charis456's Profile

約朋友食晚餐，職員講明享用時間75分鐘，食物上都滿意，但職員態度上入席未夠60分鐘係咁叫我哋埋單，扮執枱拎埋張單據俾我，我諗住等埋個朋友飲埋杯嘢飲先埋單，之後個職員就叫我係咪埋單？我先俾張信用卡佢埋單，個職員俾番張單據及簽賬單我之後，一句「多謝」都未沒有，啲職員真是似趕客！唔會再去食，職員態度好差。:(…Read More

價錢合理，食到老師傅的味道！星期一至五下午茶大中小點一律$15.8！ 星期六日下午茶大中小點一律$17.8。呢間最出名的點心都多，叉燒包一籠有三個，真是幾大個包！鍾意食叉燒的你必食！下午茶燒味單拼及雙拼都幾大碗！如兩個人飲茶既話叫兩籠點心及各一碗燒拼粉麵都夠食！🤗彩色點心紙上都好多大點的選擇！呢間酒樓啲叉燒特別好食，無乜味精！啲茶都幾好唔錯！酒樓職員服務都ok! 環境上光線充足，枱及枱之間都有啲距離！可以再幫襯！…Read More

閒日飲下午茶叫了上海小籠包，上湯鮮竹卷，燒鵝瀨粉及脆皮燒肉飯；等了10分鐘左右點心就到齊晒！諗住等多一陣啲燒味嘢食會到啦！點知一等又等。。。問下侍應睇下有無，個侍應話入咗單一定有架啦！但脆皮燒肉飯漏單，問下我哋要唔要！我哋話要！侍應幫我哋照入單！咁就等下啦！等多10分鐘又問下經理燒鵝瀨粉幾時到！經理同我哋講：「燒鵝燒緊啵」！之後等成20分鐘先到！:(等個燒鵝瀨粉足足等了30分鐘。唉！我諗燒肉飯有排等。。。最後燒肉飯無黎到！要取消！好失望！…Read More

我與一班朋友食飯，試新菜式，就試下呢間餐廳。外面餐廳都無乜特別，估黎好普通...晚餐套餐菜式都有唔同既價錢...是日餐湯有三款(意大利菜湯，雜菌忌廉湯，三文魚忌廉湯)我叫左雜菌忌廉湯同埋主菜是鴨胸配甜橙酒汁配薯菜$ 62 (未加一)　附送埋咖啡或茶真是估唔到外面好普通，入面既氣氛好浪漫，不過比較嘈左D...雜菌忌廉湯好足料，真是好多菇，唔似出面Ｄ餐廳﹗﹗真是好好飲﹗﹗鴨胸配甜橙酒汁，好好食﹗﹗鴨胸煮得岩岩好(7成熟)，配埋甜橙酒汁真是好好食﹗汁調得唔係好酸同過甜，真是岩岩好。薯菜，我真是估黎出面果Ｄ餐廳既薯條果類，點知...唔係呀﹗真是薯蓉及菜﹗﹗真是好好食﹗價錢好平，食物水準好好食﹗﹗飲料都有得揀熱凍檸檬茶，奶茶，咖啡，朱古力，菜蜜....真是好抵食﹗﹗我會再去﹗﹗:)…Read More

今日同一班朋友試下呢間野，一見到網站開瓶費$10就去啦﹗點知一去到果度問D職員講開瓶費$50，$50就$50啦﹗我地望住佢開酒，個侍應都唔識開紅酒既.......唉!!支紅酒特登去沙田買架﹗﹗勁貴呀﹗佢開斷左果酒塞，我仲見住果經理特登將淨餘既酒塞(支酒入面)整落D酒到，勁過份﹗都未過份﹗個經理仲話支酒放得太耐啦﹗所以開到咁喎﹗﹗wa~~2003既紅酒叫耐﹗真是勁過份﹗﹗到叫野食啦﹗﹗Ｄ侍應都唔識聽英文同廣東話既﹗﹗講全熟羊架，仲問我地係唔係　100% 熟呀？唉.....總之係勁唔掂﹗﹗野食都係麻麻﹗﹗…Read More