LKAW's Profile

尖沙咀返工多年，食過好多間午市火鍋set，早前係街見到人有派傳單，發現有新開既火鍋店，今日就同同事食午市，食完之後十分失望。首先上到樓上，發現一枱客人都無，都覺得有啲奇怪（以前哩個鋪位係牛X 12點已經好多人），因為Lunch只有一小時，叫左個60分鐘套餐，包每人兩杯飲品，當時侍應表示15分鐘前會提示客人及先埋定單。安排入座後就開始出去拎野食，四個人只有一個細碗去自助火鍋配料區拎野食，食物種類唔太多，不過比較驚喜既係有甜不辣同櫻花蝦片，醬油區方面，配料都算多，唯一失望既係無麻醬，另外可能因為12點先岩岩開門，豉油樽連一滴豉油都無，叫員工幫忙但員工完全無反應。。。拎完野食返去坐低連火鍋煲都未拎到出黎。覺得服務效率有點慢。食食下侍應就突然同我地講已經夠左60分鐘需要要立刻俾錢及即時離座。侍應完全無係15分鐘前通知我地，而且當時我同同事仲差一碟牛未食。我地見當時空位較多，就諗住快快手食埋佢，但侍應不斷係我地身邊轉黎轉去 多次叫我們要即時離座。我當時只是覺得 既然無其他客人等位，其實係唔係可以寬容一下呢？另外因為套餐包兩杯飲品，同事同我都未飲完所以就打算拎返公司慢慢飲。結果 外面中年女收銀態度十分惡劣 咁問我地係咪拎左飲品，我就同返佢講 每人包兩杯飲品。佢同我地講 放題係要係店鋪內食哂飲哂啲野 仲話入座時已經同我地講左唔可以外帶。但我地套餐本來就只包兩杯飲品，又何來放題任飲呢？ 而且入座時我地問過店只是否免費任飲，當時員工都明確表示只免費包兩杯飲品，咁我就唔明白既然唔係任飲點解我套餐入面包既飲品唔可以拎走？價錢：同其他店舖差唔多食物：不算差 但種類唔多（可能因為午市套餐）環境：無特別服務態度：差 全部都無笑容 好似未訓醒 個個都好似唔識出聲效率：其中一個女員工比較勤力加湯總結：無其他人講既CP 值咁高 服務態度實在太差 就算晚市有甜品 都唔會想再試 真係唔怪得 明明同一鋪位 都係食火鍋 但比起以前少左咁多客人😅…Read More

因為本人係尖沙咀返工，有次經過見到有間新餐廳，見價錢唔貴就同同事試食左個lunch（湯飯），覺得唔錯，見佢晚上係食火鍋，於是就約其他朋友仔一齊試下。可能新開張上到去唔算太多客人，我地得兩個人被安排坐左張大圓枱。因為本人唔係好食得辣，但係朋友就鐘意辣，所以就點左佢既招牌魚鍋，一邊係麻辣鍋另一邊係酸菜鍋。首先點左海鮮同肉拼盤各一個，因為得兩個人如果只可以一碟一碟肉咀點就唔可以試太多款，而佢個拼盤每件平均係兩或四件，岩哂兩個人每樣可以試到😋特別要提起既係一口牛粒，平時出街食好多中餐西餐定日式既牛粒總會有啲‘’un’’ ，但係哩個牛粒食落好軟熟好好味😋之後單點左鮮蝦雲吞，蝦滑同烏冬。雲吞就無咩特別，不過幾大粒。蝦滑賣相幾得意，仲有勁多蟹籽係上面😋烏冬就應該係日本既扁烏冬，食落有彈性唔會蓉蓉爛爛。以上份量兩個人食岩岩好，招牌魚鍋既魚仲好滑好好味😋當初唔知OpenRice 有 coupon，埋單兩個人600幾蚊，唔算貴都唔算平，但係食物食得出係新鮮同埋唔係爛貨。依家有coupon應該會再去食多次揀下其他無食到既食物👍另外因為本人真係唔係好食得辣，我覺得酸菜鍋係有少少辣，同偷聽到隔離枱都有講到話有啲辣，所以如果真係完全食唔到辣既朋友可能要小心一點。…Read More

當老爹仲係得上環既時候曾經有幫襯，但由於地點唔太就腳既關係就唔會成日去，知道灣仔開左分店同上班地點好近，就約埋幾位朋友仔一齊食飯。上到去一眼望，裝修比上環靚左好多，服務員安排我地坐近門口梳化位置，燈光好充足，望見對面就好似就有些少昏暗，應該適合情侶可以細細聲講野👍同朋友仔商量後，決定點一個二人套餐另外再加一點小食開心share 。餐湯有羅宋湯同磨菇忌廉湯揀，鐘意飲忌廉湯既我點會唔揀忌廉湯，一上枱聞到好香磨菇味，每個湯仲配兩塊熱辣辣既包👍前菜由於唔食鴨肝關係，揀左煙三文魚沙律，三文魚每塊都好大，唔會好似出面得好細塊，而且食得出係厚實唔係好薄既一片，另外佢沙律隻汁酸酸地好開胃，平時唔鐘意食沙律既我都忍唔住食多啲啲😋主菜第一款既係肉眼扒配薯菜😋平時食開七成熟既今次係朋友推薦下試左五成熟，發現原來五成熟都唔會話好生，食落好厚肉好淋，食落有牛味，唔會鞋十十，另外佢配左一隻汁同黃芥辣，個人就鐘意點黃芥辣多啲👍食完肉眼扒之後就到帶子意粉同黑松露意大利飯帶子意粉係配一個叫香檳忌廉汁既汁，食落又真係有少少香檳味，但又唔會好濃烈，第一次食感覺有啲新鮮，帶子大粒又彈牙，食完意粉都仲有好多菇淨低😆 黑松露意大利對我來講就唔算太有特別，不過都好好味。另外朋友食左飯之後先食意粉就唔太feel到有香檳味，所以建議大家如撈有點哩個意粉就食左意粉先👍小食我地點左雞翼，不過唔算太特別，但係熱辣辣咁上枱係唔錯既👍最後甜品係心太軟，由於本人唔太鐘意朱古力所以淨係食左少少外面既蛋糕皮同旁邊既士多啤梨，心太軟就有少少唔太流心，另外旁邊既士多啤梨唔會酸，如果之後可以有另外甜品揀會更好👍飲品方面 點左一杯荔枝乳酸椰果綠茶飲落荔枝味唔算太出，而茶味就比較濃，不過茶味濃就反而適合我👍另外椰果落得好重手，飲哂啲茶仲有好多椰果淨低😋我地一共四人，最後埋單都唔洗200蚊一個人，可能因為女性食量唔太大，二人餐加個小食都已經好滿足。另外進食期間服務員都不忘幫手加水，收枱面上既空碟，又會主動問食物同飲品需唔需要後上等等，有留意到客人需要，值得一讚。希望之後客人較多時都可以保持住服務態度同食物水準👍…Read More