foodlokkk's Profile

香港坊間有好多間日本拉麵店，但講到正宗拉麵店，一蘭一定係其中之一！無論環境裝修、店員服務態度、食物味道，都好有「日本味」，正！基本上款式唔需要多，好味既話，一款就夠！之所謂一蘭咁出色，係因為可以將一碗拉麵分到好仔細；麵既硬度、湯既油膩郁度、口味濃淡等等，完全可以比客人選擇一碗屬於自己口味既拉麵。天然豚骨湯拉麵最原味最簡單就係最好味最正宗！呢碗拉麵完全可以代表到日本飲食文化既由來。不過份量黎講，一碗可能只係夠細食既人食，我係要一碗再加多一份麵先岩岩好。P.S. 小編周不時都會去食一蘭，拉麵愛好者必食之選！…Read More

新蒲岡有好多美食，但交通就冇咁方便，好似呢間咁，鑽石山站出行過去都起碼十幾分鐘… 滿心歡喜入到去，點知聞到陣類似坑渠既氣味，真係唔知係抽氣唔好定咩😥講番碗船河，湯底十分入味，同係泰國食既冇乜分別，不過啲肉同丸就好似白灼咁完全冇味，蘿蔔都係好淡。炸蝦餅新鮮炸出黎熱辣辣，口感都彈牙，有蝦味，配埋泰式辣醬，唔錯👍🏻泰式奶茶都唔錯，正宗泰式風味👍🏻P.S. 唔會再回頭，價錢係合理唔貴，但環境一般，啲餸又冇乜味，差啲…Read More

聽聞中環街市翻新完好靚好新淨所以放假一於去睇下！點知去到先知原來地下重有個新food court咁既物體，最後就比呢間泰國菜吸引左。環境就好似平時其他地方啲food court咁，坐係啲公用餐枱度食野，唔會話想坐得耐😂味道方面，海南雞飯係好味，雞肉夠嫩滑，油飯都好有油味，男仔黎講份量都足夠！👍🏻豬手飯，肉質鮮嫩，好有滷水味，好骨膠質既口感，絕對唔係出面果啲港式冒牌豬手飯炭燒豬頸肉，燒到個皮脆脆地，肥瘦均勻，配埋佢個醬汁(冇影到)就更惹味，成件事昇華哂！P.S. 絕對稱得上係泰國菜，唔係伏野，可以一試！…Read More

唔講你又點會估到，原來鰂魚涌呢啲地方都會有間正宗台灣料理！一間真台灣菜唔單止菜式夠台灣味，裝潢、氛圍、伙記都一樣充滿住台灣味。金莎炒四季豆，超重蛋黃味，十分惹味，配白飯一流！台式肉燥飯，啖啖肉燥，絕對冇揸流灘，完全同係台灣食既冇乜分別。鹽酥雞又係一絕，新鮮炸出黎，唔會太乾，有肉汁 ，食完一舊會想即刻食另一舊。蒜頭配台灣腸又係冇得輸，如果想感受下正宗台灣風味，不妨試下咬一啖蒜頭一啖腸，但未必個個接受到就咁食蒜頭😂價錢方面絕對係合理，正宗台灣菜黎講一定唔算貴。環境衛生整潔，食完坐多陣，同朋友傾下計完全冇問題。份量唔細，唔會係搵人笨果啲，鐘意食台灣菜既朋友，絕對可以黎試下！…Read More

今日山長水遠，過海去到荃灣就係為左食呢碗『世一米線』！基本上無論平日定假日，每次去到都一定要排隊，差在要排幾耐🙈鐘意食辣既絕對岩你口味！我平時唔太食得辣，今次叫個小辣挑戰下，但真係好勉強，都已經食到出哂汗，少少頂唔緊，飲哂成支凍豆漿💦米線夠爽口，雲吞略嫌厚粉左啲，但肉質都夠實！腩肉好入味，但本身就係辣底，所以令到碗米線更辣🥵環境算乾淨，不過就要坐得迫少少，都係啲大排檔格局。總括黎講，都係值得排隊入去食既…Read More

係好冰震，不過不失豬頸肉好肥美，肉質好嫩！鐘意食糯米飯既朋友，呢個生炒糯米飯一定岩你食！好香好惹味！冇乜特別，唔算好食，賣相都一般餸飯食一流！好夠味！會食上癮唔掂！唔夠酸唔夠辣唔夠咸，魚又冇魚味，總括講就係唔好味！當小食咁食，配酒一流！好重蛋黃味，魚皮炸到好脆！P.S. 大排檔黎講一定值得食！價錢合理，份量適中，上菜速度算快。唯一缺點就係坐得唔太舒服，身邊好多人行黎行去，都幾迫。如果黃金時間通常要等位，可能預早book定住就穩陣啲。…Read More

今日專登去西環食好西，食完主餐就搵糖水食。路過見到呢間糖水店裝修懷舊幾特別，決定入去試試！叁元豆花碗野一上枱先發現原來份量都幾大，非常足料。豆腐花、西米、黑糖珍珠、芋圓、雪糕，呢個配搭可以話係天衣無縫，芋圓好煙韌，加上雪糕慢慢溶化，一個字 正！最後你會發覺碗野食極都食唔完，真係貨真價實！紫草園紅豆、仙草、芋圓、黑糖水晶、紫薯雪糕。每樣配料都十分多，女仔完全食唔哂，真係好大碗。紫薯雪糕超重紫薯味，咬落去真係有紫薯粒P.S. 好扺食！今次試既都係台式糖水，下次一於試下佢既傳統椰子糊先😂！…Read More

相信去過韓國既朋友一定食過，就算冇去過韓國都一定聽過既Isaac Toast!!!因為冇得去旅行但想尋找番旅行既回憶，所以決定黎食Isaac Toast。佢係香港開分店後第一次幫襯，今日去唔洗排隊，一去到直接order即刻有位坐低慢慢品嚐。皇牌火腿吐司$34熱辣辣即叫即做！用牛油、蜜糖煎過嘅麵包，一咬去麵包外層脆，重點係滿滿既牛油香再帶有甜甜嘅蜜糖香，第一次食嘅朋友一定感到十分驚喜！煎香過嘅蛋(有粟米粒)、火腿，加上芝士、椰菜絲、酸瓜，咬落去果個口感係幾咁豐富滿足香脆薯餅吐司$35雖然睇落好似好簡單冇肉得塊薯餅同粟米粒煎蛋，其實配埋熱溶車打芝士片同蜜糖芥末醬，味道好食豐富又好夾個薯餅表面仲係脆脆地蛋嫩滑唔會煎過火總結：佢哋每份吐司都新鮮熱辣辣逐個整俾客人食 味道真係點都唔會點輸 新鮮嘅最好食嘛唯一就係店面上座位唔多同比較細 要快快食完就走…Read More

事緣因為上網睇到段介紹片講到好出名咁所以一心想黎試下咩料！金鐘地鐵站一出行過去都要啲時間，10分鐘走唔甩，上到去都要搵一搵路。另外店面唔算大，週末既食飯時間去到通常都要等位。Honbo 牛油烘過既麵包，外皮香脆，加上邪惡既芝士、秘製醬汁、兩塊煎到medium rare既兩安士牛肉漢堡，有陣陣BBQ燒過既焦香味，牛味濃郁，咬落去啲肉汁流出黎，口感非常豐富滿足！因為”Honbo”冇生菜既中和，所以的確有少少”漏”。唯一要壇既係杯Apple Pie Ice Tea...真心唔好飲，有陣死甜既味，好假既蘋果批味，搞唔掂...P.S. 會再食！！價錢一定唔算貴，如果係Burger愛好者，呢間一定值得你try try！…Read More

前陣子見有人介紹呢間拉麵店於是今日同朋友一齊黎朝聖一下！舖仔細細但裝潢各樣十分有日本拉麵小店嘅濃濃氣氛 分別叫左三碗拉麵黑豚（大蒜豚骨拉麵）赤豚（香辣蕃茄豚骨）味噌豚骨黑豚一嚟到 口罩都未除 已經聞到勁濃烈嘅黑蒜油香味 期待感大大上升🔝食拉麵當然要飲啖湯先 一入口十分香醇蒜味同豬骨湯嘅一樣咁濃郁 唔會互相搶對方味道 唔會過咸 而且仲食到蒜頭嘅輕微辛辣感 暫時真係我食過最好味嘅黑蒜湯底麵係幼身麵嚟嘅 食落偏硬身 爽口 好食配料：雲耳爽脆 有麻油調味過溏心蛋蛋味濃郁 蛋黃熟嘅程度剛剛好至於叉燒肥瘦適中 味道就正常不至於好出色但依然十分推介鍾意重口味嘅大家試呢款 因為個湯底真係好正嗰陣蒜味留喺口到瞓覺都仲有😂味噌豚骨湯底濃郁 除咗啖啖味噌味外 仲有濃濃荀味 雖然係味噌湯 但都一樣唔太咸 拿捏得剛好配料有溏心蛋、紫菜、叉燒同埋荀絲 足料！最後因為赤豚係我朋友叫既 所以唔知詳情咩味道 不予置評。最令我感動既係老闆果份執著 真係一手打理哂店舖所有大小事務 煮食又係佢 洗碗又係佢 敬佩敬佩！就算忙於準備食材既同時 都一定向每一位入黎既客人打招呼 感覺份外親切 好好味，價錢重要唔貴，食碗麵加埋底都只係$82，我諗出面都好難搵。一句講哂！I WILL BE BACK!!!…Read More

小弟有日路經太子諗住搵下有咩好野食，突然見到有間小店門口有唔少人排隊，所以決定入去試試咩料！一入到去發覺環境一般，地方都幾狹窄，唔會想坐得耐慢慢食果種。鮮蝦海鮮餃皮唔算厚，料都足，飽滿感高，蝦肉有咬口。豬骨湯底，帶有鮮甜味，飲一啖會有上癮既感覺。鮮肉韭菜餃韭菜多到滿出來，咬落去有肉汁，足料之作！一碗有9隻，基本上食完已經飽到上心口。為左試到唔同口味，決定同朋友叫兩碗唔同味道share，加多杯豆漿，Perfect!!!總括黎講，野食係唔差，不過環境唔會令你想坐低慢慢食，速食之選，值得一試！…Read More

因小薯家人關係 小薯真係由細食印尼撈麵食到大 無論即食麵嗰種印尼撈麵抑或去印尼當地食到嘅手打印尼撈麵（兩種完全係唔一樣味嘅）食嘅次數真係數之不盡！對印尼撈麵亦有好大情意結前派去開深水埗途經呢間阿明印尼餐廳見到居然有手打印尼撈麵食，二話不說即刻入去試試 睇下咩料到！叫咗碗手打印尼撈麵$38同一杯甜茶冰$8講講主角印尼撈麵先份量唔係話好多 對男仕黎講 應該唔太夠飽 要另叫野食至於配料有叉燒、炆豬肉絲、蝦餅、雲吞仔、魚蛋同炸豬皮，配料十分豐富，同係印尼當地食到嘅一樣咁多。·炸豬皮唔錯 亦夠脆好怕食到有油’億‘味嘅豬皮但呢到冇呢個問題·蝦餅就略為乾得滯·其他配料就中規中矩啦 到最期待嘅手打麵喇 麵質其實都ok嘅 但就煮耐左少少 淋咗啲 彈性亦欠奉了些小，同小薯回憶中嘅味道相比真係仲差段距離到甜茶冰呢杯野又係小薯去親印尼都會飲嘅野佢嘅味道其實有些少似台灣冬瓜茶個類飲品 飲落甜甜有清香味唔會有茶澀味 好飲環境潔淨度一般總括黎講 思鄉情發作時去食下過下癮ok或者未試過手打印尼撈麵嘅可以經過時試下…Read More

食過好多間拉麵店，但要搵一間好味既其實唔易，不過食過咁多次金田家，質素都冇差過，依然keep到水準！食過咁多次都未試過黑蒜湯底，決定今次試下！濃郁既黑蒜豬骨湯底，味道夠又唔會太油膩，岩岩好！配上燒烤過既日本叉燒，肥瘦均勻，用蔥花、紫菜、雲耳作點綴，辛子黑蒜拉麵正呀女朋友就叫左黑豚拉麵，非常濃郁既濃底，飲完一啖會想飲多啖，直到飲哂佢價錢貴少少，可能係黑豚既關係。但明顯地肉質係相對地瘦，冇咁膩，不過肉既份量大份啲，打番個和最後加份唐揚炸雞作完美總結，新鮮即炸出黎，脆口入味有肉汁，同拉麵簡直係邪惡既配搭！P.S. 價格適中，具質素 ，份量夠，絕對值得你翻食N次！…Read More

齊柏林既熱狗絕對係高水準之作，CP價極高！可以將平平無奇既熱狗做到咁多款式同配搭之餘味道仍然維一定既水準，值錢又唔係好貴，掂呀！美國洋蔥圈熱狗係一條煎到脆卜卜既法蘭克福腸上面套住一圈圈既即炸洋蔥圈，再淋上特色惹味既燒烤醬，再撒上芝士粉，將美式風味表現得淋漓盡致！澳式風情熱狗紐綸堡豬肉腸配上清新而不膩既千島夏威夷醬同菠蘿，啖啖肉既腸仔上面鋪滿芝士，芝士下面再蘊藏煙肉，我比較鐘意呢個配搭！重點係啲麵包咬落去係脆，證明佢地係先前用牛油焗過，加分！呢個價錢食到呢個質素，良心小店，超值！…Read More

在銅鑼灣鬧市入面既一間冰室，兩層樓面，空間寬敞。我諗呢度最值得食既應該就係燒春雞啦！order後等左15分鐘左右先上菜，證明係即叫即整！隻雞一黎到係完整一隻唔係半隻！上到枱隻雞出哂煙，隻手摸落去係熱辣辣，真材實料！味道方面，隻雞本身應該有用南乳醃過，相當入味。雞皮係脆卜卜，雞胸部位真係好鞋(小弟麻麻地雞胸肉)，不過雞髀肉真係好滑好嫩！驚喜黎啦！原來配菜啲薯王一樣咁好食。平時出面茶餐廳或者麥記啲薯王，一係就番炸，一係就唔夠熱重要唔脆，但呢度啲薯王係熱辣辣新鮮炸出黎，外皮係超脆，好重薯仔味！平時唔係點食薯王既我今次係清哂！P.S.燒春雞真係必食！價錢又平，加埋凍飲都唔洗$80(好似係，唔記得影單)，絕對冇介紹錯！…Read More