waikiki's Profile

石塘咀真係冇乜好食嘅牛腩麵雲吞麵舖，尤其是夜晚過咗食飯時間，見佢未收就買個牛腩撈麵，返到去一開個盒嚇咗一跳。真係未食過啲牛腩麵可以切幼條切到咁樣。基本上你可以睇到將舊牛腩上下層切咗一半。跟住再砌幼條！其實有冇誇張啲？而家啲嘢雖然話貴，但係都唔使切到咁樣，唔講個賣相，味道普普通通冇乜牛腩味。我本身都幾鍾意食牛腩麵，有時去灣仔，香港仔都會叫牛腩。旺角太子嗰邊都食過，但呢間真係實在太誇張。唔知其他食品點，但係牛腩牛雜麵就真係勸你唔好叫。…Read More

尋日8號風球落波，夜晚同個朋友去咗灣仔搵嘢食，本來附近茶餐廳，後尾朋友入到去，大媽又唔想招呼。後尾喺附近行吓行吓就見到呢間酒樓有開。就上咗去試吓同朋友一行二人，叫咗兩個餸，一個椒鹽鮮魷好似130幾蚊，另一個雞煲，好似都一舊水多啲。個鮮油多還可以，不過外層炸得不夠鬆脆，份量唔係好多。另外個雞煲都幾多油，啲雞煮得有點太熟，好多都係雞翼位，關節無用位，份量不算太多兩個人勉強夠食。加咗白飯同埋一支啤酒買單一人$180幾朋友話都算幾貴不過就任坐可以傾吓偈。佢話下次都係搵其他地方😆😆😆咁嘅價錢應該可以食啲更好嘅。…Read More

我最喜歡經常喜歡去嘗試受到著名食家大使吹噓嘅店舖，看看他們是否真的純粹賣廣告。今日去深水埗買嘢上網睇睇附近有什麼食牛腩雲吞麵嘅店舖，哇見到開飯嗰度全部差唔多都係正評語，當然嗱嗱聲去試吓。看看枱面上個Menu，之前未食過這間店舖所以就叫咗個牛腩河，這個並不是什麼下午茶餐，是正常價錢。個阿姐送到枱面我望一望吓點解同張相爭咁遠，當然間間店舖都話相片只係參考。只係見啲牛腩份量少張相片一半，不過有客觀啲講，味道還可以比起一間叫做香港X粉面啲牛腩其實又係好食點。牛腩麵送來嘅時候我不左一啖湯飲，味精應該唔係好犀利因為食完之後都冇乜口乾。唔講咁多放進片俾大家睇吓，唔需要回覆我話而家啲鋪租幾貴，牛腩，雲吞，菜，魚皮有幾貴。如果係份量少咗咁多嘅話，就麻煩改下啲相片。…Read More

經常去銅鑼灣路過見到呢間茶餐廳，但從來都冇入去食過，都見到有啲人但係通常都係啲四50歲打後阿叔大嬸。新徵頭好多附近食肆都冇開，見裏便冇乜人，就諗住入去試吓。叫咗三個小菜，粟米斑塊，者者豬潤雞煲，味椒鹽鮮魷。首先講吓呢個粟米斑塊，出街以來從未食過咁難食，啲所謂斑塊完全冇味，出邊果啲粉仲厚過塊魚片，係呀冇錯係魚片，唔係斑塊，係薄到你唔會想像到！真係仲衰過啲三餸飯！豬潤雞煲！ 六七件雞六七件雞件，除咗一兩舊有用其他根本全部都係下欄，骨頭一堆，唯有裏面好多洋蔥，真係食洋蔥都飽！食完之後發覺原來佢哋冇俾朱潤，屋企人話廢x事追佢. 嗱嗱聲食完轉場去食其他嘢。椒鹽鮮油又係得嗰幾舊，味道普通，應該好多大排檔好食過佢。呢個只係三個餸之中比較好少少。一個套餐成差唔多一舊水，如果佳記有開呢啲咁嘅價錢真係食飽到嘔呀。仲有你可以入去睇吓嗰啲所謂夥計態度個大媽阿姐，好似都唔想做咁。俾啲圖片你哋睇吓自己決定試唔試呢幾個撚手小菜…Read More

端午節公眾假期前夕同朋友出去食飯，想來開飯，無意中見到呢間，見到咁多好評，梗係即刻去試吓啦。見到有個套餐159有個煲仔飯+1個酥皮雞湯，發達啦😀😀七點幾鐘上到去，啲枱都坐唔滿。咦🤔🤔🤔我同朋友兩個人就叫咗個$159套餐，有個煲仔飯，酥皮雲吞雞湯。仲會送兩杯嘢飲或甜品。首先嚟咗個臘腸雞煲仔飯，一嚟到朋友話有少少燶味，佢問係咪個底燶晒。我話唔知。後尾我哋食，話基本上成個底係黑晒，唔怪得聞到味。之前都有食過唔同地方煲仔飯，唔會係咁，呢個飯完全未給一般水準。跟住嚟咗個雲吞雞，望落去好鬼靚有個酥皮包住喺面。揭開嚟食雲吞完全唔掂，隻蝦好似煮熟咗好耐，重煲好多次，已經係有啲霉。朋友直情吐左出嚟冇食😢😢腐竹雞蛋糖水寶寶通通冇乜特別。唯一好處就係可以坐得來少少傾偈，因為都冇乜客人。食完之後我問朋友覺得點，佢話好普通，下次去第二間食。…Read More

有時喺網上會睇到一啲KOL周圍去食嘢講到啲食評非常好，咁都會搵幾間去試吓。今日就去咗西營盤呢間食牛腩撈麵，初頭話佢啲雲吞出名不過自己就鍾意食牛腩多啲。一送上枱面，感覺上已經有啲中伏，我唔係一啲牛腩嘅專家，但係一望到得嗰兩三件細細的牛腩就覺得唔係好值呢個價錢。食落口嘅口感普通，同平10幾廿蚊嗰啲其實差唔多。唔係好滑，爽口，有啲硬硬地。有時都明白而家香港地啲嘢好貴，但係都係果句得兩三件牛腩同埋咁細件，就唔係咁值得再試。係咪好差，又唔算係。但係下次會再搵啲去九龍名店試吓…Read More

疫情放緩，就出街食嘢，但都避開中午時段。今次去了這日本餐廳食下午茶。他們下午茶都有多款選擇，叫了個吉列豬扒飯,再加兩隻生蠔。吉列豬扒係新鮮炸的，因為都等咗一陣才上菜，這間吉列豬扒炸得非常好味，豬扒size同其他一般餐廳嘅厚度都差唔多，沒有嗰陣某間連鎖餐廳嘅焗豬扒飯有一冰鮮豬味！炸生蠔有兩件，都非常新鮮好味。見餐牌有其他好多選擇，但根本食唔到咁多。下次會試吓其他食品。間中都會幫襯日之苑吉列豬扒飯，不過都係覺得呢間好味一點。店員幫我加了好多次茶。服務不錯…Read More

這間小店是我諗起食泰國午餐都會去。他們的中午套餐$60/set.我食過幾次這個無骨豬手飯，覺得他們整得不錯。套餐包了湯和飲品一杯。無骨豬手當然是他們一早去骨，我覺得份量也合適。食過幾間泰國店，一間在堅尼地城，一間在石塘咀，他們這間的飯比較軟熟。他們的午市套餐還有多款可以選擇，下次試吓其他，圖片見到個海鮮炒飯都幾好。這個是泰國人開的，感覺上溝通需要點耐性有時個女仔好似唔係完全明白廣東話。他們下午三點休息…Read More

好耐都冇食過墨西哥菜，搜尋一下附近有咩墨西哥食品，搵到呢間有午市套餐就去試吓。叫了一個牛Quesadilla, 同chicken Fajitas. 質素幾好，套餐大約$100左右消費一個人。喺呢區算係不錯的選擇。quesadilla 嚟到熱辣辣，仲以前喺外國食嗰啲差唔多，真係幾好味！仲有個辣豆湯我都幾鍾意飲。可能墨西哥菜都唔係主流，所以見到多數都係外國人嚟食。啱啱隔離枱有個壽星妹，見啲員工攞咗個蛋糕出嚟跟住同佢唱生日歌。雖然係午市，氣氛都不錯。…Read More

早排喺YouTube見到過唔知咩KOL去食羊肉飯同埋燒鵝。講到啲羊腩好食到天跌落嚟咁。落開灣仔就去試吓。同埋見到咁多正食評。滿懷高興咁去一坐低就同佢講叫咖喱羊飯，見佢寫住含骨，應該都OK啦。好啦重點，將個碗仔啲餸倒落個碟度，嘩望落去全部一粒粒細嘅好似排骨，跟住叫咗一個好似大媽咁嘅阿姐同佢講。我話你地啲樣全部都係骨，好少肉黐住！跟住佢就望咗兩眼，攞個碗仔去，俾返一件，係一件羊肉，大個手指頭比我。我都算數費事同佢嘈，食完嗱嗱聲走人。俾錢個時候有一個好似後生啲嘅我諗係老闆娘，都算有禮貌講句多謝。我都冇再同佢投訴，但一定以後唔會再幫襯。羊肉飯，咖喱普通，係咪啲YouTuber講到咁好食咁誇張我話俾你哋聽唔係！附上碟飯嘅圖片，可能我影得唔係太好，其實全部都好似排骨一粒一粒咁，係完全冇肉咁滯。…Read More

星期六去女人街附近買嘢，食飯時段，諗住喺附近食埋午餐，見到有啲食肆都有排隊，咁就行過呢間食韓國。見冇乜人就入咗去食嘢，因為初頭見到門口可以比八達通可以用消費券。一行四人我就叫咗個牛骨韓國鐵板。食韓國嘢當然有錢財，味道就麻麻哋，有三款，食落去唔算太新鮮應該都整咗一段時間。牛仔骨嚟到，賣相比起之前去食啲韓國嘢真係差啲，味道也是普通。每片都係黐住好少肉，不過午飯時段40幾蚊在旺角就算數冇乜特別要求。如果要高質嘅韓國食品，可以考慮其他。四個人食分兩台送咗個泡菜薄餅。我覺得冇乜味道，但個小朋友話好味😋…Read More

近期石塘咀好多茶餐廳都執笠，冇乜得選擇就入咗呢間開咗唔係好長時間嘅茶餐廳，有點戰戰兢兢因為知道石塘咀好食嘅餐廳真係唔多。價錢又相對貴， CP值極低。咁坐低睇個早餐餐牌，有幾款野揀，最後點左圖中那份。以前屈地街潮苑未執笠嘅時候都會去食早餐，價錢平啲，質素都OK。咁就講返個早餐，蕃茄排骨意粉。個湯好水，都唔算係咩蕃茄湯，排骨有幾粒，冇乜太特別。兩舊勁大嘅薯仔最後我都冇食。餐包係凍嘅連放落微波爐都冇丁丁，炒蛋OK。問我會唔會再去食，我諗我唔會。只可以講蜀中無大將 廖化作先鋒！…Read More

下晝四點諗住喺附近食個下午茶，諗住西寶城裏面見到呢間好似類似日本餐廳，應該都唔會太差，望入去裏邊冇乜人，諗住舒舒服服坐低食嘢。門口recep完全冇人，對面亦冇食客仲以為冇開門。跟住右手邊見到個紮馬尾類似坐喺度，我行入去佢起初冇理我，跟住眼尾稍一稍我，佢講咗句喺度食呀？ 我再搵個位坐低。過咗5分鐘，佢一樣冇理我繼續喺度打電腦同玩手機？跟住我忍唔住問佢攞Menu，佢就話咪喺枱度囉！ 我話想要下午茶Menu，佢就施施然咁攞咗一張房在枱面又行開咗。佢嘅態度完全你似你唔好煩我咁！服務10分我只會比兩分，因為佢仲肯送個餐埋你放喺枱面！全程黑口黑面，好似啲顧客係佢仇人咁好啦講返食物嗌左個下午茶餐厚醬汁牛肉飯，牛肉碎得幾片，差唔多全部都係洋蔥㩒住晒！諗住唔去吉X家食牛肉飯點知這間仲差！啲牛肉碎完全冇乜味，份量又少又碎。 試過今次以後都唔會再嚟食，啱啱睇返啲食評原來我嘅遭遇都唔係第一次，其他顧客一樣有咁嘅問題。好心管理層就改善一下…Read More

今天去開上環嗰邊，之前喺YouTube話陳財記啲嘢好食又抵，就想去試吓午餐。見到佢哋午餐嘅列表有八九款，咁叫咗個蘿蔔牛腩飯，佢一送過嚟望到個賣相已知賴嘢。點解？碟飯差不多全部都係牛腩碎，份量極少。差唔多全部都係蘿蔔咁滯。本身有時都會喺屋企煮蘿蔔牛腩，咁唔講份量試吓啲味道，啲牛腩基本上只係烚熟撈啲汁上去，仲有好大陣雪藏牛，無處理嘅騷味😖😖😖當然實有人話四十幾$50快餐，唔通比啲酒店質素你咩，但係冇可能咁差呀？加埋杯凍嘢飲$51 ，如果係西營盤同上環，我諗呢個價錢可以有其他更好嘅選擇！你問我會唔會再去我好肯定100%話俾你聽唔會！…Read More

琴日同朋友喺堅尼地城諗住睇吓有咩好食，見到門面好似都幾靚，但係冇乜人，就入去試吓。通常諗住見到唔使排隊冇乜人仲係星期日，都覺得有啲古怪叫咗個牛筋腩飯，一碟蝦餃，一碟豬肉韭菜餃，同埋一碗麻醬麵。首先講吓個牛腩飯，有兩舊牛腩同埋一啲牛筋樓號，$80 ，味道可以但係唔值呢個價錢，份量唔多！感覺上去附近啲賣牛腩麵都可以食到，價錢應該平一半，朋友見到我碗飯話吓$80呀，完全唔抵囉。初頭諗住$80都有啲期望，不過嚟到之後有啲有啲失望。跟住講吓個蝦餃，係四條好似半隻手指尾咁長嘅我估係蝦卷。感覺都係普通，味道都唔係特別突出，應該係啲蝦肉絞碎跟住搵類似雲吞皮咁包住。豬肉韭菜餃我就冇食，朋友食晒好似有五隻，朋友話呢個係正常啲。另外朋友嗰本麻醬麵，份量又係好少佢話係咪食緊下午茶餐。我見佢唔使2分鐘已經食晒。不過口味嘅嘢個個唔同我見好多食評都係讚，但我就唔會再嚟食。最後食咗好似$160 ，兩個人。…Read More