Isaaccheung0311's Profile

我最近去了這家位於青衣長康邨的百份百餐廳，卻遇到了非常糟糕的服務態度。我們剛到餐廳時，服務員一臉不耐煩地招呼我們，讓我們感到非常不受歡迎。當我們問她有關菜單的問題時，她的回答也非常不友善，好像我們在阻住她做野一樣。實際上這間百份百餐廳人手短缺的問題已經非一日之寒，我們叫咗好耐侍應，都始終未有人理會，好不容易等到有侍應行近，卻竟換來一隻手掌貼在我面前，意指他非工作中，不能為我們下單。千呼萬喚終於都點了餐，我們等了很久食物才到，送來的食物已經變得稍涼，我叫的湯麵已經發泡，我們覺得這很大機會是因為待應不足，因廚房出餐處仍然堆積大量食物，其實吃得出食材質素尚算不錯，只可惜服務未能配合。中途我們想向侍應要一杯水，她邊行邊急促地說：「水係自助嫁」。才剛剛用餐完畢，她就急不及待地收走我們的餐膳，意指我們食完就要快走。總之，這次用餐的經驗非常糟糕。服務員的態度非常差，完全沒有顧及客人的需求和要求。如果這家餐廳不能改善他們的服務態度，我不會再去這裡用餐，也不會向任何人推薦這家餐廳。…Read More

呢間餐廳坐落喺文化中心地下，餐廳門口位置顯而易見，基本上你行過就一定會見到，喺食呢間餐廳嗰日朝頭早先咁岩喺OpenRice度見到呢一間餐廳，餐廳名字耳熟能詳、言猶在耳卻又不記得，後尾睇吓其他食評先知道原來係同牧羊少年咖啡館有關係的。 如果大家有試過牧羊少年咖啡館，都知道嗰度嘅嘢無論邊間都唔算太差，所以今次都有所期待。 大概12:45 去到，等咗三張枱，大概5分鐘就已經可以入座，餐廳有設計到一啲喺出面等位嘅梳化，因此等起上嚟都唔會話覺得唔舒服。入到餐廳入面就被佢嘅設計驚艷到， 能夠有咁大空間，做到酒吧、水壩、廚房 都係入面見得到，喺香港算係好少見，仲有一間房仔可以比你睇下書，攞起本MacBook做吓嘢咁，唔會講你扯，瞬間覺得自己個人好有氣質和文化，起碼唔使日日係個Starbucks度霸住人啲位坐，唯一唔好處係間房仔唔可以飲嘢食嘢，所以要飲食就要喺餐枱上面搞掂先至好去做嘢。Lunch set係可以選擇，有前菜、 主菜、甜品，任擇其二或者貴啲食晒三個加一杯嘢飲，前菜有啲整兩隻蝦點係個茄汁度，同埋有啲細份到不得了嘅沙律，我哋對啲Appetizers冇乜興趣， 但見人哋嘅選擇就似乎係有少少伏嘅， 如果想圓滿啲都可以食晒嘅，但係今日實際上就見到比較多人都係主菜＋甜品選擇。 主菜嘅選擇唔算係特別多，但係勝在都算吸引，甜品就更加只係得兩款cake。 我哋第一次食就試咗佢嘅貓耳朵同埋一個漢堡包， 貓耳朵係煮得perfectly fine，al dente 的口感， 條蘆筍就係一般水平，少少爽口但算係偏淋身， 個青醬就不予置評啦，其實就係出面買一甖嗰啲， 唯獨係上面我估係啲mascarpone cheese 就絕對係多餘咗啲，既唔能夠中和嗰個青醬嘅味， 又唔能夠起到同個貓耳朵融合嘅作用，就似乎係為打卡而加咁， 不過整體算係非常高質。另外漢堡包同薯條， 先輪漢堡包，脆身的包底配搭鎖死晒啲肉汁嘅嗰舊牛真係一流， 下面啲菜、蕃茄嗰啲都足以解到舊牛同芝士嘅膩， 個薯條就軟硬適中， 可敬嘅係食得出佢包薯條嘅來貨都高質，可惜嘅係調味嗰個落得太多鹽，仲咸過M記嗰啲薯條， 都算係一大敗筆，不過個burger好食就得啦，我叫得burger 都係想個burger好食啫。嘢飲方面叫咗一個蕎麥茶同一杯香芋椰子牛奶，蕎麥茶就好普通，但香芋椰子牛奶算係幾好， 椰子味好出，但成杯俾人嘅感覺就係茶飲店嘅出品，不過不失。 但要加$24其實唔太值得。值得一提嘅係呢間餐廳用QR code落單，但又要做到上嘢飲同埋甜品都要叫店員幫手處理， 其實見到啲店員都係忙，亦都未必即時可以處理到你嘅要求，我個人覺得如果用QR code落單，上菜就唔好搞咁多嘢，喺個QR code個網址入面講你想上菜咪得囉。…Read More