平時都鍾意食燒味，唔同地區唔同價錢都會嘗試。呢間舖頭第一次試，係公司叫外賣，點左燒鴨腩仔飯凍檸茶。今次自己堂食，點左腩仔燻蹄飯熱奶茶。平時午市人多都幾繁忙，所以經過冇諗住堂食。今次星期六冇咁多人所以就入去幫襯。食物質素：我最欣賞燒腩仔，皮脆肥瘦合適。其他野都好食，有中上至到良好水平，份量冇偷雞，對得起價錢。會再幫襯試埋其他款式。除左會奉上需要嘅醬汁，堂食枱上面仲有一甖薑蔥油，可以自己潷，正！！環境：乾淨，員工有做好清潔，冇蛇蟲鼠蟻！食物處理眼見都衛生。服務：極有效率！落單轉眼就上菜連飲品，食完坐左幾分鐘，埋單原來只係過左唔夠20分鐘。店員接觸左三四個，個個都有禮貌。結論值得幫襯！如果鍾意燒味，可以一試..再試！已經急不及待食左一半
…Read More
…Read More
