！一番宇治抹茶梳乎厘班戟配牛奶麻糬首先可以按自己喜好加入抹茶醬，岩曬我呢啲抹茶控😎 牛奶麻糬好煙韌，同梳乎厘有好大對比，令口感豐富左，梳乎厘都保持到空氣感！仲有埋蕨餅同雪糕，好滿足～Green Tea Latte入口好醇滑，無綠茶粉殘留👍🏻👍🏻…Read More

今次係第二次黎，隔左一段時間，餐廳依然係咁受歡迎，晚市仍然係爆滿要等位🙈今次簡左啲上次無點過既野食，諗住試多啲唔同野食🤟🏻脆炸軟殼蟹米紙卷配牛油果醬軟殼蟹炸到好脆，米紙卷好薄身，入口感覺唔會好heavy, 加上有牛油果醬更加fresh，呢個牛油果醬比起其他鋪頭有少少辣既味道幾特別～阿閒泰秘製滷豬手佢嘅豬手滷得入味，肉唔會好老好難咬，反而好嫩滑同多汁，仲有酸菜做配菜，可以中和返肉味，仲有溏心蛋，但成碟滷豬手滷水味道唔會太重。泰式鹹蛋黃金單骨雞翼單骨雞翼方便進食，加埋佢嘅鹹蛋黃鹹香嘅味道，炸得啱啱好，香噴噴又熱辣辣，雖然鹹蛋黃肥膩，但係絕對要食！菠蘿雞肉炒糙米飯配炭燒牛肉串燒菠蘿炒飯特別加咗糙米，令到成個菜式唔會太油膩，反而多咗一種健康嘅感覺。份量都好多，啖啖菠蘿同雞肉，再加左提子，飯炒得爽身，再配埋牛肉串燒，冇燒到過火，係一碟好飽肚嘅菜式～鳳梨清新特調飲品唔會好甜，入口幾fresh，可解下膩👍🏻泰式泡沫奶茶泰式奶茶沖得好香滑，唔會得個死甜，食泰國嘢必點！…Read More

喺銅鑼灣行完街，想食下日本野，跟住搵到呢間叫Fire Bird嘅餐廳，環境舒適，係適合同朋友chill下傾下計嘅地方。 豆腐牛舌煮份量好足夠，牛舌煮得好嫩滑，咬口落去口感啱啱好，唔會老，另外有蘿蔔去提返個鮮甜味，所以豆腐都索咗啲甜味，令到成碟野食好暖笠笠，好似一個前菜咁暖暖個胃先。 厚燒玉子好鍾意呢個玉子燒冇加任何嘅醬汁，有時喺其他餐廳食嘅會落醬，令到蛋嘅味山道比其他料掩蓋晒。但呢個玉子燒好出色！佢冇落任何醬汁，令到蛋香味好出，而且冇煮老，所以每食一啖都係食到最滑最香嘅玉子燒 清酒煮蜆份量都多，下面有爐火繼續保持住熱辣辣嘅溫度，另外清酒味唔算濃烈，所以就算唔係好鍾意水太勁酒味嘅人都接受到。 鮭魚刺身鮭魚好厚身，唔係薄薄地一塊，口感滑嫩嫩又厚，食落去好滿足。 軟殼蟹牛油果壽司卷每一件壽司都有蟹籽同牛油果包住，口感豐富，軟殼蟹炸得啱啱好，食落好飽肚。 特上牛肉串燒盛合總共有5款，包括秋葵、牛肉壽喜燒串、厚切牛舌串、日本產霜降A4和牛串同埋牛肉金菇卷串。有埋蛋黃可以沾串燒，牛肉嘅油脂分佈得好適中，唔會太瘦，京蔥同和牛一齊食可以解膩，每款都味道香濃。 脆炸日本產超甜蕃薯條味道香甜，冇炸到硬晒，仲keep到軟糯嘅口感。 Strawberry Cocktail嚟到嘅時候真係好吸引！佢有好多士多啤梨同埋刨冰，飲落去酸酸甜甜 Fuji Mountain造型就好似一舊富士山，味道甜甜地，荔枝味重，打卡一流。 …Read More