ttpaul32's Profile

今日上晝響天后提早完成工作，獎勵下自己搵好野食。一直都想去燒鳥亭試，今日就機緣巧合午市可以去試到定食！差唔多1:45先去到，人流少，我一個人就被安排坐bar枱，食物要稍為等下，好在今日有時間，可以悠閒慢食。午市有十多款餐可以選，由鯖魚，銀鳕魚，燒牛肉，燒鳥定食，野菜定食，價錢由$68-98不等。今次order左野菜定食，有麵豉湯，冷烏冬，凍豆腐為前菜，主菜有燒雞肉冬菇串，燒煙肉番茄串同燒豚肉豆角串（忘了正式名字，豆脆身內裡黏黏的），配上一碗雞肉冬菇碎飯，味道份量都ok。唯一麵豉湯好似多左水，味道較淡。如果嫌份量唔夠，仲可以散叫雞翼，銀杏等串燒。甜品仲有新鮮菠蘿。總結：食串燒一般都較高消費，午市價錢就非常抵，而且味道ok，值得一試。…Read More

一直都鍾意特色菜, 新彊四川雲南等絕對係我杯茶, 今次同好友晚餐, 決定遠少少去到土瓜灣尋羊.餐廳唔算大,環境都幾有特色,不過實在燈光太暗,d相都影得麻麻. 而我地坐既位對正風口, 成晚都唔係好感受到熱騰騰既食物溫度.入正題嘞. 我地order左2人餐, 有羊肉湯, 大漠高湯燴阿魏菇, 古法炒紫椰菜, 孜然香烤羊肋排, 羊奶凍, 十分豐富!大漠高湯燴阿魏菇:有ｄ似中式酒樓口味，菇身厚，好彈牙同入味。古法炒紫椰菜：好香蒜味，唔太油膩，不過本身呢種菜偏硬，要幾用力咬，份量幾多，飽！羊奶凍：好like奶味，呢個奶凍好ｏｋ，好滑味道非常濃。羊肉湯：羊肉放湯反而最保存羊味，全晚其他食物都較乾身，有呢個湯可以中和下。大漠羊鬆手抓卷：唔太食到羊，有好多其他蔬菜之類，個餅身幾厚，但又唔太大塊，唔係好包到曬ｄ材料，食到有ｄ狼狽。孜然香烤羊肋排：令人期待的菜色，賣相ok,香脆可口但就稍為乾身左, 有羊味但唔重, 反而孜然粉味極濃, 略咸, 講真有少少失望.下次如果人多可以試羊腿或羊肉崩沙腩.服務ｏｋ，不過店舖較細，客人講野同侍應拉櫈（ｄ櫈係好重嗰隻）都幾嘈同騷擾。總結：貪新鮮既好羊一族可以去試…Read More