pollynghome96's Profile

之前因為上堂曾經黎過食軟殼蟹漢堡覺得好好食，一路都好想同老公再黎食，今日終於有機會，今日老公叫咗軟殼蟹漢堡，我就叫咗炸魚柳漢堡，2款漢堡加薯條都係即叫即炸，真係好好食。…Read More

約咗舊同事聚舊食午餐，今日不太多人，男侍應表示如果不想等就可以選擇bar枱，但因同事還未到所以選擇繼續等其他位，門口等了數分鐘已有位，服務真係好好，唔會覺得被冷落了，點了至愛軟殼蟹意粉加薯條，表面看份量不太多，但個碟實際係好有深度，足夠賺滿肚，希望可以再黎多次。…Read More

第一次黎時係有驚喜，那次叫牛舌飯，牛舌外脆內juicy，今次係我推介同事再黎，今次叫松露魚籽雙色丼，坦白講有小小失望，飯入面太多青瓜，可能熟食比較出色，或者下次要再試多次食其他餐牌上嘅選擇，但係值得試的一間食肆，食物快上枱，員工斟水次數好密，感覺好好。…Read More

工作需要去上水，約咗同事喺上水食飯，喺openrice睇咗好耐，最後選擇咗呢度，幸好沒有揀錯，我點咗軟殼蟹漢堡，薯條夠熱夠脆，漢堡包好大個夠哂食，同事叫咗香煎魚柳，都夠新鮮香脆，侍應服務好。…Read More

lunch約咗同事去呢間食，未試過食晏打邊爐，都預咗會食得有d趕，1pm到達，環境都乾淨企理，點餐是用QR Code，上餐約10分鐘，速度都可以接受，但因為要等水滾同埋煮熟火煱料熟，都要預大約15分鐘，所以時間比較緊迫，侍應大多是男性，服務都貼心，佢地會不時詢問我們是否需要加湯，雖然食得比較趕，但下次都仍然會再黎。…Read More

疫情關係，都減少咗去餐廳堂食，而家外賣平台咁方便，多一個藉口喺屋企就想唔煮飯，今次試吓喺大圍嘅紅茶，叫咗干炒牛河，星洲炒米，2款份量唔算多，味道亦唔錯，唯一係星洲炒米炒得太乾，如果可以改善吓就更好，因為價錢唔係平。…Read More

今日叫外賣，叫咗80元招牌鮮茄豬扒意粉但係冇蕃茄，何來鮮茄？何來招牌？80元咖喱牛脷意粉嘅係咖喱水，50元泰式沙嗲串燒冇沙嗲，紅豆冰係冇味，收得唔係平，質素卻極差😡不會再幫襯。…Read More

上youtube見有好多人講呢間好食，所以同老公都想黎試吓，但換黎只有失望😠；其實已經早已準備用手機掃安心出行，入到門口，見老闆娘坐喺收銀位置大喝我們掃安心出行量體溫，行到入去時有2張吉枱，阿姐又喝我地話食飯㗎嗰張，到我同阿姐講要崩砂腩粗，佢就話冇，然後我同老公叫咗牛腩河，牛雜麵，牛雜麵冇牛膀，牛腸超多沙感覺污糟，牛肚幼過手指尾，牛腩河，牛腩冇一件係完整，全部係碎濕濕好似人地食剩，不會再幫襯。…Read More

每次去沙田新城市逛街，都首選此食店，因為環境，服務及食物都不錯，今日老公生日亦選了這裡食午餐，點了兩set午餐，另外點了一隻炸軟殼蟹，點了西瓜汁但一點也不凍，稍為扣分了。但整體真的不錯，希望質素能繼續保持。…Read More

(1) 9月6日到此餐廳食自助晚餐，6:23pm行到即場切牛仔肉及羊髀肉位置取食物時，職員竟發脾氣態度極惡劣大聲喝本人說未夠鐘呀，那我便繼續等，到他將食物給我時是6:26pm, 相差其實只有幾分鐘時間，更沒有詢問我是想要那款肉 就求其比一款肉我，(2) 收碟職員像搶奪顧客未食完的碗碟 (3) 每人一份的鮑魚冬菇內的生菜係沒有煮過的，總括來說沒有服務質數可言，另外食物種類小，不值558(未計加一 )…Read More

從未試過有一間酒店的自助餐這樣差勁，自助晚餐兩位連加一共$830，連長腳蟹也沒有，真的絕對不便宜，我和朋友6:30pm已到達，當時有4至5名職員在接待處停留，但後來只見有一名女侍應在收碟;  熱盤的白烚腸仔，白烚瀨尿蝦，粉絲蒸扇貝也是冇味，另一邊放在鐵板上的腸仔、羊架、串燒，pizza都係凍，飲品只有一人一杯，並沒有任飲，行去粉麵檔問阿姐有冇米粉，佢話只有銀針粉;  燒牛仔肉和燒雞肉、沙律全部也只剩好小量，食物沒有了亦沒有職員添加，只有刺身壽司及生蠔位置有職員留守，雪糕和甜品不是自助形式，需要由職員拿出來才可有得攞，但我已多次出去等候亦沒有職員企在這個位置，很多人因此不再等候，未到7:30已經無野食，攪到我地連平平無奇的曲奇餅也要走去拎黎食，未試過只食了過半鐘就走人，真係好失望。第二日自助早餐都不敢想像，全程得一個侍應執枱及到Reception招待客人，而食物方面真係只有方包，生果，炒蛋，烚蛋，豬柳漢堡扒，茄汁豆，白粥，咖啡，橙汁，連鮮奶和炒麵都無。近沙灘那邊的酒店也幫襯過自助早餐和晚餐無數次，每次也滿足地離開並期待下一次再去食，但這間酒店比我的感覺真係算到盡，冇啖好食，沒有可能再有下次。…Read More

今日係去上堂的第2日，以為日本先有沾麵食，點知原來香港都有，所以今日去試試，因時間尚早，所以不用等位就可以入去了，選擇了特濃豬骨湯底沾麵，其實人地寫住放落個電磁爐上面慶住去keep住個湯熱度先至好味，我又費時整所以就咁食就算，雖然唔係太熱，但都覺得幾好食，麵揀了適中硬度夠彈牙，湯係幾濃的，味道啱啱好，配料好好味，我實在太大食了，加了芝士飯才夠食; 店員服務細心，當我寫完點菜紙，頭岳岳找侍應阿姐落單時，師傅會主動幫忙，另侍應阿姐會教你食哂麵先好落飯再煮，侍應阿姐好好，佢可能驚我煮燶飯所以拎左我兜湯去幫我煮埋。…Read More

去完旺角逛街，再去一直想去的這間小食店，但因想留肚再食其他野，所以今次只叫了一個豬排包，一個牛肉漢堡包，即叫即煎，兩樣都好Juicy，而且店員也好好禮貌，下次想試炸比及炸燒賣 …Read More

原本上星期四已book了今日食10樓的午市放題，昨晚更致電去話加多個人，聽電話個職員仲話ok冇問題; 點知今日12點上到去竟然是漆黑一片空無一人，一行三人於是誤打誤撞就去了這間櫻花中日放題;幸好真的是不錯的選擇，大赤蝦大帶子只可以叫一次，但其實在Order時可以叫多小小，炸生蠔真係即炸，超熱的，炸蝦天婦羅粉好薄又好脆，豉椒炒蜆和辣酒煮花螺都係辣辣地，但都幾惹味; 另外試了士多啤梨骨，超重士多啤梨味，但趁熱食會好食啲; 黑松露三文魚壽司，可能黑松露不多，所以不覺得有咩味道，推介芝士焗扇貝，好香好正，Encore了兩次炒野菜(其實係通菜)，係乾蒜炒好惹味。 :)整體黎講食物質數都不錯，剌身和壽司都沒有雪味和腥味，炸物係真係即炸好熱的，唯一漏單係漏了手卷，仲有一樣美中不足的是沒有軟殼蟹食。最後想提是服務真的不錯，收碟快，男職員在埋單時更問我地好唔好食，真的值的一讚，相信會再來。…Read More