路痴 のプロフィール

我們一班朋友經常都以火鍋聚頭，年輕時只追求夠飽肚，及後大家真的愛上火鍋，要求越來越高。十多年來，曾經只有一間令我們覺得驚喜的，便是旺角旺順牛骨鍋，當時深感他們質素好但客戶不多，我便提起心肝寫食評，回想起已經是4年前的事。昨晚一行八人首次去試堅火鍋，然後便下定決心再寫一次。這標題是我覺得最難定的，因為感覺良多，未知如何用一句話去代表，最後引用了我太太在FB寫的一句：Best of the best！當然，她本人也是我心目中永遠的Best of the best。預約了7點，一行數人甫入門，老闆娘已經問是否張生，主動引領到位置，一看是餐廳角落，由5張細枱合併的長型位置。本身訂了10位，但有2位缺席，老闆便收起2套餐具，2張椅子，但沒有把枱子移走，他希望讓我們坐得更舒適，也有更多位置放食物，當時心想，這服務真好，租金騰貴，餐廳自然寸金尺土，這張枱可讓他們多做2個人生意呢！但他們以顧客出發，不以生意為先，值得一讚。可是我也想著，何不留2椅子給我們放袋子背包呢？噢！原來在我們身後設有掛勾，可以勾袋子，這服務我前所未見，老闆確實極貼心！環境：坐下來便看看自己位置，有織紋餐枱布、各人有一對公筷一對食筷、一個小筲箕、一套黑色碗匙、排得整齊的。四色有蓋瓶子放調味料，辣椒炸乾蔥生蒜和蔥，各依其色，不會弄錯。當時心想老闆必定也是愛火鍋之人，由顧客需要出發。店內盡是塗鴉，另一名則是油畫，各有特色。特別驚喜是男廁內也有一幅風景油畫，如廁時另有一番感受。湯底：之前訂了冬瓜盅，一上枱已經吸引我們眼球，大家爭相問如何進食和用來火鍋，老闆便一邊介紹一邊手起刀落把冬瓜切好。為何要連冬瓜皮一起煲？原來這樣更是有益，經數小時煲過後的冬瓜更是連皮也可吃，連同一些海味粒和鮮蝦齊煮，已經極入味，每人先飲一碗，完全沒有味精，老闆更是把鹽拿給我們，怕太淡。非常細心，鮮甜是固然的，咸淡則交給客人，比媽媽的湯更貼心。另一湯底要了水佬魚湯底，簡單說，清甜不鯹、魚鮮撲鼻，大家再來一碗，未吃先飽。聽老闆說，曾經有客人要求把吃剩的湯底取走，這果真聞所未聞也！他們用的是貴價煲，有點似芝士火鍋用的，每個三千多元，好夠力，也不會有跟電爐接觸面不平導致火力不夠的情況，感覺良好。食材：首輪叫了牛肩脊、四寶迷你丸、芝心包、午餐肉、花膠、蔬菜拼盤、響鈴、雪糕豆腐、蝦滑、魚皮餃、雲吞、粟米。牛肩脊：紋理分明，脂肪平均，入口牛味濃，大約滾8-10秒，趁牛肉未起摺即起，用筷子輕按有絲微血水出，乃是最佳生熟程度了。迷你四寶丸：墨丸貢丸豬肉丸八爪魚丸。迷你丸可以讓客人多試幾款，不會太飽，好心思。墨丸有墨魚料，口感豐富也鮮甜。貢丸菇味濃，但相對地較其他三丸普通。豬肉丸是我一向不感興趣的，但大伙兒竟然讚口不絕，我試了一粒，竟然入口有汁，豬肉味濃。細問之下，老闆說他外出試食，找了專人去做，再調教味道，可說是全港獨有！有老闆作QC，難怪有這質素，我們立即encore了一碟！八爪魚丸鮮甜彈牙，不似坊間混入豬肉怪型怪味。火炙芝心包：OMG！我是芝士迷，但這芝心包絕非凍肉店可買到的，芝士味極濃，沒有很油的感覺，魚肉彈牙，一試立即再encore！老闆說這是台灣入口，價錢貴一點，難怪很少人用。為何要用火燒？因為這可以令外皮更UN，加強咀嚼感，強也！午餐肉：太太至愛！有位台灣朋友從未試過午餐肉，一吃便要encore。用上貴價罐頭，午餐肉夠瘦也有肉粒好趙頭！蝦滑：夠鮮夠彈牙，正！魚皮餃：較細粒，但食落唔肥唔油，放入魚湯煮連湯一起放入口，更是美味。花膠：女士專利，沒有吃過，但聽說也非常不錯，同時令湯底也變得更鮮甜！蔬菜拼盤：由多款菇菜組成，洗得極乾淨，入口鮮甜。原來老闆的標準是把他們當作沙律般生食的，難怪遂條清洗挑選，正！響鈴：樹記出品，用的油乾淨，吃起來沒有油益味，感覺較健康。唯他是較坊間的細，較難快速地用響鈴底面點湯。雪糕豆腐：好名，其實是似台灣凍豆腐，不過密度較高。吸湯頭能力十足，不錯！雲吞：自家製，一碟只得6粒，心想為何這麼少啊！淥後蝦肉飽滿對版，一入口便充滿大地魚味，甚有驚喜！粟米：新鮮貨，放入魚湯後盡是魚味，帶點鮮甜。酒水：有紅酒、白酒、清酒、啤酒、韓國酒、梅酒等等。老闆娘細心講解，我們選了帶果香的白酒，blue bottle。老闆奉上雪過的酒杯，有心思有賣相有實際，開酒後還有冰桶雪酒。Blue Bottle 入口果味清香，頗清新，適合女士飲用。及後老闆熱情奉上梅酒，適合餐後傾計用，解油膩。最後再奉上英國麥啤，泡滑麥味淡，不似傳統的重口味，值得一試。甜品：綠茶和菓子。餐後飲口綠茶，解油膩，少少甜品作結，總比吃生果拼盤好吧！吃到最後，發現我的豉油和調味料還餘下大半，可能我真的被湯底和食材吸引了，不想沾污食物原味吧！價錢：這誠意、心思和質素十足的火鍋店，從食材和服務都稱得上優質，8人飲飽食醉後以$1800元作結，實在化算，性價比十足。感想：離開時，大家都多謝老闆的款待，說款待並不為過，但這在其他餐廳是很難遇上的。有朋友不斷跟老闆握手，讚許他的專業和心思。我太太也說月尾會再來。我們大伙兒下個月的聚會也確定在此。這一切一切也說明了我們對這店子的讚許和支持！由食材、服務到客人火鍋時的一切細節，老闆也是用心堅持把關。堅持下去，把優質美食帶給我們！期望下次再見！不求更多驚喜，只望保持質素，加油！…さらに見る

上星期六，一行六人經朋友介紹下，山長水遠入元朗食飯。誰知。。。正餐非常普通，朋友一心想補鑊下介紹左去五代同糖食甜品。大約十點鐘去到，唔算太多人，但未有長枱可以坐得晒我地，店員一見到即快快手開張長枱俾我地，都算抵讚。坐店外露天位置，唔算太舒服，談唔上有咩環境，但食甜品最緊要係D野好食同埋一班人吹水HAPPY下，仍然可以接受。六個人叫左楊枝甘露綿花冰、益力多綿花冰、雪糕紅豆冰、五代同糖精選、朱古力心太軟x2同埋招牌雞蛋布丁（唔知有無記錯名），大家SHARE食。綿花冰感覺真係幾舒服，天氣熱食落口個感覺好綿又唔會話太硬，配料同埋D味道幾MATCH，又唔會太甜好似食糖漿咁，唔錯。雪糕紅豆冰我無食，但見一向唔太好甜品既朋友都飲晒，相信雖然比唔上上水廣成冰室同廟街美都，但都可以接受既。五代同糖精選有焦糖布丁、朱古力心太軟、雪糕同蘋果脆脆。布丁真係好好食，真係好正，好滑，好SOFT，甜度適中，絕對值得推介！朱古力心太軟其實同甜蜜蜜差唔多，超多朱古力漿，亦有流沙效果。只是我個人喜好不太喜歡太多太漏，喜歡朱古力的應該會鐘意的。但我覺得佢應該比唔上朗豪坊Da dolce x Domon的心太軟，整體也算合格有餘。蘋果脆脆原來係一大碗蘋果批，鋪面的脆脆非常脆，又唔太甜，配上蘋果真係幾夾亦唔會味道太假，成日食開M記肉桂味多過蘋果味的蘋果批的朋友真係要試下，有驚喜！招牌雞蛋布丁。。。又係好正，好濃味，好滑，食落去好似＂張＂住你個口咁，用蛋殼做container的presentation亦有心思。老實講，出面絕大部份甜品店的布丁，質素都係極一般，布丁迷一定要試，唔係講笑，呢度的布丁真係好正。甜品有質素，好快食晒，但我地一路吹水都無人趕，坐得亦自在唔會俾人眼超超，都係唔錯的。埋單三百幾蚊，價錢係中上，但質素算係上，咁都俾得開心既。好彩我地大家都好滿意呢餐甜品，否則咁遠入到黎真係好無謂，朋友算補鑊成功啦！…さらに見る

一向好喜歡火鍋，尤重湯底，係一次偶然機會下，在去朗豪坊途中，抬頭一看，見到旺順牛骨鍋的招牌，便到樓下看看有關介紹，並相約幾位好友一同來試試。誰知一試便上了癮，現在已經多次光顧了。火鍋的靈魂是湯底。招牌牛骨鍋，是濃濃的牛什鍋，材料甚豐富，牛腩牛肚牛腸牛肺牛筋牛骨等全部甚具質素，調味料也有生蒜炸蒜芫茜沙爹醬指天椒等可供選擇，可以滿足不同人士需要。食物方面，很多都很出色，主力牛肉固然出色，丸類餃類蔬菜類也有很多選擇，連烏冬也是手打的，當然不及坊間其他主打烏冬的食店，但也遠勝超市質素。Refill湯方面，佢地會睇下你個鍋會否太濃，太濃會加水等個湯唔好太咸，否則也會加湯，都幾細心丫！可能地方唔算太顯眼，所以次次都唔會full house，亦唔駛book位。誠意推介俾大家，有機會真係值得一試，絕對好過同區任點任食的火鍋好多！…さらに見る

有薑粒，蛋，肉餅碎，好大碟，用透明玻璃碟裝。飯夠乾身，重薑味，有些薑未熟添，肉餅碎有馬蹄，加強口感，唔錯。三十幾蚊，算貴，但咁大碟，都ok啦。…さらに見る

打正旗號用魚湯湯底，好，試一試先。五餸米線，海參，雞絲，牛腱，魚餃，仲有唔記得。湯底係魚湯，但就有味精囉，味精味都幾出。海參無口感，嗱到得個爽字，雞絲同牛腱都無特別，魚餃好細粒囉，料就麻麻啦。米線好滑，亦夠爽，唔錯。芝心蝦丸，佢地話必食喎，係某大超市常見牌子的芝士，加埋蝦丸，即炸，係幾夾的，八蚊三粒食得過。涼泮茄子太油啦，皮又硬，唔食好過。唔知咩梨香咩茶，又幾好飲喎，潤得黎又唔太濃，但我覺得佢甜左一點囉，但都幾好。…さらに見る

一向知佢大件，又見總店多人排，咁今日試一試。係，無錯，大件，但唔新鮮，帶子有腥味，油甘都有少少。鰻魚．．．凍的，係大條，但習慣了吃板前的即製極上，有比較，自然會失望。雜錦炸天婦羅，又蝦又青椒又冬菇又茄子，炸粉薄，其實都唔錯。但茄子一向吸油，一夾就出油，唔駛食。豬扒旦飯，唔係用珍珠米，好似食茶記咁囉，無特別。炸軟殼蟹，一隻分兩份，唔好食，太油，唔夠脆。茶係佢地添的，芥辣又係隨壽司上的，但兩者質素皆非常普通。…さらに見る

食完粉過黎飲野，五花茶，幾好飲喎，唔太甜，唔會好似飲支裝咁，而且夠料夠味。但最大問題係太細杯囉，6蚊係平，但大杯點好一點。…さらに見る

夜麻麻走去食坑腩魚旦河。湯底有牛味，算唔錯，只係味精味道好出。坑腩夠林，亦夠多，唔ｕｎ唔黐牙。魚旦，係手打喎，夠滑夠彈牙，唔咸，魚味夠，要推介俾大家啦。…さらに見る

侍應好服務，態度超強，亦有唔少set。野食都幾好，又湯又包點都好，又夠熱，又可以睇泳池幾好view。但要夾既係炒意粉用番茄，所以要睇個餸夾唔夾啦，例如咖哩咪唔夾囉，非常推介。…さらに見る

十幾蚊個飯盒，有幾個餸，仲有豆漿。試過好幾個齋，咖哩齋味濃，叉燒好口感，全部都好，而且仲會問你要唔要汁。豆漿太淡啦，唔飲都得。只係味精實在太多。…さらに見る

炒XO醬海鮮公仔麵，好香醬味，公仔麵又爽口，海鮮料又多，又尤魚又蝦，實在有鑊氣。炒豬頸肉公仔麵，豬頸肉太肥，但其他都好好。都係同一句，味精太勁。…さらに見る

第一碗：貴花餃，蘿蔔，豬腸，豬頸肉，魚旦同粉絲，點知佢黎左幼麵，照食，算。湯底幾好，有骨味，但始終有味精。辣汁唔夠辣，但香咖哩味。貴花餃其實幾似順德魚餃，細細隻，有馬蹄幾爽幾夾。蘿蔔有渣，但好甜，算高質素。豬腸無乜膏，魯得入味，唔臭，幾好。豬頸肉淡淡魯味，但太肥，都幾入味，唔錯。魚旦幾彈牙亦好香咖哩味，入晒味。幼麵唔係鹼水麵。第二碗，唔想諗，叫左雜麵，要粉絲，多辣。牛肚，蘿蔔，牛腩，魚旦，豬腸，尤魚，好似係咁上下啦，今次無黎錯，係粉絲。乜都得一至兩舊，牛腩ｕｎ，唔好食，牛肚林啦，入味，正。但好多蒼蠅係門口附近幾張枱飛，有點dirty。…さらに見る

一坐底，兩個人，佢俾左一杯茶，話爭住你一杯茶先，點知過左十分鐘先黎第二杯。算數，叫左個魚生飯，送湯，甜品，茶，小食。好，小食要左炸餃子，有兩舊，皮脆，夠熱，唔算太差。無啦啦黎左甜品，係一粒唔知咩既好似啫哩或乳酪既物體，當然係可以係超市十多元一大包那貨色。魚生飯，魚生無切碎，有三文魚，油甘，吞拿，墨魚，尤魚，蟹子，生菜絲，好似好多咁呀呵？食落你就知！嘩，飯係用一般絲苗米，唔係用珍珠米，魚生薄，唔新鮮，飯又一舊舊，唔知點咁，芥辣得個攻鼻，唔香。個湯，仲人都知你沖粉啦，但衰在唔夠熱，又唔夠濃，差。凍檸茶三片檸，少左一點。大熱天時坐門口，佢地一開門就一陣熱風吹埋黎，好差。…さらに見る

脆邊旦豬扒焗飯同瑞士雞翼。脆邊旦，真係脆邊喎，但唔熱呢，咁咪又係唔得。豬扒係吉列豬扒，又係唔熱，好彩都夠脆，好啦，唔算話好差啦。飯底係旦炒的，加番茄汁，咁就有點漏啦，唔多夾囉。瑞士雞翼加三蚊，抵喎，都唔錯，係唔熱姐，豉油味甜味都夾，只係雞味唔夠，但三蚊算係幾好。…さらに見る

腿旦治有旦腿生菜番茄沙律醬，算多料，亦見健康均衡，加埋野飲都係九蚊，做早餐都幾好。但要留意阿姐有時會聽錯野拿錯野，例如：腿旦變芝旦，腿旦治變腿旦包，睇下佢地有冇拿錯先好走。…さらに見る