yk-wong's Profile

今次食芒果拿破崙~酥皮竟然沒有變淋, 依然酥脆, 正！中間的吉士醬又香又滑, 而且唔會過甜。芒果好甜好味!但上面o個幾粒芒果一咬就跌落嚟, 食得都幾狼狽。中間夾著的芒果可能太多汁, 令到旁邊的吉士有點溶。 雖然有少少的缺點, 但平民餅店都能做出這麼好的水準, 確實值得嘉許！…Read More

兩點半到了, 全場都full了, 幸好朋友早些到, 否則都沒有位~見不太肚餓, 放棄tea set, 單點一件cake, 是日有三款cake做promotion, 只賣$17, 其中的拿破崙草莓餅賣相都不錯, 就要了這件。拿破崙草莓餅: 上面有塊拿破崙酥皮, 但己淋了, 叉都弄不破, 分開來食的感覺有點奇怪~cream 是滑滑的, 一點也不膩, 下面的清蛋糕很有蛋香, 而且很軟, 很美味 中間也夾了一片拿破崙酥皮, 這塊較脆, 豐富了口感~再下面是大片大片的士多啤梨和滑滑的cream, 士多啤梨非常多, 少少酸, 是士多啤朵應有的酸味。cream也沾了士多啤梨的香, 更加可口~最底的消化餅底對我來說是有點膩, 的確很香的, 但個人來說不喜歡消化餅的味道在這裡坐了三個多小時不不會趕我地走, 可以慢慢傾計, 而且下午茶tea set 的價錢不貴, 比那些樓上cafe更平, 而且食物質素更好, 唯一不好的是圓枱設計, 很易整跌嘢...... …Read More

行完街諗唔到食咩, 就行吓女人街, 睇吓有無食店想試。行到這間店, 看到大大隻字有手打烏冬, 而且竟然有5個人等位, 一於試吓, 由於只係兩個人, 唔使等位~今日喉嚨好痛, 所有煎炸食物都唔揀, 一直想試一盆的冷烏冬, 就要了大的冷烏冬, 加中華沙律, 而朋友就要了滑蛋肥牛撈烏冬。落完單個侍應先好快咁話今日有每人最低消費$40, 之後又指吓貼在收銀處的a4 size 告示, 都未來得切返應, 個侍應就走咗.......... 咁即係又要諗過........還差$19, 其實份量已經夠, 而且沒有煎炸的食物真的好少好少, 最後加多個煎八爪魚餅, 唯有叫朋友食多一點~冷烏冬: 用上竹盆裝着, 比平時一包裝的薄和幼, 幾彈牙, 加上日本醬油, 咸咸的, 幾有風味~中華沙律: ok, 同其他店的無分別, 非常一般 滑蛋肥牛撈烏冬: 滑蛋和肥牛完全融合, 滑蛋真的好滑, 好多蛋汁都未凝結。而肥牛就太肥了, 好似只見到肥肥的脂肪, 肉的比例是少得可憐。烏冬有了肥牛的醬汁, 更加滋味。煎八爪魚餅: 是炸的, 一大片切開有6塊, 粉多了點, 八爪魚不多, 整個餅不彈牙, 是軟軟的, 都幾香口~希望服務員下次要預先告知顧客設有最底消費, 為何我地看着餐牌這麼久, 侍應都無意欲告訴我們?…Read More

這個芝士蛋糕掌心般大, 上面有糖霜的。芝士蛋糕可能在雪櫃拿出來太耐了, 邊邊和面頭有點溶化了, 吃時都黏在手上, 有點不方便~芝士蛋糕的糕身好軟, 是海綿蛋糕, 有點濕度, 吃起來很舒服~ 芝士味輕輕的, 多一點蛋香, 比伊滕家的芝味輕一點, 即使吃幾個都不會膩!裡面只有好少的藍莓醬, 放在蛋糕的最底, 吃了一半也吃不到, 越吃就越心急了！發現一粒真的藍莓也沒有, 確是有點失望的。而藍莓醬雖然很少, 但凍凍、酸酸的, 一起吃實在是太完美的配合了！！另外沒有拍照的是紅豆芝士蛋糕, 只是換上紅豆在蛋糕底。而最驚喜的是用上原粒的紅豆, 並不是豆沙, 紅豆有十多粒, 很大粒, 粉粉的、軟軟淋淋, 味道和口感都很好, 舌頭都很開心呢！那些連鎖餅店的西餅也要$4一件, 而這個美味的芝士蛋糕只是$6.5, 非常超值！…Read More

今年不知痴了哪了線, 不停想着要食原隻大火雞, 格了價後決定訂大快活的。本來以前總覺得大家樂比大快活的食物好, 但見這些年來大快活努力改革食物質素好似好咗。而且以往學校都會訂大家樂的食物, 今年我就要試一試大快活！預早訂有七折, 只訂了一隻原隻燒釀火雞, 原價$448, 折實$313.6, 滿$300還送一支1.25公升可樂, 是所有聖誕外賣火雞當中最平的。要平當然要付出！沒有送貨, 阿哥有別的事忙, 取火雞的重任交給我同阿媽, 她負責拿汽水, 我拿火雞。他們說火雞有8-10磅, pack到好似巨型蛋糕咁, 回到家時雙手已失去感覺！已預先為火雞切片, 整齊排好在一個盆內, 另有火雞的骨就放在另一個盆內, 很方便呢！附送兩個醬汁, 一個是非常普通的茄汁, 好水, 沒什麼味, 比平時食的茄汁豬扒飯的茄汁還要差！另一個是提子果醬膏, 酸酸甜甜, 加上火雞的味道很特別, 較討我歡心~不能期望火雞是新鮮焗起, 只有微量的熱度。如果是熱辣辣的話, 雞翼一定好香好脆！現在就好un, 好似炸到乾哂的乳鴿翼, 連味道都好似, 食到牙都軟, 不過我就最中意, 有少少咸咸地, 個人覺得最好味！脾就較滑, 雞胸不鞋, 覺得同平時食的雞胸差不多味, 這個的皮一點都不肥, 可以全部食哂~其實本來是揀美心的, 最後選大快活的另一個原因是多了一個"釀"字, 一直期待着會有什麼釀在內呢？什菜？粟子？糯米？通通不是, 非常失望的得到了碎豬肉, 又係肉！有豐富香草味的碎豬肉, 食少少的確不錯, 但放在火雞內未免太多了, 弄得整盆都是肉, 還放在火雞肉的下面, 算是"特別驚喜"~ 下次訂時一定要問清楚, 其實好想食粟子餡, 唔知其他食店的釀火雞是釀什麼呢？細心的媽媽準備了芋頭和生菜, 自己再加上泰式辣醬, 創出特別的火雞生菜包, 外面爽脆清新, 中和大片肉的滯膩感, 再夾着粉粉的芋頭、少少甜少少辣的火雞, 多層口感, yummy!一家人盡力只解決一大半, 剩下的火雞骨, 阿媽就用來煲粥, 物盡其用, 第二日就可以試吓火雞粥喇~p.s 其實一向都係食咸咸的火雞, 但今次加上泰式辣醬是非常非常的夾, 泰式辣醬果然是百搭的~…Read More

沒想到廟街在平安夜一樣熱鬧, 這間食店更要排隊等位, 實在誇張~3個人被安排擠進一邊應只可坐兩人的枱等了好一會阿姐帶着濕濕的一盤杯、碗來, 那些水把我的袋和鞋都弄濕了一個大蠔餅, 很快來了, 算了多蠔了, 但唔夠脆同好油, 加咗辣椒醬變得好味好多~一個排骨煲仔飯, 一個臘腸滑雞煲仔飯, 等咗好耐, 餸都ok多, 幾抵食, 但我覺得d餸無咩味, d飯焦好煙un好香可能係太多人, 所以落單、上菜同埋單都要等好耐。其實味道好一般, 多人食可能只係因為煲仔飯最平(最平$18就可以), 下次應該會試第二間…Read More

和風蝦堡, 買番黎已經係凍, 要用微波爐加熱........包身好軟, d菜放到一邊東一邊西, 食時不停跌出來:(炸蝦餅都叫彈牙, 同d千島醬一齊食就無咩蝦味, 獨立食都有少少味, 炸得好油千島醬最好味這個包普通, 只係貪新鮮而試, 唔會再食, 而且都唔值$14.7…Read More

第一次到紅螞蟻, 跟三個朋友, 點了二人餐, 加多一個焗飯小食拼盤: 凍茄子, 好唔慣凍食, 而且個醬唔夠味; 長春卷, 唔夠熱, 唔夠脆, 但都ok; 炸軟殼蟹, 唔脆, 好多油唔好食; 燒排骨同雞肉球, 最好味焗淡忌廉田螺飯: 有幾多田螺, 好煙un好味芝士油菠菜蟹肉千層麵: 大概只有3塊千層麵, 個芝士汁同之前淡忌廉個汁一樣味, 我就食唔到蟹肉, 不過就有好多菠菜在底下, 係差不多同千層麵一樣分量焗牛魔飯: 一邊黑椒牛仔骨, 一邊咖哩牛根, 我好中意食牛, 所以覺得幾好味最後每人加多20蚊食焗朱古力布甸, 但好失望, 唔夠熱都無溶漿, 不過個脆脆地的朱古力蛋糕外瞉都幾好味, 入面的朱古力漿都唔會太甜另外, 服務員不停在大家分食物的時候加水, 我都明白佢地見我地個杯無水就想幫我地加, 但可唔可以等我地分完先?每次都在我地分到一半時過來, 再叫我地小心, 已經有四五次, 搞到我地每次都要放低番d食物, 好尬尷…Read More

某個星期日想試這間京川午餐, 才發現原來星期六、日或假期的十二點前會有特價早茶雖然好少款( 好似只有十五、六個點心揀), 但家人認為這些點心的味道係附近酒樓中最好的, 而且假日飲茶, 其他酒樓又要等位, 又比這間貴, 所以一家人差不多每個星期都會來飲早茶素菜包: 我最愛, 每次必點的, 即叫即蒸, 包身脹卜卜、熱辣辣, 非常鬆軟, 未食過這麼好質素的中式包身, 包餡比例唔多, 有絲絲的白菜、冬菇, 清清地, 好多時都自己一次過k.o. 三個小籠包: 成日都因為太心急食而俾入面的湯辣親條脷, 我係第一次食有湯的小籠包, 比較唔到, 但家人話食過其他酒樓的, 這個最好味喎~皮唔厚, 上枱時榻哂o係蒸籠, 好得意 入面的豬肉份量剛好, 加上有味精湯汁的滋潤, 都幾好味~葱花腸: 一碟有好多條, 這個不太好, 蒸得過龍, 個面有d漿糊狀鳯爪: 我無食, 家人話ok正常叉燒包: 又係軟軟包身, 叉燒餡唔會好多醬, 叉燒夠瘦 (之前食)花生柴魚豬骨粥: 大約有兩碗半, 兩大舊豬骨都唔係得d骨, 肉有咸香, 好味。柴魚無咩味, 花生軟淋淋好食~服務好好, 可能因為唔多客人, 侍應唔會扮睇你唔到:) 水夠滾, 而且這裡好似係免茶介的, 點心除了小蘢包, 全部唔過$12, 以假日來真係超抵！最重要係一定有位唔駛等！…Read More

上星期二夜晚唔想落街, 見之前收到這家的外賣紙, 分咗星期一至日的餐單, 當晚叫咗支竹石斑飯, 飲熱華田, 張紙寫全部$22來到竟然要收$25, 話係那些職員派錯外賣紙, 我話派o個時明明話星期一至日外賣全部$22, 而且再上個星期阿哥先食過, 但送外賣o個個話張單係寫$25, 仲話依加佢一定要跟張單去收錢, 叫我有咩唔滿意就打電話同間餐廳講........"焗"住要去揾多3蚊出嚟, 非常有被騙的感覺！未食已經無哂mood:(個飯d汁偏咸, 而且非常多, 浸住成個飯, 而且d飯好似有好多冷飯, 好爛好無口感！魚柳都唔錯, 有成四、五舊, 正常,炸魚柳好難唔好食 支竹好少, 只有兩舊, 而且好un熱華田是全凍的!完全錯誤的決定!食物唔掂, 服務唔掂, 一定無下次！…Read More

上一次叫外送有好多coupon送, 見就過期, 今次就叫午餐, 買二送一~迷你超級至尊pizza: 雖然好迷你, 只有四塊, 但好足料, 特別有好多芝士, 辣肉腸超好味！而且今次係熱辣辣的, 餅底中間軟, 邊邊又好脆, 非常好味, 只係油咗d, 成個紙盒都係油, 好似油炸咁...... 車打芝士海鮮焗飯: 只有好少好少芝士, 只係普通的白汁海鮮飯, 白汁偏甜, 有魷魚仔, 魚柳, 蝦仔, 蟹柳, d"海鮮"份量唔多, 同雜菜係一半一半~肉醬意粉: 好黑好燶, 意粉淋咗d, d醬又好傑, 偏乾.......始終都係超級至尊食得最開懷, 永遠不敗~$97三個午餐。今次話要四十五分鐘, 結果要1hr15min 先送到, 阿哥話差d餓暈, 好彩都係熱辣辣, 原諒佢啦~…Read More

同學多次推介這間店的過橋米線, 前幾天終於有機會試試~中午非常多人食, d位好迫, 坐得唔太舒服, 不過朋友講到咁好味, 無所謂啦~三個人叫咗兩個過橋米線, 一個清湯, 一個麻辣有好多餸, 幾足料~d腩肉超肥, 肥到得好少好少肉,根本食唔到......炸醬幾好味, 但甜咗少少牛肉, 雞肉都無咩味最中意反而係酸菜, 好脆好爽~我地怕辣, 但又相試麻辣, 叫咗五小辣, 個湯底真係好夠味, 好正, 但對我來講都太辣, 個湯好深色, 而且有好多辣醬都未溶, 黏住d餸, 食到不停標汗, 但又好想繼續食~仲有魚蛋、腐竹、豆卜、豬潤同好多火腿等..... 朋友話男仔叫這個的話, 會有多d米線, 唔知係咪巧合, 我同朋友兩個女仔叫的一碗, 只有約3碗米線, 但朋友的細佬叫, 個碗多好多, 有d唔公平喎~…Read More

食過美心的粟子杯, 幾日都忘不了那美味的粟子蓉.........之前食過這裡的蛋撻, 不討好。但每次經過都會望一望凍櫃裡的蛋糕, 今次發現一個粟子蛋糕杯, 雖然明知茶餐廳的蛋糕水準不會特別出色, 但真的太便宜了, 只賣$6.5, 卻是美心粟子杯的兩倍size, 就試一試這間茶餐廳的蛋糕吧~上面的粟子蓉被雪到有點乾裂, 所以不會黏住叉子, 最怕粟子蓉變成一塊塊的, 味道一般, 都唔會太甜, 但香濃程度比不上美心..........中間有少少cream, 不太甜,ok 滑最低是清蛋糕, 好軟好軟, 又唔乾, 好香蛋味, 估唔到成為主角!還買了曲奇餅, $5有十多塊, 也是很便宜, 不過真係唔好食, 曲奇唔夠牛油香, 又唔脆, 成個味的好奇怪, 唔似曲奇味, 而且好似放咗好耐......又一次證明一分錢一分貨~ 這個下午茶只有那少少的清蛋糕令我滿足.......都係平時趕時間來買個麵包算了, 其他的? 還有很大很大的進步空間吧~…Read More

前一排突然好想食粟子蛋糕, 經過見到美心有粟子杯, 有好多層, 一於試吓~面有粟子蓉, 甜度適中, 好濃好rich的粟子味, 最最最重點的一層第二層有粟子慕絲, 都有粟子味, 幾滑, ok~之後係cream, 好輕, 唔膩 同朱古力蛋糕, 一般~$15有多層的享受, 也滿足了突如其來的粟子欲望, 下次會再買~ p.s. 比上次聖安娜的迷你粟子蛋糕, 我會揀美心這個粟子杯, 食完會開心好多好多！果然美心略勝！…Read More

愛食煎炸食物的我經常都生飛滋, 喉嚨痛, 阿媽成日都要我飲涼茶, 海天堂都係經常買的一家~五花茶(熱$5碗, 凍$6樽): 甜甜地, 一d都唔苦, 天氣凍凍地飲一碗就即刻成個人暖哂~ 不過就強烈唔建議飲凍的, 因為凍的是樽裝, 雖然職員一再強調同碗裝一樣, 但總覺得無咁新鮮, 試過凍的, 好似比熱的甜少少, 加上阿媽話涼茶要熱飲先work~廿四味($5): 當忍受唔住喉嚨痛, 或者就嚟病, 我都會飲廿四味, 好苦好苦.....但真係好work. 第二日就唔痛, 真係有d神奇, 不但呢個只要凍少少, 就會難飲多十倍! 一定要熱飲!龜靈膏($40): 真係甘而不苦, 都好下火, 但有d貴, 一盅等於幾碗涼茶......鋪裡面有好多傳統的木枱櫈, 仲有個迷你湖裝飾, 放咗幾個龜殼, 好有feel~…Read More